Сайта кӗр | Регистраци | Сайта кӗрсен унпа туллин усӑ курма пулӗ
 +3.3 °C
Пилӗкне хытӑ ҫых, ӑсна ҫирӗп тыт.
[ваттисен сӑмахӗ]
 

Хыпарсен ҫыххи: Культура

Культура
Чӑваш патшалӑх гуманитари ӑслӑлӑхӗсен институчӗн сӑнӳкерчӗкӗсем
Чӑваш патшалӑх гуманитари ӑслӑлӑхӗсен институчӗн сӑнӳкерчӗкӗсем

Шупашкарта археологи шыравӗ вӑхӑтӗнче 1800 ытла артефакт тупнӑ.

Шырав ӗҫне хулан историлле вырӑнӗнче йӗркеленӗ. Ҫав ӗҫпе Чӑваш патшалӑх гуманитари ӑслӑлӑхӗсен институчӗн ӗҫченӗсем тӑрӑшнӑ. Вӗсем Илем галерейин картишӗнче тата Константин Иванов урамӗнчи 17-мӗш ҫурт ҫумӗнчи тротуар ҫинче шырав ирттернӗ.

Тупнӑ япаласен шутӗнче – XVI–XVIII ӗмӗрсенчи керамика фрагменчӗсем, XVI–XVII ӗмӗрсенчи щит ҫинчи акӑш ӳкерчӗклӗ пӑхӑр ҫӗрӗ, тигель, тӑхлан лум, пуля тата ытти кӑсӑклӑ япала.

Хыпар ҫӑлкуҫӗ: https://t.me/chuv_kray/3905?single
 

Культура
"Чӑваш тӗнчи" страницӑран илнӗ сӑнӳкерчӗк
"Чӑваш тӗнчи" страницӑран илнӗ сӑнӳкерчӗк

«Раҫҫей пики» илем конкурсне хутшӑнакансем наци тумне те кӑтартнӑ.

Аса илтерер: унта Чӑваш Енрен Алла Кадеева тата Валентина Алексеева хӑйсен пултарулӑхне кӑтартма тивӗҫлӗ пулнӑ.

Конкурса хутшӑнакан пикесем валли тума чӑваш эрешне тата тӗсне тӗпе хурса хатӗрленине ӗнентереҫҫӗ.

Сӑмах май каласан, илем конкурсне паян, юпа уйӑхӗн 5-мӗшӗнче, пӗтӗмлетмелле.

Хыпар ҫӑлкуҫӗ: https://vk.com/wall-194537172_17242
 

Культура
"Контактри" сӑн
"Контактри" сӑн

Шупашкарти 9 ҫулти Лена Еремеева «Ача-пӑча ҫӗнӗ хумӗ» сумлӑ конкурсӑн ҫурмафиналне лекнӗ. Вӑл унта Чӑваш Енрен - пӗртен-пӗр ача.

Лена 5 ҫулта «Голос. Дети» кӑларӑмӑн ТОП-80 списока лекнӗ, паллӑ ҫынсемпе - Александ Реввӑпа, Владимир Пресняковпа, Наталья Подольскаяпа - пӗр сцена ҫинче пулса курнӑ. Вӑл юрӑсем ҫырать, хӑйӗн пӗрремӗш кӗнекине те кӑларма хатӗрленет.

Хыпар ҫӑлкуҫӗ: https://vk.com/wall-191629825_70936
 

Культура
ВКонтакте сӑнӳкерчӗкӗ
ВКонтакте сӑнӳкерчӗкӗ

Юпа уйӑхӗн 11-мӗшӗнче Ҫӗрпӳ хулинчи М.В. Силантьев герой ячӗллӗ 1 номерлӗ шкулта «Пурӑн, пирӗн Ҫеҫпӗл!» — «Живи, наш Сеспель!» ятлӑ поэзи уявӗ иртӗ.

«Вӗрентекенсене, библиотека ӗҫченӗсене, кӑмӑл тата вӑхӑт тупакансене пурне те уява йыхравлаҫҫӗ», — тесе пӗлтернӗ Лидия Филиппова журналист мессенджерсенчен пӗринчи ушкӑнра.

Мероприятие Чӑваш халӑх поэчӗ Юрий Сементер, Лидия Филиппова, Василий Захаров, Любовь Петрова, Николай Ишентей, Георгий Хавал, Ортем Гали, Роза Беляева, Геронтий Никифоров хутшӑнӗҫ.

 

Культура
chgign.ru сайтран илнӗ сӑнӳкерчӗк
chgign.ru сайтран илнӗ сӑнӳкерчӗк

Чӑваш патшалӑх гуманитари ӑслӑхӗсен институтчӗн ӗҫченӗ ҫӗнӗ кӗнекепе паллаштарнӑ. Кӑларӑм ҫинчен вӑл «Чӑваш Ен» наци телерадиокомпанийӗн эфирӗнче, «Ир пулсан» передачара каласа кӑтартнӑ.

Филологи наукисен кандидачӗ, гуманитари ӑслӑхӗсен институтчӗн аслӑ ӑслӑлӑх ӗҫченӗ Галина Ильина «Ыр-усал халапӗсем. Былички» кӗнекепе туллин паллаштарнӑ. Ӑна институтӑн фольклор ӗҫченӗсем хатерленӗ.

Кӗнекене Чӑваш кӗнеке издательствинче пичетлесе кӑларнӑ.

Хыпар ҫӑлкуҫӗ: https://chgign.ru/a/news/5938.html
 

Культура
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Чӑваш патшалӑх культурӑпа ӳнер институчӗ пултаруллӑ ачасен «Эткер» центрӗпе пӗрле авӑн уйӑхӗн 23-27-мӗшӗсенче ӳнер ӑсталӑхӗпе кӑсӑкланакан пултаруллӑ ачасем валли пултарулӑх сменисем ӗҫленӗ.

Ӑна 4 вӗренӳ программипе йӗркеленӗ: «Хореографи», «Музыкӑпа инструмент ӳнерӗ: гитара», «Эстрада оркестрен инструменчӗсем», «Театр ӳнерӗ». Сӑмах май каласан, юлашкинчен асаннӑ икӗ смена унччен пулман, вӗсене хале кӗртнӗ.

Пӗр эрнере 60 ача вӗреннӗ. Вӗсем — Чӑваш Енри 15 ӳнер шкулӗнчен.

 

Культура
culture.cap.ru cӑнӳкерчӗкӗ
culture.cap.ru cӑнӳкерчӗкӗ

Юпа уйӑхӗн 3-мӗшӗнче Чӑваш патшалӑх филармонийӗнче кантӑк арфа тата орган янӑрӗ. Вӑл концерта «Музыкальные истории от барокко до классицизма» (чӑв. Бароккӑран классицизм таран) пӗтӗм ҫӗршыври проектпа килӗшӳллӗн хатӗрленӗ. Ӑна «Ӳнер тӗкӗрӗ» общество пурнӑҫа кӗртет.

Программӑра И.С. Бах тата В.А. Моцарт, А. Марчелло тата Л. Боккерини хайлавӗсем янӑрӗҫ.

Проекта Шупашкарта ҫеҫ мар, Ленинград облаҫӗнче, Владивосток, Самара, Сарту, Иркутск, Пермь, Челепир, Барнаул, Ярославль хулисенче кӑтартӗҫ.

Кантӑк арфӑпа Александр Лемешев, органпа Раҫҫей халӑх артисчӗ Даниэль Зарецкий вылӗ.

 

Культура
«Чӑваш Ен» ПТРК сӑнӳкерчӗкӗ
«Чӑваш Ен» ПТРК сӑнӳкерчӗкӗ

Василий Кервен аслӑ вырӑс поэчӗн Александр Пушкинӑн сӑввисене чӑвашла куҫарнӑ. Кун пирки «Чӑваш Ен» патшалӑх телерадио компанийӗ пӗлтернӗ.

Куҫарнӑ ӗҫсене хаклама Чӑваш Енӗн наци вулавӑшӗнче пуҫтарӑннӑ. Кервен Пушкинӑн чӑвашла куҫарнӑ сӑввисене «Асрах асамӗ ҫав самантӑн» ятпа кӗнекене пухса кӑларнӑ.

Василий Кервен Александр Пушкин пултарулӑхне шкулта вӗреннӗ чухнех тӗпчеме пуҫланӑ-мӗн. «Вырӑс чӗлхи вӗрентекенӗ вӗсене классике чӑвашла куҫарттарнӑ. Ун хыҫҫӑн сумлӑ поэтӑн сӑввисем патне пӗрре мар таврӑннӑ Василий Гаврилович. Ҫакӑ ӑна каярах Коопераци институтӗнче студентсене вӗрентнӗ чухне те кирлӗ пулнӑ. Пӗлтӗр вара Шупашкарти 62-мӗш шкулта чӑваш чӗлхи вӗрентекенсем ӑна Пушкин сӑввисене чӑвашла куҫарма ыйтнӑ. Вӑл пысӑк яваплӑха туйса ӗҫе пикеннӗ», — хыпарланӑ телесюжетра.

Хыпар ҫӑлкуҫӗ: https://vk.com/wall-211725618_2014
 

Культура
Галина Григорьева сӑнӳкерчӗкӗ
Галина Григорьева сӑнӳкерчӗкӗ

Чӑваш Ен делегацийӗ нумаях пулмасть Кабарда-Балкари Республикинче пулнӑ.

Йӑхташӑмӑрсене Нальчик чӑвашсен общество организацийӗн

председателӗ Алена Чернова ӑшшӑн кӗтсе илнӗ.

Чӑвашсене «Ҫӑлкуҫ» уйлӑхра

вырнаҫтарнӑ, республика тӑрӑх кӑтартса ҫӳренӗ.

Чӑвашсен делегацийӗ Кабарда-Балкари ҫӗрӗ ҫинче Чӳк ирттернӗ, юпа вырнаҫтарнӑ. Ӑна Алексей Казаков скульптор хатӗрленӗ.

Хыпар ҫӑлкуҫӗ: https://vk.com/wall619374432_2085
 

Культура

Улатӑрти «Арс» кинотеатр пулна ҫурта юсаса ҫӗнетӗҫ. ЧР Культура министерстви пӗлтернӗ тӑрӑх, кӑҫал унта ӑслӑлӑхпа тӗпчев ӗҫӗсем иртнӗ.

Вӑл - Чӑваш Енри пӗрремӗш кинотеатр. Ӑна 1908 ҫулта уҫнӑ. Ун чухне вӑл «Патэ» ятлӑ пулнӑ. Ҫапла Франци фирмине халалласа ят панӑ: унтан оборудовани, фильмсем туяннӑ.

Революци хыҫҫӑн кинотеатра «Свет» ят панӑ, кайран «Арс». Вӑл СССР арканиччен ӗҫленӗ. Халӗ унта - лавкка.

 

Страницӑсем: 1 ... 37, 38, 39, 40, 41, 42, 43, 44, 45, 46, [47], 48, 49, 50, 51, 52, 53, 54, 55, 56, 57, ...442
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (30.11.2025 03:00) тӗтреллӗ ҫанталӑк, атмосфера пусӑмӗ 757 - 759 мм, 2 - 4 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Пултарулӑхпа, психологипе е медицинӑпа ҫыхӑннӑ ӗҫ сире социаллӑ статуса ӳстерме пулӑшӗ. Парӑмсемпе, кредитсемпе, налуксемпе ҫыхӑннӑ ыйтусем татӑлӗҫ. Эсир укҫапа ҫыхӑннӑ ӗҫсене лайӑх пурнӑҫласа пыратӑр. Ҫутҫанталӑка тухни, шыв процедурисем, сывлӑха ҫирӗплетмелли массаж курсӗ тата спорт сывлӑха тата нерв тытӑмне лайӑх витӗм кӳрӗҫ.

Чӳк, 30

1892
133
Лява Платтунӗ, чӑваш сӑвӑҫи, ҫыравҫи, тӑлмачӗ ҫуралнӑ.
1906
119
Базанов Николай Петрович, Пӑрачкав сӑвӑҫи ҫуралнӑ.
1906
119
Бусыгин Николай Иванович, Пӑрачкав сӑвӑҫи, тӑлмачӗ ҫуралнӑ.
1918
107
Чӗмпӗрти РКП(б) губкомра чӑваш секциӗ йеркеленнӗ.
1926
99
Мулюков Геннадий Фёдорович, чӑваш таврапӗлӳҫи, вӗрентекенӗ ҫуралнӑ.
1967
58
Чӑваш патшалӑх университетне И.Н. Ульянов ятне панӑ.
2000
25
Патшалӑх Канашӗ Чӑваш Республикин Конституцине йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хуҫа хӑй
хуть те кам тухсан та
хуҫа арӑмӗ
хуҫин ҫитӗннӗ ачисем
хуҫа тарҫи
хӑнана ӑсатма никам та тухмасть
пӗтӗм кил-йышпа тухаҫҫӗ
кил-йышри арҫын