И.Н. Ульянов ячӗллӗ Чӑваш патшалӑх университечӗ — Чӑваш Енри сумлӑ вӗренӳ заведенийӗсенчен пӗри.

Истори

1920 ҫулта революци комитечӗпе Чӑваш автономи облаҫӗн Канашӗн I съездӗнче Шупашкар хулинче университет уҫас шухӑша ырласа сасӑлаҫҫӗ. Анчах ӑна пурнӑҫа кӗртесси ӑнӑҫмасть. 1958—1959 ҫулсенче ҫак ыйтӑва каллех хускатаҫҫӗ, анчах ӗҫ калаҫупа ҫеҫ вӗҫленет.
Вӑл вӑхӑтра Чӑвашра аслӑ пӗлӳ паракан виҫӗ пӗлӳ керменӗ пулнӑ: педагогика институчӗ, ял хуҫалӑх институчӗ тата Мускаври энергетика институчӗн Атӑлҫи филиалӗ. 1967 ҫулта университет йӗркелес ыйту вырӑнтан хускалать — ӑна Мускаври энергетика институчӗн Атӑлҫи филиалне тӗпе хурса тӑвас тенӗ.
Чи малтанах икӗ факультет пулнӑ: электротехника тата промышленность электрификацийӗн факультечӗсем. Ҫавӑн пекех педагогика институчӗн историпе филологи факультетне университета куҫарма шутланӑ — 900 студент, 3 профессор, 30 доцент университета куҫнӑ.
Пӗрремӗш вӗренӳ ҫулӗнче ҫапла май университетра 7 факультет пулнӑ:

• Историпе филологи факультечӗ,
• Медицина факультечӗ,
• Пӗрлехи техника факультечӗ,
• Хими факультечӗ,
• Экономика факультечӗ,
• Электротехника факультечӗ,
• Промышленность электрификацийӗн факультечӗ.

РСФСР Министрсен Канашӗн 1967 ҫулхи чӳкӗн 30-мӗшӗнчи йышӑнӑвӗпе университета Илья Николаевич Ульянов ятне парса чыслаҫҫӗ.

Ректорсем

• Агаков Всеволод Георгиевич (2010, кӑрлач, 12 - хальхи вӑхӑтччен)

Факультетсем

• Дизайнпа компьютер технологийӗн факультечӗ
• Журналистика факультечӗ
• Чӑваш филологийӗпе культура факультечӗ

Уйрӑмсем

Университетӑн 3 уйрӑм пур:

• Канашри уйрӑм
• Патарьелти уйрӑм
• Улатӑрти уйрӑм

Каҫӑсем

• Университет сайчӗ

Ҫавӑн пекех пӑхӑр

Университетпа ҫыхӑннӑ хыпарсем