Электронлă вулавăш

Ку сайтра эсир чăвашла çырнă хайлавсене тупма пултаратăр. Пур хайлава та авторĕ, çырнă çул тăрăх çăмăллăн тупма пулать. Ку архива ятарласа хатĕрленĕ — сире килĕшекен хайлавсене эсир ку сайтра та, уйрăммăн уçласа илсе те вулама пултаратăр.

Пӗлме: хайлавсем вырнаҫтармалли йӗрке.

Мункун çитсе килчĕ,

Ĕçме-çиме пĕтсе килчĕ,

Вут-шанкă çывăхарса çитрĕ.

Пуртă илтĕм, çумма чикрĕм,

Хуншур çулĕпе вăрмана кайрăм.

Вăрмана çитрĕм — каç пулчĕ.

Вăш-вăш-вăш çил вĕрет,

Йывăç тăррисем каш-каш-каш.

Çурхи çил — сивĕ çил,

Сивĕ çил те шĕвĕ çил,

Шĕвĕ çил те шерпет мар,

Çтан кĕрет, çавăнтан чĕптет.

Ах тумаша! Мĕн тăвас?

Ăшăнас тетĕп — вуттăм çук,

Чĕркенес тетĕп — тумтирĕм çук,

Киле каяс — çул-йĕр çук.

Уй куçлă, вăрман хăлхаллă.

Эпĕ асапланнине те вăрман илтрĕ:

Сассине пачĕ — самая килчĕ.

Савăнтăм кайрăм — патне пытăм.

Патне пырсан та — пӳрт пулмарĕ:

Ват юман ăшĕнче калаçать,

Çын евĕрлĕ калаçмасть.

Кĕрес тесен — алăк çук,

Савăнас тесен — паллашу çук.

Итлеп-итлеп хам сассине,

Çынăн евĕрлĕ сасă мар.

Куç курать те — шăл витмест.

Утне çитмен туртине —

Чун кутнипе чун хутрăм.

Умра юманăм, алăра пурттăм.

Юмласа пăхрăм, юмана çапрăм —

Юман çурăлса шатăртатса кайрĕ,

Арçури тухса ӳкерсе кайрĕ,

Малалла

— Атя, инке, сертея.

— Серте çамрăк — пымастăп.

— Атя, инке, потрана.

— Портан пиçмен — пымастăп.

— Атя, инке, çырлая.

— Çырла полман — пымастăп.

Инке-арăм хĕр полмĕ,

Кӳлнĕ торăх сĕт полмĕ.

Инке терĕм, мĕн терĕм,

Пре кăмăл кор терĕм.

Пре кăмăл кормарĕ,

Ĕмĕрех хосах çӳремĕпĕр.

Атя, пĕр хĕрсем, лармашкăн,

Шăши мыри пак тора пор;

Ăна каткаласа парăп çимашкăн.

Сар-пăр хĕрсам

Сар утăна кайнă,

Сар çомăр килнĕ,

Сар ут вырнне пĕр кĕпçе.

Хĕрсам алли ти(в)месĕр,

Кĕпçе тăрри çорлиман.

Каччă алли тимесĕр,

Хĕрĕн кăкăр хăпарман.

Хора Ваçкан телей пор,

Поян çыннăн хойхи пор;

Пĕр сом окçа çĕр сом мар,

Пин сом окçа çĕр сом мар.

Чăршă тăрринче кукку автать,

Ырашлăхра потян автать;

Çĕмĕрт тăрринче шăпчăк автать:

Перĕн автас килмест-и?

Инçе выртсан çулăмăрсем,

Йывăр килсен кунăмăрсем,

Аннемĕрсем кайман асран.

Аннемĕрсем-чĕремĕрсем,

Сире савса, вутра çунса,

Вутран тухса, вăхăт тупса,

Салам яраттăмăр ютран.

Курман чухне куçăмăрсем,

Утман чухне урамăрсем,

Аппамăрсем кайман асран,

Аппамăрсем-чунăмăрсем.

Сире савса, вутра çунса,

Вилес çĕртен сăмах тупса,

Салам яраттăмăр ютран.

Пĕрле чухне пиччемĕрсем,

Алра чухне черккемĕрсем,

Инкемĕрсем кайман умран.

Инкемĕрсем-сеçкемĕрсем,

Сире савса, вутран тухса,

Мире савса, черкке тытса,

Салам калаттăмăр туйра.

Кулса килсен кунăмăрсем,

Вутран тухсан туппăмăрсем,

Саван хĕрсем тухман асран.

Йăмăкăмсем-ĕмĕтĕмсем,

Сире савса, салтак пулса,

Савни пулса, çеçке тытса,

Эп килтĕм вутлă вăрçăран.

Конгресс мар пуль ку, чĕлхе пасарĕ!

Сăмахсем пĕр пек те, пĕр те мар,

вĕсене çыхать-тĕр пĕр тымар.

Ак ăçта Махмудăн сăмахсарĕ!

Тăнласа итлетĕп тĕрĕке,

хушăран бу не тесе ыйтатăп.

Пĕчченех çӳретĕп те утатăп,

тухнă тейĕн тин çеç ирĕке.

Акă ташă кĕввисем илетĕп.

Ташласа кăтартрăм ăнланма.

Çыннисем пуçларĕç ал çупма,

тĕрĕксемпе эп те çемĕлетĕп.

Хĕр пĕрчи валли илесшĕн сулă.

Пĕр хĕркке туяннине пăхап.

Сисрĕ те вăл парнелерĕ кулă.

Лавккаран хавхаланса тухап.

Эй, тĕнче! Ытла та пĕчĕк эсĕ.

Пур чĕлхи-çынни пĕрешкелех.

Кăмăлсем ан пулччăр çеç чикесĕр.

Пурăнасчĕ тĕрĕс-тĕкелех.

14.09.2007. Анкара. Каç кӳлĕм.

(халăх юрри майлă)

— Кĕмĕл-ши эс, Раккасси,

Ылтăн-ши эс, Раккасси,

Хĕртсе хĕвел пăхнă чухне

Ылтăн пуль эс, Раккасси.

Сала-ши эс, Раккасси,

Хула-ши эс, Раккасси,

Ялăмăрсем ӳснĕ чухне

Хула пуль эс, Раккасси.

Çеçке-ши эс, Раккасси,

Çырла-ши эс, Раккасси,

Садăмăрсем чечен чухне

Çеçке пуль эс, Раккасси.

Çăтмах-ши эс, Раккасси,

Юмах-ши эс, Раккасси,

Тус-тăванпа пĕрле чухне

Çăтмах пуль эс, Раккасси.

Сăвă-ши эс, Раккасси,

Кĕвĕ-ши эс, Раккасси,

Юррăмăрсем юхнă чухне,

Юрă пуль эс, Раккасси.