Стопкоронавирус.рф сайт пӗлтернӗ тӑрӑх. Чӑваш Енре кӑшӑлвируспа чирлекенсем нумайланса пыраҫҫӗ. Юлашки эрнере 447 ҫыннӑн ҫак диагноз пулнине палӑртнӑ. Вӗсенчен 54-шне пульницӑна вырттарнӑ.
Танлаштарма: авӑнӑн 4-10-мӗшӗсенче 312 ҫын кӑшӑлвируспа чирленӗ. Юрать-ха, вилекенсем ҫук. Кун пек тӗслӗх утӑ уйӑхӗнченпе пулман. Юлашки эрнере 161 ҫын сывалнӑ.
Палӑртмалла: пандеми пуҫланнӑранпа республикӑра 116,5 пин ҫын кӑшӑлвируспа чирленӗ. Вӗсенчен 4740-шӗ вилнӗ.
Чӑваш Енре юлашки вӑхӑтра кӑшӑлвируспа чирлекен нумайланнӑ. Кун пирки ЧР Элтеперӗ Олег Николаев телеграм-каналӗнче пӗлтернӗ. Иртнӗ эрнере 31 ҫынна пульницӑна вырттарнӑ.
Стопкоронавирус.рф сайт хыпарланӑ тӑрӑх, авӑнӑн 11-17-мӗшӗсенче пирӗн республикӑра 312 ҫын кӑшӑлвируспа чирленӗ. Авӑнӑн 4-10-мӗшӗсенче вара 202 тӗслӗх пулнӑ. Ҫулла вӗҫӗнче 90 ҫыннӑн кӑшӑлвирус пулнине палӑртнӑ.
Юлашки вӑхӑтра республикӑра кӑшӑлвирус пирки ытлах калаҫмаҫҫӗ. Ҫапах ку чирлекенсем ҫук тенине пӗлтермест.
Ҫурла уйӑхӗн 14-20-мӗшӗсенче 77 ҫын кӑшӑлвируспа чирленине палӑртнӑ. Ҫурлан 7-13-мӗшӗсенче 60 ҫын чирленӗ. Ку уйӑхра вара ҫак амакран пӗр ҫын та вилмен. Утӑ уйӑхӗн 24-мӗшӗнчен пуҫласа ҫурлан 20-мӗшӗччен ковид стационарӗсене 43 пациента илсе ҫитернӗ.
Чӑваш Енре кӑшӑлвируса пула йышӑннӑ ятарлӑ режима сирнӗ. Кун пирки республика правительствин сайтӗнче хыпарланӑ.
ЧР Элтеперӗ Олег Николаев ҫакна республикӑра эпидемиологи лару-тӑрӑвӗ йӗркеленнипе тунӑ. «Ку эпир ку чире тимлӗх сахалрах уйӑратпӑр тенине пӗлтермест. ЧР Сывлӑх сыхлавӗн министерстви лару-тӑрӑва сӑнаса тӑрӗ, чирлекенсен йышӗ ӳсме пуҫласан тивӗҫлӗ мерӑсем йышӑнӗ», - тенӗ Олег Николаев.
Аса илтерер: 2020 ҫулхи пуш уйӑхӗнче кӑшӑлвирус сарӑлнине пула ятарлӑ режим пулнине йышӑннӑ.
Чӑваш Енре кӑшӑлвируспа чирлекенсем сахалланнӑ. Кун пирки Стопкоронавирус.рф сайт пӗлтерет.
Ҫу уйӑхӗн 10-мӗшӗнче чи пӗчӗк кӑтарту пулнӑ: 7 ҫын кӑна чирленӗ. Ҫу уйӑхӗн 9-мӗшӗнче – 9, ӗнер 8 ҫын ку инфекципе аптӑранӑ.
Пандеми пуҫланнӑранпа республикӑра 114085 ҫын чирленӗ. Вӗсенчен 4732-шӗ чире парӑнтарайман.
РАН академикӗ, медицина наукисен докторӗ, Роспотребнадзор пуҫлӑхӗ пулнӑ Геннадий Онищенко 3 ҫула тӑсӑлнӑ кӑшӑлвирус пандемийӗ пӗтнӗ тесе шутлать. Унӑн сӑмахӗсене ТАСС пичетленӗ.
Ака уйӑхӗн 4-мӗшӗнче Раҫҫейре ҫак вируспа сахал ҫын чирленине палӑртнӑ - пӗтӗмпе 7141 ҫын. Пандеми пуҫланнӑранпа кӑшӑлвируса пула 397 пин те 384 ҫын вилнӗ. Ҫав йышран 7 пин те 743-шӗ - Чӑваш Ен ҫыннисем.
Пуш уйӑхӗнче, нарӑспа танлаштарсан, кӑшӑлвирусран 2 хут нумайрах ҫын вилнӗ. Нарӑсра 6 ҫыннӑн пурнӑҫӗ татӑлнӑ, пуш уйӑхӗнче вара - 11 ҫыннӑн.
Юлашки талӑкра 71 ҫын инфекциленнине палӑртнӑ. 57 ҫын сывалнӑ. 7 пациента пульницӑна вырттарнӑ. Иртнӗ талӑкра 1 ҫын кӑшӑлвируса пула вилнӗ.
Пандеми пуҫланнӑранпа респуликӑра 4723 ҫын ҫак чире пула пурнӑҫран уйрӑлнӑ.
Юлашки вӑхӑтра кӑшӑлвирус пирки калаҫма пӑрахрӗҫ тесен те юрать. Анчах ку чир пӗтмен-ха. Чирлекенсем кӑна мар, вилекенсем те пур.
Иртнӗ талӑкра республикӑра 20 ҫын инфекциленнине палӑртнӑ. 41 ҫын сывалнӑ. 11 ҫынна пульницӑна вырттарнӑ.
Нарӑс уйӑхӗнче 6 ҫын кӑшӑлвируса парӑнтарайман. Нарӑсӑн 22-мӗшӗнче ӑна пула 2 ҫын вилнӗ. Танлаштармашкӑн: кӑрлач уйӑхӗнче – 9 пациент, раштавра - 5 ҫын, чӳк уйӑхӗнче 3 ҫын кӑшӑлвируса пула пурнӑҫран уйрӑлнӑ.
Шупашкарта чӑваш коммунисчӗсен лидерне Валентин Шурчанова халалласа асӑну хӑми уҫӗҫ. Вӑл парти рескомӗн ҫурчӗ ҫинче пулӗ.
Шурчанов КПРФӗн чӑваш рескомне 1993 ҫултанпа ертсе пынӑ. Вӑл 1947 ҫулхи кӑрлачӑн 19-мӗшӗнче Канаш районӗнчи Кивӗ Шелттем ялӗнче ҫуралнӑ. Валентин Сергеевич ЧР Элтеперӗн суйлавне 3 хутчен хутшӑннӑ.
Валентин Шурчанов 2020 ҫулхи раштавӑн 28-мӗшӗнче Мускавра кӑшӑлвируса пула вилнӗ. Вӑл 73 ҫулта пулнӑ.
Раштав уйӑхӗнче республикӑра 5 ҫын кӑшӑлвирусран вилнӗ, кӑрлач уйӑхӗнче - 9 ҫын. Эппин, ку инфекцирен вилесси 2 хут ӳснӗ.
Стопкоронавирус.рф сайт пӗлтернӗ тӑрӑх, кӑрлачӑн 22-28-мӗшӗсенче 6 ҫыннӑн пурнӑҫӗ татӑлнӑ. Пӗлтӗр юпа уйӑхӗнче 12 ҫын вилнӗ, чӳк уйӑхӗнче - 3 ҫын.
Пандеми пуҫланнӑранпа республикӑра 4706 ҫыннӑн пурнӑҫӗ кӑшӑлвируса пула татӑлнӑ.
+16.3 °C