Куçаруçă саманчĕсем1

Куçаруçă саманчĕсем

«Çун!» — терĕн эс ăшăмри çуттăма...

Ю. Словацкий

Шурă çутă, шурă тĕс!

Сăмахсем те шур тĕспе

çуталса тăраççĕ тейĕн!

Лăпкăлăх, таса ачашлăх

ялтăрать пек пӳлĕмре, —

тен, куçаруçа та вăл

çутатса тăрать управлăн

ун ăсне кĕрсе шалтан;

чунăн сисĕмлĕхĕпе

чĕтренсе тăрать пек сывлăш! —

Польша çĕрĕн ăрăмçи,

ах, ытарайми Словацкий!..

Çакă çутăн ăшшинче

эп чăваш сăмахĕсен

çутине туйса çыратăп

полякла пăшăлтатса:

«Жилем з вами... Жилем з вами...»¹

¹ Юлиуш Словацкин чапа тухнă «Халал» сăввин пусламăш самахĕсем: «Пурăнтăм сирĕнпе пĕрле».