Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Ӳркевлӗх ӳкерет, пите пӗҫертет; хастарлӑх хӑтарать, чапа кӑларать.
[ваттисен сӑмахӗ]
 

Хыпарсем: спортсменсем

Спорт

Паян, авӑн уйӑхӗн 11-мӗшӗнче, Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев республикӑн Правительство ҫуртӗнче Раҫҫей спорт мастерӗпе, шӑчӑпа сикес енӗпе тӗнче тата Европа чемпионкипе Анжелика Сидоровӑпа тӗл пулнӑ.

Олег Николаев спортсменкӑна Челябинскра авӑн уйӑхӗн 8-11-мӗшӗсӗнче Ҫӑмӑл атлетика енӗпе иртнӗ Раҫҫей чемпионатӗнчи черетлӗ ҫӗнтерӳпе саламланӑ. Унта Анжелика Сидорова 4,70 метр ҫӳллӗшне сикме пултарнӑ. Спорстменка ҫӗршыв ӑмӑртӑвӗсенче пиллӗкмӗш хут ӗнтӗ ылтӑн медале тивӗҫет. Ку енӗпе вӑл Елена Исинбаева Олимп чемпионкинчен иртсе кайнӑ.

Анжелика Сидорова ӑмӑрту хыҫҫӑн тӳрех Чӑваш Ене килнине, Ҫӗмӗрле хулинче ҫамрӑксемпе тӗл пулнине, вӗсемпе ӑсталӑх класӗ ирттернине каласа кӑтартнӑ.

Олег Николаев спортсменкӑна «Чӑваш Республикин чи лайӑх спортсменӗ» статуэткӑна тыттарнӑ, «Эпир сире пирӗн Исанбаева», — тетпӗр тесе хавхалантарнӑ.

 

Спорт

Ҫурла уйӑхӗн 28-мӗшӗнче Брянск облаҫӗнче вӑрман касакансен хушшинче уҫӑ чемпионат иртнӗ. Унта Мускав тата Чулхула облаҫӗсенчи, Карелири, Мари Элти, Чӑваш Енри тата Удмурт Республикинчи ҫынсем хутшӑннӑ.

Спортсменсем пилӗк хӑнӑхтарӑва пурнӑҫланӑ. Кӑҫал виҫӗ зачет пулнӑ: Брянск облаҫӗн ҫыннисен хушшинче, хӑнасен тата хӗрарӑмсен зачечӗ.

Чӑваш Енри ҫынсем чемпионатра темиҫе наградӑна тивӗҫнӗ. Сергей Субботин 203 балл пухса пӗрремӗш вырӑна тухнӑ. Артем Шашков хӑнасен хушшинче виҫҫӗмӗш вырӑна тивӗҫнӗ. Галина Климина хӗрарӑмсен хушшинче иккӗмӗш пулнӑ.

 

Персона

2004 ҫулхи Олимп вӑййисен кӗмӗл призерӗ Олимпиада Иванова паян 50 ҫул тултарнӑ. Асӑннӑ ӑмӑртура вӑл 20 километра утассипе палӑрнӑ. Тӗнче чемпионки ята икӗ хутчен тивӗҫнӗ, унсӑр пуҫне тӗнче рекордсменки пулнӑ. Халӗ Олимпиада Иванова — Хӑвӑрт утассипе Чӑваш Ен командин аслӑ тренерӗ.

Олимпиада Иванова 1970 ҫулхи ҫурла уйӑхӗн 26-мӗшӗнче Ҫӗрпӳ районӗнчи Мӑнҫут ялӗнче ҫуралнӑ. Шупашкарта Ардалион Игнатьев ячӗллӗ спорт шкулӗнче, И.Я. Яковлев ячӗллӗ Чӑваш патшалӑх педагогика институтӗнче физвоспитани факультетӗнче вӗреннӗ.

 

Спорт
ЧР Спорт министерствин сайтӗнчи сӑн
ЧР Спорт министерствин сайтӗнчи сӑн

Шупашкарта пурӑнакан спортсмен Сергей Скрипкин арҫынсен хушшинче парӑс спорчӗ енӗпе иртнӗ Раҫҫей Кубокӗнчен пӑхӑр медальпе таврӑннӑ.

«Кайтбординг курс-рейс» ӑмӑрту Тольяттире ҫурла уйӑхӗн 5-10-мӗшӗсенче иртнӗ. Ҫак вӑхӑтра 14 гонка пулнӑ, ҫил хӑвӑртлӑхӗ те улшӑнсах тӑнӑ.

Пӗрремӗшпе иккӗмӗш вырӑнсене Пензӑри икӗ спортсмен йышӑннӑ. Виҫҫӗмӗш вырӑн вара – пирӗн ентешӗн, спорт мастерӗн кандидачӗн Сергей Скрипкинӑн.

 

Спорт
cap.ru сайтри сӑн
cap.ru сайтри сӑн

Чӑваш Ен спортсменӗсен, нацин пӗрлештернӗ командине кӗнисене, ятарлӑ стипендипе хавхалантарасшӑн. Кун пирки ЧР Спорт министерствин коллеги ларӑвӗнче калаҫнӑ.

Спорт министрӗ Василий Петров пӗлтернӗ тӑрӑх, Раҫҫейӗн пӗрлештернӗ командине кӗнӗ чӑваш спортсменӗсем хавхалантарӑва кӑҫалах илме тытӑнӗҫ. Укҫа-тенке мӗнле тата ӑҫтан тӳлессине палӑртнӑ ӗнтӗ, халӗ ыйтӑва ЧР Финанс министерствипе сӳтсе яваҫҫӗ.

Укҫан хавхалантарнине Чӑваш Енри 200 ытла спортсмен тивӗҫме пултарӗ. Раҫҫейӗн пӗрлештернӗ командине 202 чӑваш кӗнӗ.

 

Спорт

Шупашкарта пурӑнакан Татьяна Александрова Приморье тӑрӑхӗнче иртнӗ экологи ишевне хутшӑннӑ. Вӑл утӑ уйӑхӗн 16-мӗшӗнче пулнӑ.

Экстремал ишевҫӗсем виҫӗ кунра 160 ҫухрӑма парӑнтарнӑ. Ку хисепе ахальтен суйламан – Владивосток йӗркеленнӗренпе 160 ҫул ҫитнӗ.

Ишеве регион пуҫлӑхӗ Олег Кожемяко уҫнӑ. Унтан кашни кун 7 сехетрен пуҫласа 21 сехет ҫурӑччен тӗрлӗ регионти спортсменсем 2-4-шар сехет ишнӗ, эстафетӑна пӗр-пӗрне панӑ.

Эстафетӑна пирӗн ентеш Татьяна Александрова та хутшӑннӑ. Сӑмах май, вӑл 2013 ҫулта Беринг проливӗ урлӑ ишсе каҫнӑ, пӗлтӗр Вырӑс утравӗ тавра иртнӗ ишеве хушнӑ.

 

Спорт

«Юлашки вӑхӑтра пирӗн биатлон ҫӑлтӑрӗ Таня Акимова пирки нумай сас-хура ҫӳрет. Пӗрисем вӑл спорт гражданствине улӑштарасшӑн, Беларуҫшӑн ӑмӑртӗ тесе ҫыраҫҫӗ, теприсем – Болгаришӗн теҫҫӗ, виҫҫӗмӗшӗсем спорт карьерине вӗҫленине хыпарлаҫҫӗ», – тесе ҫырнӑ Михаил Вансяцкий журналист Фейсбукра.

Ҫакна Татьяна Акимовӑна Раҫҫейӗн пӗрлештернӗ командин анлӑ списокне кӗртменнипе сӑлтавлать вӑл.

Михаил Вансяцкий спортсменкӑпа ҫыхӑннине Фейсбукра пӗлтернӗ. Ентешӗмӗр Беларуҫшӑн та, Болгаришӗн те ӑмӑртмӗ. Ун пирки вӑл никампа та сӑмах хускатман. Хальлӗхе. Раҫҫейӗн пӗрлештернӗ командин тренерӗсемпе те калаҫу пулман.

Ҫапах та Татьяна Акимова биатлонистка ӑмӑртма ҫине тӑрса хӑй тӗллӗн кунне икӗ хутчен хатӗрленет.

 

Спорт

Раҫҫейӗн ҫӑмӑл атлетика енӗпе чемпионатне авӑн уйӑхӗн ҫуррине куҫарнӑ. Ку хыпара Чӑваш Ен Спорт министерствин пресс-службинче пӗлтернӗ.

101-мӗш ӑмӑрту, малтанласа палӑртнӑ тӑрӑх, ҫӗртме уйӑхӗн 24-27-мӗшӗсенче иртмелле пулнӑ. Кӑшӑлвирус тӗнчере ҫеҫ мар, Раҫҫейпе Чӑваш Енре те алхасни ӑмӑртӑвӑн графикне те пырса тиврӗ.

Шупашкарта Раҫҫей шайӗнче иртекен ӑмӑртӑвӑн датине куҫарас йышӑнӑва Ҫӑмӑл атлетикӑн пӗтӗм Раҫҫейри федерацийӗ йышӑннӑ. Авӑн уйӑхӗнче хӑвӑрт утакансен Раҫҫей чемпионачӗпе ӑмӑртӑвне те ирттересшӗн. Ку ӑмӑртӑва ҫу уйӑхӗн вӗҫӗнче Шупашкарта йӗркелеме палӑртнӑччӗ.

 

Спорт
Анжелика Сидорова
Анжелика Сидорова

Чӑваш Енри ятлӑ-сумлӑ, тӗнче шайне тухма пултарнӑ спортсмена, Анжелика Сидоровӑна, Швейцарие йыхравланӑ. Асӑннӑ ҫӗршыври Лозанна хулинче тӗнче шайӗнчи турнир пулмалла. Шӑчӑпа сиксе тӗнче чемпионӗ ята тивӗҫнӗ ентешӗмӗре ҫав ӑмӑртӑва чӗннӗ. Спорт мероприятийӗ авӑн уйӑхӗн 2-мӗшӗнче иртмелле.

Чӑваш Ен Спорт министерствин пресс-службинче хыпарланӑ тӑрӑх, Анжелика Сидорова ӑмӑртусене Мускав тата Чӑваш Ен ячӗпе хутшӑнать. Ҫӑмӑл атлетика федерацийӗн пӗтӗм тӗнчери ассоциацийӗ кӑҫалхи ҫу уйӑхӗн 12-мӗшӗнче 2020 ҫулхи ӑмӑртусен ҫӗнетнӗ календарьне пичетленӗ. Ӑна тӗнчере кӑшӑлвирус алхаснине кура йӗркелеме тивнӗ. Авӑн уйӑхӗн 2-мӗшӗнче Швейцарири Лозанна хулинчи Бриллиант лигӑн тапхӑрӗсенчен пӗри иртмелле.

 

Спорт
cap.ru сайтри сӑн
cap.ru сайтри сӑн

Чӑваш Енри спортсменка ирӗклӗ кӗрешӳре пысӑк кӑтартусемпе палӑрнӑшан премие тивӗҫнӗ. Мария Кузнецова тӗнче шайӗнчи ӑмӑртусенче те маттурлӑхне кӑтартнӑ.

Мария нарӑс уйӑхӗнче Италире спорт кӗрешӗвӗ енӗпе иртнӗ Европа чемпионатӗнче пӑхӑр медаль ҫӗнсе илнӗ. Унӑн ҫитӗнӗвӗсене кура ЧР Правительстви ӑна преми пама йышӑннӑ.

Мария Кузнецовӑна 50 пин тенкӗ преми парӗҫ. Кунсӑр пуҫне ӑна уйӑхсерен, 2021 ҫулхи ака уйӑхӗччен, 6500 тенкӗ парса тӑрӗҫ. Унӑн тренерӗ Ольга Смирнова та премие тивӗҫнӗ. Ӑна 25 пин тенкӗ парӗҫ.

Хыпар ҫӑлкуҫӗ: https://pg21.ru/news/63600
 

Страницӑсем: 1, 2, 3, 4, 5, 6, 7, [8], 9, 10, 11, 12, 13, 14, 15, 16
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫа хӑй
хуҫин ҫитӗннӗ ачисем
хуть те кам тухсан та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хуҫа тарҫи
хӑни ҫулне ахаль те пӗлет, ӑсатмасӑр та
кил-йышри арҫын
хӑнана ӑсатма никам та тухмасть