Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Пилӗкне хытӑ ҫых, ӑсна ҫирӗп тыт.
[ваттисен сӑмахӗ]
 

Хыпарсем: кану

Вӗренӳ
tamlife.ru сӑнӳкерчӗкӗ
tamlife.ru сӑнӳкерчӗкӗ

Чӑваш Енри ача-пӑча уйлӑхӗсенче те малашне гимн юрласа ялав ҫӗклӗҫ. Шкулсенче ҫеҫ мар, лагерьсенче те патриотлӑх мероприятийӗсене ытларах ирттерӗҫ. Кашни ир Раҫҫей гимнне юрласа ялав ҫӗклӗҫ.

Ачасен ҫуллахи канӑвне йӗркелеме епле хатӗрленни ҫинчен Чӑваш Ен Правительствин паян иртнӗ канашлӑвӗнче вӗрентӳ тата ҫамрӑксен политкин министрӗ Дмитрий Захаров каласа кӑтартнӑ. Ҫамрӑксен пуҫарулӑхӗн центрӗнче тата ЧППУра 480 вожатӑя вӗрентсе кӑларнӑ.

Лагерьсем ӗҫлеме хатӗр-мӗн, анчах тӑваттӑшӗ санитарипе эпидемиологи заключенийӗ илеймен. Вӗсем дезинфекци, дератизаци тума заявкӑсем каярах тӑратнӑ. Пӗринче специалистсене шыв пахалӑхӗ тивӗҫтермен.

 

Ҫул-йӗр
Cap.ru сӑнӳкерчӗкӗ
Cap.ru сӑнӳкерчӗкӗ

Ҫу уйӑхӗнчи уявсенче Шупашкартан Мускава тата ҫӗршывӑн тӗп хулинчен пирӗн пата килекен пуйӑссен шучӗ нумайланӗ.

Шупашкартан хушма пуйӑссем ҫу уйӑхӗн 2, 3, 7, 8, 9 тата 10-мӗшӗсенче пулӗҫ, Мускавран хушма рейс ҫу уйӑхӗн 6-8-мӗшӗсенче пулӗҫ.

Сӑмахран, 228/227-мӗш номерлӗ пуйӑс Мускавран ҫу уйӑхӗн 3-мӗшӗнче 12:55 сехетре хускалӗ, Мускава тепӗр кунхине 03:20 сехетре ҫитӗ. Вӑлах Шупашкартан Мускава ҫу уйӑхӗн 10-мӗшӗнче 22:45 сехетре хускалӗ, ҫӗршывӑн тӗп хулинче ҫу уйӑхӗн 13:10 сехетре пулӗ. Расписание хушма рейссем те кӗртнӗ. Вӗсемпе Раҫҫейӗн чукун ҫулсен сайтӗнче паллашма пулать.

 

Хулара
Cap.ru сӑнӳкерчӗкӗ
Cap.ru сӑнӳкерчӗкӗ

Ырантан, ҫул уйӑхӗн 1-мӗшӗнчен, Шупашкарти юханшыв порчӗнчен пӑрахутсем ҫӳреме тытӑнӗҫ. Ҫынсене «Чувашия» (чӑв. Чӑваш Ен) икӗ палубӑллӑ пӑрахут турттарӗ.

Рейссем кашни кун 13.00, 15.00, 17.00 тата 19.00 сехетре пулӗҫ.

Аслисем валли билет хакӗ 270 тенкӗ пулӗ, 5-10 ҫулхи ачасем валли – 150 тенкӗ. 5 ҫултан кӗҫӗнреххисенчен укҫа илмӗҫ. Багаж хакӗ – 40 тенкӗ.

Круиз сезонӗ пирӗн тӑрӑхра ака уйӑхӗн 28-мӗшӗнче уҫӑлнӑ. Ҫав кун Шупашкарти юханшыв портне Дон ҫинчи Ростовран «Волга Стар» пӑрахут килсе чарӑннӑ.

Ҫӗртме уйӑхӗн 1-мӗшӗнчен Шупашкартан Хусана Атӑл тӑрӑх круизсем уҫӑлӗҫ.

 

Республикӑра
cap.ru сайтран илнӗ сӑн
cap.ru сайтран илнӗ сӑн

Ҫу уйӑхӗн 1-мӗшӗ тата 9-мӗшӗ мӗнпур почта уйрӑмӗсенче канмалли кунсем пулӗҫ.

Ака уйӑхӗн 30-мӗшӗнче тата ҫу уйӑхӗн 8-мӗшӗнче почта уйрӑмӗсем пӗр сехет маларах хупӑнӗҫ.

Ҫу уйӑхӗн 2-мӗшӗнче почта уйрӑмӗсем яланхи графикпа ӗҫлӗҫ, 3-мӗшӗнче клиентсене шӑматкунхи графикпа йышӑнӗҫ, ҫу уйӑхӗн 10-мӗшӗнче вара — вырсарникунхи ӗҫ графикӗпе.

Ҫу уйӑхӗн 4-мӗшӗнчен пуҫласа 7-мӗшӗччен ҫӗршыври пӗтӗм почта уйрӑмӗсем яланхи режимпа ӗҫлӗҫ.

Почта уйрӑмӗсен ӗҫ графикне тӗплӗн пӗлес тесен е картта ҫинче ҫывӑхри уҫӑ уйрӑма тупас тесен pochta.ru сайтра е почтӑн мобильлӗ приложенинче пӑхмалла. Ҫак каҫӑпа мобильлӗ хатӗрпе каҫсан унта приложение вырнаҫтарма май пур.

 

АКА
25

13 пляж пулӗ
 Галина Никитина | 25.04.2022 13:36 |

Республикӑра
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Чӑваш Республикинче кӑҫал пурӗ те 13 пляж ӗҫлӗ. Вӗсенчен тӑваттӑшне Шупашкарта уҫӗҫ, ыттисем – тӗрлӗ муниципалитетра.

Ҫапах та тепӗр ырӑ хыпар та пур. Республикӑри тӳре-шара шыва кӗме 100-е яхӑн ятарлӑ вырӑн хатӗрлессине пӗлтернӗ.

Республикӑн экономика аталанӑвӗн тата пурлӑх хутшӑнӑвӗсен министрӗ Дмитрий Краснов муниципалитетсенчен шыва кӗмелли ҫӗнӗ вырӑнсем, хӑтлӑ пляжсем тума заявка йышӑнни пирки пӗлтернӗ. Ҫак ӗҫе Туризма аталантарас ҫинчен калакан программӑна кӗртнӗ.

Хыпар ҫӑлкуҫӗ: https://t.me/nikamran/625
 

Республикӑра
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Кӑҫалхи ҫулла пирӗн республикӑран ҫынсене Тутарстана Атӑл тӑрӑх турттарма тытӑнӗҫ. Хусантан Шупашкара шӗветнӗ газпа ҫӳрекен «Чайка» карап ҫӳреме пуҫлӗ. Ӑна Зеленодольскри А.М. Горький ячӗллӗ заводра туса кӑларнӑ. Унта 176 ҫын ларса пыраять. Теплоход ҫӳллӗ мар, ҫавӑнпа вӑл ҫӳллӗ ар кӗперсем айӗпе ҫӑмӑллӑн иртейрет. Асӑннӑ транспорт сехетре 18 километр каять, вӑл 400 километра ҫитме пултарать.

Пирӗн патран Хусана «Валдай» карап хутлӗ.

Асӑннӑ карапсем ҫула май Сӗнтӗрвӑрринче (ӳлӗмрен тата Куславккара) чарӑнӗҫ.

Шупашкартан Чулхулана та карапсем ҫӳретесшӗн.

 

Вӗренӳ
Дмитрий Захаров. cap.ru сӑнӳкерчӗкӗ
Дмитрий Захаров. cap.ru сӑнӳкерчӗкӗ

Кӑҫал Чӑваш Енре тӗрлӗ мелпе 100 пин ытла ачана канма май туса парасшӑннине эпир унччен пӗлтернӗччӗ. Аса илтерер: ЧР Вӗренӳ тата ҫамрӑксен политикин министерствинче стационарлӑ 14 уйлӑх, кӑнтӑрла канмалли 319 уйлӑх уҫма палӑртнине хыпарланӑччӗ. Кунсӑр пуҫне республикӑн Ӗҫ тата социаллӑ пулӑшу министерствин социаллӑ пулӑшу паракан центрӗсем ҫумӗнче 14 уйлӑх ӗҫлӗ.

Ӗнер республикӑн вӗренӳ тата ҫамрӑксен политикин министрӗ Дмитрий Захаров пӗлтернӗ тӑрӑх, ҫулла 36 пин ытла ачана кантарма (ҫав шутран 16 пине яхӑн ачана хула ҫумӗнчи уйлӑхсенче) шухӑшлаҫҫӗ. 20 пин ытла ачана кӑнтӑрла ҫӳремелли уйлӑхсенче вӑхӑта ирттерӗ.

Кӑҫал уйлӑхсене пӗлтӗрхи пек 75 процент мар, 100 проценчӗпех тултарӗҫ.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен Правительстви Пӗтӗм тӗнчери «Артек» ача-пӑча центрӗпе тата И.Я. Яковлев ячӗллӗ Чӑваш патшалӑх педагогика университечӗпе килӗштересси ҫинчен виҫӗ енлӗ килӗшӗве алӑ пуснӑ.

Документра палӑртнӑ тӑрӑх, «Артек» пахалӑх стандарчӗсемпе ӗҫлекен «Кӗпӗрнаттӑр лагерӗ» йӗркелесшӗн.

«Кӗпӗрнаттӑр лагерӗ» Чӑваш Республикин «Белые камни» (чӑв. Шурӑ чулсем) физкультурӑпа сывлӑха ҫирӗплетмелли центр никӗсӗ ҫинче пулӗ.

Республикӑн спорт министрӗ Василий Петров каланӑ тӑрӑх, «Кӗпӗрнаттӑр лагерӗ» кӑҫалах ӗҫлеме тытӑнӗ.

Асӑннӑ центрта ҫулталӑкӗпех ӗҫлемелли 4 корпус, столовӑй, клуб, кану тата медицина корпусӗ, спорт тата вӑйӑ лапамӗсем, футбол вылямалли уйсем пур.

Сӑмах май каласан, «Артек» ача-пӑча центрӗ «Кӗпӗрнаттӑр лагерӗ» проекта 2018 ҫултанпа пурнӑҫлать.

 

Республикӑра
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Паян, пуш уйӑхӗн 26-мӗшӗнче, республикӑри социаллӑ центрсенче йывӑр лару-тӑрури ҫемьесенче пурӑнакан ачасене уйлӑхсенче кантарма путёвкӑсем пама тытӑнӗҫ.

Чӑваш Енӗн Вӗренӳ тата ҫамрӑксен политикин министерствинче пӗлтернӗ тӑрӑх, кӑҫал тӗрлӗ мелпе 100 пин ытла ачана канма май туса парасшӑн. Стационарлӑ 14 уйлӑх, кӑнтӑрла канмалли 319 уйлӑх уҫма палӑртаҫҫӗ. Кунсӑр пуҫне республикӑн Ӗҫ тата социаллӑ пулӑшу министерствин социаллӑ пулӑшу паракан центрӗсем ҫумӗнче 14 уйлӑх ӗҫлӗ.

Ачасене уйрӑм ҫынсен 3 уйлӑхӗ («Жемчужина Чувашии», «Салют», «Солнышко»), патшалӑхӑн 2 уйлӑхӗ («Белые камни», «Росинка» Минспорта Чувашии) тата муниципалитетсен 9 уйлӑхӗ («Берёзка», «Бригантина», «Волна», «Звездный», «Звездочка», «Космонавт», «Романтика», «Соснячок», «Янтарный») йышӑнӗҫ.

Эпидемиологи енчен лару-тӑру йӗркеллех пулсан уйлӑхсене ҫӗртме уйӑхӗн 1-мӗшӗнчен уҫӗҫ.

 

Пӑтӑрмахсем
kuban24.tv видеоран илнӗ скриншотсемпе усӑ курса Т. Ташней хатӗрленӗ коллаж
kuban24.tv видеоран илнӗ скриншотсемпе усӑ курса Т. Ташней хатӗрленӗ коллаж

Краснодар крайӗнчи Эсто-Садок ялӗ патӗнче ту ҫинчи аттракционпа ярӑннӑ чухне Чӑваш Енри турист шар курнӑ.

Ҫӗнӗ Шупашкарта пурӑнакан 38 ҫулти арҫын питне тата мӑйне суранлатнӑ. Ҫӑлавҫӑсен ӑна Аибга ту хырҫин айккинчен, тинӗс ҫийӗнчен 2 пин те 200 метр ҫӳллӗшӗнчен, илсе анма тивнӗ.

Малтанласа арҫынна курортри ҫӑлавҫӑсем пулӑшнӑ. Кайран ӑна вӗсем канат ҫулӗпе вертолёт лапамӗ таран илсе аннӑ. Вӑл лапам 960 метр ҫӳллӗшӗнче вырнаҫнӑ.

Кайран МЧСӑн вырӑнти ӗҫченӗсемпе Кӑнтӑрти авиаципе ҫӑлав отрячӗн пилочӗсем вертолётпа Сочие, унтан васкавлӑ пулӑшу тухтӑрсем арҫынна пульницӑна илсе ӑсатнӑ.

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ... 30
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 15:00) уяр ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
пӗтӗм кил-йышпа тухаҫҫӗ
хуҫин ҫитӗннӗ ачисем
ӑсатма тухни — ҫылӑх, юрамасть
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа тарҫи
кил-йышри арҫын
хӑнана ӑсатма никам та тухмасть
хуҫа арӑмӗ