Чӑваш Енри пӗр ҫын масар ҫинчи картана вӑрланӑ.
Чӑваш Енӗн Шалти ӗҫсен министерствинче пӗлтернӗ тӑрӑх, ӑна пӗри вил тӑпри ҫине тимӗр карта тытма ыйтнӑ. Лешӗ тепӗр вил тӑпри ҫинчен куҫарса кайнӑ.
Пӑтӑрмах пирки ака уйӑхӗн вӗҫӗнче 61 ҫулти хӗрарӑм пӗлтернӗ.
Улатӑрти 33 ҫулти арҫынна пӗрисем тимӗр карта тытма пӗлтӗрхи ҫурла уйӑхӗнче ыйтнӑ. Унччен судпа айӑпланнӑ арҫын тепӗр ҫӗртен куҫарса кайса вырнаҫтарнӑ.
Украинӑри Днепропетровск облаҫӗнче ҫуралнӑ арҫын 2017 ҫулхи кӑрлач уйӑхӗнче Раҫҫей гражданинӗ пулса тӑнӑ. Вӑл Шупашкарта тӗпленнӗ, кунта регистрациленнӗ.
Кӑҫалхи ҫуркунне Раҫҫейӗн Федеарцин хӑрушсӑрлӑх службин ӗҫченӗсем 34-ри ҫӑв арҫын ҫӗршыва хирӗҫле ӗҫ тунине пӗлтернӗ. Ҫавна май унӑн Раҫҫей гражданствине, унӑн пирӗн ҫӗршывра тата ют ҫӗршывра уса курма май паракан паспорчӗсене пӑрахӑҫланӑ. Кунсӑр пуҫне ӑна Шупашкарти пропискӑсӑр та хӑварӗҫ.
Вӑрмар районӗнчи Хӗрлӗҫыр ялӗнче 43 ҫулти арҫын пушарта вилнӗ.
Чӑваш Енӗн Инкеклӗ ӗҫсен министерствинче пӗлтернӗ тӑрӑх, йывӑҫ пӳрт кил хуҫисен 43-ри ывӑлӗ пирус туртнӑ чухне тимсӗр пулнӑран тухма пултарнӑ. Вут-ҫулӑма сӳнтерес тесе 8 ҫӑлавҫӑпа 2 техника ӗҫленӗ. Пушар 90 тӑваткал метр лаптӑк ҫинче алхаснӑ.
Инкекре кил хуҫисен ывӑлӗн пурнӑҫӗ татӑлнӑ тата йывӑҫ пӳрт ҫунса кайнӑ.
Ака уйӑхӗн 30-мӗшӗнче ирхине йӗрке хуралҫисем кроссовера асӑрханӑ. Калинин урамӗнче «Audi Q5» автомобиль ҫул ҫинче йӗркеллӗ пыманнине сиснӗрен ӑна чарас тенӗ.
Пакунлисем водитель ӳсӗррине сиснӗ. «Город грехов Чебоксары» проект пӗлтернӗ тӑрӑх, водитель хӑйӗн пӗлӗш-тусӗпе хӑратма хӑтланнӑ, унта-кунта шӑнкӑравланӑ. Пакунлисем пӗрех кирлӗ хутсене шӑрҫаланӑ.
Кроссовер водителӗ патшалӑхӑн влаҫ органӗсенче ӗҫлекенсен профсоюзӗн председателӗ Василий Харитонов пулнӑ.
Ултавҫӑсене 215 пин тенкӗ куҫарса панӑ, вӗсен умӗнче ҫаппа-ҫарамас калаҫнӑ, килти чӳрече каррисене ҫунтарса янӑ. Ҫакӑ йӑлтах Шупашкарта вӗренекен студенкӑпа пулса иртнӗ.
Вӑл палламан ҫын шӑнкӑравласан ярса панӑ каҫӑ ҫине пусса «Госуслуги» портала кӗнӗ. Палламан ҫын ҫыхӑнурах пулнӑ. Хӗр «Украина» сӑмаха илтсен хӑраса кайнӑ та телефона сӳнтернӗ.
Кайран ун патне смс килнӗ: ун ячӗпе портала кӗреҫҫӗ-мӗн, «техпулӑшу» номерӗсене те ярса панӑ. Вӑл пӗринпе шӑнкӑравланӑ. Палламан ҫын, банк ӗҫченӗ тенӗскер, хӗре хӑратса пӗтернӗ: урӑх ҫӗршыва укҫа куҫарнӑшӑн ӑна тӗрмене нумай ҫуллӑха хупаҫҫӗ-мӗн. Студентка пухнӑ укҫине тата кредит илсе палламан ҫынна куҫарса панӑ. Кайран ӑна верификаци тума хушнӑ. Кун валли хывӑнмалла-мӗн, видеоҫыхӑнупа калаҫса сӑвӑ вуламалла. Тӗрӗслеве вӗҫлеме хваттерти чӳрече каррисене чӗртсе яма хушнӑ. Ҫулӑм тухсан тин вӑл тӑна кӗнӗ, пушара сӳнтерсе полицие кайнӑ.
Ака уйӑхӗн 25-мӗшӗнче ҫӗрле «Ҫӗрпӳ – Красноармейски» ҫул ҫинче, Ҫамрӑксен поселокӗ ҫывӑхӗнче, Красноармейски районӗн пуҫлӑхӗ пулнӑ Борис Клементьев аварие лекнине, унта 20 ҫулти водитель вилнине пӗлтернӗччӗ.
Клементьев хӑй те суранланнӑ, пульницӑна лекнӗ. Унта анализ илнӗ, вӑл руль умне ӳсӗрле ларни палӑрнӑ.
Паян вара пульницӑран хурлӑхлӑ хыпар ҫитнӗ: 55 ҫулти Борис Клементьевӑн чӗри тапма пӑрахнӑ.
Ака уйӑхӗн 29-мӗшӗнче кӑнтӑрла иртни 15 сехет ҫитеспе Шӑмӑршӑри вӑрман хуҫалӑхӗнче пушар тухнӑ.
Вут-ҫулӑма сӳнтерме 2 автоцистерна, 1 МЛПК, плуг ҫакнӑ 2 трактор тухса кайнӑ. Вут-ҫулӑм 1,1 гектар ҫинче алхаснӑ.
Пушарпа кӗрешме 15 сехет те 10 минутра тытӑннӑ, 15 сехет те 42 минутра сӳнтернӗ. 16 сехет те 30 минут тӗлне мӗнпур ӗҫе вӗҫленӗ.
Малтанласа палӑртнӑ тӑрӑх, йывӑҫа аҫа ҫапнӑ.
Ака уйӑхӗн 25-мӗшӗнче Шупашкарта 38 ҫулти хӗрарӑма Мари Элтан килнӗ арҫын таптаса кайнӑ.
Инкек Университет урамӗнче 13 сехет 40 минутра пулса иртнӗ.
Ҫуран каҫакансене иртмелли ҫулпа каҫакан 38 ҫулти хӗрарӑма Мари Элтан килнӗ 52 ҫуоти арҫын «Лада Калина» машинӑпа пырса кӗнӗ.
Шар курнӑ хӗрарӑма тухтӑрсем пулӑшнӑ.
Ака уйӑхӗн 25-мӗшӗнче 21 сехет те 49 минутра Ҫӗрпӳ округӗнчи Ҫамрӑксен поселокӗ ҫывӑхӗнче «Чанган» иномарка ВАЗ-2112 магина ҫине пырса кӗнӗ. ВАЗ водителӗ, 20-ри каччӑ, вырӑнтах вилнӗ. 2002, 2005 тата 2006 ҫулсенче ҫуралнӑ пассажирсем аманнӑ.
Ҫакӑ паллӑ: иномарка водителӗ ӳсӗр пулнӑ. Полицейскисем ҫитиччен ӑна пульницӑна илсе кайнӑ. Ҫак машина – Красноармейски округӗн пуҫлӑхӗ пулнӑ Борис Клементьевӑн. 2023 ҫулхи акан 21-мӗшӗнче, хӑйӗн ҫуралнӑ кунӗ хыҫҫӑнах, отставкӑна янӑ.
Ӗнер, ака уйӑхӗн 24-мӗшӗнче, Пӑрачкав округӗнчи Кожевенное ялӗ ҫывӑхӗнче вӑрман ҫунма тытӑннӑ. Ҫулӑм 3 гектар лаптӑк ҫинче сарӑлнӑ. Пушарнӑйсем «хӗрлӗ автана» часах парӑнтарнӑ. Инкекре ҫынсем шар курман.
Инекеклӗ лару-тӑру министерстви вӑрмансенче пушар тухас хӑрушлӑх пысӑк пулни пирки аса илтерет.
+14.3 °C