Чӑваш Енре «Земство кульура ӗҫченӗ» программа ӗҫлесе кайӗ. 50 пин ҫын таран пурӑнакан ял-салана ӗҫлеме каякан культура ӗҫченӗсем 1 миллион тенкӗ илме пултарӗҫ.
ЧР Элтеперӗ Олег Николаев пӗлтернӗ тӑрӑх, хальхи вӑхӑтра ЧР Культура министерстви нормативлӑ документсене хатӗрлет. Вакантлӑ должноҫсен списокне хатӗрлеме тытӑннӑ ӗнтӗ.
Паян ЧР Элтеперӗ Олег Николаев хӑйӗн юбилейне паллӑ тӑвать. Вӑл 55 ҫул тултарнӑ. Олег Алексеевич халӗ шӑпах отпускра пулнине пӗлтернӗччӗ ӗнер.
Палӑртмалла: Олег Николаев 1969 ҫулхи раштав уйӑхӗн 10-мӗшӗнче Хӗрлӗ Чутай районӗнчи Чурпай ялӗнче ҫуралнӑ. Ӑна Чӑваш Ен Элтеперне 2020 ҫули авӑн уйӑхӗн 22-мӗшӗнче суйланӑ.Ку пукана йышӑннӑ чухне вӑл 50 ҫулта пулнӑ.
Ку эрнерен Чӑваш Ен Элтеперӗ Олег Николаев отпускра пулӗ. Кун пирки вӑл хӑйӗн телеграм-каналӗнче пӗлтернӗ.
Олег Алексеевич каланӑ тӑрӑх, вӑл отпуска яланхи пекех Раҫҫейре ирттерӗ. Ҫапах вӑл республикӑри пулӑмсене сӑнасах тӑрассине, ҫыхӑнурах пулассине пӗлтернӗ.
Олег Николаев юлашки хутчен отпускра пӗлтӗр утӑ уйӑхӗнче пулнӑ.
ЧР Элтеперӗ Олег Николаев «РИА Новости» реклама агентствине интервью панӑ. Унта вӑл халӑхшӑн уҫӑ пулнине палартнӑ.
Олег Алексеевич палӑртнӑ тӑрӑх, вӑл кунсерен лавккасенче пулать, урамра ҫӳрет, ун чухне ҫынсем ун патне пырса калаҫаҫҫӗ. «Ку савӑнтарать», – тенӗ Элтепер.
Вӑл каланӑ тӑрӑх, республика ертӳҫинче ӗҫлеме пуҫланӑ чухне ун патне ыйтусемпе ытларах пынӑ. Халӗ вара – ӗҫшӗн тав тума е пӗрле сӑн ӳкерӗнме.
Ҫулталӑк вӗҫлениччен республикӑна 153 ҫӗнӗ троллейбус илсе килмелле. Вӗсене финансированин комбинациленӗ мелӗсемпе усӑ курса туянӗҫ. Ку таранччен ятарлӑ казначейство кредичӗсем пулӑшнипе 47 ҫӗнӗ автобус туяннӑ ӗнтӗ.
Ҫапла троллейбус паркне ҫӗнетесшӗн. ЧР Элтеперӗ Олег Николаев палӑртнӑ тӑрӑх, троллейбуссен вӑтам ӳсӗмӗ 6 ҫул таран пӗчӗкленнӗ.
Истори ӑслӑлӑхӗсен докторӗ Иван Бойко пособи илсе тӑрӗ. Ӑна кашни уйӑхрах 5 пин тенкӗ парӗҫ. Хушӑва ЧР Элтеперӗ Олег Николаев чӳк уйӑхӗн 28-мӗшӗнче алӑ пуснӑ.
Иван Бойко – Чӑваш патшалӑх гуманитари ӑслӑлӑхӗсен институчӗн ӗҫченӗ. Унта 1976 ҫултанпа ӗҫлет. Унӑн тӗп ӗҫӗсем: «Этнография переписи в Чувашской Республике» (авторпа пӗрле), «Рабочие Волго-Вятского региона: опыт и уроки социально-экономического развития».
Сӑмах май, ҫӗртме уйӑхӗнче ҫак институтрах ӗҫлекен Михаил Кондратьева та пособи пама йышӑннӑ.
Чӳк уйӑхӗн 10-мӗшӗ тӗлне Шупашкарти Хӗрлӗ тӳремре Раҫҫейӗн тӗрленӗ карттин музейӗ уҫӑлмаллаччӗ. Ҫапла пӗлтернӗччӗ ЧР Элтеперӗ Олег Николаев. Аукцион та иртнӗ, подрядчике те палӑртнӑ. Анчах мӗн пулса иртет-ха паянхи кун кӳлмекре? «Ҫыхӑнура» портал журналисчӗсем вырӑна тухса сӑн ӳкернӗ.
Чӳк уйӑхӗн 13-мӗшӗнче сӑнӳкерчӗксене пӑхсан ҫакӑ курӑнать: тимӗр карта леш енче никӗс кӑна пур. Монтаж тума тытӑнман та. Музей чӳк уйӑхӗн 26-мӗшӗччен, Чӑваш тӗррин кунӗччен, пулӗ-ши?
ЧР Элтеперӗ Олег Николаев каллех «тӳрӗ лини» ирттерме палӑртнӑ. Хальхинче вӑл чӳк уйӑхӗн 28-мӗшӗнче каҫхи 6 сехетре пулӗ.
Ӑна Элтеперӗн телеграм-каналӗнче, «Контактри» унӑн страницинче, «Чӑваш Республики» сообществӑра, Наци телекуравӗпе курма, Наци радиовӗпе тата «Тӑван радиопа» итлеме май пулӗ. Ыйтусене Патшалӑх пулӑшӑвӗсен порталӗ урлӑ яма, пост-анонс айӗнче комментари хӑварма юрать.
Сӑмах май, юлашки хутчен «тӳрӗ лини» ҫурла уйӑхӗн 29-мӗшӗнче иртнӗ.
Ҫитес ҫул Тӑван ҫӗршывӑн Аслӑ вӑрҫи пӗтнӗренпе 80 ҫул ҫитнӗ май вӑрҫӑ ачисене укҫан хавхалантарассине ЧР Элтеперӗ Олег Николаев пӗлтернӗччӗ. Халӗ мӗн чухлӗ укҫа парасси паллӑ.
Ҫитес ҫул республикӑри 42 пине яхӑн вӑрҫӑ ачи 2-шер пин тенке тивӗҫӗ. Ҫак тӗллевпе хыснаран 83,7 миллион тенкӗ уйӑрӗҫ.
Сӑмах май, ҫак категорие кӗрекен ҫынсем валли уйрӑм тӳлев ҫук. Республикӑри 818 вӑрҫӑ ачин комманаллӑ тӑкакӗсен 25 процентне саплаштараҫҫӗ.
Канаш хулинче Красноармейски урамӗнчи пӗр ҫуртра халӗ те ӑшӑ ҫук. Унта пурӑнакансем электрохатӗрсемпе ӑшӑнаҫҫӗ.
Мӗншӗн ӑшӑ халӗ те ҫук? Ку ҫивӗч ыйту пирки Чӑваш Ен Элтеперӗ Олег Николаев та пӗлет.
РФ Следстви комитечӗн Чӑваш Енри следстви органӗсем Канаш хулин администрацийӗ служба тивӗҫӗсене кирлӗ пек пурнӑҫламан тесе пуҫиле ӗҫ пуҫарнӑ. Халӗ следстви пырать.
+23.3 °C