Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсен ҫыххи: Республикӑра

Республикӑра
www.cheboksary.ru сӑнӳкерчӗкӗ
www.cheboksary.ru сӑнӳкерчӗкӗ

«Чӑваш Ен Элтеперӗн кубокӗ» пӗтӗм Раҫҫейри ӑмӑртура Павел Миронов тата Арина Павлова 2 наградӑна тивӗҫнӗ.

Ӑмӑрту иртнӗ эрнере иртнӗ.

Арҫын ачапа хӗрача – «Дуэт» спорт клубӗн воспитанникӗсем. Вӗсем 7-11 ҫулсенчи ачасен хушшинче икӗ хутчен ҫӗнтернӗ. Латин Америкин ташшипе ылтӑн медале тивӗҫнӗ, тепӗр ташӑпа – бронзӑна.

Ӑмӑртӑва ҫӗршыври 19 регионти 600 ытла спортсмен хутшӑннӑ.

Ачасен тренерӗсем – Сергей Яруткин тата Дмитрий Жаров.

Хыпар ҫӑлкуҫӗ: https://vk.com/wall-90291590_21205
 

Республикӑра
mintrud.cap.ru сӑнӳкерчӗкӗ
mintrud.cap.ru сӑнӳкерчӗкӗ

«Ватлӑх савӑнма» ыркӑмӑллӑх фончӗ Чӑваш Енри ватӑсене вутӑпа тӳлевсӗр тивӗҫтерет.

Фонд пӗччен пурӑнакан, пӗчӗк пенси илекен ватӑсене хӗрхенсе пулӑшать. Тӑвай тӑрӑхӗнче, сӑмахран, 28 ватта 280 ытла куб метр вутӑ кӳрсе панӑ.

Фонд пулӑшӑвне ватӑсем чунтан савӑнса йышӑнаҫҫӗ, кӑмӑлтан тав тӑваҫҫӗ. Ҫитес кунсенче унти тата тепӗр 13 ватӑна вутӑпа тивӗҫтерме палӑртнӑ.

 

Республикӑра
spb.mk.ru сайтри сӑн
spb.mk.ru сайтри сӑн

Етӗрне округӗнчи Вӑрман поселокӗнче карантин пулнине палӑртнӑ. Ку хушӑва ЧР Элтеперӗ Олег Николаев алӑ пуснӑ.

Ҫак поселокри чӗрчун анализне лабораторире тӗрӗсленӗ хыҫҫӑн унӑн урнӑ чир пулнине палӑртнӑ. Ветеринарсем вирус ан сарӑлтӑр тесе мерӑсем йышӑннӑ.

Карантин ятарлӑ хушу пуличчен вӑйра пулӗ.

 

Республикӑра

Чӑваш Енри водитель «Чи лайӑх грузовик водителӗ» конкурсра иккӗмӗш вырӑн йышӑннӑ. Ӑмӑрту Грозный хулинче авӑн уйӑхӗн 25-27-мӗшӗсенче иртнӗ.

Унта пирӗн ентеш Александр Анисимов хутшӑннӑ. Вӑл – Комсмольски тӑрӑхӗнчен, руль умӗнче 19 ҫул ларать, «СпецТранс» организацире ӗҫлет. Александр конкурсра 92 балл пухса иккӗмӗш вырӑн йышӑннӑ. Ҫапла вӑл 150 пин тенкӗлӗх сертификата тивӗҫнӗ.

 

Республикӑра
Чӑваш Енӗн Ӗҫ министерствин сайтӗнчен илнӗ сӑнӳкерчӗк
Чӑваш Енӗн Ӗҫ министерствин сайтӗнчен илнӗ сӑнӳкерчӗк

Ӗнер, юпа уйӑхӗн 9-мӗшӗнче Шупашкарта кӗмӗл волонтерсен «Кӗмӗл чун» республикӑри виҫҫӗмӗш форумӗ иртрӗ. Унта республикӑри хастар ватӑсене пухрӗҫ.

«Эсир кӗмӗл мар, ылтӑн чунлӑ ҫынсем», — ырласа каларӗ хастар пенсионерсене Чӑваш Енӗн Патшалах Канашӗн председателе Леонид Черкесов. Маттур ватӑсене ытти тӳре-шара та: Олег Николаев Элтепер, ӗҫ министрӗ Алёна Елизарова — самай мухтарӗҫ-ха.

Хастарсенчен пӗри, Элӗк тӑрӑхӗнчи Ехремкасси ялӗнчи Виталий Степанов. Вптӑ ҫын пенсире те ахаль лармасть, ялти ачасене шахмӑт вӑййине выляма хӑнӑхтарать, тӗрлӗ ӑмӑртӑва илсе ҫӳрет. Ҫак ӗҫе вӑл укҫалла тумасть. Чун ыйтнипе. Вӑл — кӗмӗл волонтерсен республикари конкурсӗнче ҫӗнтернисенчен пӗри.

 

Республикӑра
"Контактри" сӑн
"Контактри" сӑн

Юпа уйӑхӗн 5-мӗшӗнче ҫӑлавҫӑсем капот айне лекнӗ кушак ҫурине ҫӑлнӑ. Вӗсем вӑл макӑрса ларнӑ сасса илтнӗ.

Кушак ҫури пӗр ҫӑлавҫӑ машинин капочӗ айӗнче пулнӑ иккен. Специалистсем капот ҫуначӗн хӳтӗлевне илсе пӗчӗк чӗрчуна ирӗке кӑларнӑ. Унпа нимӗн те пулман, чиперех. Халӗ вӑл ҫӑлавҫӑсем патӗнче пурӑнать.

Хыпар ҫӑлкуҫӗ: https://vk.com/wall-191629825_71046
 

Республикӑра
cap.ru сайтри сӑн
cap.ru сайтри сӑн

ЧР Патшалӑх Канашӗ республикӑра тӗплӗ юсав ирттересси пирки саккун пӑхса тухнӑ. ЧР Элтеперӗ ӑна ҫав кунах алӑ пуснӑ.

Унччен ҫӗнӗ ҫуртра пурӑнакансем ҫурта хута янӑранпа 5 ҫул ҫитсен ҫеҫ тӗплӗ юсавшӑн тӳлеме пуҫланӑ. Ҫӗнӗ саккунпа килӗшӳллӗн вара 1 ҫултан тӳлеме тытӑнӗҫ.

Влаҫ ку саккуна мӗншӗн йышӑннине ӑнлантарнӑ: Тӗплӗ юсав фондӗнче укҫа ҫитсе пымасть. Хальхи вахӑтра ҫынсен фонд умӗнче 700 миллион тенкӗ парӑм пур. Ҫӗнӗ ҫуртрисене тӳлеттерме пуҫласан регионти оператор патне хушма 132 миллион тенкӗ тупӑш кӗрӗ.

 

Республикӑра
Россельхозназор архивӗнчи сӑн
Россельхозназор архивӗнчи сӑн

Канашра 75 килограмм хӗвел ҫаврӑнӑш вӑррине ҫунтарса яма тивнӗ. Унта карантинри ҫум курӑка тупнӑ.

Россельхознадзорӑн Чӑваш Енри тата Чӗмпӗр облаҫӗнчи управленийӗн специалисчӗсем ку хӗвел ҫаврӑнӑша юпа уйӑхӗн 8-мӗшӗнче тупнӑ. Кунсӑр пуҫне хӗвел ҫаврӑнӑша ӑҫтан кӳрсе килнине кӑтартакан документсем пулман.

 

Республикӑра

Улатӑрта 3 ҫӑлтӑрлӑ «Эрьзя» хӑна ҫурчӗ хута янине пӗлтернӗччӗ. Паян унӑн алӑкӗсене савӑнӑҫлӑ лару-тӑрура уҫнӑ.

Икӗ хутлӑ ҫуртра тӑватӑ категориллӗ 20 номер вырнаҫнӑ. Люкс номер унта 9 пин тенкӗ тӑрать. Чи йӳнни — 4 пин тенкӗ.

Хӑна ҫурчӗ хула варринче вырнаҫнӑ. Унччен унта ача пахчи пулнӑ, кайран - И.Н.Ульянов ячӗллӗ ЧПУ филиалӗ. Ӑна темиҫе ҫул каялла ишсе антарнӑ.

 

Республикӑра
"Контактри" сӑн
"Контактри" сӑн

Чӑваш Енре вӑрманта пӗрремӗш экологи сукмакӗ уҫӑлнӑ. «Вӑрман историне – ҫулҫӳрев» экомаршрут Вӑрнар лесничествинче вырнаҫнӑ.

Сукмак тӑршшӗ – 1,3 ҫухрӑм. Унта 7 чарӑну пур, вӗсенче ҫынсем чарӑнса юмансем, хырсем, юханшыв пирки нумай интереслине пӗлме пултараҫҫӗ.

Тавралӑх хитре. Унӑн илемӗпе киленме пулать. Ку кана мар, вӑрман историне, этимологине те пӗлме май пур.

 

Страницӑсем: 1 ... 20, 21, 22, 23, 24, 25, 26, 27, 28, 29, [30], 31, 32, 33, 34, 35, 36, 37, 38, 39, 40, ...632
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.07.2025 15:00) сайра пӗлӗтлӗ ҫанталӑк, атмосфера пусӑмӗ 745 - 747 мм, 24 - 26 градус ӑшӑ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хӑни ҫулне ахаль те пӗлет, ӑсатмасӑр та
ӑсатма тухни — ҫылӑх, юрамасть
хӑнана ӑсатма никам та тухмасть
хуҫа арӑмӗ
хуҫа тарҫи
пӗтӗм кил-йышпа тухаҫҫӗ
хуть те кам тухсан та
хуҫа хӑй
хуҫин ҫитӗннӗ ачисем