Асамлă куçусем

Аркадий Русаков | Сăвă | 515


Ăсран тайăлтараççĕ

Мана сан куçусем.

Чуна хумхантараççĕ

Йăлтăртатса вĕсем.

Эс ман çине пăхсассăн

Чĕреçĕм хĕпĕртет.

Савса сана, хавассăн

Ман ыталас килет.

Сан куçусем ачашшăн

Кулсассăн çуталса,

Туятăп: чуп тăвасшăн

Тутам сана, савса.

Куçăмсемпе шыратăп

Сана çын хушшинче.

Курсан, савса пăхатăп

Кăвак куçусенчен.

Вĕсем асамлă, тарăн.

Унта путасшăн эп.

Кам та унта пултарĕ

Тупма шыранине.

Лăпкать-çке, тыткăнлать-çке

Мана ачашлăху.

Эх, савнă хĕрупраçăм,

Ачашлăх — эсĕ ху!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем