Пирӗн хушӑмӑрта темле ҫын та пур. Шупашкарти Илпек урамӗнчи
7/2-мӗш ҫурта пурӑнакансем хушшинче каяша чӳречерен перекенсем те пур иккен.
Асӑннӑ общежитире пурӑнакан пӗр хӗрарӑм пӗлтернӗ тӑрӑх, туалета каяс вырӑнне пластик савӑтпа усӑ кураҫҫӗ, униан ӑна урамалла переҫҫӗ.
Ҫав кӗленче аялта вырнаҫнӑ лавкка ҫивиттийӗ ҫинче йӑваланса выртать.
Общежитире пурӑнакансем тасатма ыйтсан та лавккарисем итлемеҫҫӗ-мӗн.
Шупашкар хула администрацийӗ Граждан урамӗнчи 92-мӗш ҫуртри муниципалл а пӗр хваттерте пурӑнакан арҫынна хваттертен кӑларса яма ыйтса суда тавӑҫпа тухнӑ.
Хваттерте пурӑнакан арҫын хваттере йӑлари тӗрлӗ каяшпа тултарса лартнӑ, унта тирпейсӗр пулнӑ, обойсем ҫӗтелсе пӗтнӗ, таракансем ӗрчесе кайнӑ. Аялти хутра пурӑнакан кӳршисем те ӑна пула шар курнӑ — ун хваттерӗнчен юхса тухнӑ шыв вӗсене сиен кӳнӗ.
Арҫынна шавланӑшӑн, кӳршисене лӑпкӑ пурӑнма кансӗрленӗшӗн пурӗ 320 хутчен административлӑ майпа явап тыттарнӑ. Ҫынсене вӑл вӗлерессипе хӑратнӑ, хваттерӗнче ют ҫӗршыв ҫыннисене регистрациленӗ.
Унта регистрациленне амӑшӗпе хӗре унта пурӑнайман. Ӗҫме юратакан арҫын пррехинче хӗре картлашка ҫинчен сирпӗнтерсе антарса янӑ, пуҫӗпе стенана ҫапнӑ.
Чӑваш Енри патшалӑхӑн ҫул-йӗр хӑрушсарлӑхӗн инспекторӗсем пӗр кунта ҫеҫ мар, икӗ сехетре икӗ хутчен пӗр ҫынна ӳсӗрле руль умӗнче тытса чарнӑ.
Ҫул-йӗр патрулӗн службин ятарлӑ батальонӗ пӗр каҫхине Палтай ялӗнче шурӑ тӗслӗ Hyundai Solaris машинӑна чарма тӑнӑ. Анчах 63 ҫулти чарӑнма тӑман, вырӑнтан тапса сикнӗ. Анчах нумай каяйман, машинӑна чарнӑ. Водитель суран тарма та хӑтланнӑ, анчах май килмен. Алкотестерпа тӗрӗсленӗ те вӑл ӳсӗрри палӑрнӑ.
Автомобиле штрафстоянкӑна ӑсатнӑ, хӑйӗн тӗлӗшпе протокол ҫырнӑ.
Тепӗр икӗ сехетрен ҫав арҫынна хӗрлӗ тӗсле Renault машина рулӗ умӗнче тытса чарнӑ. Иккӗмӗш машинӑна та штрафстоянкӑна ӑсатнӑ.
с
Хӗрлӗ Чутай районӗнче пурӑнакан пӗр хӗрарӑм хӗрне ҫӳҫрен сӗтӗрнӗ, ӑна хӗненӗ, ятран та чӗнмен.
Чи ҫывӑх икӗ ҫын хушшинче пӑтӑрмах, тӗпрен илсен, 57-ри хӗрарӑм эрех ӗҫме юратнӑран пӗрмай сиксе тухнӑ. 14-ри хӗрачана амӑшӗ ӳсӗрри килӗшмен, вӑл ҫавӑншӑн тарӑхнӑ, амӑшне ҫавӑн пирки куҫранах каланӑ. Хӗрарӑма ҫавӑ кӑмӑлсӑрлантарнӑ, вӑл хӗрне ҫӳсрен ярса илме юратнӑ, хӗненӗ.
Халӗ хӗрача опекун патӗнче пурӑнать. Хӗрарӑма 3 ҫул та 6 уйӑхлӑха тӗрмене хупса хумасӑр ирӗкрен хӑтарма, сӑнав вӑхӑтне 3 ҫуллӑха палӑртнӑ. Хӗрне кӑмӑл-сипет тӗлӗшӗнчен сиен кӳнӗшӗн 1суд хӗрарӑма 0 пин тенкӗ укҫа тӳлеттерме йышӑннӑ.
Шупашкарта пурӑнакан пӗр хӗрарӑм перле пурӑннӑ раҫынна ҫӗҫӗпе чиксе вӗлернӗ. Пӑтармах утӑ уйӑхӗн 3-мӗшӗнче пулса иртнӗ. 46 ҫулти хӗрарӑм тӗлӗшпе йӗрке хуралҫисем халӗ пуҫиле ӗс пуҫарнӑ.
Тӗпчевҫӗсем палӑртнӑ тӑрӑх, утӑ уйӑхӗн 3-мӗшӗнчи каҫхине арҫынпа хӗрарӑм эрех ӗҫнӗ. Унтан иккӗшӗ хирӗҫсе кайна, хӗрарам алла ҫӗҫе ярса илнӗ те унпа 5 хутран кая мар чикнӗ.
Йывӑр суранланнӑ арҫын кӑштахран вилсе кайнӑ.
Шупашкар районӗнчи Ҫӗнӗ Тутаркассинче 32 ҫулти хӗрарӑм хӑйӗн тусӗн машинине чӗрсе пӗтернӗ.
Пӑтӑрмах пӗлтӗрхи кӑрлач уйӑхӗнче пулса иртнӗ. Ҫав кунхине 32 ҫулти хӗрарӑм ӳсӗр пулнӑ. Хӑйӗн хӗр тусӗ пулнӑ хӗрарӑмӑн «Kia Seltos» машинине вӑл посёлокри пӗр урамра асӑрханӑ.
Унччен икӗ хӗрарӑм хушшинче тавлашу сиксе тухнӑ. Вӗсем пӗр арҫынна пайлайман. Кӗвӗҫӗве пула икӗ тус хушшинчен хура кушак каҫса кайнӑ.
Машинӑна курсан хӗрарӑм ал айне лекне япалапа чӗрсе пӗтернӗ. Шӑмӑрлӑх 68 пин тенкӗпе танлашнӑ.
Халӗ ку ӗс тӗлӗшпе суд пулнӑ. Тусне сӑтӑр тунӑ хӗрарӑмӑн тӑкака укҫан саплаштарма тивӗ.
Шупашкарти Кӑнтӑр-хӗвеланӑҫ бульварӗнчи ҫуртсенчен пӗрин картишӗнче ҫу уйӑхӗн 14-мӗшӗнче арҫын виллине тупнӑ. Ҫавӑн хыҫҫӑн РФ Пуҫиле кодексӗн 105-мӗш статйин 1-меш пайӗпе пуҫиле ӗҫ пуҫарнӑ.
Йӗрке хуралҫисем ҫын вӗлернӗ этеме тытса чарнӑ. Вӑл арҫыннӑн пӗлӗшӗ пулнӑ. Иккӗшӗн хушшинче ӑнланманлӑх сиксе тухнӑ та ҫӗҫӗ ярса илсе темиҫе хутчен чикнӗ. Унтан вӑл ҫав вырӑнтан пӑрӑнса кайнӑ. Алла ҫӗҫӗ ярса илни ӳсӗр пулнӑ. Шар курни йывӑр сурана пула ҫавӑнтах куҫне ӗмӗрлӗхе хупнӑ.
Шупашкар хулинче пӗр хӗрарам ҫын машинипе ҫула тухас тенӗ.
Хӗвелле бульварти картишсенчен пӗринче руль ӳсӗр хӗрарӑм ларнине куракан тупӑннӑ. Пӑтӑрмах пирки хайхи ҫийӗнчех йӗрке хуралҫисене систернӗ.
Вырӑна пырса ҫитнӗ патшалӑхӑн ҫул-йӑрушсӑрлӑхӗн автоинспекторӗсем «Фольксваген Тигуан» румӗнчи ӳсӗр хӗрарӑма тытса чарнӑ. Ҫав хӗрарӑмпа машини хуҫи алкомаретсенчен пӗринче паллашнӑ. Арҫын ҫӗнӗ тусне киле йыхравланӑ, пӗрле эрех ӗҫнӗ хыҫҫӑн кил хуҫи ҫывӑрса кайнӑ. Вара хӑна (хӑйӗн водитель прави 2019 ҫултах тухнӑ) кил хуҫин машинине чӗртсе ҫула тухас тенӗ.
Сӗнтӗрвӑрри тӑрӑхӗнче патшалӑхӑн ҫул-йӗр хӑрушсӑрлӑхӗн инспекторӗсем ҫулпа пынӑ чухне пӗр трактора асӑрханӑ.
Анатри Кушмара ялӗнче экипажа хирӗҫ мини-трактор сиксе тухнӑ. Ҫивӗч куҫлӑ инспекторсем тракторист хӗрӗнкине тӳрех сиснӗ.
Чӑнкасси ялӗнче пурӑнакан 63 ҫудлти арҫын ике ҫул каялла хӗрӗнкӗ пуҫпа пӗрре ҫакланнӑ-мӗн, халӗ вӑл каллех ӗҫне пуҫпа руль умнк ларнӑ.
Хӗрлӗ Чутай районӗнчи Ҫӗмӗрле ялӗнче пурӑнакан арҫын эрех ӗҫсен руль умне ларма юратать. Нумаях пулмасть ӑна патшалӑх автоинспекцийӗн экипажӗ асӑрханӑ. Вӑл мотоблокпа пынӑ. Эрех ӗҫнипе ӗҫменнине тӗрӗсленме вӑл килӗшмен, унӑн водитель прави те нихӑҫан та пулман-мӗн.
45-ри арҫын унччен те ӳсӗрле руль умне ларнӑ. Маларах ӑна мопедпа пынӑ чухне тытса чарнӑ. Ун чухне ӑна административлӑ майпа явап тыттарса 10 талӑклӑха хупса хунӑ. Хальхинче пуҫиле ӗҫ пуҫарнӑ.
-8.7 °C