Пĕрремĕш
Эс пултăн ман пĕрремĕш юрату!
Çакна, савниçĕм, яланах асту.
Пуçламăш хут чуп тунă хĕр эс манăн.
Çакна, савниçĕм, халь епле-ха манăн?
— Чуп тума та пĕлместĕн, —
Тесе калаттăн эсĕ.
Анчах, ăçтан эп пĕлнĕ чуп тума?
Эс пултăн-çке пĕрремĕш!
Кампа-ха эп вĕреннĕ
Унччен пикесене ыталама?
Санччен хĕрпе эп çӳресе курман,
Куçран-куç пăхасси
Никампа та пулман.
Савни, эс пултăн ман пĕрремĕш туйăм!
«Çук, ку пулман», — тесе епле çынна халь суйăн?
Ман савăнăç эс пулнă.
Чунра сăнарă юлнă.
Савни, сана манмастăп нихăçан!
Аса илӳн тăварĕ,
Çут юратун кăварĕ
Ыйха татаççĕ манăнне паян.
Вунулттăра эпир юратнине,
Каçпа шутланине çăлтăрсене
Аса илсен, паян та пăлханатăп.
Ăш туйăмпа сана эп асăнатăп.
Пирвайхи хут, савниçĕм,
Эс пултăн ман Нарспиçĕм!
Сана калатăп уншăн тавтапуç.
Ăçта-тăр тĕл пулсассăн,
Халь иксĕмĕр, хавассăн,
Пĕр вăхăтлăн, час таптăр пирĕн пульс!
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...