Чӑваш Ен Элтеперне хӑҫан суйласси паллӑ. Республикӑн Патшалӑх Канашӗн черетлӗ сессийӗнче Чӑваш Ен Элтеперӗн суйлавӗн кунне палӑртнӑ. Республика ертӳҫине кӑҫалхи авӑн уйӑхӗн 14-мӗшӗнче суйлӑпӑр.
«Кӑҫал пирӗн республикӑра явапла, историлле пулӑм пулӑм, Чӑваш Ен Элтеперӗн суйлавӗ, пулса иртӗ. Унран регион малашлӑхӗ нумай килет», — тесе палӑртса хӑварнӑ Патшалах Канашӗн спикерӗ Леонид Черкесов.
Промышленноҫ аталанӑвӗн фончӗн ертӳҫине Евгений Теллина ӗҫрен кӑларни пирки пӗлтӗрнӗччӗ. Халӗ ӑна ЧР промышленноҫ министрӗн ҫумне лартасси пирки хушу тухнӑ.
Аса илтерер: вӑл Промышленноҫ аталанӑвӗн фондне 3 ҫул ертсе пынӑ. Евгений Теллин Елчӗк районӗнче 1982 ҫулта ҫуралнӑ, И.Н.Ульянов ячӗллӗ Чӑваш патшалӑх университетӗнчен «Тӗнче экономики» специальноҫпе вӗренсе тухнӑ.
Хале ЧР промышленноҫ тата энергетика министрӗн Сергей Лекаревӑн икӗ ҫум: Дмитрий Гринев и Евгений Теллин.
Чӑваш Енри промышленноҫ аталанӑвӗн фончӗн ертӳҫине Евгений Теллина ӗҫрен кӑларнӑ. Ҫапла йышӑннӑ ӗнер Министрсен Кабинечӗн пуҫлӑхӗ.
Вӑл ку должноҫре 3 ҫула яхӑн ӗҫленӗ, ку пукана 2022 ҫулхи авӑн уйӑхӗнче йышӑннӑ.
Евгений Теллин унччен, 2004-2020 ҫулсенче, банк тытӑмӗнче ӗҫленӗ. Промышленноҫ аталанӑвӗн фондне 2020 ҫулта килнӗ, 2021 ҫулхи юпа уйӑхӗнче ертӳҫӗ ҫумӗ пулса тӑнӑ. «Чеб.ру» информацийӗ тӑрӑх, ӑна ЧР промышленноҫ министрӗн пӗрремӗш ҫумне лартма пултараҫҫӗ.
Чӑваш Енӗн ҫутҫанталӑк ресурӗсен тата экологи министрӗн тӑватӑ ҫум пулӗ.
Республикӑн Правительствинче ӑнлантарнӑ тӑрӑх, «ҫӗнӗ должность ведомствӑн экономика тата финанс ӗҫ-хӗлне тӗрӗслесе тӑрассине вӑйлатӗ». Хайхи ҫӗнӗ заместитель экономика тата финанс пайӗсемшӗн, тупӑшсене администрацилессишӗн тата ревизи ӗҫӗшӗн яваплӑ пулӗ.
Ҫутҫанталӑк ресурӗсен тата экологи министрӗ пулса Эмир Бедертдинов тӑрӑшать. Паянхи куна унӑн виҫӗ ҫум: Елена Хомченко (пӗрремӗш заместитель), Елена Дымза тата Николай Охотин.
Раҫҫейӗн ЮТ ҫӗршыв ӗҫӗсен министерствин Шупашкарти уйрӑмӗн пуҫлӑхӗ пулма Андрей Синицкие ҫирӗплетнӗ. Унччен вӑл Тӗп федераци инспекторӗн канашҫи пулнӑ, тата маларах «КоммерсантЪ» хаҫатра ӗҫленӗ.
Ҫӗнӗ ертӳҫӗпе Чӑваш Ен Элтеперне Олег Николаева ӗнер, ҫӗртме уйӑхӗн 2-мӗшӗнче, Раҫҫейӗн ЮТ ҫӗршыв ӗҫӗсен министерствин Чулхулари пайташӗ Сергей Малов паллаштарнӑ.
ЧР вӗренӳ министрӗн пӗрремӗш ҫумне Алевтина Буданцовӑна ӗҫрен кӑларнӑ. Хушӑва Сергей Артамнов премьер-министр паян алӑ пуснӑ.
Вӑл министрӑн пӗрремӗш ҫумӗнче 2024 ҫулхи кӑрлач уйӑхӗнченпе ӗҫленӗ. 55 ҫулти Светлана Буданцова шкул умӗнхи, пӗтӗмӗшле пӗлӳ тата хушма професси пӗлӗвӗ енӗпе вӑй хунӑ. Унччен вара вӑл Шупашкарти професси колледжне ертсе пынӑ, тата маларах 39-мӗш шкул директорӗ пулнӑ.
Халӗ вӗренӳ министрӗн икӗ ҫум юлнӑ: Марина Лежнина тата Светлана Скочилова.
«Пенсионерсен социаллӑ тӗрӗслӗхшӗн Раҫҫей партийӗн» регионти уйрӑмӗн ертӳҫи Николай Степанов ку дожноҫрен хӑйӗн ирӗкӗпе каясси пирки заявлени ҫырнӑ. «Правда ПФО» интернет-хаҫата пӗлтернӗ тӑрӑх, вӑл парти председателӗн тивӗҫӗсене пурнӑҫлакан Владимир Ворожцов ӗҫӗсемпе килӗшменнипе каять.
Сӑмах май, нумаях пулмасть Игорь Молякова тата Владислав Солдатова «Тӗрӗслӗшӗн Раҫҫейрен» партие дискредитациленӗшӗн кӑларнӑ.
Чӑваш Енӗн конкурентла политика тата тариф службин ертӳҫин ҫумӗ пулма Ирина Щукинӑна ҫирӗплетнӗ. Кун пек йышӑнӑва республикӑн премьерӗ Сергей Артамонов алӑ пуснӑ.
Асӑнна службӑри ҫав пукан кӑҫалхи ака уйӑхӗн 26-мӗшӗнче, ҫав ӗҫрен Татьяна Копеева кайсан, пушанса юлнӑ.
Ҫу уйӑхӗн 16-мӗшӗнченпе ку ӗҫре Ирина Щукина тимлеме тытӑннӑ. Вӑл тарифсене йӗркелес ыйтушӑн яваплӑ пулӗ. Асӑннӑ ведомствӑра вӑл 2013 ҫултанпа право ыйтӑвӗсене йӗркелесе пынӑ.
ЧР Министрсен Кабинечӗн председателӗн хушӑвӗпе килӗшӳллӗн, ЧР ӗҫлев министрӗн пӗрремӗш ҫумне ӗҫрен кӑларнӑ. Ку должноҫре Лариса Арсентьева 8 ҫул ӗҫленӗ.
Ку должноҫре вӑл 2017 ҫултанпа вӑй хунӑ. Унччен маларах ҫулталӑк ытла вӑл ЧР Элтеперӗн администрацийӗн ертӳҫин пӗрремӗш ҫумӗ пулнӑ. Тата кӑшт маларах вара Шупашкар район администрацийӗнче ӗҫленӗ.
Чӑваш Енӗн Правительствинче иртнӗ эрнере кадр улшӑнӑвӗсем пулса иртнине эпир унччен пӗлтернӗччӗ-ха.
Ӗнер, ҫу уйӑхӗн 12-мӗшӗнче, икӗ министерствӑн ертӳҫисен тивӗҫӗсене пурнӑҫлакансене ҫирӗплетнӗ.
Сывлӑх сыхлав министрӗн тивӗҫне вӑхӑтлӑх пурнӑҫлама Олеся Игнатьевӑна шаннӑ.
Республикӑн экономика аталанӑвӗн тата пурлӑх хутшӑнӑвӗсен министрӗн тивӗҫӗсене вӑхӑтлӑх пурнӑҫлама Лариса Рафиковӑна ҫирӗплетнӗ.
+10.3 °C