Чăвашлăх


Мĕн-ши вăл, туссем, чăвашлăх?

Тен, вăл тĕрĕллĕ кĕпе.

Тен, вăл кунĕлĕх, йăвашлăх,

Чăвашла сенкер тӳпе.

 

Тен, "Аки-сухи" юрри вăл,

Тен, "Уçланкăри палан".

Ăнланать таçти хĕр-ывăл

Ентеше унпа ялан.

 

Вăл та пулĕ, ку та пулĕ,

Тусăмсем, ман шутпалан,

Пирĕнпе чăвашлăх юлĕ

Чăвашла сăмахпалан.

 

Пин те пин сăмах чăвашăн,

Чăн чăвашлăх — çавăнта.

Каçăхса кайса калаçăн

Ентешпе Сахалинта.

 

Пекинра-и, Прагăра-и,

Берлинта е Лондонра —

Тĕп чĕлхемĕр вăй парайĕ

Чи йывăр, кичем кунра.

 

Çавăнпа атте-аннемĕр

Чĕлхинче курар малаш,

Пулăпăр вара, туссемĕр,

Ĕмĕр-ĕмĕр чăн чăваш!

Çавăн пекех пăхăр

Вулавçăсен шухăшĕ Вулавçăсен шухăшĕ


xjrj-gjrj (2009-03-28 17:41:11):

Шухаше лайах! Ах кевви таканать ске!

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: