Паян 16 сехет тӗлӗнче Шупашкар муниципаллӑ округӗнчи Етӗрнекасси ялӗ ҫывӑхӗнчи пӗвере арҫын путса вилнӗ. Вӑл 47 ҫулта пулнӑ.
Унӑн виллине ҫыран хӗррине ҫӑлавҫӑсем илсе тухнӑ. Халӗ ӗҫ-пуҫа уҫӑмлатаҫҫӗ.
Палӑртмалла: ҫулла пуҫланнӑранпа республикӑра 25 ҫын путса вилнӗ. Вӗсенчен виҫҫӗшӗ - ачасем.
Паян 16 сехет тӗлӗнче тӳлевлӗ М-12 ҫул ҫинче, Чӑваш Ен чиккинчен инҫех мар, авари пулнӑ. Пӗр машини - чӑваш номерӗллӗ.
Унта ГАЗель тата БМВ ҫапӑннӑ. Иномарка - Чӑваш Енри. Машинӑсем вӑйлах ҫапӑннӑ.
Малтанлӑха пӗлтернӗ тӑрӑх, аварире икӗ ҫын вилнӗ. Пӗри - иномаркӑри хӗрарӑм, тепри - ГАЗельти пассажир.
Шупашкар хулинче пурӑнакан 34 ҫулти арҫын амӑшне вӗлернӗ.
Кӑҫалхи ҫу уйӑхӗн 4-мӗшӗнче вӑл ӳсӗр пулнӑ. Амӑшӗпе харкашма тытӑннӑ. 58 ҫулти хӗрарӑма вӑйпитти этем хытах хӗнесе пӗтернӗ. Шар курнине пульницӑна ӑсатнӑ-ха, анчах вӑл унта реанимаци уйрӑмӗнче куҫне ӗмӗрлӗхе хупнӑ.
Усал арҫын тӗлӗшпе РФ Пуҫиле кодексӗн 105-мӗш статйин 1-мӗш пайӗпе айӑпласа суд 7 ҫуллӑха хупса хумалла тунӑ.
Ҫӗн Шупашкарти карас ҫыхӑнӑвн салонне пӗри вӑрӑ шухӑшӗпе пырса каӗнӗ. Вӑл сутуҫӑна карас телефонне кӑтартма ыйтнӑ.
Ҫамрӑк ҫын 25 пин тенкӗ тӑракан смартфон алла кӗрсен унпа лавккаран тухса тарнӑ.
Пӑтӑрмах пирки сутуҫӑ йӗрке хуралҫисене пӗлтернӗ. Вӗсем вӑрра 8 минутран тытса чарнӑ. Вӑл юнашар урамра пулнӑ. Телефон та ун ҫумӗнче пулнӑ.
Паян ҫӑлав службине Ҫӗрпӳ округӗнче ҫын путса вилни пирки шӑнкӑравласа пӗлтернӗ. «Асамат» турбаза ҫывӑхӗнчи пӗвере, Ҫӗньялта, 41 ҫулти хӗрарӑм шыв айне кайнӑ. Вӑл Красноармейски округӗнчен пулнӑ.
Ҫак инкеке курнӑ ҫынсем каланӑ тӑрӑх, хӗрарӑм кимӗпе ярӑннӑ, ҫаврӑнса ӳксен вӑл шыв айне кайнӑ та тухман. Унӑн виллине водолазсем шыраҫҫӗ.
Палӑртмалла: ҫулталӑк пуҫланнӑранпа республикӑра 27 ҫын путнӑ. Ҫав йышра - 3 ача.
Мускав тӑрӑхӗнчи Одинцово хулинче Чӑваш Ен арҫынни ҫавӑнта пурӑнакан ҫыннӑн сумкине вӑрланӑ. Унта 1,5 миллион тенкӗ укҫа пулнӑ.
Шар курни, 23 ҫулти каччӑ, йӗрке хуралҫине пӗлтернӗ тӑрӑх, вӑл хӑйӗн сумкине Чистякова урамӗнчи ҫурт умӗнчи сак ҫинче лартса хӑварнӑ, хӑй йӑпӑртлӑха айккине пӑрӑннӑ. Каялла таврӑнсан сумка пулман.
Видеокамера тӑрӑх вӑрра, 57 ҫулти арҫынна (вӑл Чӑваш Енрен пулнӑ), часах тупса палӑртнӑ. Вӑл сак ҫинчи спорт сумкине асӑрханӑ та ӑна йӑтиса кайнӑ. Сумкӑри 15 миллион тенкӗрен 717 пин тенкине каччӑна тавӑрса панӑ.
Утӑ уйӑхӗн 27-мӗшӗнче Каҫал тӑрӑхӗнче инкек пулса иртнӗ. «Ҫӗрпӳ-Чӗмпӗр» ҫулӑн 78-мӗш километрӗнче 8 сехет те 30 минутра «Мицубиси Лансер» автомобиль груз турттаракан «Рено» машинӑпа ҫапӑннӑ. «Рено» рулӗ умӗнче Дагестан ҫынни пулнӑ.
Ҫапӑннӑ хыҫҫӑн машинӑсем ҫул айккине кӗрсе кайнӑ, хыпса илнӗ. Ҫӑмӑл машинӑри 59 ҫулти водитель, Шупашкар арҫынни, инкек вырӑнӗнчех вилнӗ.
Малтанласа палӑртнӑ тӑрӑх, инкек сӑлтавӗ ҫӑмӑл машина хирӗҫ килекен ҫул ҫине тухса кайнипе ҫыхӑнма пултарнӑ. Водителе ҫав вӑхӑтра япӑх пулса кайма пултарнӑ.
Куславкка муниципаллӑ округӗнчи Кӗнер ялӗ патӗнче паян ирхи 3 сехетре каччӑ виллине тупнӑ. Вӑл машина ҫапса кайнӑ хыҫҫӑн вилни палӑрнӑ.
Каччӑ 22 ҫулта пулнӑ, ҫак округрах пурӑннӑ. Ӑна ҫапса хӑварнӑ водителе халӗ шыраҫҫӗ. Вӑл вырӑнтан тарса ҫухалнӑ.
Каччӑна ҫапса хӑварнӑ саманта кам та пулин курнӑ тӑк ҫак номерсемпе шӑнкӑравлама ыйтаҫҫӗ: 8 (8353) 42-23-43, 8 (8353) 42-15-68.
Чӑваш Ен витӗр каякан «М-12» автоҫула тунӑ ҫӗрте ӗҫлеме ятарласа ирӗк (патент) илмен ҫынсем тар тӑкнӑ. Вӗсене Чӑваш Енӗн ШӖМӗн миграци енӗпе ӗҫлекен управленийӗ Ҫӗмӗрле тӑрӑхӗнче тупса палӑртнӑ.
Ятарлӑ ирӗк илмен виҫӗ ҫын ҫул тунӑ ҫӗрте тӑрӑшнӑ. Вӗсем Таджикистанри ҫынсем пулнӑ. Асӑннӑ ҫӗршыври икӗ каччӑн, 26-28 ҫулсенчи ҫамрӑксен, патент пулнӑ-ха. Анчах урӑх регионта ӗҫлеме. Вӗсен 40 ентешӗн ун пек документ пачах та пулман.
Йӗркене пӑскансене 2-шер пин тенкӗлӗх штрафланӑ. Унсӑр пуҫне йӗрке хуралҫисем ют ҫӗршыв ҫыннисене ӗҫе илнӗ организацие тӗрӗслӗҫ.
Чӑваш Енри хына учрежденийӗсенчен пӗринче ӗҫлекен экономист ултавҫӑсене ӗненсе 700 пин тенкӗсӗр тӑрса юлнӑ.
Хӗрарӑм патне ют ҫынсем утӑ уйӑхӗн 8-мӗшнчен пуҫласа 17-мӗшӗччен ҫине-ҫинех шӑнкӑравланӑ, хӑйсемпе право тытӑмӗнче тата банкра ӗҫлекенсем тесе паллаштарнӑ.
Вӗсем ӑна преступниксем хӗрарӑмӗн счечӗпе хуҫаланаҫҫӗ, ун ячӗпе кредит илесшӗн тесе хӑратма пултарнӑ,
Ют ҫынсем каланине итлесе хӗрарӑм-экономист такамсене 700 пин тенкӗ укҫа куҫарса янӑ. Асӑннӑ укҫана хӗрарӑм банкран кредит илнӗ. Банк ӗҫченӗсем ӑна ҫав утӑма тума тыта чарасшӑн пулнӑ, анчах вӑл вӗсене итлемен.
Темиҫе кунтан хӗрарӑм хӑй улталаннине ӑнланса илнӗ, йӗрке хуралҫисенчен пулӑшу ыйтнӑ.
+8.3 °C