Чӑвашлӑх: Ваттисене апат-ҫимӗҫпе пулӑшни (ОНЛАЙН)

Пӗлтерӳ хушПӗлтерӳсем

Сутатӑп Уйăхри пăру сутатăп.Хакĕ килĕшсе татăлнипе.

Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...

Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Аçтахар Плотников 28.04.2020 09:29 | 5419 хут пӑхнӑ

Онлайн Чӑвашлӑх

Кӑшӑлвирус алхаснӑ вӑхӑтра ирӗксӗрех килте ларма тивнӗрен хастарсем пуҫарӑвӗпе Виталий Станьяла тата ыттисене апат-ҫимӗҫпе пулӑшма тӗв лартрӑмӑр. Пурӗ 11 707 тенкӗ пухӑнчӗ.

Апат-ҫимӗҫе вӗсем патне паян ҫитерсе пама пуҫласшӑн. Ку ӗҫ мӗнле пыни пирки онлайн хыпарласа тӑрӑпӑр.

#кӑшӑлвирус, #пулӑшу, #ниме, #апат-ҫимӗҫ, #чӑвашлӑх, #карантин

Аçтахар Плотников16:24

ru.chuvash.org/news/5095.html — Тимӗр Акташ вырӑсла хыпар ҫырса пачӗ.

Аçтахар Плотников14:56

Сӑмах май, ҫак кунсенче тата темиҫе ҫын куҫарса пачӗ. Ҫапла май пӗтӗмӗшле сумма 14 207 тенке ҫитрӗ (эрнекунччен ҫеҫ йышӑнатпӑр тесе пулин те ҫавах куҫарусем килеҫҫӗ-ха..).

Аçтахар Плотников14:55

Ку вара шӑматкунхи чексем.

Аçтахар Плотников14:55

Шӑматкунхи тӑкаксем:

Аçтахар Плотников14:54

Паян пурӗ 4000 тенкӗ укҫа тӑкакланӑ.

Аçтахар Плотников14:52

Виҫҫӗмӗш чарӑну вара Зинаида Козлова патӗнче пулнӑ.

Аçтахар Плотников14:51

Тепӗр фото:

Аçтахар Плотников14:51

Ун хыҫҫӑн нимеҫӗсем Антер Петрович Хусанкай патне ҫул тытнӑ.

Аçтахар Плотников14:50

Чи малтанах Николай Иванович Егоров патне ҫитнӗ. Пирӗн паллӑ тюрколог хальхи вӑхӑтра чирлекелет. Ҫавна май эпир ӑна сывлӑх сунатпӑр.

Аçтахар Плотников14:48

Атнер Петровичпа Николай Иванович патне нимеҫӗсем паян ҫеҫ ҫитме пултарчӗҫ. Ытти кунсенче май пулмарӗ. Сӑнӳкерчӗкре вара паян ҫитернӗ апат-ҫимӗҫе куратӑр.

Аçтахар Плотников2020.04.25 21:06

Ыран ҫак акципе Атнер Петрович Хусанкайпа Николай Иванович Егоров патне кайса килме палӑртаҫҫӗ.

Апат-ҫимӗҫе ҫитернӗ хыҫҫӑн эпир сире пӗлтерӗпӗр.

Аçтахар Плотников2020.04.25 21:01

Сӑмах май, медицина маскипе те тивӗҫтерес шухӑш пурччӗ, анчах шел те аптекӑсенче ку япалана тупма питӗ хӗн. Ахаль перчаткӑсем те ҫук.

Юрать-ха Елчӗксен чӑнкӑ ачи Николай пулӑшрӗ, Кушкӑ ялӗнчен. Владимир Агеев патне ҫитме вӑхӑт чылай иртни шӑп ҫавӑнпа ҫыхӑнчӗ — маскӑсем илсе килсе парасса кӗтме тиврӗ.

Аçтахар Плотников2020.04.25 20:49

Виталий Станьялпа Праски Витти патне апат-ҫимӗҫ илсе ҫитернӗ вӑхӑтӗнчи тепӗр самант.

Вӗсем иккӗшӗ те пӗр ҫуртрах пурӑнаҫҫӗ. Эпир ҫитнӗ вӑхӑтра Виталий Петрович уҫӑлма тухнӑччӗ — ҫурт картишӗнче хаҫат вуласа ларатчӗ. Кайран вара унтах Праски Виттине тухма чӗнтӗмӗр.

Кӑшӑлвируса пула, паллах, ҫурт картишне тирпей-илем кӗртме ӗлкереймен — ҫавна май тавралӑх ытла та ҫуп-ҫаплӑччӗ.

Аçтахар Плотников2020.04.25 16:32

Телефонри «Яндекс.Клавиатура» самаях чӑрмав кӳчӗ — хӑш-пӗр сӑмахсене хӑй ӑнланнӑ пек ҫырнӑ..

Аçтахар Плотников2020.04.25 15:50

Пирӗн пакетсем тата та юлчӗҫ. Вӗсене Тимӗр малалла валеҫӗ. Эпӗ вара киле таврӑнатӑп.

Аçтахар Плотников2020.04.25 15:45

Юхма патне те кӗрсе тухрӑмӑр.

Аçтахар Плотников2020.04.25 15:21

Чӑваш журналистикин ветеранне — Тимӗр Акташа — апат-ҫимӗҫпе пулӑшас терӗмӗр.

Аçтахар Плотников2020.04.25 14:58

Тепӗр фото.

Аçтахар Плотников2020.04.25 14:57

Владимир Иванович Агеева та кӗрсе парне турӑмӑр

Аçтахар Плотников2020.04.25 13:33

Агеев патне кайӑпӑр пуль. Туянатпӑр.

Аçтахар Плотников2020.04.25 13:32

Малалла кайрӑмӑр. Лавккана кӗтӗмӗр.

Аçтахар Плотников2020.04.25 13:20

Праски Витти те килчӗ.

Аçтахар Плотников2020.04.25 13:13

Фото ҫыпӑҫтартӑм.

Аçтахар Плотников2020.04.25 13:12

Праски Виттине кӗтетпӗр.

Аçтахар Плотников2020.04.25 13:09

Ҫиччас Праски Витти тухӗ.

Аçтахар Плотников2020.04.25 13:06

Станьял шӑп та лӑп уҫӑлма тухнӑ.

Аçтахар Плотников2020.04.25 13:05

Станьял патне ҫитрӗмӗр.

Аçтахар Плотников2020.04.25 12:29

Ҫавра сӗтел вӗҫленчӗ. Халь ӗнтӗ ку ӗҫе пурнӑҫлӑпӑр.

Аçтахар Плотников2020.04.25 09:33

Чӑваш чӗлхи кунӗ ячӗпе видеоканашлу майӗпе «Язык как средство и фактор сохранения национальной культуры» ҫавра сӗтел иртӗ. Манӑн унта хутшӑнма тивӗ.

Станьяла тата ыттисене апат-ҫимӗҫе ҫав ҫавра-сӗтел хыҫҫӑн илсе ҫитерме палӑртатпӑр.

//нимеҫӗсем ытлашшиех тупӑнмаҫҫӗ те хамӑнах ҫак ӗҫе хутшӑнмалла тесе шутлатӑп.

Аçтахар Плотников2020.04.25 09:31

Ку ҫав чаках, анчах пысӑклатсарах ӳкерни.

Аçтахар Плотников2020.04.25 09:30

Апат-ҫимӗҫе ӗнер туянма пуҫланӑ та ӗнтӗ.

Ҫавӑн пекех пӑхӑр

«Ҫут тӗнче ӑстине — халӑх палӑкӗ» акцие вӗҫлетпӗр
2019, 07, 01

Шупашкарти икӗ пульницӑна кӑшӑлвируса пула карантина хупнӑ
2020, 04, 06

Карантинтисене карас ҫыхӑнӑвӗпе тивӗҫтернӗ
2020, 04, 14

Виталий Станьяла — нимелле пулӑшу
2020, 04, 22

Уҫӑ ҫыру: Хурал фондне уҫма ыйтатӑп
2020, 04, 23

Комментари:

Тимӗр Акташ // 2106.38.0201 2020.04.25 15:40
	Мана манманшӑн, пулӑшнӑшӑн, юлташсене пысӑк тав!
Вулакан // 3149.7.3940 2020.04.25 20:01
	Лайăх акци, паллах, уйрăмах Тяпкин Тимĕршĕн. Анчах та парне тунă çынсем хушшинче хăшпĕрисем ахаль пенси те , çав вăхăтрах тата республика пуçлăхĕ уйăхсерен мĕн виличчен парса тăракан пенси те илеççĕ. Тен, çав хушма пенси илекеннисем вырăнне унашкал пенси илменнинсене пулăшсан аванрах пулнă пулĕччĕ. Паллах, ку ман шухăш кăна, йĕркелекенсене курăнарах парать.
Тимер // 3250.52.3557 2020.04.25 21:38
	Вулакана тавах сӗнӳшӗн.Паян хула тӑрӑх ҫӳресе кун иртсе кайрӗ.Ыран хутшӑнма пултаратӑр.Ҫапах та ҫыравҫӑсене ертсе пыратӑр.
Станьял // 2140.69.7903 2020.04.26 12:55
	Ҫӑкӑр-тӑвар хутаҫӗшӗн савӑнма пӗмерӗм, анчах шӗвӗр мӑнуксемпе мӑшӑрӑм пит хӗпӗртерӗҫ. Тав пӗтӗм кил-йышран укҫа паракансене,Тимӗрпе Аҫтахара халӑха юрӑхлӑ ӗҫ пуҫарса тӑрӑшнӑшӑн. Ман шутпа, ниме пысӑк ӗҫ валли ирттермелле.
Тимер // 2213.65.9035 2020.04.27 17:30
	Ыран Атнер Хусанкай тата Николай Иванч Егоров профессор патне каятпӑр.Кам хутшӑнма хатӗр?
Тимер // 3935.95.6547 2020.04.28 21:37
	Егоров Н.И.профессор,Атнер Хусанкай тата Зинаида Козлова сире тав сӑмаххисем каларӗҫ кучченеҫсемшӗн.
Тимер // 6338.5.9550 2020.04.29 22:12
	Канашсем куҫарса панӑ пулас пин тенкӗ.Ентешлӗх ертӳҫипе Юрий Тарасовпа канашласа ыран кайса килмелле тӗр.