Сайта кӗр | Регистраци | Сайта кӗрсен унпа туллин усӑ курма пулӗ
 +0.3 °C
Вӗренни йӑтса ҫӳрес ҫӗклем мар.
[ваттисен сӑмахӗ]
 

Хыпарсем: инкексем

Пӑтӑрмахсем
http://gov.cap.ru/Info.aspx?type=news&id=4543416&gov_id=126
http://gov.cap.ru/Info.aspx?type=news&id=4543416&gov_id=126

Ҫӗрпӳ районӗнчи Туҫа ялӗнче арҫын шыва путса вилнӗ. Вӑл Энӗш юханшывне путнӑ. Ҫавӑн чухне инкек пулса иртнӗ те.

1979 ҫулта ҫуралнӑ арҫынна ҫӑлса ӗлкӗреймен.

Шыва путнӑ этеме инкек вырӑнне пырса ҫитнӗ Республикӑн шыравпа ҫӑлав службин ӗҫченӗсем водолаз снаряженийӗпе шыранӑ. Вилене юханшывран туртса кӑларса вӗсем тӑванӗсене панӑ.

 

Пӑтӑрмахсем
Pixabay.com сӑнӳкерчӗкӗ
Pixabay.com сӑнӳкерчӗкӗ

Чӑваш Енре шӑпарлан саккӑрмӗш хутран ӳксе чӗрӗ юлнӑ.

Инкек Ҫӗнӗ Шупашкарта ҫурла уйӑхӗн 1-мӗшӗнче пулса иртнӗ. Ҫӳллӗ хутран персе аннӑ ачана ҫийӗнчех больницӑна илсе кайнӑ.

Хӗрача 10-мӗш пиллӗкҫуллӑх урамӗнчи 5-мӗш ҫурт чӳречинчен тухса ӳкнӗ. Пӗчӗкскер кипкепе ҫуралнӑ тейӗн – вӑл вилмен. Анчах хытах аманнӑ. Халӗ ача реанимацире выртать.

Инкек сӑлтавне пӗлместпӗр те, анчах ҫулла пӗчӗк ачасем уҫӑ чӳречерен тухса ӳкнӗ тӗслӗхсем пулкалани вӑрттӑнлӑх мар. Ҫавӑнпа та аслисен питӗ тимлӗ пулмалла.

Хыпар ҫӑлкуҫӗ: chv.aif.ru
 

Пӑтӑрмахсем

Ҫак кунсенче ҫаннталӑк шӑрӑх тӑрать. Ӑшӑ кунсенче ватти-вӗтти тенӗ пек шыва кӗме юратать. Анчах, шел те, ҫак киленӗҫ хш чухне инкекпе вӗҫленет.

Утӑ уйӑхӗн 28-мӗшӗнче Канаш районӗнчи Асхва ялӗнче пӗр арҫын шар курнӑ. Вӑл ялти пӗвене путса вилнӗ.

Республикӑн Шыравпа ҫӑлав службинче пӗлтернӗ тӑрӑх, инкек вырӑннӗ ҫӑлавҫӑсем пырса ҫитнӗ. Путса вилнӗ ҫынна шыраса тупма вӗсем эхолотпа усӑ курнӑ. Вилене полицейскисене панӑ.

 

Пӑтӑрмахсем
Александр Полтинин. chuvashia.sledcom.ru сӑнӳкерчӗкӗ
Александр Полтинин. chuvashia.sledcom.ru сӑнӳкерчӗкӗ

РФ Следстви комитечӗн Чӑваш Енри управленийӗн пуҫлӑхӗ Александр Полтинин Ҫӗнӗ Шупашкарта ҫынсене хӑйсен ыйтӑвӗсемпе йышӑннӑ. Ҫавӑн чухне ун патне 4 ҫын пынӑ. Вӗсенчен пӗри ӑнлантарса панӑ тӑрӑх, унӑн мӑнукӗ, 1977 ҫулта ҫуралнӑскер, кӑҫалхи ҫӗртме уйӑхӗнче хӑйӗн ҫине алӑ хунӑ. Ҫавӑншӑн хӗрарӑм хӑйсен ҫемйине лӑпкӑ пурӑнма ирӗк паман пӗр этем айӑплӑ тесе шухӑшлать. Вӑл вӗсене кӑмӑл-сипет тата психологи тӗшӗнчен пусмӑрласа тӑрать имӗш. Вӑйпитти хӗрарӑм шӑпах ҫавна чӑтайман-мӗн.

Александр Полтинин ҫынна хӑйӗн ҫине алӑ хурасси патне илсе ҫитернӗшӗн хӑйӗн ӗҫченӗсене вӑрах тӑхтамасӑр пуҫиле ӗҫ пуҫарма хушнӑ. Пуҫиле ӗҫе епле тӗпченине вӑл хӑй тӗрӗслесе тӑрӗ.

 

Пӑтӑрмахсем
photocentra.ru сӑнӳкерчӗкӗ
photocentra.ru сӑнӳкерчӗкӗ

Шупашкар районӗнче арҫын пурнӑҫӗ сарӑмсӑр татӑлнӑ.

Чӑваш Республикин шыравпа ҫӑлав службинче пӗлтернӗ тӑрӑх, утӑ уйӑхӗн 17-мӗшӗнче Анаткас Тӑрӑн ялӗнчи пӗверен путса вилнӗ арҫынна туртса кӑларнӑ. Вилене ҫалавҫӑсем вырӑна пырса ҫитнӗ полици ӗҫченӗсене панӑ.

Арҫын мӗн сӑлтавпа путнине, вӑл миҫере пулнине тата ыттине кӗске хыпарта ӑнлантарса-уҫӑмлатса тӑман.

 

Ҫул-йӗр
vk.com/dtpcheb сӑнӳкерчӗкӗ
vk.com/dtpcheb сӑнӳкерчӗкӗ

Паян Шупашкарти Эгер бульварӗнче виҫӗ машина пӗр-пӗринпе пырса ҫапӑннӑ. Инкекре ача аманнӑ.

Малтанласа палӑртнӑ тӑрӑх, грузовик «Ниссан» автомобильпе пырса ҫапӑннӑ, «Ниссан» – «Ларгуспа».

«Аварком 21» ҫӑлкуҫ пӗлтернӗ тӑрӑх, «Ларгус» автомобиль кӗтмен-туман ҫӗртен тепӗр йӗр ҫине кӗрсе кайнӑ. Ҫавна пула инкек сиксе тухнӑ тесе шухӑшлаҫҫӗ. Авари сӑлтавне специалистсем палӑртӗҫ.

Инкекре 2 ҫулхи ачана тухтӑрсен пулӑшӑвӗ кирлӗ пулса тухнӑ. Вӑл хӑш машинӑра ларса пынине хыпарта пӗлтермен.

Хыпар ҫӑлкуҫӗ: https://vk.com/dtpcheb
 

Хулара
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкарта электросамокатлӑ ҫынсем инкеке лекеҫҫӗ. Электросамокатлӑ ҫынсемпе ҫу тата ҫӗртме уйӑхӗсенче 34 инкек пулнӑ.

Асӑннӑ 34 тӗслӗхрен саккӑрӑшӗнче электросамокатпа пассажирсем ҫине пырса кӗнӗ. Шар курнисене тухтӑрсен пулӑшӑвӗ кирлӗ пулса тухнӑ.

Инкексенче ҫынсем электросамокатсем ҫинчен ӳксе аманаҫҫӗ: кӑкӑр шӑммине, пуҫне ыраттараҫҫӗ, аллисене тата янах шӑммине хуҫаҫҫӗ.

Ҫул-йӗр хӑрушсӑрлӑхӗн инспекторӗсем пӗлтернӗ тӑрӑх, 250 ватран пӗчӗкрех хӑватлӑ самокатсемпе ҫӳреме права кирлӗ мар. Вӗсемпе тротуар тӑрӑх ҫӳремелле, светофорӑн симӗс ҫутипе каҫнӑ чухне утмалла. Хӑватлӑраххисене мопедпа танлаштарнӑ.

 

Пӑтӑрмахсем
Сергей Павлов. gkchs.cap.ru сӑнӳкерчӗкӗ
Сергей Павлов. gkchs.cap.ru сӑнӳкерчӗкӗ

Кӑҫал ҫулталӑк пуҫланнӑранпа пирӗн республикӑра 17 ҫын шыва путса вилнӗ. Официаллӑ ҫак даннӑйсем – ҫӗртме уйӑхӗн 27-мӗшӗ тӗлне. Цифрӑсене ГКЧСӑн ертӳҫи Сергей Павлов пӗлтернӗ. Асӑннӑ 17 ҫын – арҫынсем.

6 ҫын шыва кӗмелли тапхӑр пуҫланичченех шар курнӑ. Вилнисен хушшинче 1 ача тата Атӑлта тиев турттаракан баржӑпа пырса ҫапӑннӑ катерта

пулнӑ 4 ҫын та пур.

Шыва путса вилнисен ҫулӗ ҫапларах: 18-а ҫитичченхисем – 3 ҫын (17,6%), 21-30 ҫулхисем – 1 ҫын (5,9%), 31-40 ҫулхисем – 4 ҫын (23,5%), 41-50 ҫулхисем – 4 ҫын (23,5%), 51-60 ҫулхисем – 1 ҫын (5,9%), 60 ҫултан аслисем – 4 ҫын (23,5%).

 

Пӑтӑрмахсем
21.mchs.gov.ru сӑнӳкерчӗкӗ
21.mchs.gov.ru сӑнӳкерчӗкӗ

Шупашкарти Совхоз урамӗнче (вӑл Ҫӗнӗ Лапсар посёлокӗнче) пушар тухнӑ. Инкекре 62 ҫулти арҫыннӑн тата унӑн 37 ҫулти хӗрӗн пурнӑҫӗ татӑлнӑ.

Совхоз урамӗнчи 25-мӗш ҫуртри виҫҫӗмӗш хутри икӗ пӳлӗмлӗ хваттер ҫуннӑ. Кил хуҫисемсӗр пуҫне тата виҫӗ ҫын шар курнӑ. Вӗсем — асӑннӑ хваттертен ҫӳллӗрех хутсенче пурӑнакансем. Пиллӗк хутлӑ ҫуртри тата 3 ҫынна ҫӑлавҫӑсем хулари Васкавлӑ медицина пулӑшӑвӗн больницин токсикологи уйрӑмне ӑсатнӑ.

Пушара сӳнтерме 3 машина пырса ҫитнӗ. «Хӗрлӗ автана» вӗсем ҫур сехетре лӑплантарнӑ.

Инкек сӑлтавне сӑнавлӑ пушар лабораторийӗн эксперчӗсем палӑртӗҫ.

 

Пӑтӑрмахсем
vk.com/kugesionline сӑнӳкерчӗкӗ
vk.com/kugesionline сӑнӳкерчӗкӗ

Шупашкар районӗнче пӗр арҫын плотинари шлюза кӗрсе ӳкнӗ.

Тӗнче тетелӗнчи халӑх ушкӑнӗсенчен пӗринчи «Кугеси | Общественный совет» (чӑв. Кӳкеҫ | Общество канашӗ) пабликра пӗлтернӗ тӑрӑх, шар курнин ури шуҫса кайнӑ та вӑл шлюза персе аннӑ. Аманмасӑр пулманах-тӑр. Инкек вырӑнӗнче полицейскисен тата васкавлӑ пулӑшу машинисем ларнине ӳкерсе илнӗ.

Пост авторӗ шлюза мӗншӗн хупламаҫҫӗ тесе ҫырнӑ та, теприсем мӗншӗн унта хӑпарса каймалла тесе шухӑшлаҫҫӗ.

Пӑтӑрмах Кӳкеҫри Колхоз урамӗ патӗнчи пӗвере пулса иртнӗ. Пӗлтӗр шлюза хӑма ҫапса хупланӑ имӗш, анчах шыв хӗрне канма пухӑнакансем ӑна сӳтсе шашлӑк пӗҫерме усӑ курнӑ-мӗн.

 

Страницӑсем: 1, 2, 3, 4, 5, 6, 7, [8], 9, 10, 11, 12, 13, 14, 15, 16, 17, 18, ... 51
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.03.2024 03:00) уяр ҫанталӑк, атмосфера пусӑмӗ 751 - 753 мм, 0 - -2 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 29

1925
99
Орлов Георгий Фёдорович, чӑваш сӑвӑҫи, ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
пӗтӗм кил-йышпа тухаҫҫӗ
хуҫа тарҫи
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
кил-йышри арҫын
ӑсатма тухни — ҫылӑх, юрамасть
хуҫа арӑмӗ
хуҫа хӑй
хуть те кам тухсан та