Нарӑс уйӑхӗн 10-мӗшӗнче Ҫӗрпӳ районӗнче Чӑрӑш Туҫа ялӗнче, ҫуралнӑ халӗ Сӗнтӗрвӑрри тӑрӑхӗнче пурӑнакан Татьяна Кирилловна Кириллова 100 ҫулхи юбилейне уявланӑ. Вӑл Тӑван ҫӗршывӑн Аслӑ вӑрҫине хутшӑннӑ.
Кинемей сумлӑ юбилее ҫемйипе паллӑ тунӑ. Сӗнтӗрвӑрри район администрацийӗн пуҫлӑхӗ Владимир Петров та ӑна саламлама килнӗ, РФ Президенчӗн открыткине тыттарнӑ.
Татьяна Кирилловнӑн – 2 хӗр. Халӗ вӑл 4 мӑнукӗпе, вӗсен 6 ачипе савӑнса пурӑнать.
Красноармейски районӗнче пурӑнакан Елена Ефимовна Маркелова 100 ҫул тултарнӑ. Ҫак ятпа вӑл РФ Президентӗнчен саламлӑ ҫыру илнӗ.
Ӗнер ҫуралнӑ кунне паллӑ тунӑ Елена Ефимовна – ӗҫ ветеранӗ, тыл ӗҫченӗ. Ӑна сумлӑ юбилейпе саламлама вырӑнти тӳре-шара та ҫитнӗ.
РФ Хӳтӗлев министерствин пуҫлӑхӗ Сергей Шойгу ҫара илмелли ӳсӗме пӗчӗкшерӗн пысӑклатмаллине каланӑ. Ку ыйтӑва паян министерствӑн анлӑ ларӑвӗнче сӳтсе явнӑ. Унта РФ Президенчӗ Владимир Путин та тухса калаҫнӑ.
Шойгу ҫара илмелли ӳсӗме 21 ҫула ҫитерме сӗннӗ. Кайри ӳсӗм – 30 ҫул. Службӑна килсен пӗрремӗш кунхинех контракт ҫырма май туса памаллине те каланӑ.
Ҫавӑн пекех министр Раҫҫейри ҫар ҫыннисен йышне 1,5 миллиона ҫитерме сӗннӗ. Вӗсен йышӗнче контрактниксем – 695 пин ҫын таран. 2023 ҫул вӗҫӗччен контрактниксен йышне 521 пин ҫын таран ҫитермелле.
Амӑшӗсен кунӗ умӗн Чӑваш Ен Элтеперӗ амӑшӗсене саламланӑ, нагарадӑсем панӑ.
РФ Президенчӗ хушӑвӗпе килӗшӳллӗн «Ашшӗ-амӑшӗн мухтавӗ» орден медальне Ҫӗмӗрлери Алексейпа Татьяна Зайцевсем, Элӗк районӗнчи Дмитрипе Марина Леонтьевсем, Ҫӗмӗрле районӗнчи Геннадипе Вера Яковлевсем тивӗҫнӗ.
Чӑваш Республикин «Анне» паллине Шупашкарти Ирина Васильевӑпа Наталья Шилова, Ҫӗмӗрлери Марина Ветликова, Элӗк районӗнчи Полина Ефремова, Красноармейски районӗнчи Вера Владимирова, Вӑрмар районӗнечи Елена Павлова, Ҫӗмӗрле районӗнчи Зоя Харитонова, Шупашкар районӗнчи Мария Изванова илнӗ.
Ҫитес ҫултан Раҫҫейре ачаллӑ пур ҫемье валли те пӗр пособи пулӗ. Ку 17 ҫул тултарман ачасене пырса тивет.
Хальхи вӑхӑтра 0-3 ҫулти, 3-7 ҫулсенчи тата 7-17 ҫулсенчи шӑпӑрлансемшӗн, ача кӗтекен хӗрарӑмсене расна пособи шутласа параҫҫӗ. РФ Президенчӗ Владимир Путин 2023 ҫултан вӗсене пӗрлештерме хушнӑ.
Владимир Владимирович унччен йӗркелӳ ыйтӑвӗсене, пособие мӗнле шутламалли тата тӳлемелли йӗркене татса пама хушнӑ.
Сӑмах май, ҫӗршывра Амӑшӗн капиталне тӑснӑ. Вӑл 2026 ҫулччен вӑйра пулӗ.
Чӑваш Енре пурӑнакансем РФ Президентне тата ЧР Элтеперне мӗнле шаннине пӗлесшӗн. Ҫавӑнпа ятарласа соцыйтӑм ирттереҫҫӗ. Ӑна йӗркелеме 620 пин тенкӗ уйӑрӗҫ.
Кунсӑр пуҫне урӑх ыйтусене те уҫӑмлатасшӑн: Олег Николаевӑн лайӑх тата япӑх енӗсем, Элтепер мӗнле йышӑнусемпе тата пуҫарусемпе асра юлать, суйлав кампанийӗнче шантарнисене мӗнле пурнӑҫласа пырать…
Тӳре-шара мӗнле ӗҫленине хак памалли ыйтусем те пулӗҫ.
Вӑрмар районӗнче пурӑнакан Егоровсен ҫемйинче 10-мӗш ача ҫуралнӑ. Апла вӗсем «Амӑшӗ героиня» ята илме пултараҫҫӗ. Аса илтерер: ҫак ята РФ Президенчӗ Владимир Путин ҫирӗплетнӗ. Ҫак ята парсан ҫемьене 1 миллион тенкӗ уйӑрса параҫҫӗ.
Сӑмах май, ҫӗртме уйӑхӗн 1-мӗшӗ тӗлне республикӑра 10 е ытларах ачана воспитани паракан вунӑ ҫемье пулнӑ. Халӗ ав Вӑрмар районӗнчи Егоровсем те ҫав йыша кӗнӗ.
Малашне амӑшӗн капителӗн укҫипе харпӑр усламӑҫем уҫнӑ шкул умӗнхи вӗренӳ организацийӗшӗн те тӳлеме май пулӗ. Ку хушӑва РФ Президенчӗ Владимир Путин ҫурла уйӑхӗн 4-мӗшӗнче алӑ пуснӑ.
Анчах ҫав вӗренӳ организацийӗн ку енӗпе ӗҫлеме ирӗк паракан лицензи пулмалла. Аса илтерер: капитал укҫипе ҫурт-йӗр туянма, ачана вӗрентме, сусӑр шӑпӑрлан реабилитаци тухнӑшӑн тӳлеме юрать. Ҫавӑн пекех амӑшӗ нухрата пенсие яма, иккӗмӗш ачи 3 ҫул тултариччен капиталти укҫана уйӑхсерен илсе тӑма пултарать.
Сӑмах май, пӗрремӗш ача ҫуралнашӑн – 524,5 пин, иккӗмӗшӗшӗн 693,1 пин тенкӗ параҫҫӗ.
Медицина ӗҫченӗсен кунӗнче Чӑваш Енре Травматологи, ортопеди тата эндопротезировани федераци центрне видеоконференци мелӗпе уҫнӑ. Унта РФ Президенчӗ Владимир Путин тата РФ сывлӑх сыхлавӗн министрӗ Владимир Мурашко хутшӑннӑ.
Центра 2020 ҫулта пуш уйӑхӗнче тума пуҫланӑ. Пӗлтӗр унти хӑна ҫуртне уҫнӑ. Ҫӗнӗ корпусра стационар мелӗпе сипленмешкӗн 42 койка, медицина реабилитацийӗн амбулатори уйрӑмӗ пур.
Центрӑн ҫӗнӗ корпусне пӗрремӗш пациентсем килнӗ ӗнтӗ.
Раҫҫей Президенчӗ Владимир Путин Пӗтӗм тӗнчери хӗрарӑмсен кунӗпе саламланӑ май 8-16 ҫулсенчи ачасене воспитани паракан ҫемьесене пулӑшасси пирки каланӑ. Ҫак ӳсӗмри шӑпӑрлансемшӗн те пособи парӗҫ. Анчах ӑна сахал тупӑшлӑ ҫемьесем ҫеҫ илейӗҫ.
Ку ака уйӑхӗн 1-мӗшӗнчен пурнӑҫланма тытӑнӗ. Заявленисене вара ҫу уйӑхӗн 1-мӗшӗнчен йышӑнӗҫ. Ӑна Патшалӑх пулӑшӑвӗсен порталӗ урлӑ пама пулать. Пособи парассине ырласан тӳрех икӗ уйӑхшӑн укҫа килӗ.
Пособин ҫуррине пама йышӑнсан вӑл 526,5 тенкӗпе танлашӗ. Тупӑша кура 75%-не ырласан – 7824,75 тенкӗпе. Пособин 100 проценчӗ – 10433 тенкӗ.
+20.3 °C