Шупашкарти ваттисем «Бичурин тата хальхи самана» музея ҫитсе курнӑ. Кӳкеҫре вырнаҫнӑ ҫак учреждени фончӗ пуян. Музейра краведенипе тата этнографипе ҫыхӑннӑ материалсемпе паллашма пулать. Кунсӑр пуҫне унта Никита Бичурин пурнӑҫӗпе пултарулӑхӗ, унӑн тӗпчевӗсем тӗп вырӑн йышӑнаҫҫӗ.
Никита Бичурин Шупашкар тӑрӑхӗнчи Шемшер ялӗнче ҫуралнӑ. Нумай вӗренме ӳркенменскер паллӑ ученӑй-синолог пулса тӑнӑ.
«Никита Бичурин пурнӑҫӗ питӗ тӗлӗнтерчӗ. 1Китайра 13 ҫул ӗҫлесе пурӑнна чӑваш ӑсчахӗ Раҫҫее Китайпа ҫывӑхлатнӑ», — хавхаланса каласа кӑтартнӑ музейра пулса курнӑ хыҫҫӑн Любовь Сазанова пенсионерка.
Чӑваш патшалах ҫамрӑксен театрӗнче ҫӗнӗ режиссёрпа паллаштарнӑ. Александр Грибоедовӑн «Горе от ума» пьеси тӑрӑх лартакан спектакле Даниил Филиппович режиссёр тата Вадим Дубовик хореограф-постановщик лартӗҫ . Даниил Ильясович ӗнер артистсемпе паллашнӑ, ҫывӑх вӑхӑтра вӑл вӗсене ҫӗнӗ спектакльте выляма суйласа илӗ те коллектив репетици ирттерме тытӑнӗ.
«Горе от ума» спектакльпе театр 93-мӗш сезона уҫасшӑн. Спектакле Александр Грибоедов ҫуралнӑранпа 230 ҫул ҫитнине халаллӗҫ.
Даниил Филиппович Белоруҫ Республикинчен. Минскри ӑста - драма театрӗн режиссёр, писатель, сценарист, клипмейкер. Вӑл ГИТИСри режиссер факультетӗнче вӗреннӗ. Унӑн ӗҫӗсене Китайри, Беларуҫри, Казахстанри, Узбекистанри тата Раҫҫейӗн тӗрле ҫӗршывӗнчи хулари сцена ҫинче кӑтартаҫҫӗ.
Ҫу уйӑхӗн 20-28-мӗшӗнче Владивосток хулинче «Активное долголетие: Россия — Китай» (чӑв. Хастар ватлӑх: Раҫҫей — Китай) вӗренмелли пӗтӗм тӗнчери I стажировка иртет. Унта Чӑваш Енри Лариса Мышева кӗмӗл волонтёр хутшӑнать.
Лариса Ивановна «Контактра» халӑх тетелӗнчи хӑйӗн страницинче пӗлтернӗ тӑрӑх, Раҫҫейӗн 19 регионӗнчи социаллӑ сферӑра ӗҫлекен уучрежденисен директорӗсемпе специалисчӗсем, пурӗ 85 ҫын, Владивостокра пуҫтарӑннӑ.
Делегаци пайташӗсем Китайри Яньцзи тата икӗ ҫӗршыв чиккинче вырнаҫнӑ Хуньчунь хула уесӗнче пулса курӗҫ. Унт вӗсем Китайри патшалӑх учрежденийӗсен вата ҫынсен ыйтӑвӗсемпе тимлекен ӗҫченӗсемпе тӗл пулӗҫ.
Чӑваш Ен республикӑмӑр туристсене мӗнпе илӗртме пултарни ҫинчен Китайра каласа кӑтартнӑ. Пекин хулинче пӗтӗм тӗнчери China Outbound Travel & Tourism Market курав иртет. Чӑваш Ен те унта хутшӑнать.
Курава 70 ҫӗршыври туризм отраслӗн 20 пине яхӑн специалисчӗ, эксперчӗсем пуҫтарӑннӑ иккен. Чӑваш Енпе Раҫҫейӗн Discover Russia стенчӗ патӗнче паллашма май туса панӑ. Кун пирки республикӑн Экономика министерстви пӗлтернӗ.
Искусство интеллекчӗ шӳтлеме те пӗлет, судлашать те, хаҫат та кӑларать.
Китайри пӗр ҫыравҫӑ, ав, ҫав мелпе усӑ курса эротика романӗсем ҫырнӑ та кайран ӑна тӗрмене хупнӑ. Текста ҫыраканни искусство интеллекчӗ пулсан та айӑпли ҫыравҫӑ тесе йышӑннӑ суд.
Нумаях пулмасть «Яндекс» сӑнӳкерчӗксене хатӗрлемелли ҫӗнетнӗ нейросеть ӗҫлеттерсе янӑ — YandexART 2.5 латиницӑпа ҫырнисене лайӑхрах ӑнланать тата мӗн ыйтнине аванрах тӗшмӗртет-мӗн.
Нейросеть ҫынсенчен лайӑхрах шӳтлет. Мемсем валли нейросеть ҫырнине ҫынсем ытларах юратса йышӑнаҫҫӗ иккен. Ҫынпа танлаштарсан нейросеть лайӑхрах шӳтсем шӑрҫалать.
Италире искусство интеллекчӗ хаҫат кӑларса пӑхнӑ. Журналистсем ӑна ыйтусем ҫеҫ панӑ тата хуравсене редакциленӗ.
Искусство интеллекчӗ ҫын шухӑшлавӗ пекрех тесе калаҫҫӗ. Google пуҫ мими тата нейросеть епле ӗҫленине танлаштарнӑ вӗсен хастарлӑхӗ пӗр пекрехне палӑртнӑ.
Чӑваш Енри артист Китайра пулнӑ. Пӗрре ҫеҫ мар-ха. Темиҫе те. Сӑмах Чӑваш патшалӑх филармонийӗн артисчӗ Иван Снигирев пирки пырать.
2024 ҫул Китайпа Раҫҫей хушшинчи туслӑх ҫирӗпленнӗренпе 75 ҫул ҫитнине халалланӑ ҫулталӑк пулнӑ. Ҫавна май унта пирӗн ҫӗршыв артисчӗсем концерт та кӑтартнӑ.
Чӑваш Республикин тава тивӗҫлӗ артисчӗ Иван Снигирев Китайра пӗлтӗр 12-мӗш хутчен пулнӑ. Хальхинче унта вӑл Липецкри симфони оркестрӗпе пӗрле кайнӑ. «Дружба народов России и Китая» (чӑв. Раҫҫейпе Китай хушшинчи халӑхсен туслӑхӗ) гастроль турне ирттернӗ май артистсем Урумчи, Иньчуань, Наньцзин, Хэфэй, Бэнбу, Шиянь, Цзыбо тата Дунъин хулисенче пулнӑ.
Иван китай чӗлхипе темиҫе юрӑ вӗреннӗ.
Чӑвашсем Китайра иртекен чи пысӑк суту-илӳ куравне хутшӑнаҫҫӗ.
Унти Гуанчжоу хулинче Пӗтӗм тӗнчери Кантон куравӗ иртет. Унта Чӑваш Енри делегаци те тухса кайнӑ.
Ҫав йышра – «Деревенский дворик», «Россыпей», «Вавилон» предприятисем.
Курав юпа уйӑхӗн 31-мӗшӗнче пуҫланнӑ; ыран, чӳк уйӑхӗн 4-мӗшӗнче, вӗҫленӗ.
Чӑваш Енри пилӗк компанин ют ҫӗршывсенчи байерсемпе тӗл пулас шанӑҫ пур. Сӑмах Китайри тата Таиландрисем пирки пырать. Вӗсемпе пирӗн патри компанисем Питӗр хулинче авӑн уйӑхӗн 25-27-мӗшӗсенче иртекен пӗтӗм тӗнчери туяну секцийӗнче калаҫса татӑлас шанчӑк пур-мӗн.
«Чӑваш Еншӗн Китай — суту-илӳ енӗпе стратегилле партнер», — пӗлтернӗ республикӑн вице-премьерӗ Дмитрий Краснов. Пирӗн республикӑри предприятисем хӑйсен таварне экспорта янинчен 8,5 процентне Китая ӑсатаҫҫӗ. Укҫа ҫине куҫарсан та Китайпа чи пысӑк сумма пухӑнать-мӗн.
Китайри тата Таиландри байерсемпе тӗл пулас ӗмӗтлисен заявкисене авӑн уйӑхӗн 9-мӗшӗччен йышӑнаҫҫӗ. Чӑваш Енри бизнес-делегацине ҫула тухнине Чӑваш Енӗн экспорта пулӑшакан центрӗ саплаштарӗ.
Китайра «TCL» брендпа туса кӑларакан телевизосем Раҫҫей рынокӗнчен ҫухалма пултарӗҫ. Санкцисенчен хӑраса Китай «Квант» и STI Group.Раҫҫейрк контрактпа ӗҫлекен производительсене компонентсемпе тивӗҫтерсе тӑма пӑрахӗ.
«TCL» телевизорсен производствине тата унччен парса тӑма пӑрахнӑ «Xiaomi» брендӑн комплектующийӗсене Казахстанра туса кӑларма тытӑнма пултарӗҫ. Анчах логистикӑна пула тавар хакӗ 10-20 процент ӳсме пултарать.
Раҫҫейри заводсен «TCL» телевизорсен компоненчӗсем чӳк уйӑхӗччен ҫитмелле-мӗн, хӑш-пӗр компани производствӑна чарса лартма шухӑшлать. Апла пулсан асӑннӑ тавар дефицитланса кайма пултарӗ.
Элӗк тӑрӑхӗнчи Татмӑш ялӗнче пурӑнакан Владислав Дубинин тӑванӗсене вунӑ сыпӑк таран тӗпченӗ. «Ҫак сӑваплӑ ӗҫе пуҫӑниччен вӑл тӑван ялӗн историне тишкернӗ», – пӗлтернӗ «Чӑваш Ен» патшалӑх телерадиокомпанийӗ.
2014-мӗш ҫулта ҫут тӗнчерен уйрӑлса кайнӑ ҫав тӑрӑхри паллӑ таврапӗлӳҫӗ Александр Ананьев хӑй вӑхӑтӗнче кӗнеке кӑларма ӗмӗтленнӗ. Ял ҫинчен чылай материал тупнӑ, вун-вун статья ҫырнӑ. Унӑн аслӑ хӗрӗ Татьяна Евдокимова ашшӗ ӗҫне Владислав Дубининпа малалла тӑснӑ.
Владислав хӑйӗн несӗлӗсемпе те кӑсӑкланма тытӑннӑ. Вӗсен ҫемйине Чукмар тесе чӗннӗ-мӗн.
«Чукмар ратнинчен тухнӑскерем Китайра ҫеҫ мар, Норвеги, Америка ҫӗршывӗсенче те пурӑнаҫҫӗ. Ҫапла майпа "Чукмары из Татмыш" кӗнеке кун ҫути курнӑ – тӑванӗсене 10 сыпӑк таранах тӗпченӗ унта автор. Дубининсем, Дубиковсем, Дубинскисем, Дубровскисем тата Константиновсем – пурте Чукмарсем иккен», — хыпарланӑ Вероника Павловӑпа Димитрий Макаров хатӗрленӗ сюжетра.
+4.3 °C