Сайта кӗр | Регистраци | Сайта кӗрсен унпа туллин усӑ курма пулӗ
 +28.3 °C
Тӗпсӗр ҫынна тӗмен ҫитмен.
[ваттисен сӑмахӗ]
 

Хыпарсем: элтепер

Культура
cap.ru сӑнӳкерчӗкӗ
cap.ru сӑнӳкерчӗкӗ

Паян, пуш уйӑхӗн 25-мӗшӗнче, Культура ӗҫченӗсен кунӗ. Чӑваш Енре культурӑпа ӳнерте 4,5 пин ытла ҫын ӗҫлет. Ку цифрӑна республикӑн влаҫ органӗсен официаллӑ порталӗнче пӗлтернӗ. Вӗсем — музейсен, вулавӑшсен, театрсен, пултарулӑх ҫурчӗсен, музыкӑпа ташӑ коллективӗсен ӗҫченӗсем.

Юлашки 5 ҫулта асӑннӑ сферӑна 4,7 миллиард тенкӗ хывнӑ, ҫавна пула 500-е яхӑн объекта техникӑпа тивӗҫтерне, юсаса ҫӗнетнӗ.

Культура ӗҫченӗн кунӗ ҫинчен тӗплӗнрех РУВИКИ-н чӑваш уйрӑмӗнче вуласа пӗлме пулать.

 

Республикӑра
Cap.ru сӑнӳкерчӗкӗ
Cap.ru сӑнӳкерчӗкӗ

Чӑваш Енре кӑҫал та сӑра фестивальне иритерӗҫ. «Раҫҫейӗн симӗс ылтӑнӗ» хальхинче утӑ уйӑхӗн 12-19-мӗшӗсенче пулӗ.

Фестивале йӗркелекенсем шантарнӑ тӑрӑх, кӑҫал ӑна тата та чаплӑрах, ҫӳллӗрех шайра ирттересшӗн.

Республикӑн влаҫ органӗсен официаллӑ порталӗнче хыпарланӑ тӑрӑх, «ӗҫлӗ партнерсемпе хӑнасене» пӗлтӗрхинчен ытларах чӗнмелле.

Республика Элтеперӗ Олег Николаев та сӑра фестивалӗ питех кирлӗ мероприяти тесе каланӑ май фестиваль аграрисене, влаҫа тата усламҫӑсене пӗрлештернине палӑртса хӑварнӑ.

 

Персона

Вӑрмар округӗнче пурӑнакан Мария Николаевна Михайловна ҫак кунсенче 100 ҫул тултарнӑ. Ӑна саламлама ЧР Элтеперӗ Олег Николаев ҫитнӗ.

Мария Николаевна хӗрӗпе пурӑнать. Пурнаҫӗ ҫӑмӑл килмен унӑн. Пӗчӗклех вӑл тӑлӑха юлнӑ, ача чухнех колхозра ӗҫлеме пуҫланӑ. Анчах йывӑрлӑхсем те унӑн чунне хытарман, вӑл паянхи кун та пурнӑҫпа киленме, шӳтлеме пӗлет.

Мария Николаевна хӑнасене тарават кӗтсе илнӗ. Малтанах вӑл хӑйӗн патне Элтепер килнине ӗненмен те.

Хыпар ҫӑлкуҫӗ: https://vk.com/wall-194537172_20243
 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Шупашкарта ҫӗнӗ больница тӑвасшӑн. Ҫак темӑна республика Элтепере Олег Николаев Мускавра пулнӑ чухне Раҫҫейӗн строительство министрӗпе Ирек Файзуллинпа тӗл пулсан хускатнӑ.

Шупашкарта Республикӑн клиника больницин ҫӗнӗ комплексне тӑвасшӑн. Проектпа пӑхҫа хӑварна тӑрӑх, больницӑн корпусне, Президент перинаталь центрне, Васкавлӑ пулӑшу больницине тата Республикӑн судпа медицина бюровӗн экспертизин тата Инкексен тата васкавлӑ медицина пулӑшӑвӗн медицинин республикӑри центрӗн окрпусӗсене тӑвасшӑн. Комплексӑн пӗтӗмӗшле хӑвачӗ 1424 койкӑпа танлашӗ.

 

Политика
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Паян Чӑваш Ен Элтеперӗ Олег Николаев хӗрарӑмсене ҫывхарса килекен уявпа саламланӑ. Мероприяти Чӑваш патшалӑх филармонийӗнче иртнӗ. Унта нумай ачаллӑ амӑшӗсене, ҫамрӑк волонтёрсемпе общество организацийӗсен хастарӗсене йыхравланӑ.

Олег Николаев хӗрарӑмсене ырласа та мухтаса хитре ӑшӑ сӑмах каласа хавхалантарнӑ. Сцена ҫине тухнӑ юра-ташӑ ӑстисем те савӑк кӑмӑл парнеленӗ.

 

Республикӑра
Ҫӗмӗрлери кинотеатр
Ҫӗмӗрлери кинотеатр

Елчӗкре ҫулталӑк вӗҫлениччен кинотеатр уҫӑлӗ. Кун пирки ЧР Элтеперӗ Олег Николаев Правительство кунне ирттернӗ чухне каланӑ.

Елчӗк тӑрӑхӗнче социологи ыйтӑмӗ ирттернӗ. Унта хутшӑннӑ ҫынсенчен ытларахӑшӗ округра вӑхӑта усӑллӑ ирттермелли майсем сахалрах пулнине палӑртнӑ. Нумайӑшӗ кинотеатр кирлине палӑртнӑ.

Олег Алексеевич палӑртнӑ тӑрӑх, кинотеатра кӑҫалах уҫасшӑн. Сӑмах май, республикӑри 17 муниципалитетра 22 кинозал ӗҫлет.

 

Политика
"На связи" форумри сӑн
"На связи" форумри сӑн

ЧР Элтеперӗн пресс-секретарьне Борис Краснова должноҫрен кӑларни пирки унччен пӗлтернӗччӗ. Вӑл халӗ мӗн ӗҫлесе пурӑнать? Кун пирки халӑх тӗтелӗнче пӗлтернӗ вӑл.

Борис Краснов И.Я. Яковлев ячӗллӗ Чӑваш патшалӑх педагогика университетӗнче студентсене антикризис пиарӗ енӗпе вӗрентет. Вӑл хӑй те унта ют чӗлхесен факультетӗнче ӑс пухнӑ. Халӗ филологи, истори, управлени тата право факультетӗнче студентсене вӗрентет.

Сӑмах май, Борис Краснов Элтепер пресс-секретарӗнче 2021 ҫулхи ҫу уйӑхӗнченпе кӑҫалхи кӑрлаччен ӗҫленӗ.

 

Политика
opchr21.ru сайтри сӑн
opchr21.ru сайтри сӑн

ЧР Элтеперӗн ҫамрӑксен политики енӗпе ӗҫлекен управленине халӗ урӑх ҫын ертсе пырать. Вӑл – Кирилл Лукин.

Унччен ку вырӑнта Иван Филиппов пулнӑ. Вӑл ятарлӑ ҫар операцине тухса кайнӑ, «Каскад» ГРОМ» пилотсӑр авиаци бригадинче ҫар тивӗҫне пурнӑҫлать. Кирилл унӑн ҫумӗ пулнӑ. Вӑл ку дожноҫе пӗлтӗр ҫу уйӑхӗнче ӗҫлеме килнӗ.

Кирилл Лукин «Сывӑ наци» общество организацийӗн председателӗ те пулнӑ.

 

Политика
pravdapfo.ru сайтран илнӗ сӑнӳкерчӗк
pravdapfo.ru сайтран илнӗ сӑнӳкерчӗк

«Справедливая Россия – Патриоты – За правду» (чӑв. Тӗрӗслӗхшӗн Раҫҫей — Патриотсем — Чӑнлӑхшӑн) партин регионти уйрӑмӗн председателӗ Анатолий Аксаков Игорь Моляковпа Владислав Солдатова партирен кӑларттарасшӑн иккен. Аксаков шухӑшланӑ тӑрӑх, Моляковпа Солдатов парти тата Николаев ятне яраҫҫӗ. Суйлав ҫулӗнче ун пек туни пушшех те вырӑнлӑ мар тесе шухӑшлать иккен.

Хӑйӗнпе пӗр партире тӑракан ике депутата мандастӑр хӑварма ыйтса РФ Патшалӑх Думин депутачӗ Анатолий Аксаков партин тӗп канашне ҫыру шӑрҫаланӑ-мӗн.

 

Политика
cap.ru сайтри сӑн
cap.ru сайтри сӑн

ЧР строительство министрӗ пулнӑ Михаил Коледа ЧР Элтеперне Олег Николаева суда панӑ. Тавӑҫа Шупашкарти Ленин районӗн судне нарӑсӑн 5-мӗшӗнче тӑратнӑ.

Михаил Коледа ӗҫрен кӑларса янипе мар, «шанчӑкран тухнӑ» тенипе суда панӑ. Аса илтерер: кӑрлачӑн 16-мӗшӗнче Олег Николаев Михаил Коледана шанӑҫран тухнӑ тесе ӗҫрен кӑларнӑ.

Суд ларӑвӗ ака уйӑхӗн 2-мӗшӗнче пулӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ... 180
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (11.07.2025 03:00) уяр ҫанталӑк, атмосфера пусӑмӗ 753 - 755 мм, 20 - 22 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 11

1913
112
Пятницкая Ольга Васильевна, нумай ҫул хушши ачасене вырӑс чӗлхипе литературине вӗрентнӗ педагог ҫуралнӑ.
1919
106
Сергеев Илья Тимофеевич, филологи ӑслӑлӑхӗсен кандидачӗ, доцент ҫуралнӑ.
1920
105
Шупашкарти 1№ типографине никӗсленӗ
1937
88
Теветкел Николай Александрович, чӑваш сӑвӑҫи, ҫыравҫи, драматургӗ, тӑлмачӗ ҫуралнӑ.
1957
68
Микулай Мӑскал, чӑваш сӑвӑҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
кил-йышри арҫын
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
хуҫа арӑмӗ
хуть те кам тухсан та
хуҫа тарҫи
ӑсатма тухни — ҫылӑх, юрамасть
хуҫа хӑй