Республикӑра
![]() «Ҫурт-йӗр тата хула тавралӑхӗ» наци проектне пурнӑҫласси пирӗн республикӑри хӑш-пӗр районпа хулара тивӗҫлӗ шайра пурнӑҫланса пыманнине иртнӗ эрнере Правительство ҫуртӗнче сӳтсе явнӑ. Ҫавӑн хыҫҫӑн объектсенче тӗреслев пуҫарнӑ. Республикӑн Стройминӗн тата Пӗтӗм Раҫҫейри халӑх фрончӗн пайташӗсем Ҫӗрпӳ тата Шӑмӑршӑ районӗсенче пулнӑ. Ҫӗрпӳри Никитин урамӗнчи Тӗп паркри пӗвене хӑтлӑлатма йышӑннӑ. Контрактра пӑхса хӑварнӑ тӑрӑх, ӗҫе ҫурла уйӑхӗнче вӗҫлемелле пулнӑ. Анчах материал кӳрсе килессипе йывӑрлӑх сиксе тухнӑ. Лиственница вырӑнне йӳнӗ лӑсӑллӑ йывӑҫ кӳрсе килнӗ. Халӗ кирлӗ материала турттарса килнӗ. Пӗве тавралли территорире хунарсем вырнаҫтарӗҫ. Подряд организацийӗ ӗҫе юпа уйӑхӗн 25-мӗшӗ тӗлне вӗҫлеме шантарнӑ. Хыпар ҫӑлкуҫӗ:
|
Республикӑра
![]() Паян Чӑваш Ен Правительство ҫуртӗнче Чӑваш Ен Элтеперӗ Олег Николаев «Раҫҫей почти» акционерсен обществин Атӑл тӑрӑхӗнчи макрорегионӗн директорӗпе Александр Вакуленкӑпа тӗл пулнӑ. Александр Вакуленко Раҫҫей почтин республикӑри управленийӗн пуҫлӑхӗн тивӗҫӗсене пурнӑҫлакан Максим Ладиловпа паллаштарнӑ. Шӑпах ун пирки вӑл регионти филиалӑн пуҫлӑхӗ пулмалли кандидат тесе каланӑ. Ведомствӑн ҫӗнӗ ертӳҫи почта тытӑмӗнче чылай ҫул ӗҫленӗ. 2006 ҫултанпа Максим Ладилов Раҫҫей почтин Чӑваш Енри управленийӗнче директорӑн операци управленийӗ енӗпе ӗҫлекен ҫумӗ пулса тӑрӑшнӑ. Хыпар ҫӑлкуҫӗ:
|
Республикӑра
![]() Фото minust.cap.ru Ӗмӗр ӗмӗрлесси уй урлӑ каҫасси мар тенӗ ваттисем. Пӗве кӗрсе ҫемье ҫавӑратпӑр, анчах пӗрне-пӗри ӑнланса пурӑнма ӑс-тӑнӑмӑр пур чухне те ҫитеймест. Кил-тӗрӗшре чашӑк-тирӗк шакӑртатмасӑр пулмасть-ха. Уйрӑлсан лайӑх-ши е пӗрле пурӑнсан-и? Пӗрне-пӗри каҫармалла-и? Ҫемьере килӗшӳпе тату хуҫалантӑр тесен мӗн тумалла? Ҫак тата ытти ҫавӑн евӗрлӗ ыйтӑва Шупашкар хулинчи Мӑшӑрлану керменӗнче кашни шӑматкунсерен 11 сехетре сӳтсе яваҫҫӗ. Мероприятие республикӑн Юстици ӗҫӗсен комитечӗ йӗркелет. Ҫемьери хутшӑнусемпе ҫыхӑннӑ калаҫӑва мӑшӑрланас ӗмӗтлисем те, ҫемье ҫавӑрма ӗлкӗрнисем те хутшӑнма пултараҫҫӗ. Хыпар ҫӑлкуҫӗ:
|
Республикӑра
![]() Чӑваш Ен Элтеперӗ Олег Николаев республикӑри мӑнаҫлӑ пулӑмсемпе тата ҫынсемпе ятарлӑ хэштегсем кӑтартса тӗнче тетелӗнчи халӑх ушкӑнӗсенче мӑнаҫланма чӗнсе каланӑ. Республика Элтеперӗн Инстаграмри странцинче #ВместеГордимся #ПерлеМухтанатпар хэштегсемпе усӑ курма сӗннӗ. Телефонти айсарӑмра чӑваш саспаллийӗсем пуррисем (ун пек шрифтпа усӑ курма паян нумайӑшӗ пӗлет пулӗ), пирӗн шухӑшпа, #ПӗрлеМухтанатпӑр тесе ҫырма пултараҫҫӗ. Олег Николаев пирӗн тӑрӑх мӑнаҫланмалли пулӑмсемпе пуяннине палӑртнӑ. Сӑмахне ҫирӗплетме вӑл темиҫе тӗслӗх илсе кӑтартнӑ. Сӑмахран, Хусанта иртнӗ марафонта ылтӑн медале ҫӗнсе илнӗ Алина Прокопьева. Экологи нимеҫисем канмалли кунсенче Йӑлӑмра чӑрӑш хунавне лартнине те асӑннӑ. Хыпар ҫӑлкуҫӗ:
|
Республикӑра
![]() opni.3dn.ru сайтри сӑн Вӑрнар районӗнчи Нурӑсри психоневрологи интернатӗнче пурӑнакансем кӑшӑлвируспа чирлеме пултарнӑ. Кун пирки сывлӑх сыхлавӗн министрӗ Владимир Степанов пӗлтернӗ. Юпан 10-мӗшӗнче икӗ пациентка пуҫ ыратнине пӗлтернӗ, ӳт температури те хӑпарнӑ. Вӗсене изоляцие хупнӑ, ыттисене вара тӗрӗсленӗ. Кун хыҫҫӑн тепӗр икӗ пациента изоляцие лартнӑ. Пӗрне компьютер томографийӗ тунӑ, унӑн ӳпки пӗр енчен 5 процент сиенленни палӑрнӑ. Унӑн ытти чир пуррипе шута илсе ӑна инфекци уйрӑмне вырттарнӑ. Ҫав каҫах тепӗр 8 пацентӑн сывлӑхӗ япӑхланнӑ. ЧР Элтеперӗ Олег Николаев мерӑсем йышӑнма хушнӑ. Паян интернатра ӗҫлекен ҫынсенчен тата пациентсенчен анализ илнӗ. Хыпар ҫӑлкуҫӗ:
|
Республикӑра
![]() mkrkuvshinka.ru cӑнӳкерчӗкӗ Чӑваш Енри строительство организацийӗсенчен пӗрне, «Лидер» СЗ» тулли мар яваплӑ обществӑна, панкрута кӑларма йышӑннӑ. Ҫапла тӑвас текенни — республикӑн Правительстви. Ҫакӑн пирки чувашинформ.рф журналисчӗсем хыпарланӑ. Тӳре-шара ку йышӑнӑва ытахальтен туман. Строительство объекчӗсенчи лару-тӑрӑва сӑнанӑ, строительство организацине укҫа хывнисен шухӑш-кӑмӑлӗпе кӑсӑкланнӑ, пуҫланӑ объектсене туса пӗтерме инвестор ҫуккине шута илнӗ. Нумай хваттерлӗ ҫуртсене строительство организацийӗ Шупашкарта икӗ вырӑнта хӑпартма пуҫланӑ: «Гагарин» тата «Кувшинка» комплекссенче. Хвтатер илме 853 ҫын укҫа хывнӑ. Предприятие панкрута кӑларсан Пайҫӑсен правине хӳтӗлес енӗпе ӗҫлекен фонд пулӑшӑвӗпе усӑ курасшӑн. Хыпар ҫӑлкуҫӗ:
|
Республикӑра
![]() "На связи" форум сайтӗнчен илнӗ сӑн Паян ЧР экономика министрӗ пулнӑ Владимир Аврелькин тӗлӗшпе каллех суд пулнӑ. 42 ҫулти экс-министра ҫӗнӗ срок панӑ. Хальхинче ӑна ҫирӗп режимлӑ колоние 8 ҫуллӑха ӑсатма йышӑннӑ. Ӑна сӗтев илнӗшӗн тата ҫынна улталанӑшӑн айӑпланӑ. Ҫаксене «Стройсфера» фирма директорӗ тӗлӗшпе пуҫарнӑ пуҫиле ӗҫе тишкернӗ чухне тупса палӑртнӑ. Унчченхи айӑплав срокне шута илсе патшалӑх айӑплавҫи судра Аврелькина ҫирӗп режимлӑ колоние 9,5 ҫуллӑха ӑсатма ыйтнӑ. Суд 8 ҫул пама йышӑннӑ, кунсӑр пуҫне унӑн 4 млиллион тенкӗ штраф тӳлемелле. Палӑртмалла: халӗ Аврелькин колонире ларать, ӑна унччен суд унта 4,5 ҫуллӑха ӑсатма йышӑннӑ. Хыпар ҫӑлкуҫӗ:
|
Республикӑра
![]() Юпан 7-мӗшӗнче Элӗк районӗнчи Шуркасси ялӗнчи пӗр ҫемье патне участковӑй, водитель ҫитнӗ, упӑшкипе арӑмӗ тем пайлайман-мӗн. Вӗсем ҫакна тӗрӗсленӗ. Арҫын полицейскисене курсан пӳртре питӗрӗнсе ларнӑ, пӗрле пурӑнакан хӗрарӑма персе пӑрахассипе хӑратнӑ. Участковӑй алӑк леш енче пӑшал шӑкӑртатнӑ сасса илтнӗ. Крыльца ҫинче гильзӑсем тупнӑ. Вырӑна Росгвардин спецназӗсем ҫитнӗ, полицейскисем те килнӗ. Темиҫе сехетрен арҫын килтен тухнӑ, хӗрарӑма ҫӗҫӗпе хӑратса вӑрмана кӗрсе ҫухалнӑ. Кӑштахран ӑна тытса чарнӑ. Хӗрарӑмӗ чиперех. Пӑшала ҫырмара тупнӑ. 57-ри арҫын тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
Республикӑра
![]() culture.ru сайтри сӑн Чӑваш Ен Элтеперӗн администрацийӗ республикӑра коррупци сарӑлнине тӗрӗслесшӗн. Ҫакна ыйтӑм ирттерсе палӑртӗҫ. Ку ӗҫе «Стратегия» тулли мар яваплӑ общество пурнӑҫлӗ. Вӑл аукциона 486 пин тенкӗ сӗнсе выляса илнӗ. Контрактпа килӗшӳллӗн, социологсем 50 кунра ыйтӑм ирттерӗҫ, Чӑваш Енри коррупцин структурине, спецификине палӑртӗҫ, вӑл мӗншӗн пулнине тишкерӗҫ. Контактпа килӗшӳллӗн, йӑлари коррупципе 830 анкетӑран кая мар пухмалла, ӗҫлӗ коррупципе 200-тен кая мар респондентран ыйтса пӗлмелле. Тӗпчеве планшетпа ирттерӗҫ. Тӗпчев хыҫҫӑн танлаштарӑм хатӗрлӗҫ. Хыпар ҫӑлкуҫӗ:
|
Республикӑра
![]() Тӑван ҫӗршывӑн Аслӑ вӑрҫин ветеранӗн Александр Кулагинӑн ҫуркунне 75 пин тата 25 пин тенкӗ илмелле пулнӑ. Анчах Пенси фончӗ вӑл 1941-1945 ҫулсенчи ҫапӑҫусене хутшӑнман тесе укҫа паман. Кулагин 1951-1953 ҫулсенче Украинӑри ҫар операцисене хутшӑннӑ. Саккунпа килӗшӳллӗн, вӑл ветеран шутланать. Прокуратура ветерана хӳтӗленӗ. Суд пулнӑ, Пенси фончӗ выляса янӑ. Александр Кулагина ҫав 100 пин тенке пама йышӑннӑ. Анчах ветеран ӑна илме ӗлкӗреймен… Вӑл юпан 4-мӗшӗнче каҫхине вилнӗ. Тепӗр ирхине вара укҫа-тенке килсе панӑ. Александр Кулагине юпа уйӑхӗн 6-мӗшӗнче пытарнӑ. Хыпар ҫӑлкуҫӗ:
|
Шупашкарта ҫывӑх вӑхӑтра (20.04.2025 15:00) пӗлӗтлӗ ҫанталӑк, атмосфера пусӑмӗ 748 - 750 мм, 22 - 24 градус ӑшӑ пулӗ, ҫил 6-8 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.
| Золотов Василий Гордеевич, халӑха ҫутта кӑларас ӗҫе йӗркелекенӗсенчен пӗри ҫуралнӑ. | ||
| Иванов Алексей Иванович, чӑваш чӗлхи тӗпчевҫи, журналист редактор вилнӗ. | ||
![]() | Пулӑм хуш... |