Сайта кӗр | Регистраци | Сайта кӗрсен унпа туллин усӑ курма пулӗ
 +2.3 °C
Туман тиха пилӗкне ан хуҫ теҫҫӗ.
[ваттисен сӑмахӗ: 6510]
 

Хыпарсем: синоптиксем

Ҫутҫанталӑк

Юлашки вӑхӑтра юр нумай ҫурӗ. Халӗ ҫанталӑк кӑшт тӑхтав илнӗ – кӑштах сивӗтнӗ, ҫил лӑпланнӑ.

Канмалли кунсенче кӑштах юр ҫӑвӗ, вырӑнӑн-вырӑнӑн тӗтре карса илӗ. Кӑнтӑрла 1-6 градус сивӗ тӑрӗ. Тунтикун хӗвел тухӗ. Ытларикун ҫил вӑйланӗ, термометр 0 градус кӑтартӗ, юр ҫума тытӑнӗ. Ҫитес эрнере хӑш-пӗр кунра йӗпе юр ҫӑвӗ.

Нарӑсӑн пӗрремӗш шӑматкунӗ те юрлӑ пулӗ. Синоптиксем пӗлтернӗ тӑрӑх, темиҫе циклон та пулӗ, ҫавӑнпа юрпа кӗрешме хатӗрленмелле.

 

Ҫутҫанталӑк

Паянхи кун тӗлне Шупашкарта юр хулӑнӑшӗ 50 сантиметра ҫитнӗ. Кунашкалли юлашки хутчен 2010 ҫулта пулнӑ. Ҫил-тӑман кӑшт канма май парӗ. Синоптиксем пӗлтернӗ тӑрӑх, паян-ыран уяр та сивӗ ҫанталӑк тӑрассине пӗлтереҫҫӗ. Сывлӑш температури 15-20 градус сивӗ пулӗ.

Кӑрлачӑн 24-15-мӗшӗсенче ҫил вӑйланӗ, юнкун ҫил-тӑман тухӗ, кӑштах юр ҫӑвӗ. Кӗҫнерникун ҫил лӑпланӗ, эрне вӗҫӗчченех ҫапла пулӗ. Термометр 3-8 градус сивӗ кӑтартӗ.

Малтанлӑха пӗлтернӗ тӑрӑх, кӑштах сивӗ, лӑпкӑ ҫиллӗ ҫанталӑк кӑрлач вӗҫӗччен тӑрӗ. Нарӑс пуҫламӑшӗнче ҫанталӑк самаях сивӗтмелле.

 

Ҫутҫанталӑк

Паян хитре те уяр ҫанталӑк тӑрать. Анчах, синоптиксем пӗлтернӗ тӑрӑх, пирӗн пата циклон ҫывхарать. Кӗҫӗр каллех ҫил-тӑман вӑйлӑ вӗҫтерӗ.

Ҫил-тӑман Шупашкарта ҫурҫӗр иртни 2 сехетре тухӗ. Ыранта чарӑнмӗ. Ирхине, кӑнтӑрлаччен, ҫил вӑйланӗ, ҫеккунтра 18-23 метр хӑвӑртлӑхпа вӗрӗ. Ҫӗрле 10-15 градус сивӗ тӑрӗ, ыран вара термометр 0 градус кӑтартӗ.

Эрнекун каҫхине ҫил-тӑман лӑпланӗ. Шӑматкун каллех юр ҫӑвӗ. Ҫил лӑпланӗ, 1-3 градус кӑна сивӗ пулӗ. Шӑматкун ҫӗрле юр ҫума чарӑнӗ. Тунтикун валли юр хулӑнӑшӗ ҫур метра ҫитме пултарать.

 

Ҫутҫанталӑк

Паян каҫ енне 10 градус кӑна сивӗ пулӗ. Кунашкалли кӑрлачӑн 10-мӗшӗнченпе пулман.

Ытларикун та ӑшӑ ҫанталӑк тӑрӗ, юнкун ҫӗрле – пушшех те. Ҫавӑн чухнех юр вӑйлах ҫӑвӗ, ҫил вӑйланӗ. Юнкун та юр ҫӑвӗ, анчах вӑйлах мар. Икӗ талӑкра Шупашкарта 10-15 сантиметр хулӑнӑш юр ҫума пултарать.

Кӗҫнерникун уяртӗ, 13-18 градус таран сивӗтӗ. Эрнекун каллех ҫил-тӑман вӗҫтерӗ, ҫил вӑйланӗ. Термометр 0 градус кӑтартӗ.

Кӑшарни каҫӗнче те ӑшӑ пулӗ. Анчах вырсарникун тӑрук сивӗтӗ, термометр 20 градус сивӗ кӑтартӗ. Малтанлӑха пӗлтернӗ тӑрӑх, сивӗ уяр ҫанталӑк нумайлӑха тӑсӑлмӗ, кӑрлачӑн 24-28-мӗшӗсенче хӗллехи ӑшӑ ҫанталӑк тӑрӗ, юр ҫукалӗ.

 

Ҫутҫанталӑк

Синоптиксем пӗлтернӗ тӑрӑх, кӑрлач уйӑхӗ ҫакӑн пек сивӗ ҫанталӑкран пуҫланни 37 ҫул пулман. Хӑҫан ӑшӑтӗ?

Паян-ыран кӑштах юр ҫӑвӗ. Вырсарникун уяр ҫанталӑк тӑрӗ. Синоптиксем пӗлтернӗ тӑрӑх, ҫитес вӑхӑтра шартлама сивӗ пулмӗ. Анчах ҫил вӑйлӑ пулнӑран 27-32 градус сивӗ пек туйӑнӗ.

Тунтикун ӑшӑтма пуҫлӗ, 5-10 градус кӑна сивӗ тӑрӗ, ҫил кӑнтӑр енчен вӗрӗ, юр ҫукалӗ. Ытларикун термометр 0 градус патнелле кӑна кӑтартӗ. Юнкун юр вӑйлах ҫума пултарӗ. Кӗҫнерникун вара каллех сивӗтӗ, ҫил вӑйланӗ. Эрнекун циклон килӗ, ӑшӑтма пултарӗ. Вырсарникун вара каллех сивӗ таврӑнӗ.

Синптиксем малтанлӑха пӗлтернӗ тӑрӑх, ҫакнашкал улшӑнса тӑракан ҫанталӑк кӑрлач вӗҫӗчченех пулӗ.

 

Ҫутҫанталӑк

2024 ҫул пуҫламӑшӗ климат норминчен 11,5 градус сивӗрех пулнӑ. Синоптиксем пӗлтернӗ тӑрӑх, ыран ӑшӑрах пулӗ, 12-14 градус сивӗ тӑрӗ. Анчах ҫил вӑйланнӑран сивӗрех пек туйӑнӗ.

Юнкун каллех сивӗтӗ, термометр 30 градус патнелле ҫывхарӗ. Кӗҫнерникун юр ҫӑвӗ, ҫил-тӑман тухӗ. Эрнекун та вӑл чарӑнмӗ, ҫил вӑйланӗ. Кӗҫнерникун ҫӗрле термометр 15-20 градус кӑтартӗ. Шӑматкун 20 градус сивӗ пулӗ. Ҫӗрле 30 градус таран сивӗтӗ.

Малтанлӑха пӗлтернӗ тӑрӑх, ҫитес эрне пуҫламӑшӗнче самаях ӑшӑтӗ.

 

Ҫутҫанталӑк

2023 ҫул ӑшӑ та типӗ килчӗ. Сывлӑш температури климат норминчен 0,9 градус ӑшӑрах пулнӑ. Юрпа ҫумӑр 10 процент сахалрах ӳкнӗ.

2024 ҫул, ахӑртнех, сивӗрех тата нӳрӗрех пулӗ. Кашни уйӑха илес тӗк, ҫанталӑк мӗнле пулассине калама хӗн.

Синопиксем малтанлӑха пӗлтернӗ тӑрӑх, кӑрлач вӗҫӗччен сивӗ те юрлӑ ҫанталӑк тӑрӗ. Ҫуркунне типӗ килмелле. Ака уйӑхӗнче кӑна нӳрӗк нумай пулӗ.

Ҫулла ӑшӑ та ҫумӑрлӑ ҫанталӑк черетленӗ. Ҫӗртме вӗҫӗ-утӑ пуҫламӑшӗ - чи шӑрӑх тапхӑр.

Кӗркунне типӗ те ӑшӑ ҫанталӑкран пуҫланӗ. Юпа уйӑхӗнче ҫумӑрсем пуҫланӗҫ, йӗпе юрпа хутӑшла та ҫӑвӗ. Хӗл вара ахаль чухнехинчен каярах, раштав варринче, лармалла.

 

Ҫутҫанталӑк

Синоптиксем Ҫӗнӗ ҫула ҫанталӑк мӗнле пулассине пӗлтернӗ. Прогноз унчченхинчен улшӑннӑ.

Раштавӑн 30-31-мӗшӗсенче Шупашкарта 5-10 сантиметр хулӑнӑш юр ҫума пултарать. Сывлӑш температури 5-10 градус сивӗ пулӗ.

Ҫӗнӗ ҫул каҫхине пирӗн пата Хӗл мучи сивви ҫывхарӗ. Циклон кайӗ, раштавӑн 31-мӗшӗнче ҫӗрле 10-12 градус сивӗ тӑрӗ, ирхине вара – 12-17 градус сивӗ.

Кӑрлачӑн 1-мӗшӗнче юр ҫӑвӗ. Кӑрлачӑн 2-мӗшӗнченпе кӑнтӑрла 17-22 градус сивӗ тӑрӗ, ҫӗрлесерен – 30 градус сивӗ.

Малтанлӑха пӗлтернӗ тӑрӑх, каникулта сивӗ ҫанталӑк пулӗ. Иккӗмӗш декада пуҫламӑшӗнче кӑна юр ҫӑвӗ, ӑшӑтӗ.

 

Ҫутҫанталӑк

Паянхи кун тӗлне республикӑра кӗрт хулӑнӑшӗ 6 сантиметр кӑна. Синоптиксем вара раштав вӗҫӗччен 30 сантиметр пулмалла тесе пӗлтернӗччӗ.

Кӑрлач уйӑхӗ мӗнле килӗ? Синоптиксем пӗлтернӗ тӑрӑх, уйӑхӑн малтанхи икӗ декадинче ӑшӑ тата юрлӑ пулӗ. Уйӑх варринче ӑшӑтӗ. Виҫҫӗмӗш декадӑра сивӗ те типӗ ҫанталӑк тӑрӗ. Ҫав кунсенче чи вӑйлӑ сивӗ пулӗ.

Ҫуллахи ҫанталӑкпа танлаштарас тӑк, ҫӗнӗ ҫул пуҫламӑшӗнчех сивӗтмелле. Каникул хыҫҫӑн вара ӑшӑтмалла, юр ҫумалла. Пӗтӗмӗшле илсен, кӑрлач уйӑхӗн климат нормипе килӗшсе тӑрӗ.

 

Ҫутҫанталӑк

Тин кӑна ҫумӑр ҫурӗ, халӗ вара ҫил-тӑман вӗҫтерет. Капла Ҫӗнӗ ҫул кӑмӑлӗ те кӗрет. Синоптиксем пӗлтернӗ тӑрӑх, уяв валли юр самай пулӗ.

Эрнен пӗрремӗш ҫурринче атмосфера пусӑмӗ нормӑран пӗчӗкрех пулӗ. Урамра 5-10 градус сивӗ тӑрӗ.

Кӗҫнерникунпа эрнекун кӑштах уяртӗ, 15 градус таран сивӗтӗ. Эрне вӗҫӗнче каллех ӑшӑтӗ. Раштавӑн 30-31-мӗшӗсенче термометр 0-5 градус сивӗ кӑтартӗ. Ахӑртнех, Ҫӗнӗ ҫул каҫхине те ӑшӑ пулӗ, юр ҫӑвӗ.

Малтанлӑха пӗлтернӗ тӑрӑх, Ҫӗнӗ ҫулхи каникул та шартлама сивӗсӗр иртӗ.

 

Страницӑсем: 1, 2, [3], 4, 5, 6, 7, 8, 9, 10, 11, 12, 13, ... 35
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
кил-йышри арҫын
хуть те кам тухсан та
хӑнана ӑсатма никам та тухмасть
хуҫин ҫитӗннӗ ачисем
хуҫа тарҫи
ӑсатма тухни — ҫылӑх, юрамасть
хуҫа арӑмӗ
хуҫа хӑй