Асӑрханӑр: ыран республикӑра ҫил вӑйланать. Синоптиксем пӗлтернӗ тӑрӑх, хӑрушлӑхӑн «сарӑ» шайӗ пулӗ.
Ыран ҫил ҫеккунтра 15-16 метр хӑвӑртлӑхпа вӗрӗ. Ҫавна май хӑш-пӗр тытӑмра ӗҫ йӗркерен тухма пултарӗ. Йывӑҫсем, хавшак конструкцисем ӳкес хӑрушлӑх та пур. Ҫул ҫинче авариллӗ лару-тӑру та сиксе тухма пултарать.
Паян 14 сехет те 40 минутра Атӑлӑн сулахай енче ҫил вӑйланнӑ. Кун пирки «Про Город» хаҫата халӑх корреспонденчӗ пӗлтернӗ.
Вӑйлӑ ҫиле пула пляжри йывӑҫран ӑсталанӑ сунчӑксем тӳннӗ. Пӗтӗмпе иккӗ ӳкнӗ. Пӗринче ача та пулнӑ. Вӑл суранланнӑ. Ӑна васкавлӑ медпулӑшупа пульницӑна ӑсатнӑ.
Хӑшӗ-пӗри ҫавра ҫиле асӑрханӑ. Вӑл 15 метр ҫӳллӗш пулнӑ.
Ҫулла пуҫланнӑранпа Чӑваш Енре сивӗ пӗр кун та пулманччӗ-ха. Синоптиксем пӗлтернӗ тӑрӑх, ҫак кунсенче ҫанталӑк сивӗтет, шӑрӑх пирӗн пата халех таврӑнмӗ.
Паян, канмалли кунсенче 22-24 градус ӑшӑ тӑрӗ. Ҫӗрлесерен 9-14 градус пулӗ. Ҫил кӑштах вӑйланӗ.
Республика кунӗнче ҫумӑр ҫукалӗ. Кун хыҫҫӑн тата сивӗтӗ. Ҫитес эрнере ҫил ҫурҫӗр-хӗвеланӑҫ енчен вӗрӗ, кӑнтӑрла – 20, ҫӗрле 10 градус сивӗ тӑрӗ. Ку – ҫу уйӑхӗ вӗҫӗнчи ҫанталӑк евӗр.
Малтанлӑха пӗлтернӗ тӑрӑх, сивӗрех типӗ ҫанталӑк икӗ эрнене яхӑн пулӗ.
Ӗнер каҫхине Атӑл леш енчи Ҫурҫӗр поселокӗнче аслатиллӗ ҫумӑр ҫунӑ, ҫил вӑйланнӑ. Хӑш-пӗр ҫурт тӑрри сиенленнӗ. Шупашкар пуҫлӑхӗн тивӗҫӗсене пурнӑҫлакан Владимир Доброхотов унта каҫхинех килсе ҫитнӗ.
Поселокра 16 ҫурт тӑррин шиферӗ сиенленнӗ, электричество ҫук. Авариллӗ бригада паян ирхинех пралук ӑҫтан татӑлнине шырама тытӑннӑ, юсав ӗҫӗсем ирттереҫҫӗ.
«Атӑл» управляющи компанийӗ Патшалӑх ҫурт-йӗр инспекцийӗн специалисчӗсемпе пӗрле пур ҫурта та тӗрӗслесе тухӗҫ, дефект ведомоҫӗсем хатӗрлӗҫ.
Ку таранччен ҫӗртме уйӑхӗн шӑрӑх тӑчӗ – нормӑран 5 градус ӑшӑрах. Малта – сивӗрех кунсем.
Синоптиксем пӗлтернӗ тӑрӑх, паян-ыран шӑрах пулӗ, 30 градус таранах. Юнкун кӑштах сивӗтӗ. Кӗҫнерникун каллех ӑшӑтӗ, хӗвел тухӗ. Эрнекун вара сивӗтӗ, ҫумӑр ҫӑвӗ. Канмалли кунсенче те ҫумӑр ҫукалӗ. Кӑнтӑрласерен 18-23 градус ӑшӑ пулӗ, ҫӗрле -10-15 градус.
Синоптиксем малтанлӑха пӗлтернӗ тӑрӑх, сивӗрех ҫанталӑк пирӗн патра уйӑх вӗҫӗччен тӑрӗ.
Паян водительсене машинисене йывӑҫ айне лартма сӗнмеҫҫӗ. Мӗншӗн? Синоптиксем пӑр ҫӑвас хӑрушлӑх пуррине асӑрхаттараҫҫӗ.
Паян вырӑнӑн-вырӑнӑн аслатиллӗ ҫумӑр пулма, 4-6 сантиметр тӑршшӗ пӑр ҫума, ҫил ҫеккунтра 25-30 метрн таран хӑвӑртланма пултарать. Ҫакӑ йӑлтах каҫ енне пулас хӑрушлӑх пур.
Паллах, ку прогноз – ҫирӗплетсе калани мар. Ҫапах асӑрхануллӑ пулни пӑсмастех.
Синоптиксем паян-ыран республикӑра питӗ шӑрӑх ҫанталӑк пулассине систереҫҫӗ. Кӗҫнерникун тата эрнекун термометр 34 градус таранах ӑшӑ кӑтартӗ.
Шӑрӑхра ҫутӑ тум тӑхӑнма, эрех-сӑра ӗҫесрен, ытлашши ӗҫлесрен пӑрӑнма сӗнеҫҫӗ.
Ҫавӑн пекех республикӑра пушар тухас хӑрушлӑх пысӑк.
Синоптиксем пӗлтернӗ тӑрӑх, ку эрнере шӑрӑх ҫанталӑк пулӗ. Термометр 30 градус ытла та кӑтартӗ. Эрнен иккӗмӗш ҫурринче кӑна аслатиллӗ ҫумӑр ҫума пултарӗ. Чи шӑрӑх кун ҫӗртмен 12-мӗшӗ пулӗ.
Эрне вӗҫнелле кӑштах уҫӑлтарӗ, 23-25 градус ӑшӑ пулӗ. Эрнекунпа шӑматкун ҫумӑр самай ҫума пултарӗ. Ку пирӗн пата сивӗ фронтне илсе килӗ. Вырӑнӑн-вырӑнӑн пӑр ҫума, ҫил вӑйланма пултарать.
Ҫитес 10 кунра вӑтамран 22 градус ӑшӑ пулӗ. Ку – чылай ҫулти кӑтартусран 3 градус пысӑкрах.
Паян синоптиксем асӑрханма сӗнеҫҫӗ - республикӑра хӑрушлӑхӑн сарӑ шайӗ вӑйра.
Синоптиксем пӗлтернӗ тӑрӑх, паян Чӑваш Енре вырӑнӑн-вырӑнӑн аслатиллӗ ҫумӑр ҫӑвать, кӑнтӑр енчен вӗрекен ҫил вӑйланать - ҫеккунтра 15 метр хӑвӑртлӑхпа вӗрӗ.
«Тимлӗ пулӑр тата асӑрханӑр! Экстреннӑй служба телефонӗсем: 01,101,112», - тесе асӑрхаттарса ҫырнӑ Чӑваш Енри Инкеклӗ лару-тӑру министерствин пресс-служби.
Ҫитес вӑхӑтра Чӑваш Ен урлӑ сивӗ фрончӗ иртсе кайӗ. Ҫавна май аслатиллӗ ҫумӑр ҫума пултарӗ. Хӑш-пӗр вырӑнта – пӑр та.
Шӑматкун ҫил ҫурҫӗр енчен вӗрӗ, пӑчӑ ҫанталӑк вӑхӑтлӑха сирӗлӗ. Вырсарникун ҫумӑр ҫӑвас хӑрушлӑх чакӗ, антициклон килӗ. Каллех шӑрӑх ҫитӗ, чи ӑшӑ кун ҫӗртмен 12-мӗшӗнче пулӗ – 30 градус ытла шӑрӑх тӑрӗ.
Малтанлӑха пӗлтернӗ тӑрӑх, виҫҫӗмӗш декада пуҫламӑшӗнче ҫанталӑк сивӗтме пултарать. Ун чухне ҫумӑр та ытларах ҫӑвӗ.
+11.3 °C