Çуллахи каç

Шурă-шурă çеçкине

Çурнă чух палан,

Аслă кӳлĕ хĕррине

Тухрăм санпалан.

Çулнă утă шăршипе

Иккĕн, йăпанса,

Çав кĕске çĕр тăршшĕне

Виçрĕмĕр санпа.

Акă ĕнтĕ шурăмпуç

Канлĕн карăнать.

Вăхăт, вăхăт, савнă тус,

Пирĕн таврăнма.

Анлă кӳлĕ çийĕпе

Çил хуллен вĕрет.

Ирхи курăк йĕп-йĕпе,

Ах, çӳçентерет!

Урасене йĕпетсе,

Сывлăмпа утар,

Юратап, савап, тесе

Куçран-куç пăхар.

Çĕнĕ комментари хуш