Шупашкар хулин Кӑнтӑр-Хӗвеланӑҫ районӗнчи темиҫе ҫурт тата хӑш-пӗр объект ӗнер ӑшӑсӑр тӑрса юлнӑ.
Малтанласа палӑртнӑ тӑрӑх, Социализмла урамри котельнӑйран пыракан ӑшӑ трассин пӑрӑхӗ сиенленнӗ. Пӑтӑрмах ҫурҫӗр иртнӗ 1 сехет тӗлӗнче пулнӑ. Асӑннӑ вырӑна ятарлӑ службӑсем ҫийӗнчех тухса кайнӑ.
Чӑваш Енӗн прокуратури ӗнер пӗлтернӗ тӑрӑх, темиҫе ҫурта ӑшӑ часах пама май килнӗ, хӑшӗсем вара ӑшӑсӑр юлнӑ.
Канаш хулинче Красноармейски урамӗнчи пӗр ҫуртра халӗ те ӑшӑ ҫук. Унта пурӑнакансем электрохатӗрсемпе ӑшӑнаҫҫӗ.
Мӗншӗн ӑшӑ халӗ те ҫук? Ку ҫивӗч ыйту пирки Чӑваш Ен Элтеперӗ Олег Николаев та пӗлет.
РФ Следстви комитечӗн Чӑваш Енри следстви органӗсем Канаш хулин администрацийӗ служба тивӗҫӗсене кирлӗ пек пурнӑҫламан тесе пуҫиле ӗҫ пуҫарнӑ. Халӗ следстви пырать.
Ҫӗнӗ Шупашкарти ҫурт стени ишӗлме пуҫлани пирки тӗнче тетелӗнче хыпар сарӑлнӑ. Халӗ ӑна авариллисен шутне кӗртнӗ.
Сӑмах – Коммунизм урамӗнчи 35-мӗш ҫурт пирки. Унта пурнакансене урӑх ҫӗре куҫарӗҫ, ҫурта вара ишсе антарӗҫ. Хӑҫан? Паллӑ мар. Анчах ку ӗҫсене 2032 ҫулхи раштавӑн 31- мӗшӗччен патшалӑх программипе килӗшӳллӗн вӗҫлемеллине палӑртнӑ.
Ҫурла уйӑхӗн 22-мӗшӗнче республикӑри 6 тӑлӑхшӑн чӑннипех те пысӑк савӑнӑҫ пулнӑ. Вӗсене хваттер уҫҫине панӑ.
Хваттерӗ вара питӗ хӑтлӑ та лайӑх, унта сантехника, электроплита вырнаҫтарнӑ.
Пурӑнмалли кӗтес тивӗҫнисенчен иккӗшӗ - ятарлӑ ҫар операцине хутшӑнакан салтаксем. ЧР Элтеперӗ Олег Николаев палӑртнӑ тӑрӑх, унашкаллисен хваттер черетӗнче тӑнӑ чухне ыттисенчен ытларах ҫӑмӑллӑхсем пур.
Кадастр учёчӗпе ӗҫлекенсем пӗлтернӗ тӑрӑх, темле калӑпӑшлӑ ҫурт та пур.
Утӑ уйӑхӗнче акӑ, сӑмахран, Чӑваш Енре пурӑнакан пӗр ҫын 13 тӑваткал метр калӑпӑшлӑ ҫурта кадастр учётне тӑратнӑ. Куславккара вара пӗрисен ҫурчӗ виҫӗ хутлӑ. Ӑна хулари Жемчужнӑй (чӑв. Ӗнчӗ) урамӗнче туса лартнӑ. Ҫурт калӑпӑшӗ — 400 тӑваткал метр ытла.
Чи пӗчӗк ҫурт вара Ҫӗнӗ Етӗрне ялӗнче.
Утӑ уйӑхӗнче кадастр учётӗнче пӗтӗмпе 380 ҫурта шута илнӗ. Вӗсенчен чылайӑшӗ — Шупашкар муниципаллӑ округӗнче. Унта 106 ҫурта кадастр учётне тӑратнӑ.
Кӳкеҫре тата тепӗр умрал хатӗрлеме пуҫланине Чӑваш халӑх сайчӗ пӗлтернӗччӗ-ха.
Аса илтерер: Совет урамӗнчи 87-мӗш ҫурт стени ҫине «В бой идут одни старики» фильмри Маэстро рольне вылянӑ Леонид Быковӑн сӑнарне ӳкерсе хунӑ. Халӗ асӑннӑ урамри 63-мӗш ҫурт ҫине хӗр сӑнне вырнаҫтарнӑ. Алӑра вара Кӳкеҫен логотипне тытса тӑрать.
Пӗлӗтри акӑшсене «Хуркайӑк ҫулӗ» халаппа ҫыхӑнтарнӑ. Вӗсене сакӑр штук ӳкернине — вӗҫсӗрлӗхпе.
Ӗҫӗн художникӗ — Сергей Петров, графика дизайнерӗ, эскиза хатӗрлекенни — Артём Павлетич.
Ӗнер, утӑ уйӑхӗн 23-мӗшӗнче, Ҫӗнӗ Шупашкарта нумай хваттерлӗ ҫуртсенчен пӗринче пушар тухнӑ. Хваттерти хӗрарӑм тӑнне ҫухатнӑ, ӑна васкавлӑ пулӑшу кӳреккен служба ӗҫченӗсем урама йӑтса тухнӑ.
Пушарпа кӗрешекенсем вут-ҫулӑма васкавлӑн сӳнтернӗ. Вырӑна пырса ҫитнӗ васкавлӑ пулӑшу тухтӑрӗсем хӗрарӑма пулӑшнӑ хыҫҫӑн вӑл тӑна кӗнӗ. Кайран ӑна пульницӑна илсе кайнӑ.
Малтанласа палӑртнӑ тӑрӑх, хӗрарӑм пирус туртнӑ чух тимсӗр пулнӑ пирки диван хыпса илнӗ.
Чӑваш Енре пурӑнакан 31 ҫултиа рҫынна хӗре вуннӑмӗш хутран пенӗшӗн айӑпласшӑн. Ун тӗлӗшпе РФ Пуҫиле кодексӗн 105-мӗш статйин 1-мӗш пайӗпе пуҫарнӑ пуҫиле ӗҫе суда ярса панӑ.
РФ Следстви комитечӗн тӗпчевҫисем палӑртнӑ тӑрӑх, кӑҫалхи ака уйӑхӗн 28-29-мӗшӗсенчи каҫхине арҫын пӗр хӗрпе паллашнӑ. Ир енне вӑл ӑна Шупашкарти Петров урамӗнчи нумай хваттерлӗ ҫуртсенчен пӗринчи вуннӑмӗш хутра вырнаҫнӑ хӑйӗн хваттерне илсе пынӑ. Унта хӗрпе каччӑ хушшинче тавлашу сиксе тухнӑ, арҫын хӑнана темиҫе хутчен ҫапса янӑ. Унтан вӑл ӑна пӑвма тытӑннӑ. Унтан чӳречене уҫнӑ та хӗре ҫавӑнтан пенӗ.
Шар курни ҫавӑнтах вилнӗ. Ҫамрӑк арҫын хӑйӗн айӑпне йышӑнман, хӗр чӳречерен хӑй ӳкнӗ тесе ӗнентерме тӑрӑшнӑ.
2024 ҫулхи пӗрремӗш ҫур ҫулта Чӑваш Енре 412,5 пин тӑваткал метр ҫурт-йӗр хӑпартнӑ. Ҫав шутран 221 пине тӑваткал метрӗ — нумай хваттерлӗ ҫурт-йӗр, 191,5 пин таваткал метрӗ — уйрӑм ҫурт-йӗр.
Ҫурт-йӗре пуринчен ытла Шупашкарта (213,8 пин тӑваткал метр), Шупашкар муниципаллӑ округӗнче (75, 1 пин тӑваткал метр), Муркаш тӑрӑхӗнче (15,4 пин тӑваткал метр), Ҫӗнӗ Шупашкарта ( 11,8 пин тӑваткал метр), Канашра (11,5 пин тӑваткал метр) туса лартнӑ.
Ашшӗ-амӑшӗн хӳтлӗхсӗр юлнисене патшалӑх хваттерпе тивӗҫтерет. Ку ӗҫ пур чухне те ҫӑмӑллӑн пулса пымасть-ха, ача ҫуртӗнчен тухнӑ яш-кӗрӗмпе хӗру-праҫӑн чылай чухне хваттере самай вӑхӑт кӗтме тивет.
Нумаях пулмасть Елчӗкри тӑлӑх пӗр хӗре хваттер панӑ. Хваттер уҫҫи панӑ ҫӗре Чӑваш Енри ачасен прависене хӳтӗлессипе ӗҫлекен уполномоченнӑй Алевтина Федорова та пырса ҫитнӗ, хӗре ырӑ сунса саламланӑ.
Хваттер уҫҫине Елчӗк муниципалитет округӗн пуҫлахӗ Леонард Левый тыттарнӑ. Хваттере кӗрсе пурӑнмалла хатӗрлесе ҫитернӗ. Унта газ кӑмакипе плити, счетчиксем, кирлӗ сантехника, алӑк вырнаҫтарнӑ, стенаскене обой ҫыпӑҫтарнӑ.
+27.3 °C