Малалла утар!

Чӑваш чӗлхи ӑҫта?

■ 13.01.2011 20:03 | 18376 хут пӑхнӑ

Паян 14-мӗш маршрутпа вокзала ҫити ярӑнтӑм. Ҫула май билбордсене сӑнаса пытӑм. Шел те, пӗрин ҫинче те чӑваш сӑмахӗ тупӑнмарӗ. Социаллӑ рекламӑра та пулин (ӑна администраци вырнаҫтарать пулӗ...) чӑвашла ҫырни ҫук. Йӑлт вырӑсла. Саккунпа вырӑс чӗлхи те чӑвашли те пӗр танах. Пурнӑҫра вара — пач урӑхла. Такама «тав тумалла» ӗнтӗ куншӑн... Те чӑвашсен наянлӑхне, те вырӑссен «маттурлӑхне»...
2-3 хут чӑвашлӑхшӑн вӑйлӑрах ӗҫлес вырӑнне, «йывӑр, йывӑр» тесе ларнипе ӗҫ мала кайӗ-ши?

[Комментариле (14)]

Чӑвашла стенд кӑмӑла кайрӗ

■ 13.01.2011 17:17 | 4991 хут пӑхнӑ

Паян Шупашкар районӗнчи Чӑрӑшкасси шкулне кайса килтӗм. Сӑлтавӗ пурччӗ — пӗлтӗрхи чӳк уйӑхӗн вӗҫӗнче эп хамӑн кивӗ флешкӑна ҫухатрӑм. Чулхула-Шупашкар автобусран тухнӑ чухне кӗсьерен тухса ӳкнӗччӗ. Сисмен те. Чӑрӑшкасси шкулӗн вӗрентекенӗ вара ӑна тупнӑ иккен. Тупнӑ ҫеҫ мар, флешкӑри файлсене тишкернӗ хыҫҫӑн хушамата пӗлсе пӗлӗшсем урлӑ мана шыраса тупнӑ.

Малалла...

[Комментариле (3)]

Питӗр хулинче юр ҫапла тасатаҫҫӗ

■ 27.12.2010 16:09 | 5288 хут пӑхнӑ

Ҫапла хӑтланса вӗсем ӗҫленӗ пек туса кӑтартасшӑн курӑнать — спидометр ҫинче ҫухрӑмсем ҫавӑртараҫҫӗ.

[Комментариле]

2010 ҫула пӗтӗмлетсе

■ 27.12.2010 15:06 | 5908 хут пӑхнӑ

http://chuvash.org/blogs/comments/161.html — кунта 2006 ҫул пӗтӗмлетӗвӗ.
http://chuvash.org/blogs/comments/531.html — кунта 2007 ҫул пӗтӗмлетӗвӗ.
http://chuvash.org/blogs/comments/785.html — кунта 2008 ҫул пӗтӗмлетӗвӗ.
http://chuvash.org/blogs/comments/947.html — кунта пӗлтӗрхи, 2009 ҫул пӗтӗмлетӗвӗ.

Малтан яланхилле япӑххине аса илмелле.
1. Чӑваш халӑх сайчӗ ӗҫлеме пуҫланӑранпа 5 ҫул тултарнӑ ятпа статьясен кӗнекине кӑларасси пулмарӗ.

Малалла...

[Комментариле (9)]

Саспаллисене чӑвашла йӗркелес тесен

■ 22.12.2010 19:40 | 5311 хут пӑхнӑ

Чӑвашла сӑмахсене сортланӑ чухне «Ӑ», «Ӗ», «Ҫ», «Ӳ» саспаллисем мала тухса тӑраҫҫӗ. Мӗншӗнни те паллӑ — эпир усӑ куракан ҫак саспаллисен кочӗ «А», «Б», «В» тата ыттисенчен пӗчӗкрех. «Ӳ» усӑ курнӑ чухне чылай чухне ҫак саспалли «Я» хыҫне кайса тӑрать. Сӑлтавӗ — саспалли кочӗ «Я» саспаллийӗнчен пысӑкрах пулнинче. Ҫак тӗрӗсмарлӑх чӑваш чӗлхи компьютерта сахаллӑн усӑ курнипе ҫыхӑннӑ. Тӗнчере ҫеҫ мар, Раҫҫей шайӗнче те пирӗн саспаллисене вырӑна лартассишӗн никам та тӑрӑшмасть. Ҫавӑнпа та ку ӗҫе хамӑрӑн тума тивет.
Чи малтан пирӗн мӗн пӗлмелле? Компьютерта саспалли йӗркине ятарласа вырнаҫтарасси пур.

Малалла...

[Комментариле (3)]

Чӑваш Ен официаллӑ сайчӗсене чӑвашлатӗҫ?

■ 20.12.2010 18:52 | 5048 хут пӑхнӑ

Паян наци радиовне итленӗ чухне президент официаллӑ сайтсене икӗ чӗлхепе тумалли пирки каланине илтрӗм. Япӑх илтрӗм — тӗнче тетелӗ урлӑ лайӑх итлеме май ҫук, татӑлать... Йывӑр пулин те икӗ чӗлхеллӗ тумаллах тенине ҫеҫ илтсе юлтӑм.
Сӑмах май, cap.ru сайтра акӑлчанпа нимӗҫ версийӗсен ялавӗсем ҫукки куҫа кӗрчӗ...

[Комментариле (6)]

Машин хакӗ ҫын пурнӑҫӗнчен хаклӑрах!

■ 15.12.2010 23:47 | 5399 хут пӑхнӑ

Эх... ӑҫталла каятпӑр-ши эпӗр?
http://lifenews.ru/news/46714 — ҫак этемсемшӗн машин хакӗ ҫын пурнӑҫӗнчен хаклӑрах! Выльӑха ҫаврӑнатпӑр-ши? Укҫа... укҫа... укҫа...
Никама та мар, хӑйсене ҫеҫ хаклама пӗлеҫҫӗ. :(

[Комментариле]

Шухӑшлама — 1 кун!

■ 12.12.2010 21:13 | 4743 хут пӑхнӑ

Ӗнер хамӑн ӗҫсене туса пӗтернӗ хыҫҫӑн киле ҫитрӗм те cap.ru сайта кӗтӗм. Тӗрӗсрех каласан, Алимасов куравӗ пирки тата чӗлхе комиссийӗн ларӑвӗпе ҫыхӑннӑ хыпар ҫук-ши тесе кӗтӗм-ха. Хайхи асӑрхарӑм — Чӗлхе саккунне хатӗрлеҫҫӗ иккен, халӑха ӑна пӗрле сӳтсе явма чӗнеҫҫӗ. Тӗплӗ вуламарӑм, 11-мӗш кун валли хыпар унсӑр та нумай вырнаҫтарнӑччӗ те вырсарникун, паян ӗнтӗ, ҫынсене пӗлтерӗп тесе шухӑшларӑм.
Хайхи паян кӗтӗм — тимлӗрех вуларӑм. 8-мӗшӗнче хыпара вырнаҫтарнӑ (11 сехетре), 10-мӗшӗччен сӗнӳсем парса ӗлкӗрмелле. Шутласан — вӗсен проектне пӑхса тухма, сӗнусем тӑратма — 1 кун ҫеҫ уйӑрнӑ.

Малалла...

[Комментариле]

Ват пичи

■ 02.12.2010 19:56 | 4991 хут пӑхнӑ

Ку сӑнӳкерчӗкре ман тӑвансем сӑнланнӑ: Ват пичи (Михаил Васильев) тата унӑн икӗ хӗрӗ. Сулахайри — Вера, сылтӑмри — Тоня. Пӗчӗккӗ чухне вӗсем патне нумай ҫӳренӗ ӗнтӗ, анчах асӑмра нимӗн те юлман тесен те юрать. Ҫавна май кивӗ сӑнсене куҫ умне кӑларса тӑвансем пирки асилес килет.
Ват пичи пирӗн тӑвансем хушшинче сумлӑ шутланать — вӑл Ҫатракасси патӗнчи ҫӑван пуҫӗ пулать. Шӑп та вӑл пирӗнтен уйрӑлса кайнӑ чухне ҫав ҫӗнӗ ҫӑвана уҫнӑччӗ. Шутлаттӑмӑрччӗ ун чух — ҫӗнӗ ҫӑвана ӑна пытарӗҫ, е киввине, Алькеш ҫӑвине.

Малалла...

[Комментариле]

«Виҫӗ ӑру» юрӑ — Валентина Михайлова юрлать

■ 30.11.2010 17:54 | 6084 хут пӑхнӑ

Красноармейскинчи 2-мӗш шкулӑн вӗренекенӗ Валентина Михайлова юрлать.
Маттур!

[Комментариле (2)]

Г. Ефимов. Утать поэт тӑван халӑхӗпе

■ 30.11.2010 17:52 | 5775 хут пӑхнӑ

[Комментариле (2)]

Чӑваш чӗлхин аталанӑвне пӑхса тухма пухӑннисене ЧӖНСЕ КАЛАНИ (чӳкӗн 30-мӗшӗнче)

■ 28.11.2010 22:02 | 5409 хут пӑхнӑ

Чӑваш патшалӑх канашӗнче чӑваш чӗлхин аталанӑвне пӑхса тухма шутлани, ӑна сӳтсе явни питӗ лайӑх. Ырлатӑп.

Чӑваш чӗлхишӗн чи пӗлтерӗшлӗ утӑмсем (ман шутпа):
● чӑваш чӗлхине усӑ курассине ӳстересси — компьютера Windows вырнаҫтарнӑ май унта тӳрех чӑвашла ҫырмалли майсем пулмалла (шрифтсем, раскладка), пользователь вӗсене уйрӑммӑн лартмалла мар (пушкӑртсен пек) /Microsoft ахаль ҫынсене итлесшӗн мар, патшалӑх шайӗнче тухсан — ку ӗҫе вӗсем тума тивӗҫ/; тавар упаковкинче чӑвашла ҫырни пач та курӑнмасть — ҫырмалла ман шутпа («Акконд» кӑларакан канихвет курупки ҫине, тӗслӗхрен, вырӑсла та, казахла та ҫырнӑ — чӑвашла вара ҫук).

Малалла...

[Комментариле (5)]

Тинех пур хайлава та хакласа тухрӑм

■ 25.11.2010 11:05 | 4669 хут пӑхнӑ

Кӑҫалхи литература ӑмӑртӑвӗ малтанхисемпе танлаштарсан уйрӑлса тӑрать — вӗренӳ министерстви хутшӑнманнине палӑртмӑпӑр. Кӑҫалхи ӑмӑртӑва 140 хайлав хутшӑнать. 2008 ҫулхине 120 яхӑн килнӗччӗ, пӗлтӗрхине — самай сахалтарах. Кӑҫалхинче эпир 1-5 классене хутшӑнтармарӑмар (вӗсене хаклама питӗ йывӑр — хӑшне ашшӗ-амӑшӗ ҫырнӑ, хӑшне ачи хӑй ҫырнине уйӑрса илме питӗ йывӑр) пулин те хайлавсем ытларах килчӗҫ. Аслӑрах классенчи ачасем нумайрах хутшӑнни те савӑнтарать пире.
140 хайлав пулнӑран ӑмӑрту йӗрки-шывне пӑсса ушкӑнсене урӑхларах йӗркелерӗмӗр: 6-7, 8-9, 10-11, вӗрентекенсем.

Малалла...

[Комментариле (3)]

Бичурин музейӗнче пулса куртӑм

■ 15.11.2010 16:25 | 4719 хут пӑхнӑ

Ку музее тахҫанах кӗрсе тухасшӑнччӗ — тем тесен те Шупашкар районӗнчи тӗп музейсенчен пӗри-ҫке. Тепринче, Ишекринче, тахҫанах пулсаччӗ. Кӳкеҫре музей ҫул хӗрринчех вырнаҫнӑ. Юлашки ҫулсенче ӑна самай капӑрлатрӗҫ — аякран курӑннӑран кӗрсе тухас шухӑш яланах вӑйлӑччӗ. Анчах та, ҫуммӑн мӗн чухлӗ иртсе ҫӳремен пулӗ — кӗрсе тухма май тупӑнмарӗ.
Чӳкӗн 8-мӗшӗнче вара хам тӗллеве пурнӑҫларӑмах — ҫак музее кӗрсе унпа паллашрӑмах.
Музей тулашӗнче кӑна мар, шалашӗнче те питӗ хӑтлӑ.

Малалла...

[Комментариле]

Suvar валли домен юлман?

■ 21.10.2010 21:00 | 5784 хут пӑхнӑ

«Сувар» ятлӑ домен илме май ҫук терӗҫ мана. Пурне те йышӑнса пӗтернӗ тет. Мӗнле ҫук, акӑ туллиех:

suvar.aero Свободен
suvar.asia Свободен
suvar.biz Свободен
suvar.cc Свободен
suvar.eu Свободен
suvar.in Свободен
suvar.kz Свободен
suvar.me Свободен
suvar.mobi Свободен
suvar.name Свободен
suvar.tj Свободен
suvar.tv Свободен
suvar.tw Свободен
suvar.us Свободен
suvar.uz Свободен
suvar.ws Свободен

[Комментариле (2)]

Иван Мучи. Кӗрхи кунри тамаша

■ 10.10.2010 21:30 | 5503 хут пӑхнӑ

Илемлӗ чӗлхепе ҫырнӑ хайлавсене вулама юратап. Чӑн чӑваш чӗлхипе ҫырнисене. Уйрӑмах хӑш-пӗр сӑмах ӑстисен хайлавӗсене вулама кӑмӑллӑ. Халӗ Иван Мучин калавӗсене кӗртетӗп — чӑн-чӑн ӑста пулни хайлавсенчи кашни предложенире курӑнать. «Капкӑнра» пичетленекен ҫыравҫӑсен ман шутпа ун калавӗсене пӗр ҫӗр хут вуласа тухмалла вара тин алла калем тытмалла. Шел те, хальхи «Капкӑнра» Иван Мучи шайӗнчи сахал. Ҫук тесе каламӑп — тен, пур та. Кӳрентерес мар. Ун калавӗсем хальхи саманашӑн кивӗ ӗнтӗ, анчах чӗлхи.

Малалла...

[Комментариле]

Этем иртӗхӗвӗ

■ 23.09.2010 10:14 | 5040 хут пӑхнӑ

Ӗнер Алексей Зайцевӑн «Ачалӑхри пӗр кун» хайлавне вуларӑм. Асаилӳ (ӑна ҫак жанрпа ҫырнӑ) ҫапла вӗҫленет:

«...Ҫитмӗл ҫула ҫитрӗм ӗнтӗ. Унччен кун пирки шухӑшласах кайман. Халӗ ытла та сисӗнме пуҫларӗ. Ҫын тени, пурте мар та-ха, саккун пӳлмесен, патшалӑх ирӗк парсан мӗн чухлӗ май пур — ҫав таран иртӗхме пултарать. Патша вӑхӑтӗнче те, Сталин саманинче те, паян та ҫавах...»

Ҫакнашкал асаилӳсене вуланӑ май ӗненме те йывӑр — чӑн та вӗт, пуҫлӑхсем хуть те хӑш саманара алхаснӑ; чӑн та, вӑрҫӑ хыҫҫӑнхи ҫулсем йывӑр пулнӑ.

Малалла...

[Комментариле (1)]

«Чӑваш» электронлӑ кӗнеки

■ 15.09.2010 23:05 | 5133 хут пӑхнӑ

iXBT хыпарӗсемпе паллашнӑ май пӗр ӳкерчӗкре чӑваш тӗрри курӑнса кайрӗ — электронлӑ кӗнеке кӑларнӑ иккен:
http://www.ixbt.com/news/all/index.shtml?13/76/85

//лайӑхрах тишкернӗ май ҫакӑ паллӑ пулчӗ: Wexler — Раҫҫей фирми. Логотипӗ вара чӑваш тӗрри манерлӗ. Тенче тетелӗнчи адрес: www.wexler.ru

[Комментариле]

Сервера ӑнсӑртран ӳкернӗ...

■ 13.09.2010 15:56 | 5367 хут пӑхнӑ

Хӑш-пӗрисен ҫапла та пулать иккен :)

[Комментариле (2)]

Пирӗн сайт элеменчӗсене усӑ кураҫҫӗ

■ 02.09.2010 12:27 | 5143 хут пӑхнӑ

Канашлу пуҫелӗкне «Королева» (http://mavra.boshetunmay.com/) хатӗрленӗччӗ. Хӑй таҫта ҫухалчӗ ӗнтӗ, анчах та питӗ пултаруллӑ хӗрача. Пурнӑҫ йывӑҫҫинчи «туратсене» мӗн чухлӗ курман пулӗ, анчах та вӑл хӗрача вӗсене хирӗҫле вырнаҫтарса питӗ ӑнӑҫллӑ та интереслӗ элемент туса хучӗ. Мана вӑл килӗшрӗ — ӑна канашлу пуҫелӗкне вырнаҫтартӑм.
Паян ак ҫак ӳкерчӗке куртӑм:

«Отзывы о Чувашии» баннер валли усӑ курнӑ... — http://gov.

Малалла...

[Комментариле (3)]

Страницӑсем: 1, ... 17, 18, 19, 20, 21, [22], 23, 24, 25, 26, 27, ... 47

Баннерсем

Шутлавҫӑсем

0 Хурал кӗтесӗ (чат)

Статьясем

￭ Письмо к старейшинам, членам бывшего президиума ЦСЧС

Пульницӑри сӑвӑсем13

Ужель с неба свалились сувары?15

Карттӑсем ӗлӗкхине уҫса параҫҫӗ5

Волга текла по земле амазонок? 14

Родной язык62

Мысли, перешагнувшие порог памяти17

Осеннее сентиментальное путешествие4

Нужен Музей Праски Витти18

«Я к вам пишу — чего же боле?..»8

Дом на семи ветрах22

... ыттисем

Ҫанталӑк

Тӗплӗрех

Гороскоп

Сурӑх: Ку эрнере кӑштах хӑвартлӑха чакарса пӗччен пулас, тӗллевсем пирки шутлас килӗ. Шлати сасса итлесе тӗрӗс йышӑну тӑвӑр — кайран ӳкӗнмелле ан пултӑр. Пулӑмсене ан васкатӑр — кашнин хайӗн вӑхӑчӗ.

Пуш, 29

1925

101

Орлов Георгий Фёдорович, чӑваш сӑвӑҫи, ҫыравҫи ҫуралнӑ.

Пулӑм хуш...

Малалла утар!

Меню

Баннерсем

Шутлавҫӑсем

Спонсорла пулӑшу+100 +200 +300 +500Пухнӑ: 22 000 тен.Тӑкакланӑ: 27 420 тен.

0 Хурал кӗтесӗ (чат)

￭ Письмо к старейшинам, членам бывшего президиума ЦСЧС

Ҫанталӑк

Гороскоп

Спонсорла пулӑшу
+100 +200 +300 +500
Пухнӑ: 22 000 тен.
Тӑкакланӑ: 27 420 тен.