|
Экономика
 cap.ru сӑнӳкерчӗкӗ Чӑваш Ен Элтеперне Олег Николаева Узбекистана чӗннӗ. Ҫитсе курма, ӗҫлӗ хутшӑнусене ҫӗнӗ шая кӑларма республика ертӳҫипе пӗрлех пирӗн тӑрӑхри делегацие те йыхравланӑ. Узбекистанӑн Хусанти генконсулӗпе Фариддин Насриевпа Чӑваш Ен ертӳҫи Олег Николаев икӗ енлӗ хутшӑнусене аталантарас ыйтӑва республикӑн Правительство ҫуртӗнчи тӗлпулура сӳтсе явнӑ. Узбекистанпа Чӑваш Ен чылайранпах туслӑ ҫыхану тытаҫҫӗ иккен. Суту-илӳ калӑпӑшӗ 2021 ҫулта 13,2 млн долларпа танлашнӑ. Чӑваш Енӗн тулашри партнёрӗсенчен Узбекистан вуннӑмӗш йӗркене йышӑнать. Экспорта пирӗн тӑрӑхран пӗлтӗр 12,8 млн долларлӑх продукци ӑсаннӑ. Кунта тӗп вырӑн электричество машинисем тата оборудовани (34,3 %), пӗрене-хӑма тата унран хатӗрленӗ япласем (12,1 %), механика хатӗрӗсемпе пайӗсем (8,1 %), керамика хатӗрӗсем (7,4 %), лакпа сӑрӑ (7,0 %) йышӑнаҫҫӗ. Хыпар ҫӑлкуҫӗ:
|
|
Пӑтӑрмахсем
 kostroma.mk.ru сӑнӳкерчӗкӗ Шупашкар хулинче пурӑнакан 47 ҫулти арҫын палламан хӗрарӑм юмахне ӗненсе банкра 900 пин тенкӗ кредит илме тӑнӑ. Сӑмаха хӗрарӑм аякран пуҫланӑ. Хӑйӗнпе кредит учрежденйӗн ӗҫченӗ тесе паллаштарнӑ, сирӗн ятӑрпа банкран такам кивҫен укҫа илесшӗн тесе юптарнӑ. Капкӑна ҫакланас мар тесен арҫыннӑн кредит илмелле, ҫӗнӗ телефон туянса унта виртуаллӑ карттӑ уҫмалла. Вӑт ҫав карттӑ шанчӑклӑран та шанчӑклӑ пулать имӗш. Арҫын ют хӗрарӑм каланине йӑлтах пурнӑҫланӑ. Анчах пурне те мар. Банка кайма тухсан вӑл тӗрӗсех тӑватӑп-ши тесе аптӑраса кайнӑ, йӗрке хуралҫисемпе ҫыхӑннӑ. Ҫапла вара кредит илнӗ 900 пин тенке вӑл сыхласа хӑварма пултарнӑ. Хыпар ҫӑлкуҫӗ:
|
|
Пӑтӑрмахсем
 devicekirov.ru сӑнӳкерчӗкӗ Шупашкарта пурӑнакан 32 ҫулти арҫынна Мускаври яшсем улталанӑ. Пӗлтӗрхи нарӑс уйӑхӗнче Шупашкар арҫынни тӗнче тетелӗнчи сайтсенчен пӗринче электрон сигарет сутасси ҫинчен пӗлтернине курнӑ. Тавара туянас тесе вӑл банк картти ҫине 15 пин тенкӗ укҫа куҫарса янӑ. Анчах тавар илесси пулман. Йӗрке хуралҫисем халӗ Мускаври икӗ яша тытса чарнӑ. Ҫавсем асӑннӑ мелпе ҫӗршывӑн тӗрл регионӗнчи ҫынсене улталанӑ. Ҫамрӑксене Мускаври йӗрке хуралҫисем тытса чарнӑ. Шупашкар арҫыннине улталанӑ тӗслӗхпе пуҫарнӑ пуҫиле ӗҫе пирӗн патри йӗрке хуралҫисем ҫӗршывӑн тӗп хулине ярса панӑ. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Ака уйӑхӗн 26-мӗшӗнче ирхи 4 сехетре Шупашкарти Чернышевский урамӗнче ларакан васкавлӑ медпулӑшу машинине 34 ҫулти арҫын кӗнӗ те ӑна хваттер уҫсипе тапратма хӑтланнӑ. Пралуксене сыпӑнтарас тесе панеле те ҫӗмӗрнӗ. Юрать-ха, ӗҫе вӗҫне ҫитереймен. Ӑна ҫав вӑхӑтра тухтӑрсем асӑрханӑ та ҫийӗнчех полицие шӑнкӑравланӑ. Палӑртмалла: ҫак арҫын унччен те судпа айӑпланнӑ. Хальхинче вӑл мӗншӗн ҫапла хӑтланнине ӑнлантарса парайман. Арҫын тӗлӗшпе пуҫиле ӗҫ пуҫарнӑ. Следстви вӑхӑтӗнче унӑн тухса ҫӳреме юрамасть. Хыпар ҫӑлкуҫӗ:
|
|
Кӳршӗре
 pg12.ru сайтри сӑн Хӗлле Мари Элти Тинӗс куҫӗнче шыв пӗтни, ҫиелти пӑр катӑлса аялалла ӳкни пирки хыпарланӑччӗ. Ун чухне специалистсем кӳлле тек нихҫан та шыв тулмасан та пултарассине пӗлтернӗччӗ. Мари Элтен лайӑх хыпар ҫитнӗ. Тинӗс куҫне шыв тулма пуҫланӑ, шыв шӑкӑртатнӑ сасӑ илтӗнет. Вӑл ҫӑлкуҫсенчен стена тӑрӑх юхать. Хальлӗхе шыв 5 метр таран тулнӑ. Шыв тӗсӗ те унчченхи пекех тӗслӗ пулма пуҫланӑ. Вырӑнти халӑх Тинӗс куҫӗ хӑйӗн илемӗпе савӑнтарма пуҫласса шанать. Хыпар ҫӑлкуҫӗ:
|
|
Ҫутҫанталӑк
 Ҫу уйӑхӗ мӗнле килӗ? Синоптиксем пӗлтернӗ тӑрӑх, унчченхинчен кӑшт ӑшӑрах та пулма пултарӗ. Ҫумӑр вара икӗ хут сахалрах ҫӑвӗ. Уйӑх таршшӗпех тенӗ пек Вӑтам Азирен ӑшӑ та типӗ сывлӑш килӗ. Ҫавна май типӗ ҫанталӑк тӑрӗ. Виҫҫӗмӗш декада ҫеҫ ҫумӑрлӑ килме пултарӗ. Ҫитес уйӑхра виҫӗ хутчен сивӗтӗ: пуҫламӑшӗнче, варринче тата вӗҫӗнче. Кашнинчех ҫӗр шӑнӗ. Уйӑхӑн иккӗмӗш ҫурринче кӑнтӑрла 23-28 градус таранах ӑшӑтма пултарӗ. Хыпар ҫӑлкуҫӗ:
|
|
Республикӑра
 Вӑрмар районӗнчи нумай ачаллӑ ҫемье «Ашшӗ-амӑшӗн мухтавӗ» орден медальне тивӗҫнӗ. Вӗсем – Порфирьевсем. Олег Ивановичпа Анжелика Михайловна 21 ҫул пӗрле пурнӑнаҫҫӗ, ултӑ ачана ура ҫине тӑратнӑ. Упӑшкипе арӑмӗ социаллӑ пулӑшу паракан тытӑмра ӗҫлеҫҫӗ. Порфирьевсен асли 18 ҫул тултарнӑ ӗнтӗ, салтака кайнӑ. Ҫемьене орден медалӗпе чысласси пирки РФ Президенчӗ ака уйӑхӗн 22-мӗшӗнче хушӑва алӑ пуснӑ. Хыпар ҫӑлкуҫӗ:
|
|
Республикӑра
 md-gazeta.ru сӑнӳкерчӗкӗ Чӑваш Енре пресс-секретарьсен кадр резервне хатӗрлеҫҫӗ. Паянхи куна илсен сӑмах республикӑн ҫичӗ министерстви тата Чӑваш Енӗн Элтепер Администрацийӗн Пресс-службипе протокол управленийӗнчи хӑш-пӗр должноҫсем пирки пырать. Списокра Чӑваш Енӗн Элтепер Администрацийӗн Пресс-службипе протокол управленийӗн пуҫлӑхӗ — йӗркелӳ уйрӑмӗн пуҫлӑхӗ, пресс-служба пайӗн пуҫлӑхӗ, информаци ресурсӗсен пайӗн пуҫлӑхӗ, информаципе аналитика пулӑшӑвӗн пайӗн пуҫлӑхӗ пур. Конкурса хутшӑнас кӑмӑллисен заявкисене ҫу уйӑхӗн 16-мӗшӗччен йышӑнӗҫ. Ҫу уйӑхӗн 11-мӗшӗччен заявкӑсене республикӑн Сывлӑх сыхлав, Ҫутҫанталӑк ресурсӗсен тата экологи, Транспорт тата ҫул-йӗр хуҫалӑхӗн, Ӗҫ тата социаллӑ хӳтлӗх, Спорт министерствисенче пресс-секретарьте ӗҫлес ӗмӗтлисенчен кадр резервне кӗме заявкӑсем йышӑнӗҫ; ҫу уйӑхӗн 12-мӗшӗччен — Стройминра тата Экоонмика ааланӑвӗнче министерствинче тӑрӑшма. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Чӑваш Енре Ҫӗнтерӳ кунне халалласа Шкул ҫулне ҫитмен ачасен парачӗ иртӗ. Вӑл Шупашкарти Хӗрлӗ тӳремре иртӗ. Ҫу уйӑхӗн 8-мӗшӗнче пулакан Шкул ҫулне ҫитменнисен парадне икӗ пин ытла ача хутшӑнӗ. Чӑваш Республикинче Ҫӗнтерӳ кунне ирттерессипе ҫыхӑннӑ мероприятисене сӳтсе явма пуҫтарӑннӑ ӗҫлӗ ушкӑнӑн ларӑвӗнче культура, национальноҫсен ӗҫӗсен тата архив ӗҫӗн министрӗ Светлана Каликова пӗлтернӗ тӑрӑх, парада 2 пин ытла ача хутшӑнӗ. Хыпар ҫӑлкуҫӗ:
|
|
Статистика
 vashgorod.ru сайтри сӑн Юлашки вӑхӑтра ОРВИпе чирлекенсен йышӗ ӳснӗ. Ака уйӑхӗн 18-24 мӗшӗсенче республикӑра 3961 ҫын чирленине тупса палӑртнӑ. Пуш уйӑхӗн пуҫламӑшӗнченпе кун пек пысӑк кӑтарту пулман. Ун чухне 5345 ҫын чирленӗ. Ун хыҫҫӑн эрнесерен 3,8 пин ҫыннӑн ОРВИ пулнине тупса палӑртнӑ. Статистика кӑтартнӑ тӑрӑх, Шупашкарта, Ҫӗнӗ Шупашкарта, Канашра, Шупашкар районӗнче, Ҫӗрпӳ районӗнче чирлекенсем ытларах. Шупашкарта чирлесси республикӑри вӑтам кӑтартуран 1,66 хут пысӑкрах, Канашра - 1,04 хут. Хыпар ҫӑлкуҫӗ:
|
+15.3 °C