freepik.com сайтри сӑн

Юстици ӗҫӗсен Патшалӑх служби кӑҫал ачасене ытларах мӗнле ят хунисене тишкернӗ.

Ҫулталӑк пуҫланнӑранпа ашшӗ-амӑшӗ арҫын ачасене ытларах ҫак ятсене панӑ: Матвей, Михаил, Роман, Иван, Марк, Лев, Александр, Илья, Артем тата Дмитрий. Хӗрачасене вара ытларах ҫак ятсене хунӑ: София, Ева, Мария, Анна, Полина, Мирослава, Екатерина, Александра, Варвара тата Ксения.

Паллах, сайра тӗл пулакан ятсем те пур. Ҫулталӑк пуҫланнӑранпа арҫын ачасене сайра панӑ ятсен хушшинче Петр, Серафим, Арслан, Иоанн тата Ермак пулнӑ. Хӗрачасен хушшинче вара ҫак ятсем сайра тӗл пулаҫҫӗ: Эвелина, Афина, Камила, Лия тата Виталина

skomorohi.su сайтри сӑн

Нарӑс уйӑхӗнче Чӑваш Енре 300 ытла мӑшӑр пӗрлешме палӑртнӑ. Хӑш кун ытларах пӗрлешни паллӑ ӗнтӗ: Юратакансен кунӗнче. Ҫак кун 58 мӑшӑр ҫырӑнӗ.

44 мӑшӑр нарӑсӑн 26-мӗшӗнче пӗрлешме палӑртнӑ, нарӑсӑн 20-мӗшӗнче – 29 мӑшӑр.

Палӑртмалла: 256 мӑшӑр заявление ансат та ҫӑмӑл мелпе – «Госуслуги» портал урлӑ – панӑ.

pravdapfo.ru сӑнӳкерчӗкӗ

Шупашкарта пӗлтӗр преступлени тӑвасси унчченхи ҫулхинчен 14,9 процент таран чакнӑ.

10 пин ҫын пуҫне Шупашкарта пӗлтӗр 105,5 преступлени тунӑ, ку вӑл унчченхи ҫултинчен 18,5 пункт чакнине пӗлтерет. Пӗтӗмпе вара 5340 преступление шута илнӗ.

Ҫын вӗлерекенсене, ҫынна нушалантаракансене, мӑшкӑллакансене, ҫул-йӗр правилине тата миграци саккунне пӑсакансене, экстремистла ӗҫ тӑвакансене тата ытти хӑш-пӗр енӗпе преступлени тӑвакансене тупса палӑртасси 100 процентпа танлашнӑ-мӗн.

istockphoto.com сайтри сӑн

Кӑҫалхи кӑрлач уйӑхӗн 1-мӗшӗнчи статистика ҫапларах: республикӑра ҫак кун 13 ача ҫут тӗнчене килнӗ. Вӗсенчен 7-шӗ – арҫын ача, 6-шӗ – хӗрача.

Пӗр ҫемьере вара йӗкӗреш ҫуралнӑ: икӗ арын ача. Аса илтеретпӗр: кӑҫалхи пӗрремӗш ача Канашра ҫуралнӑ. Вӑл ҫур ҫӗр иртни 22 минутра кун ҫути курнӑ. Вӑл – арҫын ача, 4066 грамм таять, 54 сантиметр ҫӳллӗш.

culture.cap.ru сӑнӳкерчӗкӗ

Чӑваш Енри аслӑ шкулсенче, колледжсенче, шкулсенче 58 ют ҫӗршывран килнӗ 4 пине яхӑн ҫамрӑкпа ача-пӑча вӗренет. Кун пирки республикӑн вӗренӳ министрӗн ҫумӗ Максим Гришин Нацисемпе конфессисем хушшинчи канашӑн ларӑвӗнче пӗлтернӗ.

Студентсене илсен пирӗн патӑмӑра ытларах Индинчен, Туркменистанран, Ирантан, Мароккаран, Египетран тата ытти хӑш-пӗр ҫӗршывран килеҫҫӗ. 2700 ытла ҫамрӑк Чӑваш патшалӑх университетӗнче вӗренет.

«Контактра» халӑх тетелӗнчи сӑн

Чӳк уйӑхӗнче Чӑваш Енре ҫемье ҫавӑракансем нумай пулӗҫ. Ку ҫав уйӑхра хитре янӑракан кунсем пуррипе ҫыхӑннӑ.

Чӳк уйӑхӗнче республикӑра 400 яхӑн ҫемье чӑмӑртанӗ. Ытларахӑшӗ хитре кун суйланӑ: чӳкӗн 25-мӗшӗ (25.11.25) тата чӳкӗн 15-мӗшӗ (15.11.25).

Аса илтерер: юпа уйӑхӗнче республикӑра 400 ытла ҫемье чӑмӑртаннӑ.

culture.ru сайтри сӑн

Статистика Чӑваш Енре ВИЧпа ытларах камсем чирленине палӑртнӑ: арҫынсем тата хулара пурӑнакансем.

Хальхи вӑхӑтра республикӑра ВИЧ-инфекциллӗ 3483 ҫын пулнине палӑртнӑ. Вӗсенчен чылайӑшӗ – арҫынсем тата хуласенче пурӑнакансем.

ВИЧ ытларах ар ҫыхӑнӑвӗ урлӑ ернине палӑртнӑ. Унсӑр пуҫне наркотикпа айкашакансен йышӗнче чирлисем пур.

Иртнӗ уйӑхра кӑна 15 ҫынна шута илнӗ. Ку йышра - Ҫӗнӗ Шупашкарта, Шупашкарта, Ҫӗрпӳ тата Элӗк округӗсенче пурӑнакансем.

vectorstock.com сайтри сӑн

Ведомствӑсен хушшинчи пӗрлехи информаципе статистика системи хӑш регионта ытларах эрех ӗҫнине тишкернӗ. Чӑваш Енре «хаяр шӗвеке» нумайрах ӗҫме пуҫланине палӑртнӑ.

Кӑҫалхи авӑн уйӑхӗнчи даннӑйсене илес тӗк, Раҫҫейри ҫын ҫулталӑкра 7,84 литр этанол ӗҫет. Чӑваш Енре ҫак тапхӑрта статистика ҫапларах: пӗр ҫын пуҫне 9,33 литр этанол ӗҫнӗ. Кӑҫал кӑрлачра ку 8,71 литрпа танлашнӑ. Ҫапла майпа кӑҫалхи 9 уйӑхра пирӗн регион Раҫҫейре эрех ӗҫесси ӳснипе пӗрремӗш вырӑн йышӑннӑ.

Чи сахал ӗҫекен регион – Чечня. Пирӗн кӳршӗ республикӑсене илес тӗк, Чӑваш Енрен ытларах Мари Эл этанолпа туслӑ-мӗн.

cap.ru сайтри сӑн

Ку уйӑхри хитре кунсенче республикӑра 500 ытла ҫемье чӑмӑртанӗ. 400-шӗ заявление «Госуслуги» портал урлӑ панӑ.

Ытларахӑшӗ юпа уйӑхӗн 25-мӗшне суйланӑ, вӑл хитре янӑрать: 25.10.2025. Ҫак кун 90 мӑшӑр пӗрлешӗ. Юпа уйӑхӗн 10-мӗшӗнче вара (10.10.2025) 58 ҫемье чӑмӑртаннӑ.

Сӑмах май, пӗлтӗр юпа уйӑхӗнче 400 ытла мӑшӑр пӗрлӗшнӗ.

rsl.ru сайтри сӑн

Статистика кӑтартнӑ тӑрӑх, юлашки вӑхӑтра Чӑваш Енре пурӑнакансем ытларах электронлӑ кӗнеке туянма пуҫланӑ. Ҫакна кӗнеке лавккисен тата цифра сервисӗсен кӑтартӑвӗсем ҫирӗплетеҫҫӗ.

Кӑҫалхи 8 уйӑхра электронлӑ кӗнекен вулакансен йышӗ, пӗлтӗрхи ҫак тапхӑрпа танлаштарсан, самай ӳснӗ: 57% ытларах.

«Строки» кӗнеке сервисӗ акӑ мӗнле статитистикӑпа паллаштарнӑ: Чӑваш Енре пурӑнакансем ытларах юрату романӗсем, классика литературин хайлавӗсене тата детективсем вулама юратаҫҫӗ иккен.