Чӑваш Енре 1940 ҫулта ҫуралнӑ ҫынна шыраҫҫӗ. Вӑл пӗр эрне каяллах ҫыхӑнӑва тухман.

Петр Осипович Павлова «Чӑваш Енри Лиза Алерт» шырав организацийӗ те шырать. Юпа уйӑхӗн 12-мӗшӗнче12 сехетре вӑл килӗнчен, Красноармейски районӗнчи Ҫырмапуҫран, тухса кайнӑ. Унтанпа ӑна никам та курман.

Ватӑ арҫын ӑс-тӑн арпашӑнса кайнипе нушаланать. Вӑл 170 сантиметр ҫӳллӗш, начаркка, куҫӑ кӑвак, ҫӳҫӗ тӗттӗм, вырӑнӑн-вырӑнӑн шуралнӑ. Хӑй сарӑ хӗрлӗ тӗслӗ калпак, кӑвак куртка, ҫавӑн тӗслех джинс шӑлавар, ҫӑматӑ, калуш тӑхӑннӑ пулнӑ.

Петр Павлова курнӑ тӑк ҫак телефонпа ҫыхӑнма ыйтаҫҫӗ: 8-800-700-54-52 (талӑкӗпех ӗҫлет тата Раҫҫейре тӳлевсӗр шӑнкӑрав) е 02, 102.

#Ҫырмапуҫ, #Красноармейски районӗ, #шыравсем