Чӑваш Енре пулӑҫ кимӗ ҫинче ҫывӑрса кайнӑ та Атӑл тӑрӑх ишнӗ. Вӑл ӳсӗр пулнӑ.
Утӑ уйӑхӗн 28-мӗшӗнче «Куславкка» ҫӑлав станцине Атӑл тӑрӑх кимӗ ишни пирки шӑнкӑравласа пӗлтернӗ. Ҫынсем курнӑ тӑрӑх, унта никам та ҫук.
Ҫӑлавҫӑсем кимӗ патне ишсе пынӑ, ҫыран хӗррине илсе тухма шутланӑ. Ҫитсен пӑхнӑ та – кимӗ ҫинче пулӑҫ ҫывӑрать. Вӑл ӳсӗр пулнӑ.
Ҫыран хӗрринче пулӑҫ тӑна кӗнӗ. Вӑл каласа кӑтартнӑ тӑрӑх, эрех ӗҫнӗ те тӗлӗрсе кайнӑ. Ӑна киле ӑсатнӑ.
«Шурӑ чулсем» база патӗнче, Атӑл юханшывӗнче, кимӗ ҫаврӑнса ӳкнӗ. Унта пулнӑ пӗр ҫын ҫыран хӗрринелле ишнине иртен-ҫӳрен асӑрханӑ та ҫӑлавҫӑсем патне шӑнкӑравланӑ.
Ку хыпар вӗсем патне утӑ уйӑхӗн 27-мӗшӗнче 12 сехет те 15 минутра ҫитнӗ. Малтанлӑха пӗлтернӗ тӑрӑх, кимӗре Мари Элти 3 ҫын пулнӑ. Вӗсенчен иккӗшӗ хыпарсӑр ҫухалнисен шутӗнче. Икӗ республика ҫӑлавҫисем вӗсене шыраҫҫӗ.
Аса илтерер: Сӑр юханшывӗнче ҫамрӑк арҫын путса вилнӗччӗ. Унӑн виллине 3 кунран тупнӑ.
Шупашкарта пурӑнакан пӗр ҫемье ҫак кунсенче тӑван тӗпренчӗкне чутах ҫухатман. Пӑтӑрмах ҫӗртме уйӑхӗн 16-мӗшӗнче 15 сехет те 35 минутра пулнине «Ҫыхӑнура» форумра паян пӗлтернӗ.
Шупашкарти Тӗп пляжн сылтӑм енче 10 ҫулти ача шӑтӑка лекнӗ, путма пуҫланӑ. Инкек пирки ҫӑлавҫӑсене хӗрачан амӑшӗ пӗлтернӗ. Вӗсем ачана шывран туртса кӑларнӑ.
Ҫӗртме уйӑхӗн 18-мӗшӗ тӗлне илсен пирӗн республикӑра шыва путса 6 ҫын вилнӗ, ҫав шутра икӗ ача пурнӑҫӗ татӑлнӑ. Вӑрнар районӗнче 6 ҫулхи арҫын ача велосипедпа пӗве ҫывӑхӗнче ярӑннӑ чух шыв кӗрсе ӳкнӗ, ҫӗртмен 7-мӗшӗнче Шупашкарти Афанасьев урамӗ тӗлӗнчи пляжра 14-ри яш Атӑла путнӑ.
Паян 13 сехет ҫурӑра Шупашкарти Ярмӑрккӑ урамӗнче иртсе ҫӳрекен ҫынсен, ахӑртнех, сехри хӑпнӑ. Ара, унта чӳречерен ҫамрӑк тухнӑ та стенаран мӑкӑрӑлса тӑракан вырӑнта тӑнӑ. Ку улттӑмӗш хут ҫӳллӗшӗнчен пулса иртнӗ.
Вырӑна ҫӑлавҫӑсем, пушарнӑйсем килнӗ. Вӗсем пусмапа усӑ курса ун патне хӑпарнӑ. Пушарнӑйсем ҫамрӑка каялла хваттере чӳречерен кӗме пулӑшнӑ.
Мӗн тӗллевпе тухнӑ вӑл унта? Паллӑ мар. Ӗҫ-пуҫа уҫӑмлатаҫҫӗ.
Ҫу уйӑхӗн 30-мӗшӗнче Шупашкарта ашшӗ-амӑшӗ ҫӑлавҫӑсенчен пулӑшу ыйтнӑ. Вӗсен ывӑлӗ пӳрнине вылямалли машина ӑшне хӗстерсе лартнӑ. Ӑна аслисем те кӑларайман.
Ашшӗ-амӑшӗ каланӑ тарӑх, арҫын ача машинӑпа вылянӑ чухне пӳрнине пӑрӑх ӑшне чикнӗ. Пӳрне хӗсӗнсе ларнӑ, ниепле те тухман.
Ашшӗ-амӑшӗ ачине пулӑшма хӑтланнӑ, анчах ывӑлӗн сывлӑхӗшӗн пӑшӑрханнипе ҫӑлавҫӑсенех чӗннӗ. Ҫӑлавҫӑсем «Умелец» набор пулӑшнипе ачан пӳрнине ирӗке кӑларнӑ.
Республикӑн шыравпа ҫӑлав службин ӗҫченӗсен темле лару-тӑрури ҫынна та пулӑшма тивет. Ҫу уйӑхӗн 15-мӗшӗнче, сӑмахран, Алькеш поселокӗнче «ВАЗ-2114» автомобиль бетон юпа ҫине пырса кӗнӗ. Водитель автомбильте хӗсӗнсе ларнӑ. Инкек вырӑнне ҫӑлавҫӑсем пырса ҫитнӗ. Вӗсем «Спрут» гидроинструмент пулӑшнипе водителе салонтан кӑларма пулӑшнӑ, унтан васкавлӑ медицина тухтӑрсем арҫынна пульницӑна илсе кайнӑ.
Маларах тата, ака уйӑхӗн 13-мӗшӗнче, 20 сехетре пӗр хӗрарӑм Республикӑн шыравпа ҫӑлав службине шӑнкӑравланӑ. Вӑл пӳрни шыҫса кайнине, ҫӗрре хывайманнине пӗлтернӗ. «Умелец» хатӗр пулӑшнипе ҫӗрре хывма май килнӗ.
Чӑваш Енре арҫын кимӗпе кайнӑ та утрав патӗнчен тухайман. Кимӗ чарӑнса ларнӑ та тапранман.
Ку ҫу уйӑхӗн 14-мӗшӗнче Смолкинск утравӗнче пулнӑ. Оперативлӑ дежурнӑй пулчӗ ҫине хыпар ҫитнӗ: арҫын утравран хӑй тӗллӗн тухаймасть, унӑн киммин моторӗ чарӑнса ларнӑ.
Ҫӑлавҫӑсем вырӑна ҫийӗнчех ҫитнӗ. Вӗсем кимме туртса килнӗ, арҫынна та хӑварман – вӑл та пӗрлех пынӑ.
Ҫӗмӗрле районӗнче арҫын кӑмпана кайнӑ та киле кайма ҫул тупайман. Ӑна ҫӑлавҫӑсем шыранӑ. Тупнӑ. Теле, арҫын сывах.
Ленин Ҫулӗ поселокӗнче пурнӑканскер ҫу уйӑхӗн 5-мӗшӗнче кӑмпана кайнӑ та киле таврӑнман. Ҫу уйӑхӗн 7-мӗшӗнче кӑнтӑрла кун пирки «Лиза Алерт» шырав отрячӗн хастарӗсене пӗлтернӗ. Арҫыннӑн хӑйӗнпе пӗрле шӑрпӑк та, апат та, шыв та пулман.
Вӑл ҫухалнӑ кунсенче ҫӗрле 5 градус ҫеҫ ӑшӑ тӑнӑ, ҫумӑр ҫунӑ. Арҫын ҫухалнӑ вырӑнта ҫыхӑну та пулман. Ҫу уйӑхӗн 8-мӗшӗнче ҫур ҫӗр иртни 2 сехетре арҫынна тупнӑ. 63 ҫултискере васкавлӑ медпулӑшу илсе кайнӑ.
Шупашкарта ҫӑлавҫӑсем 7 хутри балкон ҫинче ҫакӑнса тӑракан арҫынна пулӑшнӑ. Пӑтӑрмах Пролетари урамӗнче пулса иртнӗ. Арҫынна ҫӑлнӑ хыҫҫӑн медицина пулӑшӑвӗн бригадине панӑ.
Арҫын балкон ҫинче ҫакӑнса тӑни ҫинчен тата вӑл персе анма пултарасси пирки пӗлсенех ҫӑлавҫӑсем унталла ҫул тытнӑ.
Чӑваш республикин шыравпа ҫӑлав службин пресс-служби пӗлтернӗ тӑрӑх, инкеке лекнӗ ҫынна пулӑшма А. Данилов, А. Шатаев, В. Давыдов ҫӑлавҫӑсем кайнӑ.
Арҫынна пулӑшма пушар пусми кӑна мар, альпинист хатӗрӗсем те кирлӗ пулнӑ. Ведомство пӗлтернӗ тӑрӑх, пулӑшу ҫитнӗ хыҫҫӑн та арҫын анма васкаман — ӑна ӳкӗтлеме тивнӗ.
Шупашкарта арҫын пысӑк вольтлӑ юпа ҫине хӑпарса ларнӑ та тем пек ӳкӗтлесен те анма килӗшмен. Вырӑна ҫӑлавҫӑсен ҫитме тивнӗ.
Ку паян, ака уйӑхӗн 15-мӗшӗнче, пулнӑ. Трактор тӑвакансен проспектӗнчи ҫул ҫавринчен инҫех мар вырнаҫнӑ пысӑк вольтлӑ юпа ҫине арҫын хӑпарса кайнӑ.
Ҫакна курнӑ ҫынсем кун пирки «Про Город» хаҫата пӗлтернӗ. Халӑх корреспонденчӗ пӗлтернӗ тӑрӑх, арҫын 60 ҫулсенчи пек курӑннӑ. Вырӑна ҫӑлавҫӑсем, васкавлӑ медпулӑшу, полици ҫитнӗ. Арҫыннӑн пӗлӗшӗсем ӑна анма ӳкӗтленӗ. Анчах лешӗ хӑнк та туман. Ҫӑлавҫӑсем ӑна антарса полицие панӑ.
Шупашкарта ҫывӑх вӑхӑтра (24.11.2024 15:00) тӗтреллӗ ҫанталӑк, ҫумӑр ҫума пултарать, атмосфера пусӑмӗ 754 - 756 мм, 2 - 4 градус ӑшӑ пулӗ, ҫил 2-4 м/ҫ хӑвӑртлӑхпа кӑнтӑр енчен вӗрӗ.
| Лазарева Александра Назаровна, чӑваш ҫыравҫи ҫут тӗнчерен уйрӑлса кайнӑ. | ||
Пулӑм хуш... |