Сайта кӗр | Регистраци | Сайта кӗрсен унпа туллин усӑ курма пулӗ
 +6.3 °C
Ҫӗнӗ шӑпӑр ҫӗнӗлле шӑлать.
[ваттисен сӑмахӗ]
 

Хыпарсем

ЮПА
12

Хыпар
 Аçтахар Плотников | 12.10.2005 23:21 |

Википедиӗн Чӑваш уйрӑмӗнче халӗ 1000 статья яхӑн! Пинмӗш статья — Тимухха Хветӗрӗ:

Тимухха Хӗветӗрӗ, — чӑваш чӗлхине тӗпчекенӗ, вӗрентекен. Чӑн ячӗ Тимофеев Фёдор Тимофеевич. 1887 ҫулхи раштавӑн 1 Етӗрне уесӗнчи (халӗ Чӑваш Енӗн Муркаш районӗ) Якаткасси ялӗнче ҫуралнӑ. 1941 ҫулхи кӑрлачӑн 25 ГУЛАГ лагерӗнче вилнӗ.

Орфографипе пунктуаци йӗркисене пӗрремӗш йӗркелекенӗ. Вӑлах пӗрремӗш тӑван чӗлхе вӗренӳ кӗнекисене тата программисене хатӗрлекен. Пособисем ҫавӑн пекех хатӗрленӗ. Вӗсене вӑл чӑваш тата вырӑс чӗлхисем ҫинче хатӗрленӗ. - тесе пуҫланать вӑл.

Сӑмах май каласан Чӑваш Википедире халӗ питӗ нумай ӗҫ. Нумай статьясене кӗртмелле, анлӑрах ӑнлантарса памалла. Чӑваш Ен ҫинчен те лайӑхах, пӗтӗмӗшле каласа паман. Эсир кӑна тӳрлетме, Википедине информаципе тултарма пултаратӑр!

 

ЮПА
11

Хыпар
 Аçтахар Плотников | 11.10.2005 23:15 |

Литература кӗтесӗнче Андрей Петтоки ҫырнӑ "Тухатмӑш" калавне кӗртсе хутӑм.

Пӗрре, вӑл ӗлӗкех пулать ӗнтӗ, эпӗр виҫӗ ҫамрӑк ача -Митри, Ванюк /иккӗш те салтакран килнӗ анчах, эпӗ хам та маттур/ калӑм каҫ, пӗр шут тытса, тухрӑмӑр тухатмӑш шырама. Малтанах мунчасенче шырарӑмӑр. Ҫук, шуйттан ҫитӗр пуҫна, пӗр калӑм ватти те тупаймарӑмӑр. Кайрӑмӑр масар ҫине. Ун чух пирӗн икӗ масарччӗ: пӗри - тӗне кӗнӗ чӑвашсен, тепри - тӗне кӗмен чӑвашсен. Унта та ҫук. Уттартӑмӑр Емел масарӗ ҫине. Пӗр пилӗк-ултӑ ҫухрӑм ытла каймалла. Каллех пӗр тухатмӑш та ҫук. Киле пӗр тухатмӑш та пулин тытмасӑр каяс мар тесе тепӗр вун ҫухрӑма, Вӑтӑр Юман киремечӗ /ял ячӗ/ масарӗ ҫине яра патӑмӑр. Каллех пӗр тухатмӑш йӗрӗ те ҫук.

Малаллине вулӑр. Вӑл кӗске.

 

ЮПА
08

Хыпар
 Аçтахар Плотников | 08.10.2005 16:11 |

Юпан 7 Патӑръел районӗн Культура керменӗнче "Патӑръел энциклопедиӗ" кӗнекин презентациӗ иртнӗ. Презентацие нумай хӑна хутшӑннӑ.

Мероприяти вӗҫӗнче хӑнасем умӗнче "Ӑраскал" эстрада ушкӑнӗн концерчӗ иртнӗ. Фойера "Тӑван кӗтес, тӑван тавралӑх" кӗнеке куравӗ иртнӗ.

Источник: Cap.Ru

 

Паян, юпан 7-мӗшӗнче, Шупашкарти пӗрремӗш хула пульницине уҫнӑранпа 75 ҫул иртнӗ ячӗпе Трактор тӑвакансен культура керменӗнче савӑнӑҫлӑ мероприятисем иртӗҫ. Мероприятисем пуҫламӑшӗ 16 сехетре.

 

ЮПА
06

Хыпар
 Аçтахар Плотников | 06.10.2005 19:40 |

Юпа уйӑхӗн 6 ирхине Чӑваш Енре туса кӑларнӑ таварпа тиенӗ 50 машина Мускава ҫула тухса кайнӑ. Мускав ҫыннисем валли Чӑваш Енри 11 районта вырнаҫнӑ 40 предприятипе организаци пахча ҫимӗҫӗсемпе ҫырламсем, аш консервисем, пыл, пылак ҫимӗҫсем, швея тата трикотаж изделисем хатӗрленӗ.

Суту-илӳ ярмарки Мускаври Ладога урамӗнче 2005 ҫулхи юпа уйӑхӗн 7-пе 9-мӗшӗчен ӗҫлӗ. Ярмаркӑна ял-хуҫалӑх ӗҫченӗсен кунӗ валли халалланӗ, ӑна "Раҫҫейри агропромышленность эрни" иртернӗ вӑхӑтра иртереҫҫӗ.

 

ЮПА
05

Хыпар
 Аçтахар Плотников | 05.10.2005 23:56 |

Ҫӗнӗ движок ҫине куҫма пуҫларӑмӑр. Пӗтӗмпех куҫарса пӗтереймен пулӗ пулсан та хӑш пӗр уйрӑмсем ӗҫлеҫҫӗ. Уйрӑмах Канашлӑва кайса пӑхма сӗнетпӗр. Унта эсир канашлӑвсене хутшӑнма пултаратӑр.

Каштахран кунта хыпарсене кӑларса тӑма пуҫлӑпӑр.

 

Персона
Cod21.ru порталти сӑн ӳкерчӗк
Cod21.ru порталти сӑн ӳкерчӗк

Чӑваш Енӗн шалти ӗҫсен министрне Сергей Неяскина республика умӗнчи «тава тивӗҫлӗ ӗҫсемшӗн» Михаил Игнатьев Элтепер орден медалӗпе наградӑлама йышӑннӑ. 58-мӗш номерлӗ паянхи хушӑва Чӑваш Енӗн влаҫ органӗсен порталӗнче вырнаҫтарнӑ.

Аса илтерер, полицин генерал-майорӗ Сергей Неяскин пирӗн республикӑна куҫиччен Сарӑту облаҫӗнче ШӖМре тӑрӑшнӑ. Сергей Неяскин Мӑкшӑ Республикинче 1959 ҫулта ҫуралнӑ. Вырӑнти патшалӑх педагогика институтӗнче, каярах Раҫҫей ШӖМӗн Чулхулари аслӑ шкулӗнче вӗреннӗ. Унтан вӑл ҫӗрте шалти ӗҫсен тытӑмӗнче ӗҫленӗ.

Ҫакна та аса илтерер: Чӑваш Енӗн ШӖМӗн унчченхи министрне Сергей Семенова та Чӑваш Ен умӗнчи тава тивӗҫлӗ ӗҫсемшӗн орден медалӗпе чысланӑччӗ.

 

Экономика
«Промтрактор» парӑмпа татӑласшӑн
«Промтрактор» парӑмпа татӑласшӑн

«Трактор савучӗсем» концерн ӗҫ укҫи парӑмне ҫулталӑк пуҫланиччен татма шантараҫҫӗ. Ырӑ хыпара предприятин пресс-служби пӗлтерет.

Сӑмах май, Чӑваш Енри тӳре-шара республикӑри тӗрлӗ организацире темиҫе уйӑх пуҫтарӑнса пынӑ ӗҫ укҫи парӑмне темиҫе кунта тӳлесе таттарасшӑннине Чӑваш халӑх сайчӗ пӗлтернӗччӗ.

Трактор савучӗсен пресс-релизӗнче ӑнлантарнине ӗненсен, концерн шалӑва тӳлеме ӑнтӑлни пысӑкрах шайрисем ҫине тӑнипе ҫыхӑннӑ. Унта: «Ку вӑл Раҫҫей Федерацийӗн, Внешэкономбанкӑн тата «Трактор савучӗсем» концернӑн ертӳҫисем пӗрле тӑрӑшнин кӑтартӑвӗ», — тесе ҫырнӑ. Вӗсем холдинга финанс енчен сыватассипе программа хатӗрленӗ-мӗн.

«Ҫулталӑк вӗҫӗччен эпир ӗҫ укҫин парӑмне пӗтӗмпех татӑпӑр. Компани счечӗ ҫине 675 миллион тенкӗ килчӗ», – ӑнлантарнӑ пулӑма концерн президенчӗ Михаил Болотин.

 

Страницӑсем: 1 ... 3879, 3880, 3881, 3882, 3883, 3884, 3885, 3886, 3887, 3888, [3889]
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (08.05.2025 03:00) тӗтреллӗ ҫанталӑк, атмосфера пусӑмӗ 745 - 747 мм, 7 - 9 градус ӑшӑ пулӗ, ҫил 1-3 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку тапхӑр сахал мар пӑшӑрхану илсе килӗ, кӑштах йӑнӑшма пултаратӑр. Тен, ҫывӑх ҫын умӗнче айӑпа туятӑр. Ӑнланманлӑх сирӗлтӗр тесен халӗ шӑпах чуна уҫса калаҫмалли вӑхӑт. Ӗҫре йӑнӑшсан яваплӑхран пӑрӑнма ан тӑрӑшӑр. Йӑнӑша йышӑнӑр, вара ҫивӗч ыйтӑва татса паратӑр.

Ҫу, 08

1833
192
Шпилевский Сергей Михайлович, Атӑл тӑрӑхӗнчи археологине, авалхи историне тӗпченӗ вырӑс историкӗ ҫуралнӑ.
1931
94
Адрианов Николай Константинович, пӗрремӗш чӑваш тухтӑрӗ ҫут тӗнчерен уйрӑлса кайнӑ.
1940
85
Фандеев Георгий Егорович, чӑваш кӗвӗҫи, Чӑваш Республикин тава тивӗҫлӗ культура ӗҫченӗ ҫуралнӑ.
1977
48
Мокеев Матвей Васильевич, патшалӑх тата общество ӗҫӗн паллӑ ӗҫченӗ вилнӗ.
1990
35
Цаплина Раиса Ионовна, чӑваш чӗлхи тӗпчевҫи ҫут тӗнчерен уйрӑлса кайнӑ.
2005
20
Ҫӗнӗ Пӑвара историпе тӑван ен тата этнографии музейне уҫнӑ.
Пулӑм хуш...Пулӑм хуш...