Анатолий Ыхра (Анатолий Александрович Тимофеев) Чăваш Республикин Вăрмар тăрăхĕнчи Ыхраçырма ялĕнче 1948 çулхи ака уйăхĕн 3-мĕшĕнче çуралнă. Шăплатри пуçламăш, Урнарти вăтам шкулсенче, Баутинăри (Казахстан) 54-мĕш техника училищинче тата Чăваш патшалăх университечĕн чăваш чĕлхипе литератури уйрăмĕнче вĕреннĕ, салтакра пулнă (1967-1969). 1970-1983 çулсенче Шупашкарти пир-авăр комбинатĕнче тата Çĕнĕ Шупашкарти «Химпром» производство пĕрлешĕвĕнче электромонтерта ĕçленĕ. 1983 çулхи çурла уйăхĕнче вăл пичет ĕçне куçать. Республикăри «Коммунизм ялавĕ» хаçатра, Чăваш кĕнеке издательствинче, Сĕнтĕрвăрринчи «Ленийское знамя» хаçатра тата «Путене» журналта вăй хурать. 1994 çултанпа пĕр вăхăт — Чăваш патшалăх гуманитари ăслăлăхĕсен институчĕн редакторĕ. Каярахпа «Тăван Атăл» журналта тĕп редактор çӳмĕ пулса ĕçленĕ.
А.Ыхран малтанхи сăвви хăй шкулта вĕреннĕ чухнех кун çути курнă. Унăн «Эс кăçал шкула каятăн» (1980), «Пăрчăкан пек хĕрача» (1987), «Тĕнче илемĕ» (1988), «Ял хыçĕнчи пусма» (1991), «Сăпат» (1994), «Звездный ливень» (1994), «Сире юратрăм...» (1998) тата «Песни за околицей» (1998) кĕнекисем пичетленнĕ.
А.Ыхра 1989 çултанпа Раççей писателĕсен союзĕн членĕ пулнă.
Поэт 2004 çулхи кăрлачăн 28-мĕшĕнче вилнĕ.
Хайлавĕсем
Шухăшсем
Вĕçлемĕш ик йĕрки асăма килсех тăратччĕ ...
Вячеслав! "Шурё юрлё" (Белым снегом) юрр...
Тавах паттёр Борлена мухтанёшён...
Паян поэтăн çуралнă кунне паллă тумалли ...
Юмăçсем хăшпĕр чухне тĕрĕссинех палăртаç...
Bermarkle тата AlexMaster тем каласшăн ...
Bermarkle тата AlexMaster тем каласшăн ...
Тĕрĕс палăртать поэт: пурнан пурнăçра ăш...
Юлашки йĕркине улăштармалла, Тав тăватпă...
Питĕ килĕшрĕ Шемекеев Витали сăвви !