Сайта кӗр | Регистраци | Сайта кӗрсен унпа туллин усӑ курма пулӗ
 +22.3 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Хыпарсен ҫыххи: Сывлӑх

Сывлӑх

80 ҫулти арҫынна хӑйне евӗр операци тунӑ. Унччен тухтӑрсем ӑна операци сӗтелӗ ҫине вырттарма хӑранӑ. Вӑл чӗре чирӗпе аптӑранӑ, ытти чирсем те пулнӑ.

Республикӑра ҫӗнӗ мел тупӑнсан ватӑ арҫынна пулӑшнӑ. Аорта клапанне искусственнӑй биологи протезӗпе улӑштарни пациента операци тума май панӑ. Хирургсем ӗҫленӗ вӑхӑтра пациент тӑнпах выртнӑ, шурӑ халатлипе калаҫнӑ. Операци Питӗрти опытлӑ тухтӑр Евгения Шлойдо ертсе пынипе иртнӗ.

Кунашкал операци хыҫҫӑн пациент пульницӑра 3 кун ҫеҫ выртать. Кайран вӑл килте сипленет.

Хыпар ҫӑлкуҫӗ: https://pg21.ru/news/73078
 

Сывлӑх

Ҫӗмӗрлери муниципалитететсем хушшинчи центрта тӗп тухтӑр пулма ҫӗнӗ ҫынна ҫирӗплетнӗ.

Иртнӗ шӑматкун сиплев учрежденийӗнче республика Элтеперӗ Олег Николаев пулнӑччӗ. Ун чухне ҫӗмӗрлесене ҫӗнӗ кӑшӑлвирус инфекцийӗнчен прививка тӑвассине кирлӗ шайра йӗркелеменнишӗн самах лекнӗччӗ.

Паян вара Ҫӗмӗрлери муниципалитететсем хушшинчи центрта ҫӗнӗ тӗп врач ӗҫе кӳлӗннине пӗлтӗмӗр. Ҫакӑн пирки Ҫӗмӗрле хулин администрацийӗ Инстаграмра пӗлтернӗ.

Должноҫе Владимир Кутина шанса панӑ. Хула администрацийӗн пуҫлӑхӗ Валерий Шигашев ӑна тивӗҫе ӑнӑҫлӑ пурнӑҫласа пыма ырӑ суннӑ.

 

Сывлӑх
 Наталья Николаева. pravdapfo.ru сӑнӳкерчӗкӗ
Наталья Николаева. pravdapfo.ru сӑнӳкерчӗкӗ

Чир-чӗр никама та тиркемест ҫав. Иртнӗ эрнере пирӗн республикӑра «Атӑлҫи тӑрӑхӗнчи ӑнӑҫлӑ ҫемье» конкурс иртрӗ. Унта РФ Президенчӗн федерацин Атӑлҫи округӗнчи полпречӗ Игорь Комаров та, республика Элтеперӗ Олег Николаев та, республикӑри Хӗрарӑмсен канашӗн ертӳҫи Наталья Николаева та хутшӑнманччӗ.

«Правда ПФО» тӗнче тетелӗнчи хаҫат хӑйӗн ҫӑлкуҫӗсем ҫине таянса пӗлтернӗ тӑрӑх, Наталья Николаева ковидпа чирленӗ. Олег Николаев тӗплӗн тӗрӗслениччен инҫет мелпе ӗҫлеме йышӑннӑ, Игорь Комаров вара Чӑваш Ене килмен.

Ҫав вӑхӑтрах Олег Николаев маларах «Спутник V» препаратпа вакцинаци тутарнм паллӑ. Унӑн иккӗмӗш тапхӑрӗ витӗр вӑл ҫу уйӑхӗн ҫурринче тухнӑ.

Николаев хӑйӗн арӑмӗ чирленӗ хыҫҫӑн иккӗмӗш кунхинех Ҫӗмӗрлене вӗҫтернӗ, унта вӑл вакцинаци шайӗ пӗчӗк шайра пулнишӗн вырӑнтисене ӳпкеленӗ. Прививка тунисен килӗнче ковилдпа чирлекен тупӑнсан ҫынпа мӗн чухлӗ вӑхӑт хутшӑнма юраманни пирки «Правда ПФО»-на уҫӑмлатма хальлӗхе май килмен. Маларах икӗ эрне тетчӗҫ, халӗ кӑшӑлвирус тесчӗн кӑтартӑвне (ҫын чирлӗ маррине) пӗличчен тесе те калаҫҫӗ-мӗн.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен Элтеперӗ Олег Николаев шӑматкун Ҫӗмӗрлери территорисем хушшинчи медицина центрӗнче пулнӑ. Республикӑн влаҫ органӗсен официаллӑ порталӗнче пӗлтернӗ тӑрӑх, Ҫӗмӗрле ертӳҫисене халӑха кӑшӑлвирусран прививка тӑвас ӗҫе начар йӗркеленӗшӗн сӑмах лекнӗ.

Юлашки кунсенче пирӗн республикӑра талӑксерен 8 пин ҫын прививка тутарасшӑн иккен. Унччен ҫак цифра 4 пинпе танлашнӑ. Ҫавна май медицина учрежденийӗсенче черет вӑрӑмланнӑ. Апла пулсан ӗҫе ҫӗнӗ лару-тӑрӑва кура йӗркелеме тивет.

Паянхи куна илсен Ҫӗмӗрлере кунсерен 350 ытла ҫынна вакцинацилеме пулать, анчах чи хӗрӳ вӑхӑтра та кунсерен 160 ҫын ҫеҫ прививка тутарнӑ.

Элтепер шухӑшланӑ тӑрӑх, халӑхпа ытларах ӗҫлемелле, кӑшӑлвирусран епле хӳтӗленмелли ҫинчен ытларах каласа кӑтартмалла. Ҫӗмӗрлере е ытти муниципалитетра вакцинаци валли хушма бригада кирлӗ пулсан унта ытти ҫӗртисене яма пулать тесе палӑртса хӑварнӑ Олег Николаев.

Канаш хулинче, Красноармейски тата Хӗрлӗ Чутай районӗсенче вакцинаци витӗр халӑхӑн 40 ытла проценчӗ тухнӑ. Ҫӗнӗ Шупашкарпа Улатӑр хулисенче, Вӑрмар, Тӑвай, Элӗк тата Улатӑр районӗсенче прививка тутарнисен хисепӗ 30 процентран сахалрах.

Малалла...

 

Сывлӑх
1pnz.ru сайтри сӑн
1pnz.ru сайтри сӑн

Ҫулталӑк пуҫланнӑранпа республикӑра 1604 ҫын кӑшӑлвируса пула вилнӗ. Иртнӗ талӑкра 6 ҫыннӑн пурнӑҫӗ татӑлнӑ. Ҫапла чирленӗ кашни 17-мӗш ҫын кӑшӑлвируса пула вилнӗ.

Ку таранччен 27886 ҫын инфекциленнӗ. Вӗсенчен 59-шӗ – юлашки талӑкра. 25468 ҫын кӑшӑлвируса парӑнтарнӑ. Юлашки талӑкра 43 ҫын сывалнӑ.

Хальхи вӑхӑтра стационарта тата килте амбулатори мелӗпе 814 ҫын кӑшӑлвирусран сипленет.

 

Сывлӑх
Катастрофа медицинин тата васкавлӑ медпулӑшу центрӗ тунӑ сӑн
Катастрофа медицинин тата васкавлӑ медпулӑшу центрӗ тунӑ сӑн

Шупашкарти тухтӑрсем тепӗр ачана вертолетпа урӑх региона илсе ҫитернӗ. Хальхинче – Пензӑна. Ҫул ҫинче 2,2 сехет иртнӗ. Пензӑра 2 эрнери ачан чӗрине операци тунӑ. Вӑл ку енӗпе хавшакрах ҫуралнӑ.

Каялла килнӗ чухне тухтӑрсем операцие чӑтса ирттернӗ ачана илсе ҫитернӗ. 1 уйӑхри пепкен сывлӑхӗ йывӑртарах, ӑна ИВЛ аппаратпа сывлаттарнӑ, зонд витӗр ҫитернӗ.

Вертолетра васкавлӑ медпулӑшу анестезиолог-реаниматологӗ Валерий Ильин тата Республикӑри ача-пӑча клиника пульницин тухтӑрӗсем – Мария Курсова, Вероника Костюкова - пулнӑ.

 

Сывлӑх
news.myseldon.com сайтри сӑн
news.myseldon.com сайтри сӑн

Чӑваш Енри ача-пӑча уйлӑхӗсенче 3 ҫын кӑшӑлвируспа чирленӗ. Кун пирки паян Правительство ҫуртӗнче иртнӗ планеркӑра ЧР вӗренӳ министрӗ Алла Салаева каланӑ.

Икӗ тӗслӗхе ҫӗртме уйӑхӗнче шута илнӗ. Ҫӗрпӳ районӗнчи Ҫырмапуҫ шкулӗ ҫумӗнчи уйлӑхра пӗрремӗш сенӑра икӗ ҫын ҫак вируспа аптӑранӑ: уйлӑх ертӳҫи тата повар. Уйлӑха тӳрех карантина хупнӑ. Тӗрӗслев ирттернӗ: пӗр ача та чирлени палӑрман.

«Росинка» ача-пӑча уйлӑхӗнче те кӑшӑлвируспа чирленӗ тӗслӗх пулнӑ. унта пӗр вожатӑй инфекциленнӗ.

 

Сывлӑх

Паян ирхине, утӑ уйӑхӗн 5-мӗшӗнче, чӗре чирӗпе аптӑракан тин ҫуралнӑ арҫын ачана санитари вертолечӗпе Хусана васкавлӑн илсе ҫитернӗ.

Ача 4 кун каялла ҫуралнӑ, ӑна тухтӑрсем тӗрӗсленӗ те Хусанти ача-пӑча пульницине илсе каймаллине палӑртнӑ. 4 кунра арҫын ача кӑшт ҫирӗпленнӗ, ҫула йӗркеллех чӑтса ирттернӗ.

Ҫул ҫинче унӑн сывлӑхӗ япӑхланман, унпа юнашар тухтӑрсем пулнӑ. Вертолет Хусана 45 минутра ҫитнӗ.

 

Сывлӑх
 lenta.ru сайтри сӑн
lenta.ru сайтри сӑн

Юлашки талӑкра республикӑра 6 ҫын кӑшӑлвируса пула вилнӗ. Утӑ уйӑхӗн пуҫланнӑранпа кашни кун 5-шер ҫын вилнӗ. Ҫапла пурнӑҫран уйрӑлнисен 21 ҫынна ҫитнӗ ӗнтӗ.

Пандеми пуҫланнӑранпа 1568 ҫын кӑшӑлвируса пула вилнӗ: чирленӗ кашни 18-мӗш ҫын пурнӑҫран уйрӑлнӑ.

Ку таранччен 27532 ҫын каварлӑ вируса ҫаклатнӑ. Вӗсенчен 25164-шӗ сывалнӑ. Юлашки талӑкра 55 ҫын чире парӑнтарнӑ. 57 ҫын вара чирленине палӑртнӑ. Паянхи кун тӗлне стационарта тата абулатори мелӗпе 800 пациент сипленет.

 

Сывлӑх

Республикӑра кӑшӑлвирусран хӳтӗленмелли 3 вакцинӑпа усӑ кураҫҫӗ: «Спутник V», «ЭпиВакКорона», «КовиВак». Юлашки иккӗшӗ Чӑваш Ене питех нумай килмен-ха.

Ҫӗртме уйӑхӗн 25-мӗшӗнче тӑваттӑмӗш вакцина ҫаврӑнӑша тухнӑ. Вӑл «Спутник лайт» ятлӑ. Унпа ытларах кӑшӑлвируспа чирленисене е унччен прививка тунисене вакцинацилессине пӗлтернӗ.

«Ку вакцина кӑшӑлвирусран пӗр прививкӑпах хӳтӗленме май парӗ», - тенӗ ЧР Сывлӑх сыхлавӗн министерствин штатра тӑман тӗп специалист-терапевчӗ Лариса Тарасова.

 

Страницӑсем: 1 ... 50, 51, 52, 53, 54, 55, 56, 57, 58, 59, [60], 61, 62, 63, 64, 65, 66, 67, 68, 69, 70, ...178
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (26.07.2025 15:00) сайра пӗлӗтлӗ ҫанталӑк, атмосфера пусӑмӗ 749 - 751 мм, 21 - 23 градус ӑшӑ пулӗ, ҫил 3-5 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере хӑнана чӗнсен ан хирӗҫлӗр — унта усӑллӑ паллашусем пулӗҫ, ҫӗнӗ туссем тупатӑр, Пуҫри «таракансене» йӗркене кӗртессишӗн ан тӑрӑшӑр, юратнӑ ҫынна та ку енӗпе ан тарӑхтарӑр - кӑмӑл хуҫӑлӗ кӑна. Ку эрнере кӑмӑл вара лайӑх, ҫӑлтӑрсем лайӑх хыпар е кӑмӑллӑ тӗлпулу пулассине систереҫҫӗ.

Утӑ, 26

1939
86
Ева Лисина, чӑваш ҫыравҫи, тӑлмачӗ ҫуралнӑ.
1942
83
Назаров Андрей Кузьмич, патшалӑх ӗҫченӗ вилнӗ.
1980
45
Афанасьев Егор Афанасьевич, чӑваш сӑвӑҫи вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
пӗтӗм кил-йышпа тухаҫҫӗ
кил-йышри арҫын
хуть те кам тухсан та
хуҫа тарҫи
хуҫа хӑй
хӑнана ӑсатма никам та тухмасть
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хуҫин ҫитӗннӗ ачисем