Чӑваш Енре пурӑнакансем Пӗтӗм Раҫҫейри «Вак укҫа эрни» вӑхӑтӗнче банксене 1,1 миллион тенкӗ ытла вак укҫа пырса пынӑ. Вӗсем 330 пин штук ытла вак укҫа илсе пырса панӑ. Ку вӑл унччен ҫавӑн пек акци вӑхӑтӗнчинчен 18 процент ытларах.
Ҫынсем ытларах чухне 1 тата 10 тенкӗлӗх тимӗр укҫа илсе пынӑ. Шупашкарта пӗрин пус укҫа 1,5 пин пулнӑ. Укҫана вӑл туй валли ваклаттарнӑ. Пӗр пайне ун чухнех тӑкакланӑ, ытти ҫӳлӗк ҫинче выртнӑ.
1 пин тенкӗллӗ банкнота ҫинче Шупашкарти Анне палӑкӗ пулма пултарассине, сасӑлав пыни пирки пӗлтернӗччӗ.
Ҫапаз Анне палӑкӗн ҫӗнӗ укҫа ҫине лекес шанчӑк пур. Вӑл 17348 сасӑ пухса чи нумай сасӑ пухнӑ 10 паллӑ вырӑн йышне кӗнӗ. Укҫа ҫине мӗн ӳкерессине Раҫҫей банкӗн тата Госзнӑкӗн ӳнӗрҫисем йышӑнӗҫ.
Сасӑлавра «Метеор» теплоход, Ҫӗр ӗҫченӗсен керменӗ, Сарӑтури Атӑл урлӑ хывнӑ автомобиль кӗперӗ малти вырӑнсене йышӑннӑ.
Элӗк районӗнчи Анатри Хурасанти арҫын почтальона вӗлернӗ те унӑн укҫине пуҫтарса чикнӗ.
Хӗрарӑм ҫухалнӑ хыҫҫӑн тӗрӗслев пуҫарнӑ. Вӑл пӗрмай пӗр арҫынпа калаҫнине палӑртнӑ. Хӑй ҫуралнӑ кун та ҫав ҫынпа калаҫнӑ иккен. Анчах 51 ҫулти арҫын туннӑ, эп ӑна пӗр ялтан тепӗр яла ҫитерсе ятӑм ҫеҫ тесе турткаланнӑ.
Тӗрӗссипе, иикӗш хушшинче тавлашу сиксе тухнӑ. Вӑл ӑна кӗленчепе пуҫӗнчен ҫапнӑ, хӗрарӑм тӗнне ҫухатнӑ. Унтан ӑна машинӑран туртса кӑларнӑ та пӑвса вӗлернӗ. Вилене вӑрманти ҫырмана пенӗ, ҫулҫӑпа тата туратпа хупланӑ. Машинӑра хӗрарӑмӑн сумки тӑрса юлнӑ, унта ялти ватӑсене памалли 200 пин тенкӗ пулнӑ. Ӑна арҫын кӑларса илнӗ.
Пуҫиле ӗҫе суда ярса панӑ.
«Старко» фирмӑн генеральнӑй директорӗ пулса ӗҫленӗ арҫынна суд тунӑ. Анчах приговор хальлӗхе саккунлӑ вӑя кӗреймен-ха.
Арҫынна РФ Пуҫиле кодексӗн 200.3 статйин 2-мӗш пайӗпе тата 201-мӗш статйин 2-мӗш пайӗпе явап тыттарма йышӑннӑ.
2016 ҫулхи ҫурла уйӑхӗнчен пуҫласа 2018 ҫулхи раштав уйӑхӗччен вӑл нумай хваттерлӗ ҫурт тума ҫынсенчен 61 миллион тенкӗ ытла пухнӑ. Анчах ӗҫне вӗҫлемен.
2020 ҫулхи ҫӗртме уйӑхӗнче «Старко» фирмӑна панкрута кӑларнӑ. 60 ҫын шар курнӑ тесе йышӑннӑ. Халӗ ҫурта урӑх организаци туса пӗтернӗ, ҫынсем хваттерлӗ пулнӑ.
Суд экс-гендиректора тӗрмене хупса хумасӑр айӑплӑ тесе йышӑннӑ, тӗрӗслев тапхӑрӗ 4 ҫула тӑсӑлӗ.
Шупашкарта пурӑнакан 16-ри геймер улталаннӑ. Яш хӑйне аслисем ҫуралнӑ кунта парнеленӗ укҫасӑр тӑрса юлнӑ.
Пӑтӑрмах пирки яш раштав уйӑхӗн 1-мӗшӗнче йӗрке хуралҫисене пӗлтернӗ. Вӑл компьютер вӑййине выляма юратнӑ. Мессенджерсенчен пӗринчи чатра хайхи администраторпа калаҫса кӗрсе кайнӑ.
Лешӗ унран малтан 700 тенкӗ ыйтнӑ, унтан — 1 тенкӗ, кайран — 2 пин тенкӗ. Ача онлайн-укҫӑллӑ пулайман, хӑйӗн пуррине вара ҫухатнӑ. Бот ултавҫӑ пулнине вӑл хӑйӗнчен тата тепӗр 5 пин тенкӗ ыйтсан ҫеҫ ӑнланса илнӗ.
Шупашкарта пурӑнакан Наталья Ершова 100 пин тенкӗ выляса илнӗ. Кун пирки Телеграмри «Пуринчен малтан» каналта пӗлтернӗ.
Наталья «Что? Где? Когда?» (чӑв. Мӗн? Ӑҫта? Хӑҫан?) телекӑларӑма кӑсӑклӑ ыйту ярса панӑ. «Пӗрисем ӑна хӑйӑр ҫинче хӑвараҫҫӗ, теприсем хӗрлӗ эрех этикетки ҫинче, виҫҫӗмӗшӗсем — мӑйӑр миххи ҫинче, тӑваттӑмӗшӗсем — ваза ҫинче. Пӗрисем ӑна йӑлана кӗнӗ йӗркепе палӑртнӑ, теприсем пачах палӑртман», — ҫакӑн пек ыйту хатӗрлене студентка. Вӑййа хутшӑнакансем ун хуравне пӗлеймен.
Ҫулталӑк вӗҫлениччен республикӑна 153 ҫӗнӗ троллейбус илсе килмелле. Вӗсене финансированин комбинациленӗ мелӗсемпе усӑ курса туянӗҫ. Ку таранччен ятарлӑ казначейство кредичӗсем пулӑшнипе 47 ҫӗнӗ автобус туяннӑ ӗнтӗ.
Ҫапла троллейбус паркне ҫӗнетесшӗн. ЧР Элтеперӗ Олег Николаев палӑртнӑ тӑрӑх, троллейбуссен вӑтам ӳсӗмӗ 6 ҫул таран пӗчӗкленнӗ.
1 пин тенкӗлӗх укҫа ҫине мӗн ӳкерессине суйлаҫҫӗ. Списокра – 25 символ. Вӗсен йышӗнче Шупашкарти Анне палӑкӗ те пур.
Укҫа Атӑлҫи федераци округне халалланӑскер пулӗ. Халӗ хӑш хулари паллӑ вырӑна сӑнлассине суйлаҫҫӗ. Сасӑлав раштав уйӑхӗн 12-мӗшӗччен пырӗ.
Ҫӗмӗрлере ачине пӗччен ӳстерекен хӗрарӑм ултавҫӑсен аллине лекнӗ. Вӑл ҫулталӑк пуҫламӑшӗнче пӗлтерӳ курнӑ, унта инвестицие укҫа хывса тупӑш тума сӗннӗ.
Хӗрарӑм телефонӗ ҫине сарӑм лартнӑ, кайран экран демонстрацине ҫутнӑ. Вал «брокер счечӗ» ҫине 25 пин тенкӗ куҫарнӑ. Унтан вӑл палламан ҫынсемпе хутшӑнма пӑрахнӑ.
Ҫулла ун патне каллех шӑнкӑравланӑ, «инвестици капиталне» ют ҫӗршывран хамӑрӑнни ҫине куҫармалла тесе ӗнентернӗ. Ҫапла вӑл ултавҫӑсене 1,5 миллион тенкӗ куҫарса панӑ.
Хӗрарӑм хӑйне улталанине ӑнлансан полицие кайнӑ.
Улатӑрта ҫӗнӗ морг тума палӑртнӑ. Вӑл инфекци уйрӑмӗпе юнашар пулӗ. Ӗҫе пурнӑҫлакан организацие палӑртма аукцион ирттереҫҫӗ. Пуҫламӑш хак – 44,5 миллион тенкӗ.
Морг пӗр хутлӑ пулӗ. Ҫавӑн пекех ҫывӑхри территорие хӑтлӑлатмалла. Документ тӑрӑх, морг Стрелецки урамӗнче Улатӑр пульницин инфекци уйрӑмӗ умӗнче пулӗ.
Хальхи вӑхӑтра морг хула варринче, Ленин урамӗнче, вырнаҫнӑ.
+11.2 °C