Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Уй куҫлӑ, вӑрман хӑлхаллӑ.
[ваттисен сӑмахӗ]
 

Хыпарсен ҫыххи: Республикӑра

Республикӑра
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Пирӗн республикӑра пурӑнакан, социаллӑ учрежденисен социаллӑ ӗҫченӗсем пӑхса тӑракан ватӑсене ҫак кунсенче пылак ҫимӗҫпе — зефирпа — савӑнтараҫҫӗ. Пылак парнене «Старость в радость» (чӑв. Ватлӑх савӑнма) ыркӑмӑллӑх фончӗ уйӑрса панӑ.

Асӑннӑ фонд ватӑсене унччен те тимлӗх кӳмен мар. Килӗсене газ кӗртмен, сахал тупӑшлисене вӑл пӗрер машина вутӑ та уйӑрса парать.

Ватӑсем фонда тав тӑваҫҫӗ. «Парни мар, тимлӗх уйӑрни паха», — тенӗ, сӑмахран, Шупашкарта пурӑнакан 86 ҫулти Александр Егоров.

 

Республикӑра
"Контактри" сӑн
"Контактри" сӑн

Вӑрнарти музейра ҫимелли чечек мӗнле тӑвассипе ӑсталӑх класӗ иртнӗ.

Кӑлпасси, сыр, мӑйӑр... – тӗрлӗ ҫимӗҫпе усӑ курса вӗсем хитре ҫыхӑ хатӗрленӗ.

Мӗроприяти хыҫҫӑн пурте сӗтел хушшине ларса пылак ҫимӗҫпе чей ӗҫнӗ. Пурне те килӗшнӗ. Ҫавӑнпа Пӗтӗм тӗнчери хӗрарӑмсен кунӗ тӗлне те ҫавнашкал мероприяти йӗркелеме ыйтнӑ.

Хыпар ҫӑлкуҫӗ: https://vk.com/wall-163599942_12905
 

Республикӑра
"Контактри" сӑн
"Контактри" сӑн

Ҫак кунсенче «Ҫулталӑкри инспектора» палӑртнӑ. ШӖМӗн Шупашкарти управленийӗн ҫул-йӗрпе патрулӗн уйрӑм батальонӗн аслӑ инспекторӗ Сергей Николаев тивӗҫнӗ.

Вӑл шалти ӗҫсен органӗсенче 6 ҫул ӗҫлет. Пӗлтӗр вӑл ӳсӗр тата правсӑр 100 ытла водителе тытса чарнӑ. Ҫапла вӑл миҫе ҫынна инкекрен ҫӑлнӑ.

Ҫӗнтерӳҫӗ кубокне ӑна ЧР ШӖМӗн ертӳҫи Виктор Шметков панӑ.

Хыпар ҫӑлкуҫӗ: https://vk.com/wall-194537172_19614
 

Республикӑра

Нарӑс уйӑхӗн 13-14-мӗшӗсенче Шупашкарта «Ҫӗнтерӳ пуйӑсӗ» пулӗ. ЧР Элтеперӗ Олег Николаев унта ҫитме шантарнӑ. Ыттисене те кайса курма сӗннӗ.

Пуйӑса тӳлевсӗрех лекме пулать. Анчах малтан проект сайтӗнче регистрациленмелле. Вӑл нарӑсӑн 12-мӗшӗнче, пуҫланӗ. Анчах билетсем питӗ хӑвӑрт пӗтеҫҫӗ.

Сӑмах май, «Ҫӗнтерӳ пуйӑсӗ» Шупашкарта икӗ хутчен пулнӑ ӗнтӗ.

 

Республикӑра
Беловсен архивӗнчи сӑн
Беловсен архивӗнчи сӑн

Етӗрне округӗнче Михаил Белов ашшӗпе Леонид Беловпа вӑрманта Сӑр хӳтӗлев чиккин пӗр пайне тупнӑ. Вӑл – пулемет калпакӗ.

Ӑна вӗсем ҫӗр ӑшӗнчен чавса кӑларнӑ. Нумай ҫул выртнӑскере йывӑҫ тымарӗсем явса пӗтернӗ. Ҫӗр ӑшӗнчен кӑларсан тӑвалла сӗтӗрме тивнӗ.

Беловсем пулемет калпакне ҫӗнетесшӗн, Ҫӗнтерӳ кунӗ тӗлне Сӑр юханшывӗ хӗрринче окоп чавнӑ ҫынсене халалласа мемориал тӑвасшӑн.

Хыпар ҫӑлкуҫӗ: https://vk.com/wall-191629825_7459
 

Республикӑра
pravdapfo.ru сайтран илне сӑнӳкерчӗк
pravdapfo.ru сайтран илне сӑнӳкерчӗк

Чӑваш Енӗн строительство экспертизин тата хаксене йӗркелекен центрӗн директорне Ольга Ахмеевӑна ӗҫрен кӑларнӑ. Документа республикӑн ертӳҫи Олег Николаев нарӑс уйӑхӗн 6-мӗшӗнче алӑ пуснӑ.

Асӑннӑ учреждени республикӑн Строительство, архитектура тата ҫурт-йӗрпе коммуналлӑ хуҫалӑх министерствине пӑхӑнса тӑрать.

 

Республикӑра
mospat.ru сайтри сӑн
mospat.ru сайтри сӑн

Елчӗк округӗнчи Анат Тимеш ялӗнче пурӑнакан 47 ҫулти хӗрарӑма судпа айӑпланӑ. Вӑл тӑванӗн машинине сиенлетнӗ.

Пӗррехинче ун патне машинӑпа тӑванӗ килнӗ - унчченхи хирӗҫӳшӗн мирлешме. Анчах вӗсем мирлешеймен. Ҫак хӗрарӑм кирпӗч татӑкӗ илнӗ те машинӑн алӑкне, тӗкӗрне, малти пайне сиенлетнӗ. Тӑкак 50 пин тенкӗпе танлашнӑ.

Хӗрарӑм хӑйӗн айӑпне йышӑннӑ. Тӑкака саплаштарнӑ. Суд ӑна 60 сехет ӗҫлеттермелле тесе йышӑннӑ.

 

Республикӑра
ldpr.ru сайтри сӑн
ldpr.ru сайтри сӑн

Ҫӗрпӳ округӗнчи хӗрарӑма алимент тӳлемен тесе айӑпланӑ. Ку тивӗҫрен пӑрӑнма унӑн нимӗнле сӑлтав та пулман. Ҫапла пӗлтерет Чӑваш Республикин прокуратури.

Ҫак хӗрарӑма унччен те алимент тӳлемен тесе административлӑ майпа явап тыттарнӑ. Анчах вӑл суд йышӑнӑвне шута хуман. Ҫапла парӑм ӳссе пынӑ, 1 миллион тенке ҫитнӗ.

Суд хӗрарӑма колони-поселение 9 уйӑхлӑха ӑсатма йышӑннӑ.

 

Республикӑра
lipovskoe-r20.gosweb.gosuslugi.ru сайтри сӑн
lipovskoe-r20.gosweb.gosuslugi.ru сайтри сӑн

Шупашкарта пурӑнакан 29 ҫулти хӗрарӑм паллашу сайтӗнче арҫынпа ҫырӑнма тытӑннӑ. Калаҫсан-калаҫсан лешӗ ӑна инвестицие укҫа хывса тупӑш тума сӗннӗ. Ку килӗшнӗ.

Хӗрарӑм палламан арҫынна шанса телефонӗ ҫине сарӑм вырнаҫтарнӑ та укҫа куҫарма пуҫланӑ, тупӑш мӗнле ӳссе пынине сӑнанӑ. Пӗтӗмпе 90 пин тенкӗ куҫарнӑ вӑл. Ҫурри – кредит картти ҫинчи укҫа.

Хӗрарӑм укҫана каялла илме тӑнӑ та… Ун патне Украина ялавне ярса панӑ. Кун хыҫҫӑн тин вӑл ултавҫӑ аллине ҫакланнине ӑнланнӑ.

 

Республикӑра
mintrud.cap.ru сӑнӳкерчӗкӗ
mintrud.cap.ru сӑнӳкерчӗкӗ

Чӑваш Енре вӑрттӑн ӗҫлекенсем паян та пур. Вӗсемпе тахҫанах кӗрешеҫҫӗ те, анчах налук тӳлемесӗр ӗҫлекенсем ҫав-ҫавах ҫук мар.

«Ҫынсене «сӑрӑ» схемӑпа, ӗҫе официаллӑ майпа илмесӗр ӗҫлеттерни – пирӗн республикӑри ҫивӗч ыйтусенчен пӗри. Ун пеккисене тупса палӑртас тӗллевпе мӗнпур инструментпа усӑ курмалла», – тенӗ республикӑн Ӗҫ министерствин ӗҫ хутшӑнӑвӗсен пай пуҫлӑхӗ Татьяна Петрова.

2024 ҫулта 474 лару ирттернӗ, вӗсене ӗҫпе тивӗҫтерекен 3172 ҫынна чӗнсе илнӗ. Вӑрттӑн ӗҫлекенсене тӑрӑ шыв ҫине кӑларас тӗллевпе туса ирттернӗ мероприятисене пула пӗлтерхи тӑхӑр уйӑхра уйрӑм ҫынсен тупӑшӗнчен илекен налука тепӗр 14,9 млн тенкӗ шыраса илме май килнӗ.

 

Страницӑсем: 1 ... 17, 18, 19, 20, 21, 22, 23, 24, 25, 26, [27], 28, 29, 30, 31, 32, 33, 34, 35, 36, 37, ...643
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (21.10.2025 03:00) тӗтреллӗ ҫанталӑк, ҫумӑр ҫума пултарать, атмосфера пусӑмӗ 752 - 754 мм, 5 - 7 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эсир вӑй кӗнине туятӑр, таврарисене хӑвӑр мӗн пултарнине ӗнентерес килӗ. Ҫӑлтӑрсем ҫирӗппӗн, анчах васкамасӑр ӗҫлеме сӗнеҫҫӗ — йӑлтах тӳрех пулмӗ. Юратура кӑмӑллӑ улшӑнусем пулма пултарӗҫ, уйрӑмах — пуҫарулӑх кӑтартсан. Укҫа енчен йӗркеллех, анчах пысӑк япаласем туянмалла мар.

Юпа, 21

1960
65
Башири Зариф, чӑваш пурнӑҫне сӑнласа панӑ, чӑваш литературине тӗпчекен тутар ҫыравҫи, сӑвӑҫи, публицисчӗ вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хуҫа хӑй
кил-йышри арҫын
хуҫа тарҫи
ӑсатма тухни — ҫылӑх, юрамасть
хӑнана ӑсатма никам та тухмасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хуть те кам тухсан та
хуҫин ҫитӗннӗ ачисем