|
Хулара
 "Контактри" сӑн Полици уйрӑмне Шупашкарти суту-илӳ центрӗнче смарт-сехет вӑрлани пирки пӗлтернӗ. Вырӑна Порш ятлӑ овчаркӑпа кинолог ҫитнӗ. Йытӑ шӑршӑ туйса ҫийӗнчех йӗр ҫине ӳкнӗ, кофейньӑна илсе ҫитернӗ. Унта смарт-сехете вӑрлама пултарнӑ икӗ ҫамрӑка тупнӑ. Вӗсем - Самар хулинчен. Ҫак ҫамрӑксем кӗске вӑхӑтра темиҫе лавккара вӑрлама ӗлкӗрнӗ иккен: сехет, пылесос, колонка, куртка... Пӗтӗмпе – 60 ытла пин тенкӗлӗх. Вӗсем тӗлӗшпе пуҫиле ӗҫ пуҫарнӑ. Вӑрланӑ япаласене вара хуҫисене тавӑрса панӑ. Хыпар ҫӑлкуҫӗ:
|
|
Хулара
 Вера Иванова сӑнӳкерчӗкӗ Паян Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрти стационар уйрӑмӗнче пурӑнакан книмемисемпе мучисене сӑн ӳкернӗ. «Сӑнӳкерчӗк — ҫын кӑмӑлне лайӑхлатма пулӑшакан мелсенчен пӗри. Анчах ватӑсенчен чылайӑшӗ хӑйне хитре мар тесе шухӑшлать, тискер тесе хурлакансем те пур. Пирӗн тӗллевӗмӗр вӗсене урӑхла шухӑшлама пулӑшасси пулчӗ. Кашни ҫынах хӑйне май илемле те илӗртӳллӗ. Ҫитменнине тата хитре ҫын ватӑлсан та хитрипех юлать», — тесе шухӑшлать социалла центрӑн пресс-секретарӗ Вера Иванова. Ватӑсене портрет жанрӗпе ӳкернӗ. Ҫӑвна май кашни ҫыннӑн шалти кӑмӑл-туйӑмӗ тата аванрах, тарӑннӑнрах курӑнать тесе палӑртать центрӑн пресс-секретарӗ. 85 ҫулти Вениамин Папченкӑна вара чӳрече умӗнче те сӑн ӳкерсе илнӗ. Вӑл нумай вулама юратать, чуна тата ӳт-пӗве лӑплантармалли техникӑсене пӗлет. Хыпар ҫӑлкуҫӗ:
|
|
Хулара
 "Контактри" сӑн Шупашкарти аэропортра ҫӗнӗ арт-обьект вырнаҫтарнӑ. Вӑл –телескоп. Ахальтен мар. Аэропорта Андриян Николаев космонавт ятне панӑ. Халӗ рейс кӗтсе ларакансем оптика приборӗн обьективӗнче Уйӑх пирки видеороликсем курма, ун умӗнче сӑн ӳкерӗнме пултараҫҫӗ. Аса илтерер: аэропорта 2021 ҫулта ҫӗнетме тытӑннӑ. Юсав ӗҫӗсен пӗрремӗш тата иккӗмӗш тапхӑрӗсем вӗҫленнӗ. Кӑҫал виҫҫӗмӗш тапхӑр пуҫланмалла. Хыпар ҫӑлкуҫӗ:
|
|
Хулара
 Шупашкар хулинче килсӗр-ҫуртсӑр, пӗр документсӑр-мӗнсӗр ҫынна паспорт туса панӑ, кӗҫех ӑна интерната вырнаҫтарӗҫ. Килсӗр-ҫуртсӑр, пӗр документсӑр ҫын кӑҫалхи кӑрлач уйӑхӗн вӗҫӗнче Шупашкарти пульницӑсенчен пӗрне лекнӗ. Тухтӑр пулӑшӑвӗ кирлӗ ҫынна урама кӑларса яраймӑн. Унтисем Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центра пӗлтернӗ. Арҫынна халӗ паспорт туса панӑ. Документа туса пама Шалти ӗҫсен министерствин Миграци ыйтӑвӗпе ӗслекен управленийӗ пулӑшнӑ, патшалӑх пошлинине тӳлеме чиркӳ укҫа уйӑрса панӑ. Хыпар ҫӑлкуҫӗ:
|
|
Хулара
 "Контактри" сӑн Шупашкарти Дмитрий Князев социаллӑ контрактпа усӑ курса хӑйӗн ӗҫне пуҫарнӑ – чехол тата накладка ҫӗлемелли автоателье уҫнӑ. Патшалӑх уйӑрнӑ укҫапа вӑл машинка, оверлок, материал туяннӑ. Унӑн мастерскойӗнче халӗ машинӑри ларкӑчсем валли чехол, йывӑр тиевлӗ машина валли кавир ҫӗлеҫҫӗ. Саккассем Чӑваш Енрен кӑна мар, ытти регионтан та пур. Ку кӑна мар-ха, вӑл маркетплейсра лавкка уҫса таварне унта сутать. Сӑмах май, кун пек пулӑшӑва «Ҫемье» наци проекчӗпе килӗшӳллӗн параҫҫӗ. Хыпар ҫӑлкуҫӗ:
|
|
Хулара
 «Чеб.ру» сайтри сӑн Кӗҫех Шупашкартан Ҫӗнӗ Шупашкара ҫӳрекен 61-мӗш троллейбус ҫула тухӗ. Ку нарӑсри уяв кунӗсенче пуласса шантарать тӳре-шара. Хальлӗхе троллейбуссем обкатка тӑваҫҫӗ, водительсем стажировка тухаҫҫӗ. 61-троллейбус Шупашкарти Гладков урамӗнчен Трактор тӑвакансен проспекчӗпе кайса Ҫӗнӗ Шупашкарти «Иваново» микрорайона ҫитӗ. Маршрут ҫинче пӗтӗмпе 16 транспорт пулӗ. Сӑмах май, унччен ку маршрут пуш уйӑхӗн 1-мӗшӗнче ӗҫлеме пуҫлассине пӗлтернӗччӗ. Хыпар ҫӑлкуҫӗ:
|
|
Хулара
 zivil.cap.ru сайтри сӑн Шупашкарти ҫамрӑк воспитательница, 28 ҫултискер, ултавҫӑсен аллине лексе 1,2 миллион тенкӗ ҫухатнӑ. Кӑрлач пуҫламӑшӗнче вӑл тӗнче тетелӗнче арҫынпа паллашнӑ. Вӑл хӑй Самарӑра ҫуралса ӳснӗ, Финляндире пурӑнать имӗш. Хайхискер хӗрарӑма инвестицие укҫа хывса тупӑш тума сӗннӗ. Арҫын хӑй ҫапла ӗҫлесе илнине ӗнентернӗ. Воспитательница, икӗ ача амӑшӗ, аппӑшӗнчен кивҫен, банкран кредит илсе укҫана лешӗ каланӑ счет ҫине куҫарнӑ. Кайран, пӗр уйӑхран, хӗрарӑм укҫана каялла илме тӑнӑ та ултавҫӑ серепине лекнине ӑнланнӑ. Ку тӗслӗх тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
|
Хулара
 oren.aif.ru сайтри сӑн Шупашкарти 53-мӗш шкула карантина хупнӑ. Унти пӗтӗм ача дистанци мелӗпе килтен вӗренӗ. Ку – ОРВИе пула. Чир сарӑлнӑран хулари 14 шкулти 28 класа карантина янӑ. Палӑртмалла: иртне эрнере 3396 ҫын ОРВИпе чирленӗ. Ун умӗнхи эрнепе танлаштарсан, ку 12,8 процент нумайрах. Иртнӗ эрнере 19 ҫын гриппа чирленӗ. Ҫулталӑк пуҫланнӑранпа - 73 ҫын. Вӗсенчен 33-шӗ – 17 ҫул тултарман ачасем. Хыпар ҫӑлкуҫӗ:
|
|
Хулара
 Павлов мичман урамӗнчи 26-мӗш ҫурт ҫывӑхӗнчи ҫуртра пурӑнакан ҫынсем тунӑ сӑн Шупашкарта темиҫе кун каялла ҫурҫӗр-хӗвеланӑҫ районӗнче «Водоканал» ӗҫченӗсем канализаци люкне аннӑ чухне ҫӗленсене асӑрханӑ. Ҫывӑхри ҫуртсенче пурӑнакансем каланӑ тӑрӑх, вӗсем унтан хурӑн пуҫлӑ икӗ ҫӗлен тата хура ҫӗлен кӑларнӑ та йывӑҫ ҫине ҫакса хунӑ. Кайран вӗсене урам шӑлакан пуҫтарнӑ. Ҫапах ҫынсем ҫӗленсене сӑн ӳкерсе юлнӑ. «Про Город» хаҫат пӗлтернӗ тӑрӑх, кӑрлачӑн 28-мӗшӗнче ҫав ҫурт ҫывӑхӗнче каллех хура ҫӗлен выртнӑ. Анчах – вилнӗскер. Хыпар ҫӑлкуҫӗ:
|
|
Хулара
 chgtrk.ru сайтри сӑн Ыран Шупашкарта 1-мӗш маршрутпа вӗр ҫӗнӗ троллейбуссем ҫӳреме тытӑнӗҫ. ЧР Элтеперӗ Олег Николаев пӗлтернӗ тӑрӑх, маршрутри транспорта тӗпрен улӑштарнӑ. Троллейбуссене пӗлтӗр юпа уйӑхӗнче «Хӑрушсӑр паха ҫулсем» наци проекчӗпе килӗшӳллӗн субсидии лизингӗпе илнӗ. Пӗтӗмпе 40 троллейбус туяннӑ. 1-мӗш маршрут – чи вӑрӑммисенчен пӗри. Унпа нумай ҫын усӑ курать. Ҫулталӑкне вӑтамран 10 миллион ытла ҫын ҫӳрет. Хыпар ҫӑлкуҫӗ:
|
+6.3 °C