Сăпка юрри
Атнере
Сĕм вăрманĕ каш та каш,
Сулхăн çилĕ ваш та ваш,
Эс ан çуйăх, ан çухраш,
Çывăр, пĕчĕкçĕ чăваш!
Урупа ан тапкалаш,
Аллупа ан çапкалаш,
Аннӳпе эс ан тавлаш,
Çывăр, Аптраман тавраш!
Ашă çумăр чаш та чаш,
Ӳс, калчам, çĕклен эс яш,
Çӳлерен çӳле кармаш.
Çывăр, пĕчĕкçĕ чăваш!
Юлташпа эс пул юлташ,
Усалпа эс ан паллаш.
Тăшманпа ан пул йăваш,
Çывăр, Аптраман тавраш!
Вырăспа та тăванлаш,
Тутарпа та эс туслаш,
Пурте — пирĕн хурăнташ,
Çывăр, пĕчĕкçĕ чăваш!
Малалла утсан — малаш,
Каялла юлсан - каяш,
Чăн çултан эс ан аташ.
Çывăр, Аптраман тавраш!
Вулавçăсен шухăшĕ
Çĕнĕ комментари хуш
chuvash (2009-03-14 15:08:32):
Питĕ килĕшрĕ! Сăвăна mp3 форматра ăçта тупма пулать-ши?
Иван (2010-09-16 18:46:59):
Прекрасные стихи.По-чаще бы так.Я первый раз нашел этот сайт.Спасибо
ЛАГвет (2012-11-27 00:58:35):
Ырă кун пултăр. Çакă сăвăсенчен кĕвĕленĕ юррисене ăçта тупма пулать-ши?
влад маскай (2018-04-13 02:17:31):
Чăн-чăн педагогика кĕтесĕ çав ĕнтĕ! Пур енчен те пурнăçа уçса панă Петр Петрович. Ачасене те чунтан юратать, Аттепе Аннен ĕсне те чухласа йĕркене кĕртет. Мен чухлĕ анлă унăн тавракурăмĕ! Ăстаран Ăста хисеплĕ Чăваш Халăх поэтчĕ! Форма енчен те лайăх, сăвă хăех юрланса пырать пек ăшра.