Сайта кӗр | Регистраци | Сайта кӗрсен унпа туллин усӑ курма пулӗ
 +23.3 °C
Ултавпа инҫе каяймӑн.
[ваттисен сӑмахӗ]
 

Хыпарсем: ҫул-йӗр

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер, раштав уйӑхӗн 16-мӗшӗнче, 11 сехет те 15 минутра М-7 автоҫул ҫинче, Куславкка муниципаллӑ округӗнче, авари пулнӑ. Унта ҫыннӑн пурнӑҫӗ татӑлнӑ.

Малтанлӑха пӗлтернӗ тӑрӑх, «Лада Приора» хирӗҫ ҫул ҫине тухса кайса «Скания» фурӑпа ҫапӑннӑ. «Приора» водителӗ, 60-65 ҫулсенчи арҫын, вилмеллех суранланнӑ.

 

Ҫул-йӗр
www.gipernn.ru сӑнӳкерчӗкӗ
www.gipernn.ru сӑнӳкерчӗкӗ

«М-12» федераци ҫулӗпе Мускавран Хусана ҫитме ҫӑмӑл автомашинӑсен 4 481 тенкӗ тӳлеме ттвӗ. Кун пирки «Автодор» организация пӗлтернӗ. Ҫав ҫулпа Чулхуларан Хусана ҫитме ҫӑмӑл машинӑсен 1660 тенкӗ тӳлемелле, йывӑр тиев турттаракан автомобильсен — 3 912 тенкӗ.

Мускавран Хусана машинӑсем хӑвӑрт ҫӳремелли ҫулпа ҫитме 5 пин тенкӗ ытла тӳлемелле тесе ӗнер ҫӗршыв Президенчӗн тӳрӗ эфирӗ вӑхӑтӗнче ыйту хускатакан пулнӑччӗ, Владимир Путин хака малтан шантарнӑ пекех хӑварма шантарнӑччӗ.

Хыпар ҫӑлкуҫӗ: https://t.me/bbbreaking/171674
 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян Улатӑр хулинче Ленин тата Комсомол урамӗсем хӗресленнӗ вырӑнта авари пулнӑ: пушарнӑй машини маршруткӑна пырса ҫапӑннӑ.

Малтанлӑха пӗлтернӗ тӑрӑх, маршрутка светофор симӗс ҫутнӑ вӑхӑтра пынӑ. Пушарнӑй машини вара хӗрлӗ ҫутнӑ чухне кайнӑ. Вӑл мигалкӑсене, сиренӑна ҫутнӑ пулнӑ.

Юрать-ха, маршруткӑра пассажирсем пулман. Водителе пульницӑра тухтӑрсем тӗрӗсленӗ те киле янӑ. Вӑл аманман.

Хыпар ҫӑлкуҫӗ: https://t.me/mvd_chuvashia/1907
 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Паян, раштав уйӑхӗн 7-мӗшӗнче, Шупашкарта маршрут автобусӗ инкеке лекнӗ. Пӑтӑрмах Сӗнтӗрвӑрри шосси урамри 25-мӗш ҫурт тӗлӗнче пулса иртнӗ.

«КамАЗ» автомбиль умра пыракан «Форд Транзит» микроавтобус ҫине пырса кӗнӗ. Пассажирсене турттаракан транспорт «Йошкар Ола-Шупашкар» маршрутпа ҫула тухнӑскер пулнӑ. Микроавтобус унтан «Хавейл» машина ҫине пырса кӗнӗ.

Инкек вӑхӑтӗнче микроавтобусра 4 пассажир пулнӑ. Вӗсенчен пӗрне, Киров облаҫӗнче пурӑнакан 48 ҫулти хӗрарӑма, пульницӑна илсе кайнӑ, ӑна унта тухтӑрсем пулӑшнӑ хыҫҫӑн килне янӑ.

 

Ҫул-йӗр
1obl.ru сайтри сӑн
1obl.ru сайтри сӑн

Раштав уйӑхӗн 4-5-мӗшӗсенче юн нумай ҫунӑ хыҫҫӑн халӑх тетелӗсенче ҫулсене тасатманни пирки ҫӑхав нумайланнӑ. Ытларах – Шупашкарта, Ҫӗнӗ Шупашкарта, Улатӑрта, Етӗрне тата Шупашкар округӗсенче пурӑнакансенчен.

Ҫула хырман тӑк ӑҫта ҫӑхав ҫырмалла? Федераци трассисене «Волго-Вятскупрдор» пӑхса тӑрать, ҫак сайтра ҫӑхав ҫырма пулать: www.rosavtodor.ru. Вырӑнти ҫулсене муниципалитетӑн тасатмалла.

Муниципалитетсен хушшинчи ҫулсене юртан тасатманни пирки ҫак номерпе шӑнкӑравласа пӗлтермелле: 8-919-971-01-08. Е бота ҫырмалла: @Roadmonitor_bot.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер, раштав уйӑхӗн 2-мӗшӗнче, Йошкар-Оларан 30 ҫухрӑмра икӗ машина ҫапӑннӑ. Пӗри - пирӗн регионти.

Авари 9 сехет те 40 минутра пулнӑ. Малтанлӑха пӗлтернӗ тӑрӑх, чӑваш номерӗллӗ «Лада Гранта» водителӗ хирӗҫ ҫул ҫине тухса кайса «Рено Логанпа» ҫапӑннӑ. «Лада Грантӑри» водитель тата пассажир, «Рено Логанри» икӗ пассажир (ҫав шутра 9 ҫулти ача та) вилнӗ.

«Гранта» рулӗ умӗнче 1974 ҫулта ҫуралнӑ хӗрарӑм пулнӑ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян Патӑрьел муниципаллӑ округӗнчи Кӗҫӗн Патӑрьел ялӗ ҫывӑхӗнче «Лада Гранта» тата «Тойота» ҫапӑннӑ.

Малтанлӑха пӗлтернӗ тӑрӑх, «Грантӑри» 57 ҫулти водителӗ тӗп ҫул ҫине тухнӑ чухне иномаркӑна ирттерсе яман. Ун рулӗ умӗнче 31 ҫулти арҫын ларнӑ.

«Грантӑри» водитель тата пассажир вилмеллех аманнӑ. Иномарка водительне пульницӑна илсе кайнӑ.

Кун тӗлӗшпе халӗ тӗрӗслев ирттереҫҫӗ.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Чӳк уйӑхӗн 23-мӗшӗнче Шупашкарта ӳсӗр пӗр водителе асӑрхакансем тупӑннӑ. «Лада Ларгус» автомобиль пӗр енчен тепӗр еннелле пӗрмай пӑрӑннӑ, ӑна пула тепӗр машинӑсем инкеке лекме пултарнӑ.

Маншӑн пулсан ик айкки те тӑвайкки теме хӑнӑхман пӗр ҫын шанчӑксӑр водитель пирки йӗрке хуралҫисене систернӗ. Хӑй вара ҫав машина хыҫҫӑн пынӑ. Вырӑна пырса ҫитнӗ ҫул-йӗр хӑрушсӑрлӑхӗн инспекторӗсем 34 ҫулти арҫын ӳсӗррине палӑртнӑ. Водитель тӗлӗшпе икӗ протокол ҫырнӑ, машинӑна ятарлӑ стоянкӑна ӑсатнӑ.

 

Ҫутҫанталӑк
t.me/gazetatavanen каналтан илнӗ сӑнӳкерчӗксем
t.me/gazetatavanen каналтан илнӗ сӑнӳкерчӗксем

Чӑваш Енре паян кунӗпех ҫил-тӑман вӗҫтерет. Синоптиксем пӗлтернӗ тӑрӑх, ыран та пирӗн тӑрӑхра юр ҫӑвӗ. Республикӑн Транспорт министерствинче пӗлтернӗ тӑрӑх, ҫул-йӗр службин ӗҫченӗсем ҫул ҫинчи лару-тӑрӑва сӑнасах-тӗрӗслесех тӑрӗҫ.

Юра тасатма 90 ятарлӑ техникӑна кӑларнӑ. Вӗсем федераци тата республика ҫулӗсене тасатса тӑраҫҫӗ. Ҫулсем пӑрлакланса ларасран 2 пин тонна реагент сапнӑ.

Хӗллехи вӑхӑтра ҫул ҫинчи лару-тӑру пирки 8-919-971-01-08 тешефонпа шӑнкӑравласа пӗлтерме е @Roadmonitor_bot бота систерме сӗнеҫҫӗ.

Хыпар ҫӑлкуҫӗ: https://t.me/gazetatavanen/11371?single
 

Республикӑра
Прокуратура архивӗнчи сӑн
Прокуратура архивӗнчи сӑн

Ӗнер, чӳк уйӑхӗн 24-мӗшӗнче, Муркаш муниципаллӑ округӗнче М-7 ҫул ҫинче машина кювета чӑмнӑ. Транспортра ачасем те пулнӑ. Телее, никам та вӑйлах суранланман.

Руль умӗнче 44 ҫулти хӗрарӑм ларнӑ. Вӑл юрлӑ ҫул ҫинче руле итлеттереймесӗр кювета чӑмнӑ. Водителе, пассажирсене, ҫав шутра ачасене те, пульницӑна тӗрӗслеме илсе кайнӑ.

Халӗ ӗҫ-пуҫа уҫӑмлатаҫҫӗ. Ҫакна Муркаш районӗн прокуратури сӑнаса тӑрӗ.

Хыпар ҫӑлкуҫӗ: https://t.me/chuv_prok
 

Страницӑсем: 1 ... 7, 8, 9, 10, 11, 12, 13, 14, 15, 16, [17], 18, 19, 20, 21, 22, 23, 24, 25, 26, 27, ... 191
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (09.06.2025 03:00) уяр ҫанталӑк, атмосфера пусӑмӗ 750 - 752 мм, 18 - 20 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лӑпкӑ эрне пулӗ. Ӑна юратнӑ ҫынпа пӗрле ирттерӗр. Хӑвӑр кутӑнлашмасан кӑмӑл улшӑнмӗ. Халӗ сире япӑх шухӑшсемпе кӑмӑл-туйӑм сиен кӑна кӳрӗҫ. Ку сире юратнӑ ҫынпа хирӗҫтерме те пултарӗ. Кайран вара мирлешме йывӑр пулӗ.

Ҫӗртме, 09

1918
107
Пӗтӗм чӑваш рабочисемпе хресченсен пӗрремӗш пухӑвӗ (9-15) ӗҫе пуҫӑннӑ.
1945
80
Матюшин Владимир Алексеевич, техника ӑслӑлӑхӗсен кандидачӗ, Раҫҫей Правительствин премийӗн лауриачӗ ҫуралнӑ
1958
67
Михайлов Евгений Петрович, чӑваш археологӗ ҫуралнӑ.
1965
60
Лаврентьев Анатолий Юрьевич, ял хуҫалӑх ӑслӑлӑхӗсен тухтӑрӗ, профессор ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
ӑсатма тухни — ҫылӑх, юрамасть
хуҫа арӑмӗ
пӗтӗм кил-йышпа тухаҫҫӗ
хуҫа хӑй
хӑни ҫулне ахаль те пӗлет, ӑсатмасӑр та
хуҫа тарҫи
хӑнана ӑсатма никам та тухмасть
хуть те кам тухсан та
кил-йышри арҫын