«Ҫамрӑксен хаҫачӗ» йӗркелесе янӑ ырӑ йӑлана малалла тӑсать: «Поэзи баттлӗ» конкурс кӑҫал та иртӗ. Ӑна кӑларӑм кун ҫути курма тытӑннӑранпа 100 ҫул тултарнине халаллаҫҫӗ. Поэзи тупӑшӑвӗ пуш уйӑхӗн 28-мӗшӗнче, эрнекун, Шупашкарти Пичет ҫуртӗнче (И.Яковлев проспекчӗ, 13-мӗш ҫурт) пулӗ.
Хаҫат вулаканӗсене, чӑваш поэзине юратакансене унта хутшӑнма чӗнеҫҫӗ. Заявкӑсене пуш уйӑхӗн 26-мӗшӗччен йышӑнаҫҫӗ. Конкурса хутшӑнас тесен чӑвашла 5 сӑвӑран кая мар вӗренмелле. Хӑвӑр ҫырнӑ сӑвӑсене те калама юрать.
Жюри членӗсем ӑсталӑха, хайлава илемлӗ вуланине, хӑйне евӗрлӗхе хаклӗҫ. Конкурса хутшӑнакансене сертификатпа хавхалантараҫҫӗ. Ҫӗнтерӳҫе вара парнепе чыслаҫҫӗ. Кунсӑр пуҫне ятарлӑ парне выляттараҫҫӗ. Заявкӑсене ҫак номерпе йышӑнаҫҫӗ: 8-967-470-13-38.
Сӑн ӳкерчӗкре: пӗлтӗрхи конкурс ҫӗнтерӳҫи — Элӗк округӗнчи Чӑваш Сурӑм шкулӗнче вӗренекен Семен Семенов.
Улатӑрти 2-мӗш колонире ларакан Ангелина Антонова Пӗтӗм Раҫҫейри «А ну-ка, девушки» конкурса хутшӑннӑ, «Кил хуҫи хӗрарӑмӗ» номинацире ҫӗнтернӗ.
Ангелина кулинари блюдипе тӗлӗнтернӗ. Пӗрре пӑхсан, вӑл ахаль десерт пек. Анчах кассан унта хура, хӗрлӗ сарӑ тӗслӗ йӗрсем тухаҫҫӗ – Георгий хӑйӑвне аса илтерет вӑл. Торт ҫинче мастикӑран Ӗмӗр сӳнми ҫулӑм пулнӑ.
Сӑмах май, ку конкурс ҫулсеренех иртет. Унта пикесене тӗрлӗ номинацире палӑртаҫҫӗ.
Патӑрьел районӗнче Геннадий Айхи сӑввисене вулакансен ӑмӑртӑвӗ иртнӗ.
Поэт ҫуралса ӳҫнӗ ялта, Ҫӗньялта, унӑн сӑввисене вулакансен ӑмӑртӑвне йӗркелесси йӑлана кӗнӗ. Поэт 2006 ҫулта ҫут тӗнчерен уйрӑлса кайнӑ. тепр ҫухине вара Айхи сӑввине вулакансен конкурсне пуҫарса янӑ.
Хальхи конкурса Ҫӗнтерӳпе патриотизм ҫулталӑкне халалланӑ та ачасем сӑвӑҫӑн вӑрҫӑ ҫинчен ҫырнӑ хайлавӗсене те вуланӑ.
Марина Карягина тележурналист пӗлтерне тӑрӑх, ӑмӑртӑва хутшӑнакансем Патӑрьел тӑрӑхӗнчи мӗнпур шкултан килнӗ: пурӗ 57-ӗн. Кашниех суйласа илсе вӗреннӗ сӑвва витӗмлӗн, янӑравлӑн калама тӑрӑшнӑ.
Ҫак эрнере Чӑваш патшалӑх академи драма театрӗнче «ЧУВАШИЯ. XX век» наци драматургийӗн лабораторийӗн иккӗмӗш тапхӑрӗ ӗҫленӗ. Проект кураторӗсем — Александр Вислов, Екатерина Морозова тата Ольга Тургай — хатӗр текстсене сӳтсе явса авторсене сӗнӳ-канаш панӑ.
Лабораторин иккӗмӗш тапхӑрӗнче сӗннӗ текстсене карта лартса пӗтерме йышӑннӑ. 2026 ҫулта вара режиссер лабораторийӗ ӗҫлӗ, вӑл чи лайӑх текстсене куракана экскиз евӗр кӑтартма май парӗ.
«Драматургсен конкурсӗ хӑйӗн ӗҫне режиссер лабораторийӗ пулса маллала тӑҫни савӑнтарать. Финал тӗлне эпир 3 пьесӑлла пуласса шанатпӑр», – тенӗ Александр Вислов.
Ӗнер Шупашкарта «Манӑн чӗлхе – манӑн халӑх» конкурс ҫӗнтерӳҫисене чысланӑ.
Пултарулӑх ӑмӑртӑвне Республикӑри халӑхсен туслӑхӗн ҫурчӗ йӗркеленӗ. Ӑна паян палӑртакан Тӑван чӗлхесен пӗтӗм тӗнчери кунне халалланӑ.
Конкурса Халӑхсен туслӑхӗн ҫурчӗ кӑҫал виҫҫӗмӗш хут ирттернӗ. «Сӑвва илемлӗ калассипе пӗтӗмпе 8 халӑх ачи тупӑшрӗ, конкурс йӗркелӳҫисем 130 ӗҫ йышӑннӑ.
Жюри йышне лекни – маншӑн паха опыт. Кашни ҫынранах мӗне те пулин вӗренме пулать. Ҫак пултаруллӑ ачасенчен те тӗслӗх илмелли тупрӑм», — тесе пӗлтернӗ Лариса Петрова ҫыравҫӑ халӑх тетелӗнчи хӑйӗн страницинче.
Чӑваш Енӗн Наци вулавӑшӗ чӑваш классикӗсемпе хальхи авторсен хайлавӗсене чи лайӑх тӗслӗхӗсене упраса хӑварассишӗн нумай тӑрашать. Электрон вулавӑшра республикӑри театрсен артисчӗсем вуланӑ 100 ытла аудиокӗнеке упранать.
Литература хайлавӗсене илемлӗ вулас текенсен «Тӑван сӑмах» конкурса хутшӑнма май пур. Конкурса чӑваш чӗлхине сарас тата чӑваш ҫыравҫисен пуян эткерлӗхне упраса хӑварас тӗллевпе ирттереҫҫӗ. Унта 10 ҫултан аслӑраххисем хутшӑнма пултараҫҫӗ. Вӗсен вулавӑшӑн «Чувашская детская литература» («Проза на чувашском языке» ярӑм) электрон коллекцийӗнчи хайлава вуламалла.
Авторсем хӑйсен хайлавӗсене те вулама пултараҫҫӗ.
Ӗҫсене ака уйӑхӗн 13-мӗшӗччен йышӑнӗҫ.
Чӑваш Енӗн Наци вулавӑшӗ чӑваш классикӗсемпе хальхи авторсен хайлавӗсене чи лайӑх тӗслӗхӗсене упраса хӑварассишӗн нумай тӑрашать. Электрон вулавӑшра республикӑри театрсен артисчӗсем вуланӑ 100 ытла аудиокӗнеке упранать.
Литература хайлавӗсене илемлӗ вулас текенсен «Тӑван сӑмах» конкурса хутшӑнма май пур. Конкурса чӑваш чӗлхине сарас тата чӑваш ҫыравҫисен пуян эткерлӗхне упраса хӑварас тӗллевпе ирттереҫҫӗ. Унта 10 ҫултан аслӑраххисем хутшӑнма пултараҫҫӗ. Вӗсен вулавӑшӑн «Чувашская детская литература» («Проза на чувашском языке» ярӑм) электрон коллекцийӗнчи хайлава вуламалла.
Авторсем хӑйсен хайлавӗсене те вулама пултараҫҫӗ.
Ӗҫсене ака уйӑхӗн 13-мӗшӗччен йышӑнӗҫ.
Ольга Паланӑн « Уй варринче» фильмӗ Новороссийскри «Ҫӗнтерӳҫӗсен еткерӗ» Пӗтӗм Раҫҫейри кинофестивальте ҫӗнтернӗ.
Унта 300 ытла ӗҫ тӑратнӑ. Вӗсен йышӗнче чӑваш колоричӗллӗ кинокартинӑна «Истори еткерлӗхӗ пирки ӳкернӗ чи лайӑх музыка фильмӗ» ятарлӑ номинацире палартнӑ.
Ольга Палан – Чӑваш Енри кинематонграфистсен пӗрлӗхен пайташӗ.
Шупашкарти 50 ҫулти модель Ольга Упман хӑйне евӗр рекорд тунӑ. Вӑл ҫулталӑкра илем конкурсӗсенче 26 хутчен ҫӗнтернӗ.
Унӑн рекордне тӗнчери рекордсен «Interrecord» кӗнекине тата «Раҫҫейри рекордсен реестрне» кӗртнӗ.
Иккӗленӳ ҫук: Ольга илемшӗн нимӗнле чӑрмав та ҫуккине ӗнентерет.
Чӑваш Енре сӑвӑ вулакансен «Сӑмах хӑвачӗ» конкурс-фестивалӗ виҫҫӗмӗш хут иртнӗ. Вӑл хальхинче те Муркаш тӑрӑхӗнчи Калайкасси шкулӗнче пулнӑ.
Сӑвӑ калассипе кӑҫал 150 ача ӑмӑртнӑ. Ачасем хӑйсен ҫулне кура икӗ секцире ӑмӑртнӑ. «Эпир пулнӑ, пур, пулатпӑр!» секцире чӑваш халӑх поэчӗ Петӗр Хусанкай сӑввисене вуланӑ. «Муркаш сасси» секцире Муркаш районӗнче ҫуралнӑ поэтсен хайлавӗсене е Муркаш тӑрӑхне, халӑхне, паллӑ ҫыннисене халалланӑ сӑвӑсене вуланӑ.
1-4 классен хушшинче Петӗр Хусанкай сӑввисене 50-а яхӑн ача вуланӑ.
Ачасене чӑваш халӑх поэчӗ Юрий Сементер, Чӑваш Республикин культура тава тивӗҫлӗ ӗҫченӗ Виталий Романов, Чӑваш Республикин культура тава тивӗҫлӗ ӗҫченӗ Альбина Юрату тата Николай Кузьмин, чӑваш халӑх поэчӗ Раиса Сарпи, Чӑваш Республикин культура тава тивӗҫлӗ ӗҫченӗ Эдуард Бахмисов, чӑваш халӑх поэчӗ Светлана Асамат, Чӑваш Енӗн Наци вулавӑшӗн наци литературипе библиографи пайӗн тӗп библиотекарӗ Антонина Андреева хакланӑ.
-0.7 °C