Сутатӑп Уйăхри пăру сутатăп.Хакĕ килĕшсе татăлнипе.
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Ӗнер, чӳк уйӑхӗн 19-мӗшӗнче, Патӑрьел окургӗнчи Аслӑ Арапуҫ ялӗнче ферма ҫуннӑ. Унта ӗнесем тӑнӑ.
Йывӑҫ каркас ҫине профнастил ҫапса тунӑ фермӑра ҫулӑм тухни пирки 20 сехет те 38 минутра шӑнкӑравласа пӗлтернӗ. Пушарнӑйсем вырӑна ҫитнӗ тӗлӗ хӑш-пӗр ӗне хӑй тӗллӗнех урама тухма пултарнӑ. Теприсем вара аякри кӗтесе тарса пытаннӑ. Вӗсене, 28 ӗнене, пушарнӑйсем урама хӑваласа тухнӑ.
Телее, пушарта пӗр выльӑх та ҫунса кайман. Ферма 10 метр сарлакӑш, 50 метр тӑршшӗ. Пушар 250 тӑваткал метр лаптӑк ҫинче алхаснӑ. Пушар 1БИС рангри пулнине палӑртнӑ. Ӑна сӳнтернӗ ҫӗре 4 техника тата 8 ҫын хутшӑннӑ.
Сӑмах май, кӑҫал ҫурла уйӑхӗнче Муркаш округӗнчи Куҫкин ялӗнче 20 вӗлле ҫунса кайнӑ. Унта пыл хурчӗсем пулнӑ.
