Кӳренӳ

Аркадий Русаков | Сăвă | 690


Юрататăп пулсан та сана,

Халĕ эсĕ мана кирлĕ мар.

Паянтан эпĕ санăн умна

Тухмăп. Утмăп санпа юнашар.

Ма тесен эсĕ, кутăнлашса,

Йăлăхтартăн мана мăй таран!

Юратса, çынсем пек йăл кулса,

Чăтăм çук калаçма санпалан.

Чĕнсен пĕр-пĕр çĕре эп сана:

Хăнана, уçăлса çӳреме —

Пăртăн эс яланах сăмсуна,

Тĕксĕм сăн сана çапрĕ темме.

Ху калаттăн мана пулсан та:

— Юрататăп сана çеç. Шансам!

Пурпĕрех маншăн сан чунунта

Ăшă туйăм пулмарĕ нихçан.

Е хăратăн-ши эс такамран?

Е хăюлăх-ши çук чĕрӳнте?

Юрату эпĕ кĕтрĕм санран.

Анчах пулчĕ вăл маншăн тӳнтер.

Чĕрере — кӳренӳ, тарăху!

Мана çакăншăн ан айăпла!

Ма тесен, айăпли — эсĕ ху!

Саншăн манăн сăмахăм çапла.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем