Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ватӑ ҫерҫие хывӑхпа улталаймӑн.
[ваттисен сӑмахӗ]
 

Хыпарсем: съездсем

Культура
ok.ru/cheb.cson страницӑран илнӗ сӑнӳкерчӗк
ok.ru/cheb.cson страницӑран илнӗ сӑнӳкерчӗк

Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнчи «Калинушка» ансамбле ҫӳрекен кинемейсемпе мучисем хулара тата республикӑра иртекен мероприятисене тӑтӑшах хутшӑнаҫҫӗ. Чӳк уйӑхӗн 25-мӗшӗнче вӗсем Чӑваш наци ӑслӑлӑхпа ӳнер академийӗн ҫулталӑкри пухӑвне ҫитнӗ. Хӑй тӗллӗн вӗреннӗ артистсем пухӑннисене хӑйсен пултарулӑхӗпе савӑнтарнӑ.

«Калинушка» ансамбле Валентина Телей ертсе пыма тытӑннӑранпа унта чӑваш ушкӑнне те йӗркеленӗ. Тава тивӗҫлӗ канури артистсем халӗ вырӑсла та, чӑвашла та юрлаҫҫӗ.

 

Вӗренӳ
t.me/Chuv_today сӑнӳкерчӗкӗ
t.me/Chuv_today сӑнӳкерчӗкӗ

Чӑваш Енри педагогсем Раҫҫейре иртекен тӑван чӗлхе учителӗсен ҫӗршыври съездне хутшӑнаҫҫӗ.

Съезда Шупашкарти 40-мӗш вӑтам шкулта ӗҫлекен Александр Степанов, Ҫӗнӗ Шупашкарти 2-мш вӑтам шкулти Оксана Ильина, Шупашкарти сывлӑх енчен хавшак ачасене вӗрентекен 2-мӗш шкулти Ираида Матьянова тата Йӗпреҫри 2-мӗш вӑтам шкулти Алёна Ядрицова тухса кайнӑ.

Мероприятире педагогсем «Тӑван чӗлхе тата тӑван литература», «Тӑван чӗлхе тата тӑван чӗлхепе литература вулавӗ» предметсене вӗрентессине, ҫак ӗҫ пахалӑхне ӳстерессине сӳтсе явӗҫ.

Хыпар ҫӑлкуҫӗ: https://t.me/Chuv_today/7219
 

Раҫҫейре

Паян ҫӗршывӑн тӗп хулинче Раҫҫей Журналистсен союзӗн XII съезчӗ иртет. Унта Чӑваш Енрен 10 ҫын хутшӑнать: республикӑри Журналистсен союзӗн ертӳҫи Валерий Комиссаров, И.Н. Ульянов ячӗллӗ Чӑваш патшалӑх университечӗн журналистика кафедрин пуҫлӑх Анатолий Данилов, «Чӑваш Ен» ПТРК информаци программисен службин ертӳҫи Елена Егорова, ЮТВ телекомпани директорӗ Юрий Гурьянов, «Советская Чувашия» хаҫат тишкерӳҫи Елена Зайцева, Куславкка районӗн «Ялав» хаҫачӗн тӗп редакторӗ Валентин Константинов, Етӗрне районӗн «Ӗҫ ялавӗ» хаҫачӗн тӗп редакторӗ Светлана Трилинская, Канаш районӗн «Канаш» хаҫачӗн тӗп редакторӗ Людмила Шурекова, Чӑваш наци конгресӗн пресс-службин ертӳҫи Зоя Яковлева, «Хыпар» хаҫат тишкерӳҫи Юрий Михайлов.

Съездра Раҫҫей Журналистсен союзӗн председательне ертсе пыракана суйлӗҫ. Хальхи ертӳҫӗ Всеволод Богданов тивӗҫе пурнӑҫлама пӑрахассине пӗлтернӗ.

 

Культура

Чӑваш наци конгресӗн юбилейлӑ 10-мӗш съезчӗ умӗн Чӑваш Енӗн культура министрӗ Константин Яковлев ЧНК президенчӗпе Николай Угасловпа тӗл пулнӑ.

Тӗлпулу ӗнер, юпа уйӑхӗн 23-мӗшӗнче, иртнӗ. Унта пысӑк пӗлтерӗшлӗ съезда йӗркелесе ирттерессипе ҫыхӑннӑ ыйтусене сӳтсе явнӑ, тӗллевсене палӑртнӑ.

Каласа хӑвармалла, Чӑваш наци конгресӗ йӗркеленнӗренпе 25 ҫул ҫитнине халалласа юпа уйӑхӗн 27–28-мӗшӗсенче Шупашкарта нумай мероприяти иртӗ. 28-мӗшӗнче вара съезд пулӗ, унта Раҫҫейӗн тӗрлӗ регионӗнчен тата чикӗ леш енчен 320 делегат килсе ҫитмелле. Унсӑр пуҫне юпа уйӑхӗн 27-мӗшӗнче «Раҫҫейри чӑваш наци-культура автономийӗсен паянхи ӗҫӗ-хӗлӗ: ҫивӗч ыйтусем тата вӗсене татса памалли майсем» ятпа «ҫавра сӗтел» иртӗ. Унта тӳре-шара, чӑваш наци-культура пӗрлешӗвӗсен хастарӗсем, ЧНК президиумӗн пайташӗсем хутшӑнӗҫ. Ҫав кунах уяв концерчӗ пулӗ.

 

Республикӑра
Алевтина Федорова
Алевтина Федорова

Ӗнер Ҫӗнӗ Шупашкарти «Химик» культура керменӗнче республикӑри Хӗрарӑмсен канашӗн съезчӗ иртнӗ. Унта районти хӗрарӑмсен канашӗсен элчисем те килнӗ. Пӗтӗмпе 600 ытла ҫын пухӑннӑ.

Аса илтерер: ЧР Хӗрарӑмсен канашӗ председательсӗр юлнӑ. Ӑна 2009 ҫултанпа Ольга Зайцева ертсе пынӑ. Шел те, вӑл ҫурла уйӑхӗн варринче вӑрах вӑхӑт чирленӗ хыҫҫӑн ҫӗре кӗнӗ.

Съездра Шупашкарти 5-мӗш гимнази директорӗ, ЧР Патшалӑх Канашӗн депутачӗ Инна Исаева Алевтина Федоровӑна председателе суйлама сӗннӗ. Ку кандидатурӑна пурте ырланӑ.

Сӑмах май, кӑҫалхи пуш уйӑхӗнче Алевтина Федорова ЧР вӗренӳ министрӗн ҫумӗн пуканне йышӑннӑ.

 

Республикӑра

Паллӑ ӑсчах тата общество деятелӗ Николай Дроздов Шупашкара килнӗ. Вӑл ЧР Элтеперӗпе Михаил Игнатьевпа тӗл пулнӑ.

Биолог, тетеертӳҫӗ авӑн уйӑхӗн 10-мӗшӗнче иртнӗ халӑхсен съездне хутшӑннӑ. Куншӑн ӑна Михаил Васильевич тав тунӑ. Элтепер Николай Дроздов общество ӗҫне хастар хутшӑнни пирӗн республикӑра пурӑнакан халӑхсене хавхалантарнине палӑртнӑ. Ку ҫамрӑкесене воспитани парас ӗҫре те пулӑшнине каланӑ.

Николай Дроздов вара съезд пысӑк пӗлтерӗшлӗ пулнине палӑртнӑ. Ку тӗрлӗ наци ҫыннисене туслаштарнинче иккӗленмест вӑл. Паллӑ телеертӳҫӗ Чӑваш Ен такӑнмасӑр аталаннине, ку съезд пӗрлӗхе кӑтарнине палӑртнӑ.

Хыпар ҫӑлкуҫӗ: http://pg21.ru/news/36291
 

Вӗренӳ

Авӑн уйӑхӗн 13-мӗшӗнче ялти шкулта вӗрентекенсен Пӗтӗм Раҫҫейри III съезчӗ иртет. Хальхинче ӑна Чӑваш Енре йӗркелеме палӑртнӑ.

Хальлӗхе пӗлтернӗ тӑрӑх, унта Раҫҫейри тӗрлӗ регионти 250 ытла ҫын килӗ. Вӗсен йышӗнче субъектсенчи вӗренӳ управленийӗн органӗсен элчисем, вӗренӳ организацийӗсен ертӳҫисем, ялти вӗрентекенсем пулӗҫ.

Съездӑн пленарлӑ пайне РФ Вӗренӳ министерствин ҫӗнӗ ертӳҫи Ольга Васильева тата Рособрнадзорӑн пуҫлӑхӗ Сергей Кравцов килме пултарӗҫ. Кӑҫал съездра «Ял шкулӗнчи вӗрентекен — Раҫҫейри вектор аталанӑвӗнче» тема тавра калаҫӗҫ.

Палӑртса хӑварар: Пӗтӗм Раҫҫейри I съезд 2012 ҫулта РФ Патшалӑх Думинче иртнӗ. Иккӗмӗш съезда 2014 ҫулта Тамбов облаҫӗнче йӗркеленӗ.

 

Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуть те кам тухсан та
пӗтӗм кил-йышпа тухаҫҫӗ
хуҫа хӑй
ӑсатма тухни — ҫылӑх, юрамасть
хӑнана ӑсатма никам та тухмасть
хуҫин ҫитӗннӗ ачисем
хуҫа арӑмӗ
хуҫа тарҫи
хӑни ҫулне ахаль те пӗлет, ӑсатмасӑр та