Сайта кӗр | Регистраци | Сайта кӗрсен унпа туллин усӑ курма пулӗ
 +28.3 °C
Ӳркенмен ӑста пулнӑ.
[ваттисен сӑмахӗ]
 

Хыпарсем: пульницӑсем

Пӑтӑрмахсем

Ҫӗмӗрлере пурӑнакан 34 ҫулти хӗрарӑм тин ҫуралнӑ ачине вӗлернӗшӗн явап тытнӑ. Суд ӑна тӗрмене хупмасӑр 2 ҫуллӑха айӑплама йышӑннӑ.

Следстви тата суд палӑртнӑ тӑрӑх, кӑҫал ака уйӑхӗн 9-мӗшӗнче ҫак хӗрарӑм килти мунчара ача ҫуратнӑ. Унтан вӑл пӗчӗк ачана полиэтилен хутаҫа чикнӗ, шыв юхса пухӑнакан вырӑнта пытарнӑ. Пепке сывлӑш ҫитменнипе вилнӗ.

Кайран хӗрарӑм хӑйне япӑх туйнӑ, вӑл пульницӑна пулӑшу ыйтма ҫитнӗ. Унти тухтӑрсем вӑл тин кӑна ҫӑмӑлланнӑ хӗрарӑм пулнине асӑрханӑ та кун пирки полицие пӗлтернӗ.

Хыпар ҫӑлкуҫӗ: https://pg21.ru/news/58683
 

Ял пурнӑҫӗ

Йӗпреҫ районӗнчи Ҫӗнӗ Выҫли ялӗнче фельдшерпа акушер пункчӗ ҫӗкленет. Ӑна хӑпартма «Мостстройинвест» тулли мар яваплӑ обществӑна шаннӑ.

Йӗпреҫ район администрацийӗнче пӗлтернӗ тӑрӑх, тухтӑр ҫуртне тума 4 миллион та 133 пин тухса кайӗ. Смета хакӗ ҫакӑн пек.

ФАПа Чӑваш Ен Элтеперӗ 2012 ҫулхи чӳк уйӑхӗн 2-мӗшӗнче йышӑннӑ ял ҫыннисене медицинӑпа санитарин пирвайхи пулӑшӑвне лайӑхлатасси ҫинчен калакан хушӑвӗпе килӗшӳллӗн ҫӗклеҫҫӗ. Асӑннӑ документа йышӑннӑранпа Йӗпреҫ районӗнче кӑна 8 фельдшерпа акушер пункчӗ туса лартнӑ. Ҫӗнӗ Выҫлинчи — тӑххӑрмӗш.

Тухтӑр ҫурчӗ 80-а яхӑн тӑваткал метр йышӑнӗ. Ҫӗнӗ ФАПра ҫутӑ та хӑтлӑ пулӗ. Шыв та шала кӗртӗҫ, таса мар шыва юхса тухма канализаци те тӑвӗҫ.

 

Республикӑра
Елена Калинина
Елена Калинина

Республикӑри наркологи пульницинче — ҫӗнӗ ертӳҫӗ. Тӗп врач пулма Елена Калининӑна шаннӑ.

Ҫӗнӗ пуҫлӑхпа коллектива Чӑваш Енӗн сывлӑх сыхлав министрӗ Владимир Викторов паян, утӑ уйӑхӗн 25-мӗшӗнче, паллаштарнӑ. Елена Калинина унччен Республикӑри психиатри пульницин тӗп тухтӑрӗнче ӗҫленӗ. Ҫӗнӗ ертӳҫӗ пирки республикӑн тӗп наркологӗ Ирина Булыгина ырӑ сӑмахсемпе палӑртса коллектив умӗнче тухса калаҫнӑ. Ҫакна та палӑртмалла: наркодиспансерӑн унчченхи тӗп врачӗ Михаил Чепурной ӗҫ вырӑнӗпе усӑ курнӑ тесе тӗпчев пуҫарнӑ.

Психиатри пульницинче ӗҫлекенсем хӑйсен ертӳҫипе хумханса сывпуллашнӑ. Елена Калинина ӗҫтешӗсене чунтан тав тунӑ. ЧР Сывлӑх сыхлав министерствинче пӗлтернӗ тӑрӑх, ертӳҫӗ тивӗҫне вӑхӑтлӑха пурнӑҫлама тӗп врачӑн медицина енӗпе ӗҫлекен ҫумне Александр Руссова шаннӑ. Каярах конкурс ирттерсе ҫӗнӗ ертӳҫӗне палӑртӗҫ.

 

Политика

ЧР Элтеперӗ Михаил Игнатьев Питӗре ӗҫпе кайсан пульницӑна кардиологи уйрӑмне лекни пирки Чӑваш халӑх сайчӗ темиҫе хут та хыпарларӗ.

Шӑматкун, утӑ уйӑхӗн 20-мӗшӗнче, Юрий Шакеев блогер Питӗре Элтепер патне пульницӑна кайнӑччӗ. Турра шӗкӗр, Михаил Васильевич хӑйне аван туять иккен. Ҫакӑн пирки хайхи-майхи блогер та пӗлтернӗччӗ. Паян ЧР Правительствинче тунтикунсерен иртекен канашлура та ҫавӑн пиркиех каланӑ. Михаил Васильевич патне республикӑн сывлӑх сыхлав министрӗ Владимир Викторов ҫитсе килнӗ. Михаил Игнатьев министрсене телефонпа та ӗҫлӗ хушусем парать иккен.

Юрий Васильев вице-премьер — ЧР Элтеперӗн Администрацийӗн Ертӳҫи Юрий Васильев Элтепере курас тесе Питӗре чӑваш блогерӗ кайнине ырламан. Чирлесси, чӑн та, такамӑн та пулать. Пульницӑра концерт кӑтартмаҫҫӗ — курмалли ним те ҫук.

Хамӑр енчен ҫапах та ҫакна палӑртар: Михаил Игнатьев чирленине Элтеперӗн пресс-служби пытарма хӑтланни МИХсенче тӗрлӗ сӑмах ҫуратрӗ.

Хыпар ҫӑлкуҫӗ: http://sovch.chuvashia.com/?p=211415
 

Политика

ЧР Элтеперӗ Михаил Игнатьев Питӗре ӗҫпе кайсан пульницӑна кардиологи уйрӑмне лекни пирки хыпарланӑччӗ. «Про Город» хаҫатра ҫырнӑ тӑрӑх, Михаил Васильевича операци тунӑ. Кун пирки кӑларӑма халӑх корреспонденчӗ хыпарланӑ.

Михаил Игнатьев операци хыҫҫӑн хӑйне лайӑхах туять. Паян Юрий Шакеев Питӗре Элтепер патне пульницӑна кайнӑ-мӗн. «Элтепер операци хыҫҫӑн хӑйне лайӑхах туять. Вӑл кардиологи уйрӑмӗнче выртать», - ҫырнӑ вӑл.

Михаил Васильевич утӑ уйӑхӗн 31-мӗшӗччен отпускра пулӗ. Унӑн тивӗҫӗсене ЧР Министрсен Кабинечӗн председателӗ Иван Моторин пурнӑҫлӗ.

Хыпар ҫӑлкуҫӗ: https://pg21.ru/news/58421
 

Сывлӑх

Чӑваш Ен Элтеперне Михаил Игнатьева Питӗрти Мариинка пульницин кардиологи уйрӑмне илсе кайнине Чӑваш халӑх сайчӗ маларах пӗлтерчӗ-ха. Ҫав вӑхӑтрах Элтеперӗн пресс-секретарӗ Олег Сидоров республика ертӳҫи чирленине туннӑ. Пресс-секретарь журналистсене ӗнентернӗ тӑрӑх, Михаил Игнатьев утӑ уйӑхӗн 18-мӗшӗнчен отпускра, Чӑваш Ен тулашӗнче диспансеризаци тухать.

Питӗрти 5-мӗш канал, «Комммерсант-Санкт-Петербург» тата ытти хӑш-пӗр МИХ Михаил Игнатьев чӗре ыратнипе пульницӑна лекнине хыпарланӑ. МИХсем пӗлтернӗ тӑрӑх, Чӑваш Ен Элтеперӗ — реанимаци уйрӑмӗнче.

Паян 15 сехет те 33 минутра ЧР влаҫ органӗсен официаллӑ порталӗнче Михаил Игнатьев черетлӗ отпускра, планпа пӑхнӑ медицина тӗрӗслевӗ тухать тата сипленет тесе хыпарларӗҫ. Элтепер канассине ытти чухне малтанах хыпарлаканччӗ, ӑҫта та мӗнле каннине Инстаграмра та пӗлтерекенччӗ.

 

Политика

Ӗнер Питӗрте Раҫҫейри тата Беларуҫри регионсен форумӗн пленарлӑ ларӑвӗ иртнӗ. Унта РФ Президенчӗ Владимир Путин, Беларуҫ президенчӗ Александр Лукашенко, ытти тӳре-шара, регионсен пуҫлӑхӗсем хутшӑннӑ. Ҫав шутра – ЧР Элтеперӗ Михаил Игнатьев та.

Cheb.media пӗлнӗ тӑрӑх, официаллӑ пӗр тӗлпулу хыҫҫӑн Михаил Игнатьева Мариинка пульницин кардиологи уйрӑмне илсе кайнӑ. Ку информацие асӑннӑ портал журналисчӗсене Питерти МИХсенчи ӗҫтешӗсем те ҫирӗплетнӗ.

Cheb.media журналисчӗсем кун пирки Элтеперӗн пресс-секретарӗнчен Олег Сидоровран ыйтса пӗлнӗ. Вӑл каланӑ тӑрӑх, утӑ уйӑхӗн 18-мӗшӗнчен Михаил Игнатьев отпускра, Чӑваш Ен тулашӗнче диспансеризаци тухать.

Портал журналисчӗсем лару-тӑрӑва сӑнаса тӑраҫҫӗ. «Палӑртмалла, хальлӗхе Питӗрти официаллӑ репортажсенчи сӑнсенче Михаил Игнатьева тупаймарӑмӑр. Унӑн пресс-секретарӗн сӑнӳкерчӗкӗ ҫеҫ пур», - ҫапла ҫырнӑ порталта.

 

Статистика

Кӑҫал ҫӗлен сӑхнӑ 11 ҫын тухтӑрсенчен пулӑшу ыйтнӑ. Тӳрех палӑртмалла: Чӑваш Енре ҫынна ҫӗлен тапӑннӑ тӗслӗх нумайланнӑ. Ара, шӑпах ҫырла пиҫнӗ вӑхӑт – ҫынсем ӑна пуҫтарма вӑрмана, уй-хире, ҫырма-ҫатрана каяҫҫӗ. Шел те, наркӑмашлӑскер сӑхни яланах лайӑхпа вӗҫленмест.

Юлашки икӗ эрнере темиҫе ҫын пульницӑна тухтӑрсем патне пынӑ. Тӗслӗхрен, Сӗнтӗрвӑрри районӗнчи пӗр ҫын мунча валли милӗк хуҫма вӑрмана кайнӑ. Пӗр хурӑн патӗнче ӑна хура ҫӗлен тапӑннӑ. Пӗр хӗрарӑм ҫул хӗрринче ҫӗлен курнӑ. Шупашкарта «Акконд» лавккана хурӑн пуҫлӑ ҫӗлен килни пирки те хыпарланӑччӗ.

Ытларах чухне ҫӗлен сӑхнӑ хыҫҫӑн пульницӑна Сӗнтӗрвӑрри, Етӗрне, Улатӑр, Пӑрачкав районӗсенчи ҫынсем пыраҫҫӗ. Ҫак чӗрчун нӳрӗке юратать: вӗсем шыв хӗрринче нумай.

Хыпар ҫӑлкуҫӗ: https://pg21.ru/news/58368
 

Сывлӑх

Чӑваш Енри пӗр районти 35-ри тӗп бухгалтер 5 ҫул хушшинче медицина учрежденийӗн 11 миллион тенкине кӗсйине чикнӗ – ҫапла шухӑшлаҫҫӗ следовательсем. Ун тӗлӗшпе пуҫарнӑ пуҫиле ӗҫе ШӖМӗн Чӑваш Енри следстви управленийӗ суда пӑхса тухма ярса панӑ.

Следстви пынӑ вӑхӑтра тӗп бухгалтера килти ареста лартнӑ, унӑн 1 миллион ытла тенкӗлӗх куҫман пурлӑхне арестленӗ. Айӑпланакан хӗрарӑм тӑкака саплаштарма пуҫланӑ, хальлӗхе 300 пин тенкӗ панӑ.

Следовательсем тӗпчесе пӗлнӗ тӑрӑх, тӗп бухгалтер пульница валли укҫа-тенкӗ запрос тунӑ чухне хушма нухрат кирлине те палӑртнӑ. Кайран вӑл ҫав укҫапа хӑй пӗлне пек усӑ курнӑ. Хӗрарӑм хӑйӗн хура ӗҫӗсене пытарас тесе иккӗллӗ бухгалтерипе усӑ курнӑ.

Хыпар ҫӑлкуҫӗ: https://21.xn--b1aew.xn--p1ai/
 

Сывлӑх

Раҫҫейӗн вице-премьерӗ Дмитрий Медведев ҫӗршыври мӗнпур ҫынна диспансеризаци кӑларасси ҫинчен хушу кӑларнӑ.

Чӑваш Ен Сывлӑх сыхлав министерстви пӗлтернӗ тӑрӑх, тухтӑрсем патне 21 ҫултан аслӑраххисен тата ҫул виҫҫе пайланакансен каймалла.

Кӑҫалхи кӑрлачӑн 1-мӗшӗнчен пирӗн ҫӗршывра тепӗр йышӑну турӗҫ. Ӗҫлекен ҫынсен кашни виҫӗ ҫулта пӗрре диспансеризаци тухмашкӑн пӗр кану кунӗ илме ирӗк пур. Ҫав куншӑн вӗсене шалу тӳлемелле. Пенси умӗнхи ҫулӗнчисене ҫак тӗллевпе ҫулсерен икшер кун кантармалла.

Пӗтӗм Раҫҫейри диспансеризацие 2019 тата 2020 ҫулсенче ирттермелле.

Раҫҫейӗн премьер-министрӗ Татьяна Голикова ӑнлантарнӑ тӑрӑх, 40 ҫултан аслӑраххисене диспансеризаци тӗрӗслевӗ витӗр ҫулсерен кӑларӗҫ.

 

Страницӑсем: 1 ... 29, 30, 31, 32, 33, 34, 35, 36, 37, 38, [39], 40, 41, 42, 43, 44, 45, 46, 47, 48, 49, ... 65
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (12.07.2025 15:00) сайра пӗлӗтлӗ ҫанталӑк, атмосфера пусӑмӗ 755 - 757 мм, 28 - 30 градус ӑшӑ пулӗ, ҫил 2-4 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 12

1907
118
Ҫулӗҫ Анатолий Степанович, чӑваш сӑвӑҫи ҫуралнӑ.
1918
107
Фролов Андрей Игнатьевич, Вӑтам Азире Совет влаҫӗшӗн кӗрешекен вилнӗ.
1920
105
Чӑваш облаҫӗн РКП(б) комитечӗ ӗҫлеме пуҫланӑ.
1928
97
Кузьмин Афиноген Иванович, литература тӗпчевҫи, ҫыравҫӑ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
хуҫин ҫитӗннӗ ачисем
хуҫа тарҫи
хӑнана ӑсатма никам та тухмасть
хуҫа хӑй
хӑни ҫулне ахаль те пӗлет, ӑсатмасӑр та
хуҫа арӑмӗ
хуть те кам тухсан та
ӑсатма тухни — ҫылӑх, юрамасть
кил-йышри арҫын