Сайта кӗр | Регистраци | Сайта кӗрсен унпа туллин усӑ курма пулӗ
 +22.0 °C
Кахал ҫӑпата сырнӑ ҫӗре ӗҫчен ӗҫне пӗтернӗ.
[ваттисен сӑмахӗ]
 

Хыпарсем: ҫанталӑк

Ял хуҫалӑхӗ

Паян инкеклӗ лару-тӑру пирки асӑрхаттаракан тата ӑна сирекен комисси ЧР Элтеперне Михаил Игнатьева республикӑра инкеклӗ лару-тӑру пулнине йышӑнма сӗннӗ. Ку – вӑраха тӑсӑлнӑ ҫумӑра пула. Ку ял хуҫалӑха япӑх витӗм кӳрет.

Утӑн 18-мӗшӗ тӗлне пур ҫӗрте те тӑпрара нӳрӗк ытлашши пулнӑ. Хӑш-пӗр вырӑнта ку кӑтарту 4-5 хут ӳснӗ. Синоптиксем ҫурла уйӑхӗнче те ҫумӑр нумай ҫӑвассине пӗлтереҫҫӗ.

Сивӗ ҫанталӑка тата ҫумӑр ҫунине пула ҫурхи культурӑсене икӗ эрне каярах акма тытӑннӑ, ҫӗртме варринче ҫеҫ вӗҫленӗ. Выльӑх апатне хатӗрлемешкӗн те ҫумӑр кансӗрленӗ.

Хальлӗхе вырмана тухман-ха. Ытти чухнехипе танлаштарсан, кӑҫал 3 эрне кая юлнӑ. Ҫавна май ҫухату 20-25 пин тоннӑпа танлашма пултарать. Ҫӗрулми ҫухатӑвӗ – 30-35 тонна. Малтанлӑха палӑртнӑ тӑрӑх, ку 500 миллион тенкӗ тӑкакпа танлашӗ.

 

Ял хуҫалӑхӗ

Метеостанци ҫутҫанталӑкшӑн хӑрушӑ пулӑм асӑрханӑ. Кун пирки ЧР Ял хуҫалӑх министерстви пӗлтерет.

Юлашки вӑхӑтра республикӑра ҫумӑр нумай ҫурӗ. Ҫавна май уй-хирти ӗҫ кая юлса пырать. Чӑваш гидрометцентрӗ пӗлтернӗ тӑрӑх, ял хуҫалӑх культурисене ӳсмешкӗн тата аталанмашкӑн агреметеорологи условийӗсем япӑх пулнӑ.

Пӗтӗмӗшле илсен, уй-хирти ӗҫ 10–14 куна юлса пырать. Агрометеорологин Ҫӗрпӳри посчӗ хыпарланӑ тӑрӑх, утӑ уйӑхӗн 1–21-мӗшӗсенче тӑпрара нӳрӗк ытлашши нумай пулнӑ. Ҫакӑ выльӑх-чӗрлӗх апатне хатӗрлеме чӑрмантарать.

Хыпар ҫӑлкуҫӗ: http://pg21.ru/news/43304
 

Ҫутҫанталӑк

Ыран Чӑваш Енре ҫанталӑк лайӑхах мар пулӗ. Кун пирки РФ МЧСӗн Чӑваш Енри тӗп управленийӗ асӑрхаттарать.

Чӑваш Енри Гидрометцентр регионта ҫанталӑк япӑхланасси пирки хыпарланӑ. Ведомство пӗлтернине ӗненес тӗк, ыран, утӑ уйӑхӗн 18-мӗшӗнче, ҫумӑр ҫӑвӗ, кӑнтӑрла вырӑнӑн-вырӑнӑн аслати авӑтӗ, пӑр ҫума пултарӗ. Ҫил ҫеккунтра 20 метр хӑвӑртлӑхпа вӗрӗ.

Ҫанталӑк япӑххине кура общество транспорчӗ графикпе килӗшӳллӗн ӗҫлемесен те пултарать. Электролинисем татӑлас хӑрушлӑх пур. Ҫавӑнпа МЧС ҫынсене вӗсенчен пӑрӑнса ҫӳреме ыйтать.

Хыпар ҫӑлкуҫӗ: http://pg21.ru/news/43160
 

Хулара

Шупашкарта ачасем ҫумӑр хыҫҫӑн пулнӑ лупашкара шыва кӗнӗ. Шӑпӑрлансем унта ним пулман пек чӑмпӑлтатнӑ.

Сельская урамӗнче ҫумӑр ҫунӑ хыҫҫӑн пысӑк лупашка пухӑннӑ. Паллах, шывӗ тӑрӑ мар, пӑтранчӑк. Анчах ачасене ку хӑратман, ҫавӑнтах шӑмпӑлтатнӑ вӗсем.

Ашшӗ-амӑшӗ ку ӳкерчӗке курман. Иртен-ҫӳрен вара тӗлӗнсех сӑнанӑ. Ара, таса мар шывра инфекци ҫаклатма пулать вӗт.

Синоптиксем ҫак кунсенче те ҫумӑр ҫӑвассине пӗлтереҫҫӗ. Юнкун ҫеҫ 25 градус таран ӑшӑтать теҫҫӗ.

Хыпар ҫӑлкуҫӗ: http://pg21.ru/news/42947
 

Хулара

Чӑваш Енри асар-писер ҫанталӑк вӑхӑтӗнче республикӑн тӗрӗлӗ кӗтесӗнче пурӑнакансем шар курнӑ. Шупашкарта вара пӗр ҫурт ҫырмана ишӗлсе аннӑ. Ку ҫӗнӗ кӑнтӑр районӗнче, «Шанхайра», пулнӑ.

Ҫумӑр вӑйлӑ ҫунине пула тӑпра ишӗлме тытӑннӑ. Ҫурт вара ҫырма хӗрринче ларнӑ. Икӗ хутлӑ пӳртпе пӗрле мунча та ҫырманналла ӳкнӗ. Юрать, ҫуртра никам та пулман. Вӗсене ҫӗнӗ микрорайон хута кайнӑ май урӑх ҫӗре куҫарнӑ пулнӑ.

Халӗ ҫӑлавҫӑсем пурӑнмалли секторта шыва пӗтерес тесе ӗҫлеҫҫӗ.

Хыпар ҫӑлкуҫӗ: http://pg21.ru/news/42914
 

Кӳршӗре

Чӗмпӗр облаҫӗнче япӑх ҫанталӑк утӑ уйӑхӗн 5-мӗшӗнчен хуҫаланать. Ҫумӑр самай шар кӑтартнӑ. Паян Чӑваш Енри бригада чӗмпӗрсене пулӑшма кайнӑ.

Ӗнер кӳршӗ регионта ҫумӑр чарӑнмасӑр вӑйлӑ лӳшкенӗ. Чылай ял электричествӑсӑр тӑрса юлнӑ. Ҫуртсене ҫутӑпа тивӗҫтерес ӗҫе тӳрех пуҫӑннӑ. Халӗ те ҫак ӗҫ пырать.

Вырӑс Беденька ялӗнче кӗпер ишӗлсе аннӑ. Ӑна юсас ӗҫре халӗ 43 бригада ӗҫлет. Чӗмпӗрсене пулӑшма ытти регионтан та килеҫҫӗ. Мӑкшӑ Республикинчен, Самартан, Пензӑран та пулӑшу килмелле.

Регионсенчен килнӗ бригадӑсем валли ятарлӑ пунктсем хатӗрленӗ. Пурне те ятарлӑ тум, хӳтӗленмелли хатӗрсем тата инструментсем параҫҫӗ.

Хыпар ҫӑлкуҫӗ: http://pg21.ru/news/42894
 

Ҫутҫанталӑк

Чӑваш Енре иккӗмӗш кун ҫумӑр пӗр чарӑнми тенӗ пек ҫӑвать. Чӗмпӗр хули ав шыв айне кайма пуҫланӑ. Нивушлӗ ҫулла ҫапла пулать? Синоптиксем кун пирки мӗн калаҫҫӗ-ха?

«Известия» хаҫат порталӗнче синоптиксем Раҫҫейре ҫу мӗнле пулассине пӗлтерни пур. Гидрометцентр пуҫлӑхӗ Роман Вильфанд каланӑ тӑрӑх, ҫуллан иккӗмӗш пайӗ те халӑха савӑнтармӗ: смерчсем, вӑйлӑ аслатисем, вӑйлӑ ҫил пулӗҫ.

«Смерчсем пирӗн патра сайра-хутра пулаҫҫӗ, ҫапах вӗсем пирӗн патра тӗл пулаҫҫӗ. Ҫил ҫеккунтра 20 метр ытларах вӗрсен ачасене урама кӑлармалла мар», - тенӗ Роман Вильфанд.

Ҫӗпӗрпе Инҫет Хӗвелтухӑҫӗнче вара типӗ ҫанталӑк тӑрӗ, унта пушарсем алхасас хӑрушлӑх пур.

Хыпар ҫӑлкуҫӗ: http://pg21.ru/news/42882
 

Ҫутҫанталӑк

Тутарстанра ҫавраҫил пулни пирки ӗнер пӗлтертӗмӗр. Вӑл Чӑваш Ене килмест тесе хыпарланӑччӗ. Анчах вӑйлӑ ҫил Ҫӗрпӳ районӗнче те пулнӑ.

Вӑйлӑ ҫил районӑн пӗр пайне пырса тивнӗ. Унта йывӑҫсем тӳнсе кайнӑ. Хӑш-пӗр ҫуртӑн тӑррисене сиенлетнӗ, парниксене илсе ывӑтнӑ. Аслати те кӗмсӗртетнӗ. Подстанцие аҫа ҫапнӑ. Халӗ коммуналлӑ служба ӗҫченӗсем таврана тирпейлеҫҫӗ.

Синоптиксем халех ӑшӑ ҫанталӑка кӗтмелле маррине пӗлтереҫҫӗ. Ҫӗрпӳ районӗнче вӑйлӑ ҫил вӑхӑтӗнче ҫил хушӑран 17 метр хӑвӑртлӑхпа вӗрнӗ. Ҫитес 5 кунра республикӑра ҫил лапланмӗ, ҫумӑр ҫукалӗ, ҫанталӑк сивӗрех тӑрӗ.

Хыпар ҫӑлкуҫӗ: http://pg21.ru/news/42095
 

Хулара
«Про Город» тунӑ сӑн
«Про Город» тунӑ сӑн

«Урамра, мӗн, кӗркунне-им? Хӗл ларма хатӗрленет-им?» — ӗнсине кӑчӑрт-кӑчӑрт хыҫрӗ, ахӑртнех, хӑшӗ-пӗри паян чӳречерен пӑхса. Ара, паян юр ҫурӗ вӗт.

Кӗҫех пляж сезонӗ уҫӑлмалла, вӗсене тӗрӗслеҫҫӗ. Кунта вара юр ҫӑвать. Паян Шупашкарта юр 14 сехет те 40 минутра ӳкме тытӑннӑ. Ҫӗр ҫине ӳксенех ирӗлнӗ. Сывлӑш температури 2 градус ҫеҫ тӑнӑ.

Ҫанталӑк мӗнлерех пулӗ? Ҫӗртме уйӑхӗн 1-мӗшӗнче пляж сезонӗ уҫӑлсан шыва кӗме май пулӗ-и? Хальлӗхе синоптиксем ӑшӑтасси пирки каламаҫҫӗ. Ҫӗртме пуҫламӑшӗнче ҫумӑр ҫӑвӗ, сывлӑш температури ӑшах пулмӗ.

Хыпар ҫӑлкуҫӗ: http://pg21.ru/news/42005
 

Ҫутҫанталӑк

Ыран пирӗн республикӑра асар-писер ҫанталӑк пулас хӑрушлӑх пысӑк. Кун пирки Чӑваш Енӗн Гидрометцентрӗ асӑрхаттарнӑ. Унтисем систернине кура РФ Инкеклӗ ӗҫсен министерствин Чӑваш Енри управленийӗ ҫынсене асӑрхануллӑ пулма ыйтать.

Синоптиксен прогнозне ӗненсен ыран пирӗн республикӑра аслатиллӗ ҫумӑр ҫӑвӗ. Вӑл кӑна та мар, ҫил тухса кайӗ. Ҫумӑр вӑхӑтӗнче вӑл ҫеккунтра 20 метр хӑвӑртлӑхпа вӗрмелле.

Асар-писер ҫанталӑк тухса кайсан транспорт ӗҫӗнче, ҫурт-йӗрпе коммуналлӑ хуҫалӑхра йывӑрлӑх пулассине асӑрхаттараҫҫӗ. Ҫутӑ тата ҫыхӑну пӑралукӗсем татӑлма пултараҫҫӗ. Вӑйлӑ ҫил вӑхӑтӗнче юпасем, ҫӳллӗ строительство техники таврашӗнче тӑма хушмаҫҫӗ.

«Инкек сиксе тухсан ҫӑлавҫӑсене тата пушар сӳнтерекенсене чӗнме карас телефонӗсенчен «01» тата «101» номерсемпе шӑнкӑравламалла», — пӗлтерет РФ Инкеклӗ ӗҫсен министерствин республикӑри управленийӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13
Orphus

Баннерсем

Шутлавҫӑсем

1 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (09.08.2020 15:00) пӗлӗтлӗ ҫанталӑк, атмосфера пусӑмӗ 748 - 750 мм, 20 - 22 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халĕ сирĕн пĕчченлĕхре пулас килĕ. Çывăх çынсене сирĕнпе çемçерех пулма ыйтăр. Ĕçре ăнăçу кĕтет, питĕ ăнăçлă кунсем халĕ. Анчах пуçлăх ырланине кĕтсе илейместĕр. Вăл сирĕн тăрăшăва каярах çеç асăрхĕ.

Ыйтӑм

Чӑваш халӑх сайтӗнче цензура пулмалла-и?
Ку ыйтӑва редакци татса памалла
Ҫук, хуть те мӗнле материала ирӗклӗн вырнаҫтармалла
Паллах, пулмалла, унсӑр ӑпӑр-тапӑр япала лартма пулать!
Пулмалла, анчах виҫеллӗ
Маншӑн ҫавах
Эпир Facebook-ра 1370+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org