Нарӑс уйӑхӗнче кунашкалли пулманччӗ-ха. Юлашки талӑкра кӑшӑлвирусран 8 ҫын вилнӗ. Ҫапла ку уйӑхра вируса пула 123 ҫыннӑн пурнӑҫӗ татӑлнӑ.
Ку таранччен кӑшӑлвируса пула 999 ҫын вилнӗ. Пӗтӗмпе 21070 ҫын инфекциленнӗ, вӗсенчен 19298-шӗ сывалнӑ.
Юлашки талӑкра 55 ҫын чирленӗ. 46 ҫын вара сывалнӑ. Паянхи куна илес тӗк, республикӑра стационарта тата килте амбулатори мелӗпе 773 ҫын сипленет. Вӗсен кӑшӑлвирус диагнозӗ ҫирӗпленнӗ.
Нарӑс уйӑхӗ пуҫланнӑранпа республикӑра 115 ҫын кӑшӑлвирусран вилнӗ. Кӑрлач уйӑхӗнче вара виҫӗ эрнере 232 пациент вилнӗ. Кун пирки федераци информаци центрӗ пӗлтерет.
Ку таранччен 21015 ҫын инфекциленнӗ. Вӗсенчен 19252-шӗ сывалнӑ. Паянхи кун тӗлне 991 ҫын вируса пула вилнӗ. Вӗсенчен 5-шӗ юлашки талӑкра сывлама пӑрахнӑ.
Кӑшӑлвируспа чирлекенсен йышӗ чаксах пырать. Юлашки талӑкра 56 ҫын инфекциленнӗ, 49 ҫын сывалнӑ.Танлаштармашкӑн: юпа уйӑхӗнче 56 ҫын вилнӗ, чӳк уйӑхӗнче – 135, раштавра – 254, кӑрлачра – 350.
Ӗнер Шупашкарти «Каскад» суту-илӳ центрӗнче кӑшӑлвирусран хӳтӗленмелли прививка тумалли пункт уҫӑлнӑ. Вӑл нарӑс уйӑхӗн 21-мӗшӗччен 14-19.30 сехетсенче ӗҫлӗ.
Паянхи кун тӗлне ку пунктра 100 ытла ҫын прививка тунӑ. Ытларахӑшӗ – 60 ҫултан аслӑраххисем. Пунктра Роспотребнадзор ыйтакан условисене тунӑ, медицинӑра усӑ курмалли морозильник вырнаҫтарнӑ. Унта пырса кирек кам та прививка тума пултарать.
Пациента малтан тухтӑр пӑхать. Ҫумра паспорт, СНИЛС, полис пулмалла. Тепӗр 21 кунран «Каскадра» пункт каллех уҫӑлӗ. Ун чухне иккӗмӗш прививкӑна тӑвӗҫ.
Раҫҫейре, ҫав шутра Чӑваш Енре те, кӑшӑлвируспа чирлекенсем сахалланса пыраҫҫӗ. Республикӑра юлашки талӑкра 55 ҫын инфекциленнине палӑртнӑ. Кунашкалли юпа уйӑхӗнченпе пулман.
Паянхи кун тӗлне 20842 ҫын чирленӗ. Вӗсенчен 19088-шӗ сывалнӑ. Вилекенсем те сахалланаҫҫӗ. Юлашки талӑкра 3 ҫыннӑн пурнӑҫӗ татӑлнӑ. Ку таранччен 975 ҫын вируса парӑнтараймасӑр вилнӗ. Юлашки талӑкра 82 пациент сывалнӑ.
Сӑмах май, паян «Каскад» суту-илӳ ҫуртӗнче кӑшӑлвирусран хӳтӗленмелли прививка тумалли пунк уҫӑлнӑ.
Сӗнтӗрвӑрри районӗнче маска тӑхӑнман арҫынна икӗ хутчен суд тунӑ. Малтанхи хутӗнче ӑна 1 пин тенкӗлӗх штрафланӑ. Чи малтан вӑл пӗлтӗрхи ҫӗртме уйӑхӗнче йӗркене пӑснӑ.
Аса илтерер: общество транспортӗнче, лавккасенче, ытти ҫавӑн пек вырӑнта маска тӑхӑнса ҫӳремелле. Теприсем ҫак йӗркене пӑхӑнасшӑн мар, иртен-ҫӳрен асӑрхаттарсан хӗрсе тавлашакансем те тупӑнаҫҫӗ.
Суд хӑйне пӗрремӗш хут штрафланипех ҫрлахман Сӗнтӗрвӑрри арҫынни. Тепӗр ҫур ҫултан, пӗлтӗрхи раштав уйӑхӗн 9-мӗшӗнче, Сӗнтӗрвӑрринчи лавккасенчен пӗрне маскӑсӑр кӗрсе тӑнӑ. Хальхинче суд ӑна 5 пин тенкӗ штраф хурса панӑ.
Республикӑна кашӑлвирусран хӳтеленмелли вакцинӑн тепӗр партийӗ килнӗ. Хальхинче – 4100 доза. Кун пирки ЧР Сывлӑх сыхлавӗн министерстви пӗлтерет.
2400 доза пӗрер дозӑллӑ флаконсенче килнӗ. Ку мобильлӗ пунктсем валли меллӗ. Унта пациентсем маларах ҫырӑнмасӑр килеҫҫӗ. Сӑмах май, ыран Шупашкарти «Каскад» суту-илӳ центрӗнче унашкал пункт уҫӑлӗ. Вӑл нарӑсан 18-21-мӗшӗсенче 14-19.30 сехетсенче ӗҫлӗ.
Палӑртмалла: республикӑна кӑшӑлвирусран хӳтӗленмелли 27 пин ытла вакцина килнӗ.
Стопкоронавирус.рф пӗлтернӗ тӑрӑх, паянхи кун тӗлне республикӑра 20594 ҫын кӑшӑлвируспа чирленӗ. Вӗсенчен 18794-шӗ сывалнӑ.
Юлашки талӑкра 66 ҫын инфекциленнӗ. Ку кӑтарту юлашки вӑхӑтра пӗчӗкленсех пырать. Тепӗр 69 ҫын кӑшӑлвируса парӑнтарнӑ.
Шел те, юлашки талӑкра 7 ҫын каварлӑ вируса пула пурнӑҫран уйрӑлнӑ. Ҫапла майпа ку таранччен пирӗн республикӑра 947 ҫын кӑшӑлвируса пула вилнӗ.
Аса илтерер: Чӑваш Енре кӑшӑлвирусран хӳтӗленмелли прививка тума тытӑннӑ.
Нарӑсӑн 11-мӗшӗнчи каҫхине 33-ри хӗрарӑм Ҫӗнӗ Мускавра хӑйӗн виҫӗ ачине вӑрмана илсе кайса янине Чӑваш халӑх сайчӗ пӗлтернӗччӗ. Аса илтерер: амӑшӗ тӗпренчӗкӗсене вӗлересшӗн пулнӑ тесе шухӑшлаҫҫӗ, мӗншӗн тесен шартлама сивӗре вӑл вӗсене салтӑнтарса вӑрманта пӑрахса хӑварнӑ. Ҫакна куракан ҫын йӗрке хуралҫисене систернӗ. Ачасене тӑм илнӗ.
Хӗрарӑм тӗлӗшпе пуҫиле ӗҫ пуҫарнӑ. Сывлӑхне тӗрӗслеме ӑна хӑйне те пульницӑна ӑсатнӑ.
Пӑтӑрмах пирки халӗ ҫакӑ паллӑ. Вӑрмана хӗрарӑм «Лада» машинӑпа кайнӑ. Вӑл Мускав облаҫӗнчи уйрӑм ҫуртра пурӑннӑ. Унӑн ачисен ашшӗ паллӑ телеканалсенчен пӗринче телеертӳҫӗре ӗҫлет, вӑл хӑй ювелир-мӗн. Хӗрарӑм психика чирӗпе аптӑрать тесе шухӑшлаҫҫӗ. Вӑл Чӑваш Енрен тени тӳрре килнӗ.
Нарӑс уйӑхӗнче кӑшӑлвирусран вилекенсен йышӗ икӗ хут чакнӑ. Кӑрлач уйӑхӗнче 13 кунра 137 ҫын пурнӑҫран уйрӑлнӑ, нарӑсра – 74. Юлашки талӑкра кӑшӑлвирусран 6 пациент вилнӗ. Ку таранччен 950 ҫыннӑн пурнӑҫӗ татӑлнӑ.
Паянхи кун тӗлне 20528 ҫын инфекциленнӗ. Вӗсенчен 18725-шӗ сывалнӑ. Юлашки талӑкра 68 ҫын чирленӗ. Палӑртмалла: ку кӑтарту майӗпен чакса пырать. Юлашки талӑкра 81 ҫын сывалнӑ.
Хальхи вӑхӑтра стационарта тата килте амбулатори мелӗпе кӑшӑлвирус диагнозӗ ҫирӗпленнӗ 853 ҫын сипленет.
Нарӑс уйӑхӗн 10-мӗшӗнче Шупашкарта 101С маршрутка хутлакан общество транспорчӗ ҫул урлӑ каҫакан ҫамрӑк хӗрарӑма ҫапса хӑварнӑ. Ҫапла, ҫапса хӑварнӑ. Шупашкарти «Пир-авӑр комбиначӗ» чарӑну тӗлӗнче светофорӑн хӗрлӗ ҫутипе вирхӗннӗ машина чарӑнса тӑман, инкек вырӑнӗнчен тапса сикнӗ. Ҫапах та ҫул-йӗр инспекторӗсем ӑна тупса палӑртнӑ. Вӑл — 51 ҫулта арҫын.
Урине хуҫнӑ хӗрарӑма Республикӑн клиника пульницине илсе кайнӑ. Хӗрарӑмпа «ProГород» портал корреспонденчӗсем ҫыхӑннӑ. Аманнӑ ҫын вӗсене ӗнер пӗлтернӗ тӑрӑх, маршрутка водителӗ те, маршрут хуҫи те унпа ҫыхӑнман.
+0.3 °C