Улатӑр хулинче 3-мӗш шкул ҫивиттийӗ сиенленнӗ. Пӑтӑрмах, малтанласа палӑртнӑ тӑрӑх, ҫивитти ҫинчи юра тасатманран сиксе тухнӑ. Инкек вӑхӑтӗнче шкулта ачасем пулман.
Ҫивиттие юсанӑ вӑхӑтра ачасене урӑх шкулта вӗрентӗҫ, хӑшӗсене инҫет ҫыхӑну мелӗпе вӗрентӗҫ.
Чӑваш Енӗн прокуратуринче пӗлтернӗ тӑрӑх, шкула 2023 ҫулта юсанӑ.
Пӑтӑрмах тӗлӗшпе прокуратура тӗрӗслев пуҫарнӑ.
Паян, кӑрлач уйӑхӗн 30-мӗшӗнче, Пӗрремӗш канал кӑларӑмӗнче Чӑваш Енпе ҫыхӑннӑ ыйтӑва сӳтсе явӗҫ. Анчах ырӑпа мар, япӑххипе.
Ҫӗмӗрлери пӗр ҫурт тахҫанах ишӗлет иккен, унта пушар та пулнӑ, анчах ҫынсене вӑхӑтлах пурӑнмалли вырӑн та тупса паман-мӗн. Телекӑралӑм анонсне ӗненсен ҫынсем ҫаплипех унта нушаланса пурӑнаҫҫӗ. Ҫулла хваттерсене ҫӗр пыйти те иленнӗ.
Ҫӗмӗрлери лару-тӑру пирки вырӑнти хастарсем, ҫав шутра Пенсионерсен партийӗн пайташӗ Наталья Воронкова, «Мужское/Женское» кӑларӑма хутшӑннӑ.
Красноармейски районӗнче нумай хваттерлӗ ҫуртсен картишне юртан йӗркеллӗ тасатса тӑман. Ҫавна май ҫурт умӗсем пӑрлакланса ларнӑ.
Кӑлтӑка прокуратура тӗрӗслев вӑхӑтӗнче тупса палӑртнӑ. Тротуарсемпе нумай хваттерлӗ ҫуртсен картишӗсене тытса тӑрассишӗн «Чӑваш Республикин ипотека корпорацийӗ» управляющи компани яваплӑ иккен. Анчах ӗҫе вӑл йӗркеллӗ пурнӑҫласа пыман.
Директор ячӗпе прокуратура асӑрхаттару хучӗ ҫырса панӑ.
Шупашкарти тӳре-шара чикансене муниципалитет ҫӗрӗ ҫинче хӑйсем тӗллӗн туса лартнӑ хуралтӑсене сӳтме ыйтнине эпир унччен пӗлтернӗччӗ-ха.
Аса илтерер: Алькешри Гоголь, 1-мӗш Кӑнтӑр, Аялти, 2-мӗш Аялти урамсенче хӑй тӗллӗн туса лартнӑ 32 хуралтӑна шута илнӗ иккен. Тӳре-шара вӗсен хуҫисене кӑмӑлпа сӳтмесен ирӗксӗр сӳтесси пирки асӑрхаттарнӑ. Хальлӗхе 6-шне сӳтнӗ.
Чӑваш Енри прокуратура Ростехнадзорпа, Роспотребнадзорпа тата Патшалӑхӑн ҫурт-йӗр инспекцийӗпе пӗрле пулса республикӑри аслӑ шкулсен общежитийӗсемпе вӗренӳ корпусӗсенче ӑшӑпа епле тивӗҫтернине тӗрӗсленӗ.
Чӑваш Енре пурӗ 9 аслӑ шкул, вӗсен 29 вӗренӳ корпусӗпе 20 общежити.
Чӑваш аграри университечӗн тата Чӑваш патшалӑх университечӗн общежитийӗсенче коммуникацисенче ӑшӑ изолоцийӗ япӑхнине тата ытти хӑш-пӗр пысӑках мар кӑлтӑка тупса палӑртнӑ. Общежитисенчен пӗринче вӗри шыв нормативран пӗчӗкки ҫиеле тухнӑ.
Аслӑ шкулсен ертӳҫисене кӑлтӑка пӗтерме асӑрхаттру хучӗ ҫырса панӑ.
Чӑваш Енӗн митрополитечӗ Савватий Шупашкарта православи музейӗ уҫасшӑн. Ун валли Чӑваш Ен митрополийӗ хулари Воробьев композиторсен урамӗнчи 14-мӗш ҫурта пӑхса хунӑ. 1840-мӗш ҫулта хӑпартса лартнӑ ҫав ҫуртра хӑй вӑхӑтӗнче Тӗн училищи пулнӑ.
Иртнӗ ӗмӗрӗн 90-мӗш ҫулӗсен вӗҫӗнче республика ҫурта «Автоматизированные системы» тулли мар яваплӑ обществӑна 2025 ҫул вӗҫӗччен усӑ курма панӑ иккен. Вӑл ҫуртра халӗ пекарня, стриптиз-бар таранах пур.
Чӑваш Ен митрополийӗ ҫурта тавӑрасшӑн, унта православи музейӗ уҫасшӑн. Савватий пачӑшкӑ РФ Патшалӑх Думин депутатӗнчен Анатолий Аксаковран пулӑшу ыйтнӑ.
Шупашкарти тӳре-шара хӑйсем тӗллӗн туса лартнӑ хуралтӑсене хӑйсен кӑмӑлӗпе сӳтме ыйтаҫҫӗ. Кӑмӑлпа итлемесен ирӗксӗр сӳттерӗҫ.
Алькешри Гоголь, 1-мӗш Кӑнтӑр, Аялти, 2-мӗш Аялти урамсенче хӑй тӗллӗн туса лартнӑ 32 хуралтӑна шута илнӗ иккен.
Муркаш районӗнчи тӳре-шара тӑлӑхсене япӑх хваттер туянса панӑ. Район пуҫлӑхӗн тӗлӗшпе пуҫиле ӗҫ пуҫарни пирки республикӑн прокуратуринче хыпарланӑ.
Тӑлӑхсене Мӑн Сӗнтӗрте хваттер туянса панӑ. Вӗсем санитари тата техника тӗлӗшӗнчен тивӗҫтермен. Хыснана 13 миллион ытла тенкӗлӗх тӑкак кӳнӗ.
2022 ҫултанпа Муркаш районне Алексей Матросов ертсе пырать иккен, 2018-2022 ҫулсенче вӑл муниципалитет пуҫлӑхӗн пӗрремӗш ҫумӗ — тӗплӗ юсав пайӗн пуҫлӑхӗ пулса тӑрӑшнӑ.
Муркаш районӗнчи тӳре-шара тӑлӑхсене япӑх хваттер туянса панӑ. Район пуҫлӑхӗн тӗлӗшпе пуҫиле ӗҫ пуҫарни пирки республикӑн прокуратуринче хыпарланӑ.
Тӑлӑхсене Мӑн Сӗнтӗрте хваттер туянса панӑ. Вӗсем санитари тата техника тӗлӗшӗнчен тивӗҫтермен. Хыснана 13 миллион ытла тенкӗлӗх тӑкак кӳнӗ.
2022 ҫултанпа Муркаш районне Алексей Матросов ертсе пырать иккен, 2018-2022 ҫулсенче вӑл муниципалитет пуҫлӑхӗн пӗрремӗш ҫумӗ — тӗплӗ юсав пайӗн пуҫлӑхӗ пулса тӑрӑшнӑ.
Чӑваш Енре пилотсӑр вӗҫекен аппаратсем шар кӑтартнӑ ҫынсене пулӑшма республика хыснинчен 4,2 миллион тенкӗ уйӑрнӑ. Кун пек документа ӗнер, раштав уйӑхӗн 26-мӗшӗнче, алӑ пуснӑ.
Укҫана республикӑн Ӗҫ тата социаллӑ хӳтлӗх министерствине ҫынсене уйӑрса пама куҫарса панӑ.
Шар курнӑ хваттерсене кӗҫех юсаса пӗтермелле.Управляющи компанисем ҫуртсен умсене те юсаса ҫӗнетеҫҫӗ.
+19.2 °C