Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсен ҫыххи: Республикӑра

Республикӑра
"Контактри" сӑн
"Контактри" сӑн

Паян – хитре дата: 10.01.2025. Ун пеккине ҫемье ҫавӑракансем килӗштереҫҫӗ.

Паян Шупашкарта 12 мӑшӑр пӗрлешнӗ. Ҫавӑн пекех паян Патӑрьел, Ҫӗмӗрле тӑрӑхӗсенче, Ҫӗнӗ Шупашкарта та пӗрлешекенсем пулнӑ.

Сӑмах май, ҫитес хитре дата Студентсен кунӗнче пулӗ: 25.01.2025.

Хыпар ҫӑлкуҫӗ: https://vk.com/wall-143818234_415045
 

Республикӑра
www.cap.ru сӑнӳкерчӗкӗ
www.cap.ru сӑнӳкерчӗкӗ

Кӑрлач уйӑхӗн 4-мӗшӗнче Шупашкарти аэропорта малалла юсама тытӑннӑ. Хальхи вӑхӑтра вӗҫсе килмелли зонӑна юсама тытӑнмалла. Ҫавна май кивӗ стенасене, урайсене сӳтнӗ.

Аса илтерер: иртнӗ уйӑхӑн вӗҫӗнче ҫӗнӗ пассажир терминалне Раҫҫей Президенчӗ онлайн-мелпе хутшӑннипе уҫнӑччӗ. Аэропорт инфраструктури самай улшӑннӑ. Унӑн лаптӑкӗ унчченхи 1500 тӑваткал метртан 5000 тӑваткал метр таран пысӑкланнӑ. Ҫӗнӗ терминал — вӗҫсе каякан пассажирсем валли.

 

Республикӑра
Виталий Михайлов страницинчен илнӗ сӑнӳкерчӗк
Виталий Михайлов страницинчен илнӗ сӑнӳкерчӗк

Красноармейски муниципалитет округне (Трак районне) туса хунӑранпа 90 ҫул ҫитнӗ. Кун пирки Виталий Михайлов хӑйӗн страницинче пӗлтернӗ.

«Красноармейскине малтан Трак ятпа пӗлнӗ, ҫавӑнпа халӗ те ку тӑрӑха Трак Енӗ теҫҫӗ. Ҫурҫӗр енче Шупашкар районӗпе, кӑнтӑрта Канашпа Вӑрнар районӗсемпе, хӗвел анӑҫ енче Элӗкпе Муркаш районӗсемпе тата ҫурҫӗр-хӗвелтухӑҫ енче Ҫӗрпӳ районӗпе чикӗленет. Чӑваш Енре вӑл лаптӑкӗпе чи пӗчӗк район шутланать.

Района Чӑваш АССРӗн Ӗҫ Тӑвакан Тӗп Комитечӗн Йышӑнӑвӗпе килӗшӳллӗн 1935 ҫулхи кӑрлачӑн 9-мӗшӗнче туса хунӑ. Ӑна малтан Трак районӗ тенӗ, каярах, 1940 ҫулта, Красноармейски ятпа улӑштарнӑ. Пирӗн район кун-ҫулӗ ҫакӑнтан кӑна пуҫланмасть, паллах, унӑн тымарӗсем темиҫе ӗмӗр каяллах, сӗм авалах никӗсленнӗ.

Красноармейски районӗн хальхи ҫӗрӗ ҫинче пирвайхи ҫынсем темиҫе пин ҫул каяллах пурӑнма пуҫланӑ. Кун ҫинчен район тӑрӑхӗнче ирттернӗ археологи тӗпчевӗсемпе истори палӑкӗсем ҫирӗплетеҫҫӗ: Ҫӗньял Упи таврашӗнче вырнаҫнӑ авалхи ҫынсем пурӑннӑ вырӑнӗ, Красноармейски ҫывӑхӗнчи Мӑн Шетмӗ юхан шыв хӗрринче вырнаҫнӑ улӑп тӑпри, Кӑмакал ялӗ ҫывӑхӗнчи улӑп тӑпри (пӑхӑр ӗмӗрӗ), Тусай ялӗ ҫывӑхӗнчи Хулату ятлӑ хулаш, Мӑн Шетмӗ яле ҫывӑхӗнчи Мӑн сӑрт ятлӑ хулаш, Кӳлхӗрри Карай ялӗ ҫывӑхӗнчи улӑп тӑпри (тимӗр ӗмӗрӗ), Кӗрекаҫ ялӗ ҫывӑхӗнче вырнаҫнӑ авалхи ҫынсем пурӑннӑ вырӑн тата масар, Янмурҫин ялӗ ҫывӑхӗнчи хулаш (вӑтам ӗмӗрсем).

Малалла...

Хыпар ҫӑлкуҫӗ: https://vk.com/wall111960967_2086
 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Вӑрнар округӗнче Тӑван ҫӗршывӑн Аслӑ вӑрҫин ветеранне Харитон Петрова юлашки ҫула ӑсатнӑ. Вӑл 101 ҫулта пулнӑ.

Ӑна 1942 ҫулта повестка панӑ. Вӑл Япони вӑрҫине те хутшӑннӑ.

Вӑрҫӑ хыҫҫӑн Харитон Петров тӑван колзозӗнче ферма заведующийӗнче, председатель ҫумӗнче ӗҫленӗ. Мӑшӑрӗпе 5 ача ҫуратса ӳстернӗ.

 

Республикӑра
Владимир Степанов министр телеграм-каналӗнчи сӑн
Владимир Степанов министр телеграм-каналӗнчи сӑн

Ҫӗрпӳре пурӑнакан ҫемьере виҫӗреш ҫуралнӑ. Вӗсем пӗлтӗр чӳк уйӑхӗнче Порфирьевсен ҫемйинче кун ҫути курнӑ.

Хальччен ачасем Президент пепкелӗх центрӗнче пулнӑ. Халӗ вӗсем вӑй илнӗ ӗнтӗ. Пӗчӗкскерсене киле паян кӑларнӑ. Унта ЧР сывлӑх сыхлавӗн министрӗ Владимир Степанов хӑй те пулнӑ. Вӑл Надежда Нкиолаевнӑпа Петр Николаевича саламланӑ.

Порфирьевсен халӗ – 7 ача. Пурте – хӗрачасем.

Хыпар ҫӑлкуҫӗ: https://t.me/vstepanovmz21/1468
 

Республикӑра

Муркаш округӗнче такамсем ҫамрӑк хурӑнсене каснӑ. Ҫакна Ҫӗнӗ ҫул каникулӗнче яла килнӗ ҫемье вӑрмана йӗлтӗрпе ярӑнма кайсан асӑрханӑ. Кайран яла хатӗр вутӑ тиесе килни те пулнӑ.

Ял ҫыннисем кун пирки вӑрман инспекторне пӗлтернӗ. Вӑрман ӗҫченӗсем вырӑна тухнӑ. Ҫамрӑк хурӑнсене ял хуҫалӑх пӗлтерӗшлӗ ҫӗр лаптӑкӗ ҫинчен каснине палӑртнӑ вӗсем. Ӑна тахҫан тара илнӗ, анчах халь никам та усӑ курмасть, ҫавна май хурӑнсем шӑтса тулнӑ.

ЧР Ҫутҫанталӑк министерстви палӑртнӑ тӑрӑх, вӑрман фончӗн ҫӗрӗ ҫинче саккуна пӑснӑ тӗслӗх ҫук.

 

Республикӑра
"Контактри" сӑн
"Контактри" сӑн

Куславкка округӗнчи Варасӑр ялӗнче пурӑнакан Самолетовсем пӗрлешнӗренпе ҫур ӗмӗҫ ҫитнине паллӑ тунӑ. Вӗсем 1975 ҫулхи кӑрлач уйӑхӗн 3-мӗшӗнче ҫемье ҫавӑрнӑ. Унтанпа вӗсем пӗрле.

Еленӑпа Геннадий ывӑлпа хӗр ӳстернӗ. Нумаях пулмасть вӗсен йыш хушӑннӑ: икӗ мӑнук ҫуралнӑ.

Хыпар ҫӑлкуҫӗ: https://vk.com/wall-163599942_12603
 

Республикӑра
"Контактри" сӑн
"Контактри" сӑн

Красноармейски округӗнче вак касса пулӑ тытас енӗпе Раштав ӑмӑртӑвӗсем иртнӗ.

Ҫӗнтерӳҫӗсене темиҫе номинаципе палӑртнӑ: тытнӑ пулӑ шучӗпе, чи малтан тытнӑ пысӑк пулла кура, вак касас енӗпе. Ҫӗнтерӳҫӗ ятне Сергей Васильев тивӗҫнӗ.

Ӑмӑртурту вӗҫленсен пурте кӑвайт патне пухӑннӑ, техӗмлӗ пулӑ шӳрпипе сӑйланнӑ.

Хыпар ҫӑлкуҫӗ: https://vk.com/wall-143818234_414680
 

Республикӑра
ШӖМ тунӑ сӑн
ШӖМ тунӑ сӑн

Сӗнтӗрвӑрри округӗнчи полицейскисем вӑрманта ҫухалса кайнӑ арҫынна киле ҫитме пулӑшнӑ.

Кӑрлачӑн 5-мӗшӗнче Шупашкарти хӗрарӑм полицие шӑнкӑрааласа 36 ҫулти упӑшки лесник патне хӑнана кайма тухсан ҫухалса кайнине пӗлтӗрнӗ. Лешӗ кун пирки шӑнкӑравласа калама ӗлкӗрнӗ, кайран телефонӗ сӳнсе ларнӑ.

Полици капитанӗ Григорий Шестаков тата полици майорӗ Юрий Павлов вӑрмана ҫитнӗ те арҫынна, йӗрӗ тӑрӑх шырама пуҫланӑ. 10 ҫухрӑм утнӑ вӗсем. Юлашкинчен утарти сарай патне пырса тухнӑ. Ҫӳхерех тӑхӑннӑ арҫын унта пытаннӑ. Полицейскисем ӑна вӑрмантан тухма пулӑшнӑ.

Хыпар ҫӑлкуҫӗ: https://t.me/mvd_chuvashia
 

Республикӑра
"Контактри" сӑн
"Контактри" сӑн

Елчӗк округӗнчи Ҫуткӳл ялӗнче пурӑнакан Леонтьевсем пӗрлешнӗренпе 70 ҫул ҫитнӗ. Леонид Александровичпа Августа Васильевна ӗмӗр тӑршшӗпех тӑван ялӗнче пурӑнаҫҫӗ. Иккӗшӗ те колхозра ӗҫленӗ.

Вӗсем 6 ача ҫуратса ура ҫине тӑратнӑ. Валентина, Светлана, Людмила тата Любомир ҫемйисемпе Шупашкарта пурӑнаҫҫӗ. Мария Ташкентра тӗпленнӗ, Владимир – Мускавра.

Леонтьевсем телейлӗ ҫемье вӑрттӑнлӑхӗпе палланнӑ: юратса, килӗштерсе пурӑнмалла.

Хыпар ҫӑлкуҫӗ: https://vk.com/wall-163599942_12581
 

Страницӑсем: 1 ... 20, 21, 22, 23, 24, 25, 26, 27, 28, 29, [30], 31, 32, 33, 34, 35, 36, 37, 38, 39, 40, ...643
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (21.10.2025 03:00) тӗтреллӗ ҫанталӑк, ҫумӑр ҫума пултарать, атмосфера пусӑмӗ 752 - 754 мм, 5 - 7 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эсир вӑй кӗнине туятӑр, таврарисене хӑвӑр мӗн пултарнине ӗнентерес килӗ. Ҫӑлтӑрсем ҫирӗппӗн, анчах васкамасӑр ӗҫлеме сӗнеҫҫӗ — йӑлтах тӳрех пулмӗ. Юратура кӑмӑллӑ улшӑнусем пулма пултарӗҫ, уйрӑмах — пуҫарулӑх кӑтартсан. Укҫа енчен йӗркеллех, анчах пысӑк япаласем туянмалла мар.

Юпа, 21

1960
65
Башири Зариф, чӑваш пурнӑҫне сӑнласа панӑ, чӑваш литературине тӗпчекен тутар ҫыравҫи, сӑвӑҫи, публицисчӗ вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
хуҫа хӑй
хӑнана ӑсатма никам та тухмасть
хуҫа арӑмӗ
хуть те кам тухсан та
хуҫа тарҫи
пӗтӗм кил-йышпа тухаҫҫӗ
кил-йышри арҫын
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем