Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Тӗпсӗр ҫынна тӗмен ҫитмен.
[ваттисен сӑмахӗ]
 

Хыпарсем: ҫемьесем

Хулара

Шупашкарта пурӑнакан пӗр ҫемье хваттерте газпа наркӑмӑшланнӑ. Тӑватӑ ҫынна, ҫав шутра кӑкӑр ачине те, пульницӑна илсе килнӗ.

Гагарин урамӗнче пурӑнаҫҫӗ вӗсем. Кил хуҫи 22 сехетре васкавлӑ медпулӑшу чӗннӗ. Вӑл хваттерте газ шӑрши кӗнине, унӑн ҫывӑх ҫыннисене йывӑр пулнине пӗлтернӗ.

Тухтӑрсем темиҫе минутран ҫитнӗ. Анчах хваттере кӗреймен. Вӗсем ҫӑлавҫӑсене чӗннӗ. Тухтӑрсем патне шӑнкӑравланӑ арҫын алӑка уҫайман – икӗ уйӑхри ачине йӑтнӑскер тӑнне ҫухатнӑ.

Ҫӑлавҫӑсем алӑка ҫӗмӗрнӗ. Шалта кил хуҫипе арӑмӗ тата 10-ри ывӑлӗпе 2 уйӑхри ачи тӑнсӑр выртнӑ. Халӗ вӗсен пурнӑҫӗ хӑрушлӑхра мар.

Хыпар ҫӑлкуҫӗ: http://pg21.ru/news/38969
 

Хулара

Шупашкарти Ленин районӗнче пурӑнакан Дмитриевсен ҫемйинче татах ача ҫуралнӑ. Арҫын ача ҫемьере – вуннӑмӗш пепке.

Ачана Вениамин ят хунӑ. Районти ЗАГСа пӗчӗкскер ҫуралнинче ӗнентерекен хута ашшӗ илме килнӗ. Ӑна ЗАГС ӗҫченӗсем свидетельствӑна савӑнӑҫлӑ лару-тӑрура панӑ, нумай ача ашшӗне саламланӑ.

Шупашкар хула администрацийӗ пӗлтернӗ тӑрӑх, кӑҫал ҫӳлерех асӑннӑ районта Дмитриевсен ҫеҫ мар, тепӗр ҫемьен те вуннӑмӗш ача ҫуралнӑ.

Чӑвашстат пӗлтернӗ тӑрӑх, кӑҫалхи 10 уйӑхра республикӑра 12038 ача ҫуралнӑ. Ку, пӗлтӗрхипе танлаштарсан, 284 пепке сахалрах.

 

Республикӑра

Пӗтӗм Раҫҫейри «Ҫулталӑкри ашшӗ» преми иртнӗ. Унти уйрӑм номинацире пирӗн ентеш ҫӗнтернӗ.

Конкурса жюри хакланӑ. Вӗсен йышӗнче Ашшӗ-амӑшӗн наци ассоциацийӗн, Раҫҫейри хӗрарӑмсен пӗрлӗхӗн, Патшалӑх Думин элчисем пулнӑ.

Премие виҫӗ номинаципе палӑртнӑ: «Ҫемьене юратакан ашшӗ», «Общество ӗҫне хастар хутшӑнакан ашшӗ», «Чи лайӑх организаци». Нумай ача ашшӗ, Чӑваш Ен чысне хӳтеленӗскер, Роман Надеждин «Тӑлӑхсене йышӑннӑ ҫемьери чи лайӑх ашшӗ» номинацире ҫӗнтернӗ. Вӑл – тӑватӑ ача ашшӗ. Пӗри – хӳтте илни.

Аса илтерер: унччен Надеждинсен ҫемйи республикӑри «Ҫулталӑкри ҫемье» конкурсра палӑрнӑ. Раҫҫей шайӗнче иртнӗ конкурсра та вӗсем мала тухнӑ.

Хыпар ҫӑлкуҫӗ: http://pg21.ru/news/38827
 

Республикӑра

Канаш районӗнчи пӗр хӗрарӑм тӗлӗшпе пуҫиле ӗҫ пуҫарнӑ. Следстви шухӑшӗпе, вӑл хӑйӗн ҫул ҫитмен ачине тивӗҫлипе воспитани паман, пӑхман.

Прокуратура тӗрӗслев ирттернӗ. Ҫул ҫитмен хӗрача ӑнӑҫсӑр ҫемьере пурӑннине палӑртнӑ. Амӑшӗ хӑйӗн тивӗҫне пурнӑҫламасть. Ача мӗн ҫинӗ? Ку ӑна кӑсӑклантарман. Пӗчӗкскере ӑшӑ тумлантарман вӑл.

Ку кӑна мар. Айӑпланакан хӗрарӑм ачине час-часах хӗненӗ-мӗн. Ҫавна май ун тӗлӗшпе пуҫиле ӗҫ пуҫарнӑ. Ку лару-тӑрӑва прокуратура тӗрӗслесе тӑрать.

Хыпар ҫӑлкуҫӗ: http://pg21.ru/news/38747
 

Раҫҫейре

Кӑҫал ҫуркунне Шупашкарта пурӑнакан 6-ри Викӑна Димитровградри ҫемье хӑйӗн хӳттине илнӗ. Вика унччен хулара ача ҫуртӗнче пурӑннӑ. Унӑн амӑшӗ эрех ӗҫнӗ, ҫавӑнпа ӑна амӑшӗн правинчен хӑтарнӑ. Викӑна Димитровградри суту-илӳ тытӑмӗнче ӗҫлекен 37-ри Ирина усрава илнӗ.

Ҫемьере тепӗр хӗрача, 9-тискер, пур. Вика ҫав хулара шкула ҫӳренӗ, вӑл ыттисемпе лайӑхах хутшӑннӑ. Раштавӑн 13-мӗшӗнче вара вӗрентекен ачан кӗлетки ҫинче кӑвак вырӑнсем пуррине курнӑ. Вика хӑйне айӑплӑ туйнӑ. Амӑшӗ хӑш чухне тарӑхать-мӗн. Пӗррехинче ӑна калпак ҫӗтнӗшӗн ҫапнӑ. Раштав уйӑхӗн 12-мӗшӗнче Вика градусник ҫӗмӗрнӗ, куншӑн ӑна амӑшӗ хӗненӗ.

Халӗ Вика реабилитаци центрӗнче. Ӑна илсе кайнӑ чухне амӑшӗ хӑнк та туман, ӑшӑ тумтир парса яман. Хӗрарӑм хӑйне «тетя Ира» тесе чӗнтернӗ-мӗн. Ун тӗлӗшпе пуҫиле ӗҫ пуҫарнӑ.

Хыпар ҫӑлкуҫӗ: http://pg21.ru/news/38701
 

Республикӑра

Куславкка районӗнче ҫемье шар курнӑ. Ку вырӑнти судьян килӗнче пулнӑ.

Куславкка хулинче пурӑнакан ҫемье, ултӑ ҫынран тӑраканскер, сӗрӗмпе наркӑмӑшланнӑ. Ҫак кунсенче сивӗ ҫанталӑк тӑчӗ. Ҫемье ҫавна май газа пысӑклатнӑ. Сӗрӗм вара пӳрте тухнӑ.

Тухтӑрсене вӗсем хӑйсемех чӗннӗ. Тӑватӑ аслӑ ҫынна тата икӗ ачана пульницӑна илсе кайнӑ. Ачасем 2000 тата 2008 ҫулсенче ҫуралнӑскерсем. Малтанлӑха пӗлтернӗ тӑрӑх, пӳртри газ хатӗр-хӗтӗрӗ йӗркеллех ӗҫлет. Вентиляци мӗнле ӗҫлени пирки нимӗн те каламан.

 

Республикӑра

Республикӑра виҫҫӗмӗш тата ун хыҫҫӑнхи ача ҫуралсан 100 пин тенкӗ параҫҫӗ. Ку программӑна тепӗр икӗ ҫуллӑха тӑсма шухӑшланӑ. Кун пирки Михаил Игнатьев алӑ пуснӑ.

Республикӑри амӑшӗн капиталне сусӑр ачасене аталанма пулӑшакан хатӗр-хӗтӗр туянма ирӗк панӑ. Ку укҫапа кирек хӑш вӑхӑтра ку тӗллевпе усӑ курма юрать. Сӑмах май, ку тӗлӗшпе федераци амӑшӗн капиталне те тӑкаклама юрать.

Кӑҫал Чӑваш Енре нумай ачаллӑ ҫемьесене пулӑшмашкӑн 165 миллион тенкӗ уйӑрнӑ. Чӳкӗн 1-мӗшӗ тӗлне илнӗ кӑтартӑвне ӗненес тӗк, кӑҫал 100 пин тенкӗпе 1091 ҫемье усӑ курнӑ. Чылайӑшӗ ҫурт-йӗре лайӑхлатас тӗллевпе тӑкакланӑ ӑна. Хӑшӗ-пӗри ачине вӗрентме укҫа янӑ.

 

Раҫҫейре
Надеждинсем
Надеждинсем

Нумаях пулмасть Мускавра «Семья года – 2016» (чӑв. Ҫемье ҫулталӑкӗ — 2016) Пӗтӗм Раҫҫейри конкурса пӗтӗмлетнӗ. РФ Ӗҫ тата социаллӑ хӳтлӗх министерствипе Йывӑр лару-тӑрури ачасене пулӑшакан фонд йӗркеленӗ ӑмӑртӑва ҫӗршывӑн 79 регионӗнчи 294 ҫемье хутшӑннӑ. Асӑннӑ йышран 79-шне ҫулталӑк ҫемйи ят панӑ.

Чӑваш Ене ҫӗршыври конкурсра Шупашкарти Надеждинсем хӳтӗленӗ. Тӑватӑ ачаллӑ ҫемье пиллӗкмӗшне усрама илнӗ. Вӑл «Созвездие» ача пахчине инклюзивлӑ ушкӑна ҫӳрет. Надежлинсене конкурс йӗркелӳҫисе «Семья – хранитель традиций» (чӑв. Ҫемье — йӑла-йӗркене упраканӗ) номинацире чысланӑ.

Маларах «Ҫулталӑкри ҫемье» республика конкурсне пӗтӗмлетнӗччӗ. Унта Патӑрьел районӗнчи Чӑваш Ишекӗнче пурӑнакан Уткинсене ҫитекен пулман.

 

Республикӑра

Ҫак кунсенче «Ҫулталӑкри ҫемье» республика конкурсне пӗтӗмлетнӗ. Ҫав вӑхӑтрах юрласа-ташланӑ, ӑсталӑх класӗсем иртнӗ.

Мероприяти ӗнер Чӑваш патшалӑх академи драма театрӗнче иртнӗ. Парламентари унта хутшӑнакансем хатӗрленӗ портфолиопа паллашнӑ, ачасен ӳкерчӗкӗсен конкурсне хакланӑ.

Ҫемьесем пур номинацире те лайӑх енчен палӑрнӑ. Кӑҫал вара Патӑрьел районӗнчи Чӑваш Ишекӗнче пурӑнакан Уткинсене ҫитекенни пулман. Ашшӗ-амӑшне ЧР Элтеперӗн Тав хутне панӑ тата «Юратупа шанчӑклӑхшӑн» медаль тыттарнӑ.

Ҫемьесене чысланӑ хыҫҫӑн концерт пулнӑ.

Хыпар ҫӑлкуҫӗ: http://pg21.ru/news/38172
 

Хулара

Шупашкарти ача ҫуратмалли ҫуртра виҫӗреш ҫут тӗнчене килнӗ. Амӑшӗпе виҫе ачине пульницӑран кӑларнӑ чухне савӑнӑҫлӑ лару-тӑрура кӗтсе илнӗ.

Полина, Данила тата Илюша юпа уйӑхӗн 14-мӗшӗнче ҫуралнӑ. Вӗсене пульницӑран киле ӗнер кӑна янӑ. Ҫак тапхӑрта вӗсене тухтӑрсем сӑнаса тӑнӑ.

Вӗсене кӗтсе илмешкӗн Республикӑри хӗрарӑмсен канашӗн ыркӑмӑллӑх фончӗн попечительлӗх канашӗн председателӗ Лариса Игнатьева, Шупашкар хула пуҫлӑхӗн тивӗҫӗсене пурнӑҫлакан Ирина Клементьева, депутатсем, чиновниксем килнӗ.

Ашшӗпе амӑшӗ ҫамрӑк. Ҫапах тӳрех виҫӗ ача ҫурални хӑратман. Аслашшӗпе асламӑшӗ, кукашшӗпе кукамӑшӗ вӗсене пулӑшма хатӗр.

Хыпар ҫӑлкуҫӗ: http://pg21.ru/news/38066
 

Страницӑсем: 1 ... 11, 12, 13, 14, 15, 16, 17, 18, 19, 20, [21], 22, 23, 24, 25, 26, 27
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (12.08.2020 03:00) пӗлӗтлӗ ҫанталӑк, атмосфера пусӑмӗ 748 - 750 мм, 14 - 16 градус ӑшӑ пулӗ, ҫил 1-3 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Йывăр ĕçсене çак эрнене планлăр. Кăтарту эсир кĕтнинчен те лайăхрах пулĕ. Халĕ паллашнă çынсемпе хĕрÿ туйăмсем çуралма пултарĕç. Тавралла пăхăр! Диетăна пăхăнакан Сурăхсене хăйсене чарма йывăр пулĕ.

Ҫурла, 12

1906
114
Куторкин Андрей Дмитриевич, Мӑкшӑ республикин тава тивӗҫлӗ ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш халӑх сайтӗнче цензура пулмалла-и?
Ку ыйтӑва редакци татса памалла
Пулмалла, анчах виҫеллӗ
Паллах, пулмалла, унсӑр ӑпӑр-тапӑр япала лартма пулать!
Маншӑн ҫавах
Ҫук, хуть те мӗнле материала ирӗклӗн вырнаҫтармалла
Эпир Facebook-ра 1370+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org