Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсен ҫыххи: Сывлӑх

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Шупашкарти тухтӑрсем 14 ҫулти хӗрачан самай пысӑкланнӑ шыҫҫине касса кӑларнӑ. Операци вӑхӑтӗнче Мускаври специалистсем те пулнӑ.

Шыҫӑ 6 ытла килограмм тайнӑ. Ҫамрӑк пациентка операцие аванах чӑтса ирттернӗ. Халӗ вӑл больницӑра вӑй пухать.

Сӑмах май, Мускаври ача-пӑча хирургӗсем Республикӑри ача-пӑча клиника пульницинче ӑсталӑх класӗсем ирттереҫҫӗ. Тӑватӑ кунра хирургсем опытпа ылмашӑнаҫҫӗ.

 

Сывлӑх
cap.ru сӑнӳкерчӗкӗ
cap.ru сӑнӳкерчӗкӗ

Улатӑр районӗнчи Ҫӗнӗ Эйпеҫ ялӗнчи тухтӑрсем кӳршӗллӗ Суйкӑнра пурӑнакан 59 ҫулти арҫыннӑн пурнӑҫне ҫӑлнӑ. Сӑпса сӑхнӑ хыҫҫӑн унӑн анафилактика шокӗ пулнӑ.

Ун чухне пӗтӗмӗшле практика тухтӑрӗ Юрий Иванов отпускра пулнӑ. Ялти пӗр хӗрарӑм ыйтнипе вӑл кнсультаци пама ӗҫе тухнӑ. Шӑп ҫав вӑхӑтра тӑванӗсем сӑпса сӑхнӑ арҫынна илсе килнӗ. Тухтӑр часрах медсестрана чӗнсе урама чупса тухнӑ.

Арҫыннӑн пичӗ шурса кайнӑ, шыҫӑннӑ, хӑй йывӑррӑн сывланӑ. Чутах тӑнне ҫухатман. Шурӑ халатлисем ӑна урамрах пулӑшу кӳме пуҫланӑ. Ҫав вӑхӑтрах васкавлӑ медпулӑшу чӗннӗ.

Вӗсем ҫитиччен арҫын хӑйне лайӑх туйма пуҫланӑ. Васкавлӑ медпулӑшӑва вӑл хӑйех ларнӑ.

Хыпар ҫӑлкуҫӗ: https://pg21.ru/news/79706
 

Сывлӑх
Стопкоронавирус.рф сайтри сӑн
Стопкоронавирус.рф сайтри сӑн

Чӑваш Енре тӑваттӑмӗш кун ӗнтӗ кӑшӑлвирусран пӗр ҫын та вилмест. Ҫапла пӗлтерет Стопкоронавирус.рф сайт.

Ҫӗртме уйӑхӗ пуҫланнӑранпа республикӑра 6 ҫын ҫак каварлӑ чире пула вилнӗ. Ӗнер 45 ҫын чирленине палӑртнӑ, паян - 39.

Хальхи вӑхӑтра республикӑра 430 ҫын кӑшӑлвируспа чирлет. Кунашкал пӗчӗк кӑтарту кӑҫал пулман-ха. Пандеми пуҫланнӑранпа 80445 ҫын чирленӗ, вӗсенчен 75372-шӗ сывалнӑ.

Нарӑсӑн 4-мӗшӗнче республикӑра ____коллектив иммунитечӗ 53 процентпа танлашнӑ пулсан халӗ - 25 процент.

 

Сывлӑх
tuapsevesti.ru сайтри сӑн
tuapsevesti.ru сайтри сӑн

Республикӑра 11 ҫулти ачана сӑпса сӑхнӑ. Унӑн аллерги пуҫланнӑ: пичӗ шыҫӑннӑ, йывӑррӑн сывланӑ. Арҫын ачана Хулари ача-пӑча клиника пульницине илсе ҫитернӗ.

Ачапа ашшӗ-амӑшӗ дачӑра пулнӑ. Пӗчӗкскере питӗнчен сапса сӑхнӑ. Амӑшӗ ӑна пӗрремӗш медпулӑшу панӑ, эмел ӗҫтернӗ. Анчах ачан пичӗ пурпӗрех шыҫнӑ, сасси ҫӗтнӗ, йывӑррӑн сывланӑ. Ачана больницӑра реанимаци уйрӑмне вырттарнӑ.

Арҫын ачан сывлӑхӗ тепӗр кунхинех йӗркеленнӗ, ӑна реанимацирен куҫарнӑ.

Хыпар ҫӑлкуҫӗ: https://pg21.ru/news/79597
 

Сывлӑх

Чӑваш Ене ачасемпе ҫамрӑксене кӑшӑлвирусран прививка тумалли вакцина ҫитнӗ. Ҫак кунсенче «Фармаци» аптека складне 2190 доза вакцина кӳрсе килнӗ.

«Спутник М» вакцинӑна медицина организацийӗсене валеҫӗҫ. Вӑл «Спутник V» пекех, анчах унти япала 5 хут сахалрах. Ӑна та икӗ тапхӑрпа пурнӑҫлаҫҫӗ: иккӗмӗш укола 3 эрнерен тӑваҫҫӗ

Палӑртмалла: ку прививкӑна наци календарьне кӗртнӗ.

 

Сывлӑх

Ҫу уйӑхӗн 25-мӗшӗнче Шупашкарти Мускав районӗн сучӗн ҫуртне кӗнӗ арҫын картлашка ҫине ларнӑ та тӑнне ҫухатнӑ. Хуралҫӑ часрах васкавлӑ медпулӑшу чӗннӗ. Вӗсем ҫитиччен вӑл 56-ри арҫыннӑн чӗрине массаж тунӑ.

Килсе ҫитнӗ реанимаци бригади пациентӑн миокард инфаркчӗ пулнине палӑртнӑ. Бригада реанимаци туса пацинта клиника вилӗмӗнчен кӑларнӑ. Халӗ пациент Республикӑри клиника пульницинче выртать.

Реанимаци бригади йышӗнче Олег Косов тухтӑр, Владимир Матюшкин медбрат тата Елена Ефимова медсестра пулнӑ.

Хыпар ҫӑлкуҫӗ: https://pg21.ru/news/79463
 

Сывлӑх
Стопкоронавирус.рф сайтри сӑн
Стопкоронавирус.рф сайтри сӑн

Юлашки вӑхӑтра кӑшӑлвирус пирки калаҫма пӑрахрӗҫ. Анчах статистика чир ҫухалманнине кӑтартать.

Ҫу уйӑхӗнче республикӑра кӑшӑлвирусран 30 пациент вилнӗ. Юлашки виҫӗ кунра пӗр ҫын та ку амака пула пурнӑҫран уйрӑлман.

Юлашки талӑкра 43 ҫын чирленине палӑртнӑ, 70 ҫын сывалнӑ. 58 ҫынна пульницӑна вырттарнӑ.

Ку таранччен республикӑра 80 пине яхӑн ҫын кӑшӑлвируспа чирленӗ. Вӗсенчен 74,7 пинӗшӗ сывалнӑ. Пандеми пуҫланнӑранпа 4637 ҫын кӑшӑлвируса парӑнтарайман.

 

Сывлӑх
sb-advice.com сайтри сӑн
sb-advice.com сайтри сӑн

2021 ҫулхи кӑтартӑва илес тӗк, Чӑваш Енре ҫынсен вӑтам пурнӑҫ тӑршшӗ пӗчӗкленнӗ. Кун пирки ЧР Сывлӑх сыхлавӗн министерстви пӗлтерет.

Ведомство хатӗрленӗ докладра палӑртнӑ тӑрӑх, пӗлтӗр республикӑра вӑтам пурнӑҫ тӑршшӗ 69,99 ҫулпа танлашнӑ. 2020 ҫулта 71,03 пулнӑ, 2021 ҫулта - 73,44.

Пӗлтӗр ҫынсем ытларах юн ҫавранӑшӗн чирӗсене, усал шыҫҫа, нерв тытӑмӗн амакӗсене, сывлав тата апат ирӗлтерекен органӗсен чирӗсене пула вилнӗ. Сывлӑх сыхлавӗн министерствин пандеми пуҫланиччен шанчӑксем пысӑк пулнӑ: 2024 ҫул валли ҫынсен вӑтам пурнӑҫ тӑршшӗ 78 ҫула ҫитессе шаннӑ, 2030 ҫул валли - 80 ҫула.

 

Сывлӑх

Улатӑр районӗнчи пациенткӑн сывлӑхӗ питӗ начар пулнӑ. Чӗри минутра 20 хут ҫеҫ тапнӑ.

Хӗрарӑма санавиаци вертолечӗпе Республикӑри кардиологи диспансерне илсе ҫитернӗ. Тепӗр 10 минутран ӑна вӑхӑтлӑх электрокардиостимулятор лартнӑ. Тепӗр кунхине, сывлӑхӗ лайӑхлансан, стимулятора улӑштарнӑ.

Юнкун Елчӗк районӗнчи пациенткӑна вертолетпа Шупашкара илсе килнӗ. Ҫул ҫинче 40 минут ҫеҫ иртнӗ. Халӗ хӗрарӑма реаниматологсем пӑхса тӑраҫҫӗ, операци тума хатӗрленеҫҫӗ.

 

Сывлӑх

Вӑрнар районӗнчи Мӑн Турхан ялӗнче фельдшерпа акушер пунктне тӗпрен ҫӗнетес ӗҫ пырать. Кун пирки Вӑрнарти тӗп район пульницин сайчӗ хыпарлать.

Ялти ФАП-а тахҫанах юсама вӑхӑт ҫитнӗ тесе пӗлтереҫҫӗ: ҫурт тӑррине те ҫӗнетмелле, пӑрӑхӗсене те улӑштармалла. Унсӑр пуҫне унӑн умӗ те кивелнӗ пулнӑ, шалта та — юсамалли пайтах. Ял ҫыннисем каласа панӑ тӑрӑх, хӗлле фельдшерпа акушер пунктне кайсан унта сивӗ те нӳрӗ пулнӑ. ФАПа тӗпрен юсанӑ май ун ҫумӗнче котельнӑй та туса лартӗҫ. Ӑна вырнаҫтарас тӗллевпе ҫурта анлӑлатнӑ та ӗнтӗ.

Юсав ӗҫӗсене хальхи вӑхӑтра медицина пулӑшӑвӗ кӳмелли стандартсемпе килӗшӳллӗн пурнӑҫлӗҫ. Ҫавна май ялти халӑх кӗҫех малтанхи медицина пулӑшӑвне хӑтлӑ ҫуртра илме пултарӗҫ. Вӑл унчченхинчен хӑтлӑрах та, ӑшӑрах та, тата ҫутӑрах пулӗ.

Ялти ФАПра заведующийӗнче 30 ҫул ытла тӑрӑшакан Родионова Валентина Леонидовна хӑйӗн савӑнӑҫне пытармасть. «Фельдшерӑн чи пысӑк ӗмӗчӗ — хальхи вӑхӑтри мӗн пур требованипе санитари нормисене тивӗҫтерекен, кирлӗ хатӗрсем тата оборудовани вырнаҫтарнӑ ҫӗнӗ ҫурт», — тет вӑл.

Мӑн Турханти фельдшерпа акушер пункчӗ пурӗ виҫӗ ял ҫыннисене пулӑшу кӳрет.

Малалла...

 

Страницӑсем: 1 ... 22, 23, 24, 25, 26, 27, 28, 29, 30, 31, [32], 33, 34, 35, 36, 37, 38, 39, 40, 41, 42, ...176
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 21:00) сайра пӗлӗтлӗ ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
кил-йышри арҫын
хуть те кам тухсан та
хуҫа хӑй
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
хуҫа тарҫи
хуҫа арӑмӗ