Аркадий Русаков


Аркадий Русаков

Аркадий Никандрович Русаков 1952-мĕш çулхи пушăн пĕрремĕш кунĕнче Пушкăрт республикинчи Фёдоровка ялне кĕрекен Кинчеккей ялĕнче çуралнă. Тăван ялти пуçламĕш шкул хыççăн кӳршĕ Урал ялĕнче сакăр класс пĕтернĕ, Çтерлĕ хулинчи медицина училищине 1971 çулта вĕренсе тухнă. Икĕ çул çарта — Инçет Тухăçри чикĕре пулнă. 1980-мĕш çул Ĕпхӳри медицина институтне пĕтернĕ, ун хыççăн Салават хулинче пĕр çул интернатура иртнĕ. 1981 çултанпа тăван районĕнчи район сыватăшĕнче врач-невролог пулса вăй хурать, вăрах вăхăт врач-нарколог пулса та ĕçленĕ.

Сăвă-калав çырассипе ачаранах кăсăкланать. 1989 çултанпа «Шуратăл» литература пĕрлешĕвĕнче тăрать, 2007 çултан — Раççей писателĕсен союзĕн членĕ. «Урал сасси» хаçатра, Шупашкарта тухса тăракан хаçат-журналсенче час-час пичетленет. Пелепей хулинче кашни çул иртекен «Хавхалану çăлкуçĕсем» сăвă фестивалĕсен номинанчĕ тата дипломанчĕ. Пилĕк кĕнеке авторĕ. Кĕнекисем: «Инçетри тухăçра, чикĕре» (2004), «Чуллă вар» (2006), «Страницы чувашской истории» (2006), «Çеçенхирти пушар» (2010), «Чакăл-ту» (2010).

Автор чăвашла тата вырăсла çырать, прозăпа та, поэзипе те кăсăкланать.


Кĕнекесем

5857

Хайлавĕсем

■ Страницăсем: 1 2 3

Шухăшсем